Makətūbə̄ ń Pol ndang adə̄ Rom gə̄ ní 2:8 - Bibəl ta Sar̄

⁸ Ba ngé gə̄ ń i ngé mbātə́ najə̄ gə̄ á mbātə́n̄ najə̄ kə́ rɔ̄kum ba rāān̄ i yá̰á̰ kə́ súmūú aĺ gə̄ ní, wōn̄g yān ō, wur katə̄ yān ō, a reēn̄ dɔdə́ tə́.

Bible sar

⁸ Ba ngé gə̄ ń i ngé mbātə́ najə̄ gə̄ á mbātə́n̄ najə̄ kə́ rɔ̄kum ba rāān̄ i yá̰á̰ kə́ súmūú aĺ gə̄ ní, wōn̄g yān ō, wur katə̄ yān ō, a reēn̄ dɔdə́ tə́.

Makətūbə̄ ń Pol ndang adə̄ Rom gə̄ ní 2:8 Referans Kwoze

JEJU TEĒ KUM JA̰A̰ 16:19

Ɓē bo kēgə̄ naā tə́ gír loo mətá ō, ɓē gə̄ yā nápar de gə̄ tə́sōn̄ ō. Loo ń noō tə́ əga kem Nə́ɓā dɔ Babilon ń i ɓē kə́ bo ní tə́, yā kadə̄ ni-adə̄n kópə ń kasə wōn̄g yān a nēgə́ kemeé ní.

1 PIYER 4:17

Tām̄ kum mbang gān̄g sarya ugə̄ kɔ̄ɔ́, ba i de gə̄ yā Nə́ɓā n a əlan̄ gír dɔdə́ tə́ ní. Ba ré sarya a əla gír i dɔjí jḭḭ̄ tə́ anī, ngé gə̄ ń mbātə́n̄ taā kem Najə̄ kə́ Majə yā Nə́ɓā ní, ta tɔ̄l̄ tadə́ a to i ba̰ý?

2 TESALONIK 1:8

Ni a tél yā reē i kum hor kógə̄ḿ kə́ o̰o̰ tə́, yā dal ba̰ā̰ dɔ ngé ger̄ Nə́ɓā aĺ gə̄ tə́, adə̄ i dɔ ngé gə̄ ń sɔlə̄n̄ dɔdə́ kə̄ no Najə̄ kə́ Majə yā Kɔ́ɔ̄ɓē Jeju tə́ aĺ ní tə́.

Gōsə̄ najə̄ gə̄ 13:10

Kɔjə rɔ̄ a ənī kɔ̄l̄ dɔí ḭ̄ deē tə́ kə ndɔ̄ gə̄, ba kum kedə̄ i dām̄ yā de gə̄ ń ndigən̄ kadə̄ madə̄də́ gə̄ ɔjə̄n̄də́ ní.

JEJU TEĒ KUM JA̰A̰ 14:10

kɔ́ɔ̄ a a̰ȳ kasə nduú wōn̄g yā Nə́ɓā ō. Ɓōkə́n̄ kasə nduú ní kem kópə wōn̄g yā Nə́ɓā tə́ i kanjə̄ yá̰á̰ kə́ rang kum tə́. Adə̄ yá̰á̰ kə́ tōr̄ a rāā kɔ́ɔ̄ kum hor tə́ ō, kum bursu tə́ ō, ta kum de kə́ dɔ rā̰ tə́ kə́ táĺ gə̄ tə́ ō, ta kum Ngōn̄ batə̄ tə́ ō.

HEBƏRO 11:8

I kə ta kūl̄ taā kem n Abəraham oō ta Nə́ɓā dan ń ɓārə́n ní. Adə̄ ni-aw̄ dɔ nang ń Nə́ɓā a rāā yā kadə̄n kə́ yān tə́ ní tə́. Ni-ḭḭ aw̄ kanjə̄ ger̄ loo ń a aw̄ kə̄ tū tə́ ní tə́.

HEBƏRO 10:27

Yājí i yā kadə̄ ɓōĺ kə́ ngá̰ý rāājí tá jə-ngóōī i sarya ō, hor kə́ təngā ngá̰ý kə́ a o̰o̰ ngé ba̰ā̰ Nə́ɓā gə̄ ní ō.

HEBƏRO 5:9

Dan ń Nə́ɓā rāān adə̄ tél de kə́ majə ɔtə̄ kə taá oy anī, ngé gə̄ malang ń oōn̄ tan ní əngen̄ kajə kə́ ngándáńg kə ta kūl̄neé.

TITƏ 3:9

Banī ndəle gíŕ yá̰á̰ kə́ kanjə̄ kumən gə̄ ō, kɔr̄ gír kaa gə̄ ō, tṵ́ṵ̄ naā gə̄ ō, tɔ́tə̄ naā dɔ ndū najə̄ tə́ ń i yá̰á̰ kə́ teē yá̰a̰ aĺ ō, i yá̰á̰ kə́ kanjə̄ kumən gə̄ ō ní, ī-lōō kəla taí danaá.

1 KORḚNTƏ 11:16

Ba ré deē kógə̄ḿ gḛy nējə̄ najə̄ kə́ dɔ tə́ anī, jḭḭ ō, de gə̄ kə́ kem Egəlijə gə̄ yā Nə́ɓā tə́ ō, j-aw̄ kə jī bēl̄ loo rāā yá̰á̰ kə́ tītə̄ ń noō alé.

Makətūbə̄ ń Pol ndang adə̄ Rom gə̄ ní 15:18

Tɔdɔ̄ ré m̄-sāā kɔr̄ najə̄ kə́ dɔ yá̰á̰ kə́rēý tə́ anī, i yá̰á̰ ń Kərist rāā kə ta kūlə̄ḿ ní ngóy n m-ā m-ɔ̄r̄ najə̄ kə́ dɔ tə́ ní. Ni-rāā adə̄ ngé gə̄ ń nin̄ i Jipə aĺ gə̄ ní oōn̄ ta Nə́ɓā i kə ta kūlə̄ḿ. Ni-rāā yá̰á̰ ní i kə najá ō, i kə kəla kə́ rāāá ō,

Makətūbə̄ ń Pol ndang adə̄ Rom gə̄ ní 10:16

Ba ngé gə̄ ń ndigən̄ Najə̄ kə́ Majə ní i de gə̄ malang alé, tɔdɔ̄ Ijai əda na: Kɔ́ɔ̄ɓē i náā n taā kem najə̄ ń j-ɔjə ní?

Makətūbə̄ ń Pol ndang adə̄ Rom gə̄ ní 9:22

Nə́ɓā gḛy i kɔjə wōn̄g yān ō, tɔ́gən ō. Ɓá tā ba ni-tə́gā tan dɔ ngé gə̄ ń asə kadə̄ ni-rāā wōn̄g sedə́ ō, nujədə́ kɔ̄ɔ́ ō ní tə́.

Makətūbə̄ ń Pol ndang adə̄ Rom gə̄ ní 6:17

Banī ādə̄ jə-tɔ̄yī Nə́ɓā, tɔdɔ̄ kété ní sḭḭ̄ i ɓəlo gə̄ yā yá̰á̰ kə́ majaĺ, ba ngɔlaā sḭḭ̄ ōōī ta Nə́ɓā adə̄ ī-rāāī yá̰á̰ ń ndóōn̄sí ní kə ngarān̄g kemsí gēé malang.

Makətūbə̄ ń Pol ndang adə̄ Rom gə̄ ní 1:18

Nə́ɓā ndi dɔɔ́ dɔ rā̰ tə́ rāāń wōn̄g kə yá̰a̰ malang kə́ majaĺ ō, kə́ gō tə́ aĺ ō ń de gə̄ rāān̄ ní. Tɔdɔ̄ nin̄-ɔgə̄n̄ najə̄ kə́ rɔ̄kum rāā kəla sɔɔ̄ń yá̰a̰ rāādə́ kə́ majaĺ gə̄.

NAHUM 1:6

I náā n asə ra ta wōn̄g yān tə́ ní? I náā n asə ndi kə kumneé dan ń wōn̄g yān o̰o̰ yá̰a̰ malang kə́ hor tə́ ní? Wōn̄g ní taā loo tītə̄ hor kə́ o̰o̰ loo beé. Mbal̄ gə̄ njárə̄n̄ non tə́.

IJAI 50:10

I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.

PĀ GƏ̄ 90:11

I náā n asə ger̄ tɔ́gə wōn̄g yāí ní? Deē ń ɓōĺ ndílí ngá̰ý ní a ger̄ wōn̄g yāí majə!

Makətūbə̄ yā Job 24:13

Ngé rāā yá̰a̰ gə̄ ń noō i ngé mbātə́ najə̄ gō loo kə́ unjə̄ kow tə́ gə̄. Nin̄ gerə̄n̄ róbə gə̄ ń loo kə́ unjə̄ kow i tū tə́ ní aĺ ō, njə̄rān̄ dɔ róbə gə̄ ní tə́ aĺ ō.

1 PIYER 3:1

Sḭḭ̄ dəyá̰ gə̄, yāsí ń toó: Ōōī ta ngaasí gə̄ yā kadə̄ ká ré ngé kə́rēý gə̄ dandə́ tə́ mbātə́n̄ taā kem najə̄ yā Nə́ɓā gə̄gē anī, nin̄-taān̄ kem kə ta kūl̄ háĺsí, kanjə̄ kadə̄ ɔ̄rī najə̄ sedə́.

2 YÁ̰A̰ GƏ̄ 6:23

Kɔ́ɔ̄ɓē, ḭ̄ ń ī-ndi dɔ rā̰ tə́ ní ōō najə̄. Ī-rāā yá̰á̰ kógə̄ḿ ī-gāngəń sarya kə́ dɔ dáń ngé kəla yāí gə̄ tə́. Deē ń najə̄ i dɔn tə́ ní, ī-rāā ādə̄ hál kɔ́ɔ̄ tél əsō dɔ kɔ́ɔ̄ tə́ ō, deē ń najə̄ gətóo dɔn tə́ ní, ɔ́jə kə̄ ndágá kadə̄ najə̄ gətóo dɔn tə́ ō, ī-rāā seneé kə gō hálən kə́ gōtə́ ō.

Gōsə̄ najə̄ gə̄ 11:23

Yá̰á̰ ń de kə́ súmūú gə̄ a ndə̄ngān̄ ní i rāā yá̰á̰ kə́ goó majə ngóy, banī yá̰á̰ ń ngé kem ndul gə̄ əndān kemdə́ dɔ tə́ ní i yá̰á̰ kə́ a reē kə wōngōó dɔdə́ tə́.

JEREMI 34:18

Ngé ko̰o̰ ɓē kə́ Juda gə̄ ō, kə́ Jerusalem gə̄ ō, ngé kəla kə́ bo gə̄ ō, ngé tun̄ yá̰a̰ gə̄ ō, ngáń ngé ɓē gə̄ malang ō, njarən̄ duĺ man̄g kə́ tun̄ naā tə́ ba mānə̄n̄ danaá ənīn̄neé ndūdə́ adə̄mə̄n̄. Banī nin̄ ran̄ dɔ ndūdə́ ń ənīn̄ tə́ ní alé.

EJEKIEL 22:31

Loo ń noō tə́ m̄-bə̄gā wōn̄g yāḿ kə́ ngá̰ý dɔdə́ tə́. m̄-rāā adə̄ nin̄ gətóon̄ kɔ̄ɔ́ kum hor wōn̄g ní tə́, m̄-rāā adə̄ nin̄ əgān̄ kə̄rā yá̰a̰ rāādə́ kə́ majaĺ gə̄. Najə̄ ń Kɔ́ɔ̄ɓē Nə́ɓā əda ní n noó.

2 KORḚNTƏ 12:20

m̄-ɓōĺ najə̄ kadə̄ ré m-āw̄ loosí anī, m-ə́ngésí i tītə̄ ń m̄-gírəń ní aĺ ō, sḭḭ̄ ə́ngemī i tītə̄ ń ī-gírīneé ní aĺ ō. m̄-ɓōĺ najə̄ kadə̄ kɔ̄l̄ naā gə̄, kə kəndā naā nii gə̄, kə wōn̄g gə̄, kə rɔ̄ɔ̄ naā dɔ loo tə́ gə̄, kə tájə̄ naā gə̄, kə tām̄ kə naá gə̄, kə haalo gə̄, kə kɔjə rɔ̄ gə̄, kə yá̰á̰ kə́ a̰a̰ gō naā aĺ gə̄ ton̄ dɔ dáńsí tə́.

GALATƏ 5:20

rāā ɓesə̄ tə́ ō, rāā kəga tə́ ō, kim̄ naā tə́ ō, míndə kasə naā aĺ tə́ ō, kəndā naā nii tə́ ō, rāā wōn̄g tə́ ō, rɔ̄ɔ̄ naā dɔ yá̰á̰ tə́ ō, kɔ̄l̄ naā tə́ ō, gán̄g de gə̄ naā tə́ ō,

PILIPƏ 1:17

Ngé gə̄ ń noō nin̄-ɔjən̄ najə̄ yā Kərist i kə nií kemdə́ tə́. Gír̄ kə́ kemdə́ tə́ ń ɔjən̄neé najə̄ ní, i gír̄ kə́ unjə̄ njáý njáý alé. Nin̄-gírə̄n̄ rāā kadə̄ kə dəngáy yāḿ kə tōr̄ rɔ̄ḿ tɔȳ kə́ kété ɓáý.

PILIPƏ 2:3

Ī-rɔ̄ɔ̄ī naā dɔ yá̰á̰ tə́ alé, ī-lōōī rāā yá̰a̰ kə kɔjə rɔ̄ɔ́. Ba ī-sɔlī dɔsí kə̄ no naā tə́ ō, sḭḭ̄ kógə̄ḿ kógə̄ḿ ní ī-rāāī madə̄sí gə̄ de kə́ bo tɔȳsí gə̄ tə́ ō.

JAKƏ 3:14

Ba ré ə̄ndāī naā nii adə̄ wursí atə̄sí kárárá kə naá ō, ā ī-rɔ̄ɔ̄ī naā dɔ yá̰á̰ tə́ ō anī, ī-lōōī hítə̄ rɔ̄sí ō, nujə najə̄ kə́ rɔ̄kum kə sor̄ yāsí ō.

JAKƏ 3:16

Tɔdɔ̄ loo ń kəndā naā nii ō, rɔ̄ɔ̄ naā dɔ yá̰á̰ tə́ ō i tū tə́ ní, yá̰a̰ a a̰a̰ gō naā tū tə́ aĺ ō, yá̰á̰ kə́ majaĺ gə̄ malang i tū tə́ ō.