Makətūbə̄ ń Pol ndang adə̄ Rom gə̄ ní 2:9 - Bibəl ta Sar̄

⁹ Deē malang ń rāā yá̰á̰ kə́ majaĺ ní a a̰a̰ tápə̄ ō, a ndi i kə sōlōó kəkəre ō. I Jipə gə̄ kété pá tá i de gə̄ ń nin̄ i Jipə aĺ gə̄ ní ō.

Bible sar

⁹ Deē malang ń rāā yá̰á̰ kə́ majaĺ ní a a̰a̰ tápə̄ ō, a ndi i kə sōlōó kəkəre ō. I *Jipə gə̄ kété pá tá i de gə̄ ń nin̄ i Jipə aĺ gə̄ ní ō.

Makətūbə̄ ń Pol ndang adə̄ Rom gə̄ ní 2:9 Referans Kwoze

1 PIYER 4:17

Tām̄ kum mbang gān̄g sarya ugə̄ kɔ̄ɔ́, ba i de gə̄ yā Nə́ɓā n a əlan̄ gír dɔdə́ tə́ ní. Ba ré sarya a əla gír i dɔjí jḭḭ̄ tə́ anī, ngé gə̄ ń mbātə́n̄ taā kem Najə̄ kə́ Majə yā Nə́ɓā ní, ta tɔ̄l̄ tadə́ a to i ba̰ý?

Makətūbə̄ ń Pol ndang adə̄ Rom gə̄ ní 1:16

Tɔdɔ̄ rɔ̄ḿ sɔlə̄m̄ loo kɔjə Najə̄ kə́ Majə tə́ alé. Najə̄ kə́ Majə i tɔ́gə yā Nə́ɓā kə́ yā kajəń deē malang ń a taā kem ní. Kété i Jipə gə̄, tá gō tə́ i de gə̄ ń nin̄ i Jipə aĺ gə̄ ní.

EJEKIEL 18:4

Tām̄ ndi kə kumuú yā de gə̄ kógə̄ḿ kógə̄ḿ i yá̰a̰ yāḿ mā. Ndi kə kumuú yā ngé kojə ngán gə̄ ō, yā ngán gə̄ ō, i yá̰a̰ yāḿ mā. I deē ń rāā majaĺ ní n sɔɔ̄ kadə̄ oy ní.

2 TESALONIK 1:6

Ngé gə̄ ń rāān̄ adə̄ wur kɔl əsō dɔsí tə́ ní, i gōtə́ kadə̄ Nə́ɓā rāā adə̄ wur kɔl əsō dɔdə́ tə́ ō.

Makətūbə̄ ń Pol ndang adə̄ Rom gə̄ ní 9:24

Tɔdɔ̄ jḭḭ̄ i kə́ Nə́ɓā ɓāŕjí i dan Jipə gə̄ tə́ ngóy alé, banī i dan nápar de kə́ rang gə̄ tə́ ō.

Makətūbə̄ ń Pol ndang adə̄ Rom gə̄ ní 2:10

Deē malang ń a rāā yá̰á̰ kə́ majə ní, ni a adə̄ a ənge kɔsə gɔn ō, kɔr ta ō, kem sɔl̄ lɔm ō. Jipə gə̄ a əngen̄ kété pá tá Gərek gə̄ a əngen̄ ɓáý,

KƏLA RĀĀ 3:26

Adə̄ Nə́ɓā teē kə nge kəla yānneé i tām̄ yāsí sḭḭ̄ tə́ ta kəga dɔ. Ni əlan i yā kadə̄ rāā majə sesí ō, tūr̄sí kógə̄ḿ kógə̄ḿ kɔ̄ɔ́ ta yá̰a̰ rāāsí kə́ majaĺ gə̄ tə́ ō.

Najə̄ kə́ Majə yā Jeju ń Luk ndang ní 24:47

na a ənīn̄ mbēr̄ kə rīneé yā kadə̄ nápar de gə̄ malang kə tūrə̄n̄ háĺdə́ kadə̄ Nə́ɓā māȳń rɔ̄n dɔdə́ tə́ ō, ba a əlan̄ gír na i dɔ ɓē kə́ Jerusalem tə́.

KOLOSƏ 3:11

Loo ń noō tə́ ní, loo kəda na: Nge ń toō na i Gərek aláa na i Jipə, nge ń toō na i de kə́ əja mɔtən aláa na i de kə́ əja mɔtən alé, nge ń toō na i tə̄rā, aláa na i tə̄rā kɔ̄r̄, nge ń toō na i ɓəlo, aláa na i kɔ́ɔ̄ rɔ̄n ní, gətóo. Ba yá̰á̰ ń i yá̰á̰ kə́ ngá̰ý ní i Kərist ń ndi kem de gə̄ tə́ malang ō, i nge rāā yá̰a̰ malang ō ní.

GALATƏ 3:28

Adə̄ dansí tə́ ní, kəda na de kə́ beé na i Jipə, ba de kə́ beé na i Gərek, de kə́ beé na i ɓəlo, ba de kə́ beé na i kɔ́ɔ̄ rɔ̄n, aláa kəda na ni ń toō na i de kə́ dəyá̰, ba ni ń toō na i kə́ dəngam ní, i yá̰á̰ kə́ kumən gətóo.

Makətūbə̄ ń Pol ndang adə̄ Rom gə̄ ní 10:12

Adə̄ yá̰á̰ kə́ ɔr̄ kam̄ de gə̄ kadə̄ i Jipə gə̄ ń toó aláa Gərek gə̄ n toó ní gətóo. Nin̄ malang ní Kɔ́ɔ̄ɓē yādə́ i kógə̄ḿ beē. De gə̄ malang ń a ɓāŕnən̄ ní ni a rāā majə sedə́ ngá̰ý.

KƏLA RĀĀ 28:28

Ní, ōōī majə: I de gə̄ kə́ nin̄ i Jipə aĺ gə̄ n əlan̄ kə kajə kə́ Nə́ɓā a ajə de gēé ń toō adə̄n̄də́ ní. Nin̄ a oōn̄!

KƏLA RĀĀ 28:17

Rāā ndɔ̄ mətá gō tə́ anī, Pol ɓāŕ Jipə kə́ bo bo gə̄ kə́ kem ɓē kə́ Rom tə́ ɓē looneé. Dan ń nin̄-ɔsən̄ dɔdə́ naā tə́ oy anī, ni ədadə́ na: Ngákó̰ó̰ḿ gə̄, m̄-rāā yá̰á̰ kógə̄ḿ kə́ majaĺ kə gír deē yājí gēé aĺ ō, kə yá̰a̰ kāgə̄ ɓē yā kaají gēé aĺ ō. Banī əhɔmə̄n̄ Jerusalem əlamə̄n̄ jī Rom gə̄ tə́.

KƏLA RĀĀ 26:20

Ba m-ɔ́jə de kə́ Damas gə̄ najə̄ ta kəga dɔ, gō tə́ anī i de kə́ Jerusalem gə̄ ō, de kə́ gō nang malang kə́ Jude tə́ ō, tá nápar de gə̄ ń nin̄ i Jipə aĺ gə̄ ní m-ɔ́jə́də́ najə̄ ō. M-ɔ́jə́də́ kadə̄ əya̰n̄ gíŕ yá̰a̰ rāādə́ kə́ majaĺ gə̄ kɔ̄ɔ́, ba kə tūrə̄n̄ rɔ̄də́ kə̄ rɔ̄ Nə́ɓā tə́ ō, kə rāān̄ yá̰á̰ kə́ ɔjə kadə̄ nin̄-əya̰n̄ majaĺ yādə́ gə̄ kɔ̄ɔ́ rɔ̄kum ō.

KƏLA RĀĀ 20:21

Najə̄ kə́ kum tə́ yāḿ ɓāŕ i Jipə gə̄ ō Gərek gə̄ ō kadə̄ tūrə̄n̄ rɔ̄də́ kə̄ rɔ̄ Nə́ɓā tə́ ō, kadə̄ taān̄ kem Kɔ́ɔ̄ɓē yājí Jeju ō.

KƏLA RĀĀ 13:26

Ngákó̰ó̰ḿ gə̄, sḭḭ̄ ngán kaa Abəraham gə̄ ō, sḭḭ̄ gə̄ ń ī-reēī laā i rāā kəlaá kadə̄ Nə́ɓā ō ní, najə̄ kajə ń toō əlan̄neé adə̄n̄jí i jḭḭ̄.

KƏLA RĀĀ 11:18

Dan ń nin̄-oōn̄ beé anī asədə́ kɔr̄ najə̄, ba ɔsən̄ gɔn Nə́ɓā ədan̄ na: Yá̰á̰ ní i tītə̄ ń toō rɔ̄kum tā, de gə̄ ń i Jipə aĺ gə̄ ní Nə́ɓā adə̄də́ ta róbə tūr̄ háĺdə́, yā kadə̄ nin̄-əngen̄neé ndi kə kumuú kə́ rɔ̄kum.

MATIYE 16:26

Ré deē ənge dɔ nang malang kə taá ba tḭ̄ḭ̄ ta rɔ̄n kɔ̄ɔ́ ní, a teēn i rí? Aláa i rí n, deē a ādə̄ kum gotə rɔ̄n yā gāngəń dɔ rɔ̄n ní?

AMOS 3:2

Dan gír kojə gə̄ malang kə́ dɔ nang tə́ ní, i sḭḭ̄ ngóy m-ə̄ndā kumḿ gíŕsí tə́ ní. I tām̄ najə̄ ń noō tə́ n m-ā m̄-rāāsí yá̰á̰ kógə̄ḿ, najə̄ yá̰a̰ rāāsí gə̄ malang kə́ majaĺ ngá̰ý tə́ ní.

2 YÁ̰A̰ GƏ̄ 6:23

Kɔ́ɔ̄ɓē, ḭ̄ ń ī-ndi dɔ rā̰ tə́ ní ōō najə̄. Ī-rāā yá̰á̰ kógə̄ḿ ī-gāngəń sarya kə́ dɔ dáń ngé kəla yāí gə̄ tə́. Deē ń najə̄ i dɔn tə́ ní, ī-rāā ādə̄ hál kɔ́ɔ̄ tél əsō dɔ kɔ́ɔ̄ tə́ ō, deē ń najə̄ gətóo dɔn tə́ ní, ɔ́jə kə̄ ndágá kadə̄ najə̄ gətóo dɔn tə́ ō, ī-rāā seneé kə gō hálən kə́ gōtə́ ō.

PĀ GƏ̄ 32:10

Yá̰á̰ kə́ tōr̄ ngá̰ý gə̄ a rāān̄ deē ń ɓōĺ ndíĺ Nə́ɓā aĺ ní. Ba Kɔ́ɔ̄ɓē a rāā kem majə kə deē ń əndā kemən dɔn tə́ ní ngándáńg.

Gōsə̄ najə̄ gə̄ 11:23

Yá̰á̰ ń de kə́ súmūú gə̄ a ndə̄ngān̄ ní i rāā yá̰á̰ kə́ goó majə ngóy, banī yá̰á̰ ń ngé kem ndul gə̄ əndān kemdə́ dɔ tə́ ní i yá̰á̰ kə́ a reē kə wōngōó dɔdə́ tə́.

EJEKIEL 22:31

Loo ń noō tə́ m̄-bə̄gā wōn̄g yāḿ kə́ ngá̰ý dɔdə́ tə́. m̄-rāā adə̄ nin̄ gətóon̄ kɔ̄ɔ́ kum hor wōn̄g ní tə́, m̄-rāā adə̄ nin̄ əgān̄ kə̄rā yá̰a̰ rāādə́ kə́ majaĺ gə̄. Najə̄ ń Kɔ́ɔ̄ɓē Nə́ɓā əda ní n noó.

Makətūbə̄ ń Pol ndang adə̄ Rom gə̄ ní 8:35

Táŕ ń Kərist táŕjí toō i náā n a ɔr̄jí kɔ̄ɔ́ tū tə́ ní? I wur kɔl a? Aké i rāā kə́ rāān̄jí adə̄ jə-ndiī kə sōlōó a? Aké i rāā kə́ rāān̄jí ndoō tə́ a? Aké i ɓō a? Aké i nal kə jə-nalī kūbə̄ ko̰ō̰jí a? Aké i yá̰á̰ kə́ to yo a? Aké i kaskar a?