Makətūbə̄ ń Pol ndang adə̄ Rom gə̄ ní 2:7 - Bibəl ta Sar̄

⁷ Ngé gə̄ ń əhɔn̄ ngan̄g ba a sāān̄ kɔsə gɔnən ō kɔr tan ō, a sāān̄ yá̰á̰ kə́ a ndumən̄ aĺ gə̄ ō ní, ni a adə̄də́ ndi kə kumuú kə́ ngándáńg.

Bible sar

⁷ Ngé gə̄ ń əhɔn̄ ngan̄g ba a sāān̄ kɔsə gɔnən ō kɔr tan ō, a sāān̄ yá̰á̰ kə́ a ndumən̄ aĺ gə̄ ō ní, ni a adə̄də́ ndi kə kumuú kə́ ngándáńg.

Makətūbə̄ ń Pol ndang adə̄ Rom gə̄ ní 2:7 Referans Kwoze

Najə̄ kə́ Majə yā Jeju ń Luk ndang ní 8:15

Ngé gə̄ ń tə́sōn̄ nang kə́ majə tə́ ní, i ngé gə̄ ń oōn̄ najə̄ yā Nə́ɓā i kə kem kə́ súmūú ō, kə́ majə ō, əren̄ tadə́ nják ngɔ̄mə̄n̄ najə̄ ní adə̄ kumdə́ to ō ní.

2 TIMOTE 1:10

Ba ngɔlaā ń toō teēn̄ kumjí dɔ tə́ i kə ta kūl̄ nge kajəjí Kərist Jeju ń reē ní. Ni-nujə yo kɔ̄ɔ́ ba rāā adə̄ de kə́ ndi kə kumneé a oy alé i kə ta kūl̄ Najə̄ kə́ Majə.

1 KORḚNTƏ 15:58

I beé ní, sḭḭ̄ ń i ngákó̰ó̰ḿ gə̄ kə́ m̄-táŕsí ngá̰ý ní, ə́hɔī rɔ̄sí ngan̄g ō, ādī yá̰á̰ yókə̄sí aĺ ō. Ī-rāāī kəla yā Kɔ́ɔ̄ɓē kum kə̄ kété kété kanjə̄ dəba. Tɔdɔ̄ ī-gerī kadə̄ kəla ń ī-rāāī kə gō ɓoo naā yāsí kə́ kə Kɔ́ɔ̄ɓēé ní, i kəla kə́ ndāńg alé.

Makətūbə̄ ń Pol ndang adə̄ Rom gə̄ ní 6:23

Tɔdɔ̄ yá̰a̰ kəndā nja kə́ loo rāā majaĺ tə́ i yo, ba yá̰á̰ ń Nə́ɓā adə̄ karī ɔjəń dɔ tár yān ní, i ndi kə kumuú kə́ ngándáńg, kə gō ɓoo naā yājí kə Jeju Kərist Kɔ́ɔ̄ɓē yājí.

KOLOSƏ 1:27

Tɔdɔ̄ Nə́ɓā gḛy kɔjədə́ najə̄ yā yá̰á̰ kə́ to kɔsə gɔn kə́ to loo mundə̄ tə́ ń ni-rāā kə ta kūl̄ Kərist tām̄ yājí tə́ ní, kadə̄ gerə̄n̄. Dan de gə̄ ń nin̄ i Jipə aĺ gə̄ tə́ ní, yá̰á̰ kə́ to loo mundə̄ tə́ ngeé ń toō i Kərist. J-əndāī kemjí dɔ kɔsə gɔn yā Nə́ɓā tə́ i kə ta kūl̄neé.

GALATƏ 6:9

Jə-rāāī yá̰á̰ kə́ majə kanjə̄ kɔr loon tə́. Ré j-ɔriī ta kəla yājí tə́ aĺ anī, j-a j-əjaī kanə̄n loo ń ndɔ̄ a asə ní.

Makətūbə̄ ń Pol ndang adə̄ Rom gə̄ ní 8:18

Tɔdɔ̄ m̄-gír̄ kadə̄ yá̰á̰ kə́ tōr̄ gə̄ ń j-əngeī ngɔlaā ní, i yá̰á̰ kə́ karī kadə kɔsə gɔn kə́ to loo mundə̄ tə́ kemjí tə́ ń a ɔjə rɔ̄n kə̄ ndágá wáńg ɓáý ní.

Makətūbə̄ ń Pol ndang adə̄ Rom gə̄ ní 2:10

Deē malang ń a rāā yá̰á̰ kə́ majə ní, ni a adə̄ a ənge kɔsə gɔn ō, kɔr ta ō, kem sɔl̄ lɔm ō. Jipə gə̄ a əngen̄ kété pá tá Gərek gə̄ a əngen̄ ɓáý,

PĀ GƏ̄ 37:3

Ə̄ndā kemií dɔ Kɔ́ɔ̄ɓē tə́ ba ī-rāā yá̰á̰ kə́ majə, kadə̄ ī-ndiń dɔ nang ń Nə́ɓā adī tə́ ní ō, ə́sań yá̰a̰ ō, kanjə̄ sōl̄ yá̰á̰ kógə̄ḿ.

PĀ GƏ̄ 27:14

Ī-ngóō ta Kɔ́ɔ̄ɓē. Ə́hɔ rɔ̄í tɔgə ō, ə́hɔ kemií ngan̄g ō! Ī-ngóō ta Kɔ́ɔ̄ɓē.

1 JA̰A̰ 2:25

Ba míndən ń ənī adə̄jí ní, i kadə̄jí ndi kə kumuú kə́ ngándáńg.

Makətūbə̄ ń Pol ndang adə̄ Rom gə̄ ní 9:23

Nə́ɓā gḛy i kɔjə kɔsə gɔn yān kə́ to ɓōĺ ngá̰ý tām̄ yājí jḭḭ̄ ń kumən o̰o̰n sejí ō, jḭḭ̄ ń nəkɔ́ əndājí dɔ jīn kadə̄ j-udiī kem kɔsə gɔn yān tə́ ní ō.

JA̰A̰ 5:44

Sḭḭ̄ i ngé sāā kɔsə gɔn kə́ ḭḭ rɔ̄ naā tə́ gə̄, ba i ngé sāā kɔsə gɔn kə́ ḭḭ rɔ̄ Nə́ɓā tə́ ngóy aĺ ní, loo kadə̄ ā ī-taāī kem i ba̰ý?

PĀ GƏ̄ 37:34

Ré ī-tə́gā taí ba ī-ngóō Kɔ́ɔ̄ɓē ō, un gō róbə́ yān ō anī, ni a ɔsiī kə̄ dɔɔ́ kadə̄ ḭ̄ i kɔ́ɔ̄ dɔ nang ń ni-ənī míndən yā kadī ní ō, ā á̰á̰ ngé kem ndul gə̄ ń ɔrə̄n̄də́ kɔ̄ɔ́ ní ō.

Makətūbə̄ yā Job 17:9

Banī de kə́ gōtə́ əhɔ háĺ kə́ gōtə́ yān jīn jōó ō, ādə̄ deē ń jīn unjə̄ njáý njáý ní, əhɔ rɔ̄n tɔgə loo nja kə́ jōó tə́ ō.

HEBƏRO 6:15

Dan ń Abəraham tə́gā tan ndi ngóoń ta ní, ni-ənge yá̰á̰ ń Nə́ɓā ənī míndən yā kadə̄n ní.

HEBƏRO 6:12

Jə-ndigə kadə̄ ī-téliī de kə́ yay gə̄ alé, banī kadə̄ ī-ndájī ngé gə̄ ń taān̄ kem ō, tə́gān̄ tadə́ ō ní. Ngé gə̄ ń noō əngen̄ yá̰á̰ ń Nə́ɓā ənī míndən yā kadə̄ ní.

EJEKIEL 18:17

Ni tūr̄ gidən kɔ̄ɔ́ ta yá̰a̰ rāā kə́ gōtə́ aĺ tə́ ō, ni-adə̄ nar yān loo tə̄nā tə́ yā kəngeń manə̄n dɔ tə́ aĺ ō, yā kəngeń yá̰á̰ kógə̄ḿ gírí aĺ ō. Ni un gō jī bēl̄ loo rāā yá̰a̰ yān gə̄ ō, ni-rāā yá̰a̰ gə̄ ń ndū najə̄ yāḿ gə̄ ədan̄ ní ō. Ní, de kə́ beē a oy najə̄ yá̰á̰ kə́ gōtə́ aĺ gə̄ ń bɔbə̄n rāā tə́ ní a? I rɔ̄kum kadə̄ ni a oy najə̄n tə́ alé, ba a ndi kə kumneé.

MATIYE 25:46

Anī de gə̄ ní a aw̄n̄ yā kənge ndéý kə́ dan gān̄g aĺ tām̄ yā majaĺ yādə́ tə́ ō, de kə́ súmūú gə̄ a aw̄n̄ loo kə́ deē a ndi kə kumneé tū tə́ ngándáńg tə́ ō.

Najə̄ kə́ Majə yā Jeju ń Luk ndang ní 21:19

I kəhɔ rɔ̄ tɔgə yāsí n a ajəsí.

JA̰A̰ 4:36

Nge sāā kōō ənge yá̰a̰ kəndā nja yān kɔ̄ɔ́ o, ni-kán̄ kum kōō ní kə̄ naā tə́ tām̄ yā ndi kə kumuú kə́ ngándáńg tə́ ō. Adə̄ nge dubə̄ kōō, ō nge sāā kōō ō, əngen̄ rɔ̄nel̄ mbak.

1 KORḚNTƏ 15:42

A to i beé ndɔ̄ ń de kə́ koy gə̄ a ndólə̄n̄neé tə́ ní ō. Rɔ̄ ń dubə̄n̄ ní i rɔ̄ kə́ a oy, banī rɔ̄ ń oy tá ndól̄ ní, i rɔ̄ kə́ a oy to̰ alé.

1 KORḚNTƏ 15:50

Ngákó̰ó̰ḿ gə̄, yá̰á̰ ń m̄-gḛy kəda ní n toó: Dā̰ rɔ̄ ō mósə ō asən̄ kənge Ɓē ko̰o̰ yā Nə́ɓā aĺ ō, yá̰á̰ kə́ ndum asə kənge yá̰á̰ kə́ a ndum aĺ aĺ ō.

EPEJƏ 6:24

De gə̄ malang ń tárən̄ Kɔ́ɔ̄ɓē yājí Jeju Kərist kə táŕ kə́ a to ngándáńg ní, ādə̄ Nə́ɓā rāā kem majə sedə́.

1 TIMOTE 1:17

Mban̄g kə́ nge ndi kə dɔ ɓāl̄ gə̄ ɓāl̄ gə̄ ń i Nə́ɓā kə́ a oy aĺ ō, kum deē a̰a̰n aĺ ō, ni i kal kógə̄ḿ beē ō ní, ādə̄ de gə̄ rɔȳnən̄ ō, ɔsən̄ gɔnən ō, kə dɔ ɓāl̄ gə̄ ɓāl̄ gə̄. Adə̄ i tītə̄ ń noō!

HEBƏRO 2:7

Ḭ̄ ī-tél seneé kə̄ nang tə́, ādə̄ de kə́ dɔ rā̰ tə́ gə̄ tɔȳnən̄ sḛ́ý. Ḭ̄ ə́la jākā kɔsə gɔn ō, jākā rɔȳ ō dɔn tə́.