Makətūbə̄ ń Pol ndang adə̄ Rom gə̄ ní 3:2 - Bibəl ta Sar̄

² Jipə gə̄ tɔȳn̄ de kə́ rang gə̄ i kə yá̰a̰ malang. Tɔdɔ̄ i nin̄ n Nə́ɓā ədadə́ najə̄ kété kadə̄ ngɔ̄mə̄n̄ ní.

Bible sar

² Jipə gə̄ tɔȳn̄ de kə́ rang gə̄ i kə yá̰a̰ malang. Tɔdɔ̄ i nin̄ n Nə́ɓā ədadə́ najə̄ kété kadə̄ ngɔ̄mə̄n̄ ní.

Makətūbə̄ ń Pol ndang adə̄ Rom gə̄ ní 3:2 Referans Kwoze

Makətūbə̄ ń Pol ndang adə̄ Rom gə̄ ní 9:4

Tām̄ nin̄ i ngán Israel gə̄: Nə́ɓā rāādə́ i ngánən gə̄ tə́ ō, adə̄də́ kɔsə gɔn yān ō, rāā madə̄ naā sedə́ ō, adə̄də́ ndū najə̄ yān gə̄ ō, ɔjədə́ loo rāā kəla kadə̄n ō, ənī míndən yā kadə̄də́ yá̰a̰ gə̄ ō.

KƏLA RĀĀ 7:38

Dan ń ngán Israel gə̄ kánə̄n̄ naā kem dəla loo tə́ ní, i ni n i nge ra mbənā kaají gə̄ tə́ kə de kə́ dɔ rā̰ tə́ ń a ɔr̄ najə̄ seneé dɔ mbal̄ Sinai tə́ ní. I ni n taā najə̄ kə́ a rāā deē kadə̄ ndi kə kumneé adə̄jí ní.

HEBƏRO 5:12

Dan i ngá̰ý kɔ̄ɔ́ adə̄ majə kadə̄ sḭḭ̄ i ngé ndóō de gə̄ yá̰a̰ tā, banī ī-sāāī kadə̄ téĺ ndóōn̄sí yá̰á̰ ndóō kə́ ta kəga dɔ gə̄ kə́ tū najə̄ yā Nə́ɓā ɓáý to̰. Āwī bátə́ ī-sāāī mba yā ka̰ȳ, ba i yá̰á̰ kəsa kə́ ngan̄g yā kəsa alé.

1 KORḚNTƏ 9:17

Ré m-ɔ́jə de gə̄ i kə gō kem ndigə yāḿ mə̄kɔ́ anī, m-ásə kənge yá̰a̰ kəndā nja yāḿ. Ba dan ń i gáŕ kadə̄ m-ɔ́jə́ ní, i kəla kə́ əndān̄ i dɔḿ tə́.

1 PIYER 4:11

Ré deē kógə̄ḿ a ɔr̄ najə̄ anī, majə kadə̄ i yá̰a̰ gə̄ ń Nə́ɓā əda ní n ni-əda de gə̄ ní. Ré deē kógə̄ḿ a rāā kə de gēé anī, majə kadə̄ i kə tɔ́gə́ ń Nə́ɓā adə̄n ní. Yā kadə̄ tū yá̰a̰ gə̄ tə́ malang ɓáa kɔsə gɔn i yā Nə́ɓā kə ta kūl̄ Jeju Kərist, ni ń kɔsə gɔn ō, ndi dɔ de gə̄ tə́ ō, i yān kə dɔ ɓāl̄ gə̄ ɓāl̄ gə̄ ní. Adə̄ i tītə̄ ń noō!

JEJU TEĒ KUM JA̰A̰ 22:6

Gō tə́ anī de kə́ dɔ rā̰ tə́ ní ədam̄ na najə̄ ń toō i najə̄ kə́ rɔ̄kum ō, asə kadə̄ deē taā kem ō. Ba Kɔ́ɔ̄ɓē Nə́ɓā ń i nge kəndā najə̄ ta ngé koō ta gə̄ tə́ ní, əla deē yān kə́ dɔ rā̰ tə́ kadə̄ ɔjə ngé kəla yān gə̄ yá̰á̰ ń a rāā yā rāā yá̰a̰ ngɔr ní.

JEJU TEĒ KUM JA̰A̰ 19:10

Loo ń noō tə́ m-ə̄sō m-ɔ́sə noḿ nang tə́ kə̄ njan tə́ yā rɔȳnəń, anī ni-ədam̄ na kə m̄-lōō rāā beé na ni na i nge kəla madə́ḿ ō, nge kəla madə̄ ngákó̰ó̰ḿ gə̄ kə́ ngé ngɔ̄m̄ najə̄ kə́ kum tə́ yā Jeju ō. I Nə́ɓā n kadə̄ ī-rɔȳn ní. Tɔdɔ̄ najə̄ kə́ kum tə́ yā Jeju, i ndíĺ ń a rāā kadə̄ deē əda najə̄ kə́ Nə́ɓā əndā tan tə́ ní.

1 TIMOTE 6:20

Ɓɔ́ Timote, yá̰a̰ ɓɔ̄ɔ̄ ní, ī-ngɔ̄m̄ ādə̄ to kə taá. Ī-mbātə́ kɔr̄ najə̄ kə́ kanjə̄ kumən gə̄, tɔdɔ̄ najə̄ gə̄ ní mbātə́n̄ naā kə taā kemeé ō, ī-mbātə́ najə̄ kə́ kɔy kə̄ naā tə́ ń i yá̰a̰ ger̄ kə́ rɔ̄kum aĺ ní ō.

GALATƏ 2:7

Banī nin̄-a̰ā̰n̄ kadə̄ Nə́ɓā adə̄m̄ mā kəla kɔjə de gə̄ ń nin̄ i Jipə aĺ gə̄ ní Najə̄ kə́ Majə, tītə̄ ń adə̄ń Piyer kəla kɔjə Jipə gə̄ Najə̄ kə́ Majə ní.

2 KORḚNTƏ 5:19

Tɔdɔ̄ kété Nə́ɓā rāā kəla kə ta kūl̄ Kərist, əndāń de gə̄ malang naā tə́ seneé, kanjə̄ kəhɔ gíŕ yá̰á̰ kə́ gō tə́ aĺ gə̄ ń nin̄-rāān̄ ní. Ba kəla kəndā de gə̄ naā tə́ seneé ngeé ń toō ní, ni-əndā kəla kəda de gə̄ najə̄n dɔjí tə́.

Makətūbə̄ ń Pol ndang adə̄ Rom gə̄ ní 3:3

Ba ré ngé kə́rēý gə̄ dandə́ tə́ ngɔ̄mə̄n̄ najə̄ gə̄ ń toō aĺ anī, kə yā kəda na i rí? Kadə̄ Nə́ɓā na a ndi dɔ míndən tə́ alé tām̄ nin̄ na ngɔ̄mə̄n̄ najə̄ yān gə̄ alé a?

Makətūbə̄ ń Pol ndang adə̄ Rom gə̄ ní 2:18

ī-ger̄ gō kem ndigə yā Nə́ɓā ō, ndū najə̄ ɔjiī loo gə̄rā yá̰á̰ kə́ só tə́ ō,

Makətūbə̄ ń Pol ndang adə̄ Rom gə̄ ní 1:2

Najə̄ kə́ Majə ní sɔɔ̄ i dɔ Ngōnən Jeju Kərist ń i Kɔ́ɔ̄ɓē yājí ní. Nə́ɓā nəkɔ́ ənī míndən najə̄n tə́ kété kɔ̄ɔ́, adə̄ ngé koō ta yān gə̄ ndangən̄ kem makətūbə̄ yān tə́.

JA̰A̰ 5:39

Sḭḭ̄ ī-ndəleī gír najə̄ yā Nə́ɓā, tɔdɔ̄ ī-gírī kadə̄ ā ī-ndiī kə́ kumsí ngándáńg i kə ta kūl̄neé. I makətūbə̄ gə̄ ngeé ń noō n ɔrə̄n̄ najə̄ kə́ kum tə́ yāḿ ní.

DANIEL 10:21

Banī yá̰á̰ ń ndagnən̄ kem makətūbə̄ najə̄ kə́ rɔ̄kum tə́ ní, m-ā m-ə́daī kété kadə̄ ōō. De kə́ rang kə́ rāā seḿ kadə̄ m̄-rɔ̄ɔń de gə̄ ń noō gətóo, ba i Misel ń i ngār yāsí ní ngóy.

IJAI 8:20

ī-tūr̄ ə́dain̄ na: Yá̰á̰ ń kadə̄ deē tél reē dɔ tə́ ní, i yá̰á̰ ndóō yā Kɔ́ɔ̄ɓē ō, i najə̄ yā Kɔ́ɔ̄ɓē ō. Deē ń a əda najə̄ ń noō aĺ ní, a a̰a̰ loo kə́ atə wororo kə́ ta gír loo tə́ alé.

PĀ GƏ̄ 119:140

Najə̄ yāí ɔjə tɔ́gən kə̄ ndágá rɔ̄kum ō, nge kəla yāí ndigə najə̄ yāí ngá̰ý ō.

Makətūbə̄ ń Pol ndang adə̄ Rom gə̄ ní 3:1

I yá̰á̰ rí n Jipə gə̄ tɔȳn̄ de kə́ rang gə̄ loo n tə́ ní? Kəja mɔtə a teē i rí?