Makətūbə̄ ń Pol ndang adə̄ Rom gə̄ ní 3:12 - Bibəl ta Sar̄

¹² Nin̄ malang əya̰n̄ róbə́ kə́ gō tə́ kɔ̄ɔ́, nin̄ malang télən̄ de kə́ rim gə̄. Nge kógə̄ḿ kə́ rāā yá̰á̰ kə́ majə gətóo, kal kógə̄ḿ lélék gə̄gē gətóo.

Bible sar

¹² Nin̄ malang əya̰n̄ róbə́ kə́ gō tə́ kɔ̄ɔ́, nin̄ malang télən̄ de kə́ rim gə̄. Nge kógə̄ḿ kə́ rāā yá̰á̰ kə́ majə gətóo, kal kógə̄ḿ lélék gə̄gē gətóo.

Makətūbə̄ ń Pol ndang adə̄ Rom gə̄ ní 3:12 Referans Kwoze

PĀ GƏ̄ 14:3

Nin̄ malang əya̰n̄ róbə́ kə́ majə kɔ̄ɔ́. Nin̄ malang i de kə́ nujə kɔ̄ɔ́ gə̄. De kógə̄ḿ dandə́ tə́ kə́ rāā yá̰a̰ kə gōó beē gətóo.

KOHELET 7:20

Tɔdɔ̄ de kə́ dɔ nang tə́ kə́ rāā yá̰a̰ malang súmūú kanjə̄ rāā yá̰á̰ kə́ majaĺ aĺ ní gətóo.

IJAI 64:6

Deē ɓāríī to̰ alé, deē ndól̄ dɔ ɓīī tə́ yā tə́ya̰ gōí tə́ to̰ alé. Tām̄ ī-ndigə ka̰a̰jí to̰ aĺ ō, ə́yá̰jí kem jī yá̰a̰ rāājí kə́ gōtə́ aĺ gə̄ tə́ ō.

IJAI 59:8

Sḭḭ̄ ī-gerī róbə kem sɔl̄ alé, loo ń sḭḭ̄ ī-njə̄rāī tū tə́ ní, deē a ənge yá̰á̰ kə́ súmūú tū tə́ alé. Sḭḭ̄ ī-rāāī róbə yāsí gə̄ ādə̄ rugən̄ ō, deē ń un róbə yāsí ní a ənge kem sɔl̄ aĺ bátə́ ō.

IJAI 53:6

Kété ní jḭḭ̄ malang jə-toī i tītə̄ batə̄ gə̄ kə́ tadə́ tḭ̄ḭ̄ kɔ̄ɔ́ beē, náā nəkɔ́ ɓáa un i róbə yān nəkɔ́. Ba Kɔ́ɔ̄ɓē tél kə yá̰a̰ rāājí jḭḭ̄ malang kə́ gōtə́ aĺ gə̄ əndā i dɔn ni tə́.

KOHELET 7:29

Banī yá̰á̰ ń m-ə́ngé ní á̰a̰ā̰ a? Nə́ɓā rāā de gə̄ adə̄ ran̄ súmūú, banī nin̄ tə́lan̄ yá̰a̰ naā tə́ adə̄ al̄ naā ngá̰ý.

1 PIYER 2:25

Tām̄ kété ní ī-toī i tītə̄ batə̄ kə́ ta tḭ̄ḭ̄ gə̄ beé. Ba ngɔlaā ní, sḭḭ̄ ī-tūrī rɔ̄sí kə̄ rɔ̄ nge kul̄sí tə́ ō, nge ngɔ̄m̄sí tə́ ō.

PILEMO̰ 1:11

Kété ni-teē yá̰a̰ tām̄ yāí tə́ alé, ba ngɔlaā a teē yá̰a̰ tām̄ yāí tə́, tītə̄ ń teēń yá̰a̰ tām̄ yāḿ tə́ ní.

EPEJƏ 2:3

Kété ní, jḭḭ̄ malang i dan de gə̄ ń noō tə́ ō. Tām̄ kété ní j-a jə-rāāī i háĺ kə́ majaĺ gə̄, adə̄ i yá̰a̰ gə̄ ń dā̰ rɔ̄jí gḛy ní ō, yá̰a̰ kə́ majaĺ gə̄ ń jə-gírī ní ō, jḭḭ̄ i ngáń ngé wōn̄g gə̄ tītə̄ yā gotə gə̄ ō.

TA KƏLA 1:31

Dan ń Nə́ɓā a̰a̰ yá̰a̰ malang ń ni-rāā ní anī, nelə̄n ngá̰ý. Loo tíbə nja i kógə̄ḿ ō, tīī nja i kógə̄ḿ ō, adə̄ i ndɔ̄ kə́ nge ko̰ mehḛ́.

MATIYE 25:30

Ba ə̄nīī nge kəla kə́ yalyō ń toō kum til tə́ ndágá, loo ń deē a nōō ō, a máyā̰ ngāngə̄n ō tū tə́ ní tə́.

JEREMI 2:13

Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.

PĀ GƏ̄ 53:1

Pā kə́ kem makətūbə̄ yā ngār yā gōsə̄ pā gə̄ tə́. Deē ā ə̄nīn i kə ndūí kə́ ɔjə kadə̄ rɔ̄í nelī alé. I pā yā Dabid kə́ yā ndóoń deē yá̰a̰.

Teē Ngán Israel gə̄ 32:8

na tɔ̄ɔ̄n̄ láẃ ngá̰ý bā̰ā̰ loo tɔ̄ɔ̄ tə́ kɔ̄ɔ́ dɔ róbə́ ń na n-ɔjədə́ tə́ ní. Na rāān̄ ngōn̄ man̄g tām̄ yādə́ tə́ kə lɔ́ŕ kə́ nō horoó. Na ɔsən̄ nodə́ nang tə́ non tə́ ō, na tunə̄n̄ yá̰a̰ adə̄nən̄ ō. Tá ədan̄ na i nə́ɓā yādə́ ń na teē sedə́ kem ɓē kə́ Ejiptə tə́ kɔ̄ɔ́ ní n noó ō.

PĀ GƏ̄ 53:3

Nə́ɓā ndi dɔ rā̰ tə́ ba əga kumən kə̄ nang tə́ əndāń ma̰ȳ de gə̄, yā ka̰a̰ ké nge kə́rēý kumən edə̄ sḛ́ý, adə̄ a sāā Nə́ɓā wa.

Makətūbə̄ ń Pol ndang adə̄ Rom gə̄ ní 3:11

De kə́ ger̄ najə̄ gətóo. Deē kógə̄ḿ kə́ sāā Nə́ɓā gətóo.

Makətūbə̄ ń Pol ndang adə̄ Rom gə̄ ní 3:13

Nga̰ā̰də́ i bāá ɓádə́ kə́ ta ra kə wōyōó. Nin̄ i ngé gól̄ loo kə tadə́ karī gə̄. Najə̄ kə́ tadə́ tə́ i tītə̄ kong lī beé.