Makətūbə̄ ń Pol ndang adə̄ Rom gə̄ ní 2:5 - Bibəl ta Sar̄

⁵ Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

Bible sar

⁵ Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

Makətūbə̄ ń Pol ndang adə̄ Rom gə̄ ní 2:5 Referans Kwoze

Makətūbə̄ ń Pol ndang adə̄ Rom gə̄ ní 1:18

Nə́ɓā ndi dɔɔ́ dɔ rā̰ tə́ rāāń wōn̄g kə yá̰a̰ malang kə́ majaĺ ō, kə́ gō tə́ aĺ ō ń de gə̄ rāān̄ ní. Tɔdɔ̄ nin̄-ɔgə̄n̄ najə̄ kə́ rɔ̄kum rāā kəla sɔɔ̄ń yá̰a̰ rāādə́ kə́ majaĺ gə̄.

KOHELET 12:14

Tɔdɔ̄ Nə́ɓā a aw̄ kə yá̰a̰ malang loo sarya tə́, yá̰á̰ kə́ to loo mundə̄ tə́ gə̄gē, ká i kə́ majə aké i kə́ majaĺ gə̄ gē anī ni a aw̄ń loo sarya tə́.

Makətūbə̄ ń Jud ndang ní 1:6

Ādə̄ əgā kemsí dɔ tə́ na de kə́ dɔ rā̰ tə́ gə̄ ń əya̰n̄ loo kə́ bo yādə́ ba ndɔ́tə̄n̄ kɔ̄ɔ́ loo ndidə́ tə́ ní, Nə́ɓā ngɔ̄m̄də́ gírí nang tə́, kum loo kə́ risə til nding tə́, kə súĺ kə́ a to ngándáńg, tām̄ yā ndɔ̄ ngān̄g sarya kə́ bo tə́.

2 PIYER 3:7

Banī dɔ rā̰ kə́ ngɔr ń toō tə́ ō, dɔ nang kə́ ngɔr ń toō tə́ ō ní, najə̄ yā Nə́ɓā kə́ kógə̄ḿ beē nəkɔ́ ń toō ngɔ̄m̄də́ i tām̄ yā hor tə́, yā kadə̄ hor nujəń kɔ̄ɔ́. Ngɔ̄mə̄n̄də́ i tām̄ yā ndɔ̄ ń a gāngə̄n̄neé sarya dɔ ngé kem ndul gə̄ tə́ ō, a nujən̄neé sedə́ kɔ̄ɔ́ ō ní tə́.

HEBƏRO 3:15

Tɔdɔ̄ ədan̄ na: Ɓōólaā ré ōōī ndū Nə́ɓā anī, ī-lōōī rāā dɔ ngan̄g tītə̄ kə́ ndɔ̄ kəsō wōn̄g tə́.

NDŪ NAJƏ̄ 32:34

Yá̰á̰ ń mā Kɔ́ɔ̄ɓē m-ə̄ndā dɔ danaá jəke loo mundə̄ tə́ ní n toó, yá̰á̰ ń m̄-ngɔ̄m̄ tām̄ yādə́ tə́ ní n toó.

2 PIYER 2:9

Kumən na Kɔ́ɔ̄ɓē asə kɔr̄ de kə́ ngé rāā yá̰a̰ kə gō ń ni-ndigə ní gə̄ kum yá̰a̰ nāā tə́ ō, asə ngɔ̄m̄ de kə́ gōtə́ aĺ gə̄ yā rāādə́ yá̰á̰ kə́ tōr̄ ndɔ̄ gān̄g sarya tə́ ō.

HEBƏRO 4:7

I tām̄ najə̄ ń toō tə́ n Nə́ɓā gān̄g ndɔ̄ kə́ rang ɓáý to̰ ní, ni-əndā rī dɔ ndɔ̄ ní tə́ na i ɓōólaā. Ni-ɔr̄ najə̄n i gō gogə́ ngá̰ý kə ta kūl̄ Dabid, tū najə̄ ń jə-tə́daī kété laā tə́ ní, najə̄ ní n toó, ɓōólaā ré ōōī ndū Nə́ɓā anī, ī-lōōī rāā dɔ ngan̄g.

HEBƏRO 3:13

Banī ə́laī go̰ kem naā tə́ kə dɔ ndɔ̄ gə̄, dan ń ndɔ̄ kə́ ɓōólaā kə́ kem makətūbə̄ yā Nə́ɓā tə́ ɔjə dɔjí ɓáý ní, na sōgə́ deē kógə̄ḿ kə́ dansí tə́ əya̰ rɔ̄n adə̄ yá̰á̰ kə́ majaĺ gólə̄n adə̄ rāā dɔ ngan̄g.

Makətūbə̄ ń Pol ndang adə̄ Rom gə̄ ní 9:22

Nə́ɓā gḛy i kɔjə wōn̄g yān ō, tɔ́gən ō. Ɓá tā ba ni-tə́gā tan dɔ ngé gə̄ ń asə kadə̄ ni-rāā wōn̄g sedə́ ō, nujədə́ kɔ̄ɔ́ ō ní tə́.

PĀ GƏ̄ 110:5

Kɔ́ɔ̄ɓē i dɔ jī ko̰í tə́: Ni rējə̄ mban̄g gə̄ ndɔ̄ ń wōn̄g rāānneé tə́ ní.

2 YÁ̰A̰ GƏ̄ 30:8

Ngɔlaā ní ī-lōōī rāā dɔ ngan̄g tītə̄ yādə́ ba ōōī ta Kɔ́ɔ̄ɓē. ī-tél ī-reēī gogə́ loo kə́ táĺ yān ń ɔr̄ kamə̄n tayā kə́ njɔ́ḿ gə̄ tə́ tə́ ní ō, ādə̄ sḭḭ̄ i ngé rāā kəla gə̄ yā Kɔ́ɔ̄ɓē Nə́ɓā yāsí ō. Loo ń noō tə́ wōn̄g ń rāān sesí ngá̰ý ní a tetə.

1 SAMUEL 6:6

Ī-lōōī rāā kem ngan̄g tītə̄ yā Parao̰ nin̄ kə de kə́ Ejiptə tə́ gēé. Ādə̄ əga kemsí dɔ yá̰á̰ ń rāā sedə́ tə́ ní, rāādə́ yá̰á̰ kə́ tōr̄ bátə́ adə̄ əya̰n̄neé Israel gə̄ adə̄ aw̄n̄.

JEJU TEĒ KUM JA̰A̰ 6:17

Tɔdɔ̄ ndɔ̄ kə́ bo yā wōn̄g yādə́ ugə̄ kɔ̄ɔ́ ní i náā n asə ra dɔɔ́?

JAKƏ 5:3

Lɔ́r yāsí ō, gində̄ arjā̰a̰ yāsí ō, əhɔn̄ kārā. Ba kārā ní a ɔr̄ najə̄ kə́ majə tām̄ yāsí tə́ aĺ ō, a tél i hor kə́ a o̰o̰sí ō. Ngɔlaā i ta ngóy ndɔ̄ gə̄, ba sḭḭ̄ ɔ́siī dɔ yá̰a̰ kənge yāsí gə̄ kə̄ naā tə́ ɓáý to̰.

Makətūbə̄ ń Pol ndang adə̄ Rom gə̄ ní 11:25

Ngákó̰ó̰ḿ gə̄, m̄-gḛy kadə̄ ī-gerī yá̰á̰ kə́ to loo mundə̄ tə́ kem Nə́ɓā tə́ ɓáý ń toō, na sōgə́ ī-gírī kemsí tə́ na sḭḭ̄ i ngé kum kedə̄ ngá̰ý gə̄. Yá̰á̰ ní n toó: Kem ngan̄g ń Nə́ɓā adə̄ kem ngán Israel kə́rēý gə̄ ngan̄g ngóróró ní, a to bátə́ kadə̄ ré de gə̄ malang ń i Jipə aĺ gə̄ ní ajən̄ pá tá.

DANIEL 5:20

Ba dan ń ɔjə rɔ̄n ō, gán̄g rɔ̄n ō anī, mbərenən̄ kɔ̄ɔ́ dɔ kōr̄ kāgə̄ mban̄g yān tə́ ō, ɔsən̄ gɔnən to̰ aĺ ō.

EJEKIEL 3:7

Banī ngán Israel gə̄ a ndigən̄ koō najə̄ yāí alé, tɔdɔ̄ nin̄ ndigən̄ koō najə̄ yāḿ alé. Tām̄ nin̄ malang ní dɔdə́ ngan̄g ngá̰ý ō, dumə̄n̄ naā ngá̰ý ō.

IJAI 48:4

Sḭḭ̄ i gír de gə̄ kə́ dɔdə́ ngan̄g, adə̄ m̄-ger̄. Sḭḭ̄ ī-ndigiī koō yá̰á̰ kógə̄ḿ aĺ ō, dɔsí ngan̄g ō.

Gōsə̄ najə̄ gə̄ 29:1

Deē ń ndán̄gnən̄ ba dum̄ naā ní, a tétə̄n̄ kə̄ngōn̄ rárák gidə kógə̄ḿ ō, a gətóo ō!

Gōsə̄ najə̄ gə̄ 11:4

Ndɔ̄ wōn̄g tə́ anī yá̰a̰ kənge i yá̰á̰ kə́ karī, banī háĺ kə́ gōtə́ a taā deē ta yo tə́,

PĀ GƏ̄ 95:8

ī-lōōī rāā kem ngan̄g tītə̄ ń kaasí gə̄ rāān̄neé Meriba, ndɔ̄ kɔ̄l naā kə́ Masa tə́ kem dəla loo tə́ ní.

Makətūbə̄ yā Job 21:30

Ndɔ̄ ń yá̰á̰ kə́ majaĺ teēń dɔ de gə̄ tə́ ní, ngɔ̄mə̄n̄ nge kem ndul adə̄ teē kum tə́. Ndɔ̄ wōn̄g tə́ anī, ɓɔ̄ɔ̄nən̄ adə̄ yá̰a̰ ɔdə rɔ̄n alé.

2 YÁ̰A̰ GƏ̄ 36:13

Mban̄g Nabukodonosor ń ni ənī míndən adə̄n kə rī Nə́ɓāá ní ni mbātə́ kadə̄ ndi dɔn tə́ ō. Ni rāā dɔ ngan̄g, mbātə́ tél kə̄ rɔ̄ Kɔ́ɔ̄ɓē Nə́ɓā yā Israel tə́.

JOJUE 11:20

Tɔdɔ̄ Kɔ́ɔ̄ɓē rāā adə̄ kemdə́ ngan̄g ngóróró yā kadə̄ nin̄-dum̄nəń naā ba rɔ̄ɔ̄nneé ngán Israel gə̄, yā kadə̄ ngán Israel gə̄ bāān̄neé dɔdə́ adə̄n̄ Nə́ɓā kanjə̄ ka̰a̰ kum tó ndoō yādə́ ba tɔ̄l̄nəńdə́ kɔ̄ɔ́ malang tītə̄ ń Kɔ́ɔ̄ɓē nəkɔ́ ədań Moijə ní.

NDŪ NAJƏ̄ 2:30

Banī Sihon mban̄g kə́ Hesəbon ɔgə̄jí mān̄ dɔ nang yān tə́. I Kɔ́ɔ̄ɓē Nə́ɓā yāsí n rāā adə̄ kemən ngan̄g, yā kadə̄ ī-taāīneé dɔ nang yān ndɔ̄ ń noō tə́ ní.

Teē Ngán Israel gə̄ 8:15

Ngé kəga gə̄ ədan̄ Parao̰ na yá̰á̰ ní na i Nə́ɓā n a rāā yá̰a̰. Banī tītə̄ ń Kɔ́ɔ̄ɓē ədań ní, Parao̰ rāā dɔ ngan̄g adə̄ oō najə̄ yā Moijə nin̄ kə Aaro̰ alé.

AMOS 3:10

Kɔ́ɔ̄ɓē əda na: Yá̰a̰ malang ń yá̰a̰ rāā kə́ kə dɔ́nɔ́ reēń ō, ɓogə reēń ō ní, ngé kə́rēý gə̄ kánə̄n̄ kə̄ dɔ naā tə́ kem kújə yādə́ kə́ majə gə̄ tə́. De gə̄ ń noō nin̄ gerə̄n̄ rāā yá̰á̰ kə́ rɔ̄kum alé.

Teē Ngán Israel gə̄ 14:17

Na n-a n-rāā kadə̄ de kə́ Ejiptə gə̄ rāān̄ dɔ ngan̄g adə̄ na a udən̄ gōdə́ tə́ kum bā tə́. Loo ń noō tə́ na n-a n-tetə Parao̰ rɔ̄ɔ̄ kə deē yān gēé malang, púsə rɔ̄ɔ̄ yān gē, ngé kal̄ sə́nda yān gē, yā kɔsəń gɔnən nəkɔ́ Kɔ́ɔ̄ɓē.

Teē Ngán Israel gə̄ 32:34

Ń toō kə aw̄ kə ɔr no ngán Israel gə̄ kə aw̄ sedə́ loo ń na n-ɔjən tə́ ní. Na deē yān kə́ dɔ rā̰ tə́ na a njə̄rā kété nodə́ tə́. Ba na ndɔ̄ ń nəkɔ́ n-a n-udə danaá tə́ anī, n-a n-əndadə́ tām̄ majaĺ yādə́ tə́.

Gōsə̄ najə̄ gə̄ 1:18

Banī nin̄ əyān̄ gūmbə̄ i yā kəhɔń rɔ̄də́ nin̄ kɔ́ gə̄ ō, koō naā yādə́ kə́ jəke loo mundə̄ tə́ a tél yā kəsō i dɔdə́ nin̄ kɔ́ gə̄ tə́ ō.

Gōsə̄ najə̄ gə̄ 28:14

Rɔ̄nel̄ i kə deē ń ɓōĺ najə̄ kadə̄ na n-rāā yá̰á̰ kə́ majaĺ ní, banī deē ń rāā kem ngan̄g ní, a əsō kum yá̰á̰ kə́ to kum kaȳ aĺ tə́.

JEREMI 40:3

Kɔ́ɔ̄ɓē rāā adə̄ yá̰á̰ ń əda najə̄n ní reē rāā yá̰a̰. Yá̰á̰ ní rāā yá̰a̰ i tɔdɔ̄ sḭḭ̄ ī-rāāī yá̰á̰ kə́ gōtə́ alé kə Kɔ́ɔ̄ɓēé ō, ōōī najə̄ yān aĺ ō.

EJEKIEL 11:19

M-ādə̄sí dan wur kə́ kijə, m-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ ndigə yá̰á̰ ń Nə́ɓā gḛy ní.

OJEE 13:12

Yá̰á̰ kə́ ɔjə kadə̄ Epəraim rāā yá̰á̰ kə́ gōtə́ aĺ ní, i kə́ ngɔ̄m̄ majə ō, nge kə́ ɔjə kadə̄ ni mān̄ dɔ ndū Nə́ɓā ní, to i loo kə́ yá̰a̰ a ɔdə rɔ̄ tū tə́ aĺ tə́ ō.

2 KORḚNTƏ 5:10

Tɔdɔ̄ i gáŕ kadə̄ jḭḭ̄ malang jə-raī no Kərist tə́, yā kadə̄ ni-gān̄g sarya dɔjí tə́. Loo ń noō tə́ deē kógə̄ḿ kógə̄ḿ a ənge yá̰á̰ gír kəla rāān kə́ majə, aké kə́ majaĺ tə́, adə̄ i yá̰a̰ gə̄ ń ni rāādə́ dan ń ni ndiń kə kumneé ɓáý tə́ ní.

2 TESALONIK 1:5

Tɔdɔ̄ i tītə̄ ń noō n sḭḭ̄ ā ásiīń kadə̄ sḭḭ̄ i de gə̄ kə́ tām̄ yā Ɓē ko̰o̰ yā Nə́ɓā ń á̰a̰ī tápə̄ najə̄n tə́ ní.

JEJU TEĒ KUM JA̰A̰ 2:21

M-ə́ya̰ kum mbang m-ādə̄n kadə̄ tūrəń hálən, banī ni-gḛy tūr̄ hálən ń i hál rāā ájə́ba kə́ yā ndɔ̄yń ɓesə̄ ní alé.