Makətūbə̄ ń Pol ndang adə̄ Rom gə̄ ní 3:21 - Bibəl ta Sar̄

²¹ Ba ngɔlaā Nə́ɓā ɔjəjí loo rāā ń rāājí adə̄ jə-téliī de kə́ gōtə́ gə̄ ta kumən tə́ kanjə̄ ndū najə̄ ní. Ndū najə̄ ngeé ń toō ō, ngé koō ta gə̄ ō, ədan̄ wáńg

Bible sar

²¹ Ba ngɔlaā Nə́ɓā ɔjəjí loo rāā ń rāājí adə̄ jə-téliī de kə́ gōtə́ gə̄ ta kumən tə́ kanjə̄ *ndū najə̄ ní. Ndū najə̄ ngeé ń toō ō, *ngé koō ta gə̄ ō, ədan̄ wáńg

Makətūbə̄ ń Pol ndang adə̄ Rom gə̄ ní 3:21 Referans Kwoze

KƏLA RĀĀ 10:43

Ngé koō ta gə̄ malang ɔrə̄n̄ najə̄ yān ədan̄ na náā nəkɔ́ ń taā kemən ní mā̰ȳn̄ rɔ̄də́ dɔ majaĺ yān gə̄ tə́ kə ta kūl̄ rīneé.

JEREMI 33:16

Ɓāl̄ yān tə́ ní, ngán Juda gə̄ a ajən̄ ō, de kə́ Jerusalem gə̄ a ndin̄ kanjə̄ kadə̄ yá̰á̰ kógə̄ḿ a̰ȳ ndíĺdə́ ō. Rī ń de gə̄ a ɓārə́n̄neé Jerusalem ní n toó: Kɔ́ɔ̄ɓē i nge rāājí kadə̄ jə-téliī de kə́ gōtə́ gə̄.

PILIPƏ 3:9

Ɓoo naā yājí seneé i ɓoo naā kə́ líbə́ri a mān̄ mbo̰ō̰ tə́ alé. Loo ń noō tə́ m̄-tél de kə́ nge rāā yá̰á̰ kə́ gō tə́ ta kum Nə́ɓā tə́, i kə ta kūl̄ rāā kə́ m̄-rāā yá̰a̰ gə̄ ń ndū najə̄ yā Nə́ɓā əda ní to̰ alé, ba i kə ta kūl̄ taā kə́ m̄-taā kem Kərist. Yá̰á̰ kə́ gōtə́ ń noō i yā Nə́ɓā. I deē ń taā kem ní n Nə́ɓā rāān de kə́ gōtə́ tə́ ní.

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

IJAI 51:8

Yō̰ gə̄ a əsan̄də́ tītə̄ loo kəsa kūbə̄ beé ō, kur̄ gə̄ a əsan̄də́ tītə̄ loo kəsa bḭḭ̄ batə̄ kə́ yā kəjō kūbə̄ tə́ beé ō. Banī kajə ń m̄-reēń ní ta tɔ̄l̄ tan a gətóo ō, teē ɓəloó a to tām̄ yā de gə̄ malang ń a ojən̄də́ kem ɓāl̄ gə̄ ń a reēn̄ tə́ ní ō.

GALATƏ 3:8

Tá ndangən̄ kem makətūbə̄ yā Nə́ɓā tə́ kété na, Nə́ɓā a rāā kadə̄ de gə̄ ń i Jipə aĺ gə̄ ní, a télən̄ de kə́ súmūú gə̄ loo ń a taān̄ kem ní. I tām̄ najə̄ ń toō tə́ n ədan̄ Abəraham Najə̄ kə́ Majə ń toō kemeé na: Nápar de gə̄ malang a əngen̄ tɔ́r̄ ta i kə ta kūlīí ní.

Makətūbə̄ ń Pol ndang adə̄ Rom gə̄ ní 5:19

Tɔdɔ̄, tītə̄ ń de kə́ kal kógə̄ḿ beē mbātə́ najə̄ ta Nə́ɓā tə́, adə̄ de kə́ ngá̰ý gə̄ malang télən̄ń gíŕ ngé rāā majaĺ gə̄ ní, tītə̄ nəkɔ́ ń toō ɓáý to̰, de kə́ kal kógə̄ḿ beē a oō najə̄ ta Nə́ɓā tə́ yā kadə̄ de kə́ ngá̰ý gə̄ télnə̄ń de kə́ súmūú gə̄ ō.

Makətūbə̄ ń Pol ndang adə̄ Rom gə̄ ní 1:17

Tɔdɔ̄ Najə̄ kə́ Majə ɔjə loo rāā ń Nə́ɓā rāā de gə̄ adə̄ télən̄ de kə́ gōtə́ gə̄ ta kumən tə́ ní: I kə gō taā kemeé ngóy, ta kəla gíŕ tə́ bátə́ ta tɔ̄l̄ ta tə́, tītə̄ ń ndangən̄neé kem makətūbūú na: Deē ń i de kə́ gōtə́ ta kum Nə́ɓā tə́ kə ta kūl̄ taā kem yān ní, a ndi kə kumneé i kə ta kūl̄ taā kem.

Makətūbə̄ ń Pol ndang adə̄ Rom gə̄ ní 1:2

Najə̄ kə́ Majə ní sɔɔ̄ i dɔ Ngōnən Jeju Kərist ń i Kɔ́ɔ̄ɓē yājí ní. Nə́ɓā nəkɔ́ ənī míndən najə̄n tə́ kété kɔ̄ɔ́, adə̄ ngé koō ta yān gə̄ ndangən̄ kem makətūbə̄ yān tə́.

KƏLA RĀĀ 15:11

Tá jə-taāī kem kadə̄ Kɔ́ɔ̄ɓē Jeju rāā i kem majə sejí n ajəńjí tītə̄ ń ajəńdə́ nin̄ ō ní.

IJAI 46:13

m̄-rāā adə̄ yá̰a̰ rāā kə́ gōtə́ yāḿ a reē noó, ni i sa̰y to̰ alé. Dɔ teē ɓəloó i ngɔr. I mə̄kɔ́ n m-ā m-āwń kem ɓē kə́ Siyo̰ tə́ ní. A̰á̰ā̰, m-ādə̄ Israel yá̰á̰ kógə̄ḿ kə́ majə ngá̰ý.

Najə̄ kə́ Majə yā Jeju ń Luk ndang ní 24:44

Gō tə́ anī, ni-ədadə́ na: Najə̄ gə̄ ń m-ə́dásí dan ń mā i sesí ní n toó: I gáŕ kadə̄ m̄-tɔ̄l̄ ta yá̰a̰ malang ń i kə́ ɔjə dɔḿ mā kem makətūbə̄ ndū najə̄ yā Moijə tə́ ō, yā ngé koō ta gə̄ tə́ ō, kem makətūbə̄ Pā gə̄ tə́ ō ní.

2 PIYER 1:1

I mā Simo̰ Piyer ń i nge kəla yā Jeju Kərist ō, ngōmbang kəla yān ō ní n m̄-ndang makətūbə̄ ń toō m-ə́lań m-ādə̄ ngé gə̄ ń əngen̄ taā kem kə́ gātə̄n i ngá̰ý tītə̄ yājí, kə ta kūl̄ kəla kə́ gōtə́ yā Nə́ɓā yājí ō, Jeju Kərist nge kajəjí ō ní.

1 PIYER 1:10

Ngé koō ta gə̄ sāān̄ gír najə̄ kə́ dɔ kajə ngeé ń toō tə́ ō, əndān̄ ma̰y ō. Adə̄ yá̰á̰ ń Nə́ɓā a rāā yā kadə̄sí karī ní, ni-əndā najə̄n tadə́ tə́ adə̄ ədan̄ kété.

GALATƏ 5:5

Kə́ tām̄ yājí tə́ tā anī, j-a jə-ngóō kə ngangāá kə ta kūl̄ Ndíl kadə̄ Nə́ɓā rāājí adə̄ jə-tél de kə́ súmūú gə̄ ta kumən tə́, tītə̄ ń j-əndāń kemjí dɔ tə́ ní.

Makətūbə̄ ń Pol ndang adə̄ Rom gə̄ ní 16:26

Yá̰á̰ ní rāā yá̰a̰ kem ndɔ̄ yājí gə̄ ń toō tə́ adə̄ to i kə̄ dɔ ndágá. Tītə̄ ń Nə́ɓā kə́ ndi ngándáńg əda ń yá̰a̰ gə̄ kə́ ɔsə kə de gēé kadə̄ rāān̄ ní, nápar de gə̄ malang gerə̄n̄ najə̄ ní ta kūl̄ najə̄ gə̄ ń ngé koō ta gə̄ ndangən̄ ní, yā kadə̄ ré nin̄-taān̄ kem anī oōn̄ ta Nə́ɓā.

KƏLA RĀĀ 26:22

Banī Nə́ɓā ngɔ̄mə̄m̄ bátə́ ɓōólaā, adə̄ m̄-ra laā ɓáý kadə̄ yá̰a̰ gə̄ ń mā i kum tə́ á m-á̰a̰ā̰ ní, m-ə́da de gə̄ malang, de kə́ dūú gə̄ ō, de kə́ bo gə̄ ō. Mā m-ə́dá yá̰á̰ kógə̄ḿ kə́ rang alé, ba i yá̰á̰ ń ngé koō ta gə̄ ō, Moijə ō, ədan̄ na a reē ní.

JA̰A̰ 1:45

Pilipə ənge Natanayel anī ədan na: J-ənge nge ń ɔrə̄n̄ najə̄ yān kem makətūbə̄ ndū najə̄ yā Moijə tə́ ō, kem makətūbə̄ yā ngé koō ta gə̄ tə́ ō ní: I Jeju ngōn̄ Jəjep kə́ Najaret.

DANIEL 9:24

Gāngə̄n̄ ɓāl̄ sīrí dɔ gír deē yāí gə̄ tə́ ō, dɔ ɓē yāí kə́ táĺ tə́ ō, yā rāań kadə̄ gír mbātə́ najə̄ gān̄g, kadə̄ gír rāā yá̰á̰ kə́ majaĺ gān̄g ō, kadə̄ Nə́ɓā mā̰yń rɔ̄n dɔ majaĺ gə̄ tə́ ō, kadə̄ yá̰á̰ kə́ gōtə́ kə́ ngándáńg ɔjəń rɔ̄n kə̄ ndágá ō, kadə̄ yá̰á̰ kə́ ka̰ā̰ ō najə̄ ń nge koō ta əda ní ō reē udən̄neé gíŕ kə́ rɔ̄ tə́ ō, kadə̄ urən̄neé yibə̄ dɔ loo kə́ táĺ ngá̰ý tə́ ō.

IJAI 54:17

Yá̰a̰ rɔ̄ɔ̄ gə̄ ń rāān̄ yā kənīīneé rɔ̄ɔ̄ ní, nge kógə̄ḿ kə́ asə rāāī yá̰á̰ kə́ majaĺ gətóo. Ba ré deē kógə̄ḿ ndigə sekíī loo gān̄g sarya tə́ anī, ā ásə kɔjə kadə̄ najə̄ əhɔn. Núsə́ yá̰á̰ ń m̄-ngɔ̄m̄ tām̄ yā ngé kəla yāḿ gə̄ tə́ ní n noó, loo gān̄g ń m̄-gān̄g sarya yādə́ kə gōó ní n noó. Najə̄ ń Kɔ́ɔ̄ɓē əda ní n noó.

TA KƏLA 15:6

Abəram taā kem Kɔ́ɔ̄ɓē, adə̄ i tām̄ ń noō tə́ n Kɔ́ɔ̄ɓē rāānəń de kə́ súmūú tə́ ní.

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

1 KORḚNTƏ 1:30

Banī Nə́ɓā ɓoosí naā tə́ kə Jeju Kərist ō, ni-rāā Kərist ní i kum kedə̄ yājí kə́ ḭḭ rɔ̄ Nə́ɓā tə́ ō, yá̰á̰ kə́ gōtə́ yājí tə́ ō, kə́ kɔr̄ kam̄ tām̄ yā Nə́ɓā yājí tə́ ō, gān̄g dɔ yājí tə́ ō.

Makətūbə̄ ń Pol ndang adə̄ Rom gə̄ ní 9:30

I beé ní kə j-ədaī na i rí tā? Yá̰á̰ ń kadə̄ j-ədaī ní n toó: De gə̄ ń nin̄ i Jipə aĺ gə̄ ō, sāān̄ kadə̄ kə n-télən̄ de kə́ gōtə́ gə̄ ta kum Nə́ɓā tə́ aĺ ō ní, ngɔlaā télən̄ de kə́ gōtə́ gə̄ ta kum Nə́ɓā tə́ tām̄ nin̄-taān̄ kem.

Makətūbə̄ ń Pol ndang adə̄ Rom gə̄ ní 5:21

Adə̄ loo ń noō tə́ ní, tītə̄ ń majaĺ taā loo kə yoó ní, tītə̄ ń noō ɓáý to̰ rajə yā Nə́ɓā a o̰o̰ ɓē kə ta kūl̄ yá̰á̰ kə́ gōtə́ yā kaw̄ń sejí tū ndi kə kumuú kə́ ngáńdáńg tə́, kə ta kūl̄ Kɔ́ɔ̄ɓē yājí Jeju Kərist ō.

KƏLA RĀĀ 28:23

Nin̄-oōn̄ naā kə Poló dɔ ndɔ̄ kógə̄ḿ tə́, ba reēn̄ ngá̰ý tɔȳ kə́ kété əngenən̄ kem kújə yān tə́ ndɔ̄ ngeé ń noō tə́. Ni-ɔr̄ najə̄ sedə́ dəloí bátə́ loo sɔl̄ dɔn tə́, ɔjədə́ najə̄ kə́ dɔ Ɓē ko̰o̰ yā Nə́ɓā tə́ ō, sāā kəhɔdə́ kə najá kadə̄ taān̄ kem Jeju ō. Ni-əla gír sedə́ i dɔ ndū najə̄ yā Moijə tə́ bátə́ teēń dɔ ngé koō ta gə̄ tə́.

Makətūbə̄ ń Pol ndang adə̄ Rom gə̄ ní 3:28

Tɔdɔ̄ jə-ger̄ kadə̄ deē a tél de kə́ súmūú ta kum Nə́ɓā tə́ i kə gō taā kem yānneé, banī i kə gō rāā ń a rāā yá̰a̰ gə̄ ń ndū najə̄ yā Moijə əda tə́ ní alé.

2 KORḚNTƏ 3:9

Ré kɔsə gɔn yā kəla gān̄g saryaá dɔ de gə̄ tə́ to anī, kəla ń rāā adə̄ de gə̄ télən̄ de kə́ gōtə́ gə̄ ta kum Nə́ɓā tə́ ní tá kɔsə gɔn yān i ngá̰ý tɔȳ aĺ a!