Makətūbə̄ ń Pol ndang adə̄ Rom gə̄ ní 2:3 - Bibəl ta Sar̄

³ Ní ḭ̄ ń ā ī-gān̄g sarya dɔ de gə̄ ngeé ń noō tə́ ō, ā ī-rāā yá̰a̰ tītə̄ yādə́ ō ní, ī-gír̄ kadə̄ ā ī-teē kum sarya yā Nə́ɓā tə́ karī a?

Bible sar

³ Ní ḭ̄ ń ā ī-gān̄g sarya dɔ de gə̄ ngeé ń noō tə́ ō, ā ī-rāā yá̰a̰ tītə̄ yādə́ ō ní, ī-gír̄ kadə̄ ā ī-teē kum sarya yā Nə́ɓā tə́ karī a?

Makətūbə̄ ń Pol ndang adə̄ Rom gə̄ ní 2:3 Referans Kwoze

Gōsə̄ najə̄ gə̄ 16:5

Ngé kɔjə rɔ̄də́ gə̄ i de kə́ yḛr gə̄ ta kum Kɔ́ɔ̄ɓē tə́, ta tɔ̄l̄ ta anī Kɔ́ɔ̄ɓē a əndadə́.

Makətūbə̄ ń Pol ndang adə̄ Rom gə̄ ní 1:32

De gə̄ ń rāān̄ yá̰á̰ kə́ tītə̄ ń noō gə̄ ní gerə̄n̄ majə kadə̄ sarya ń Nə́ɓā gān̄g dɔdə́ tə́ ní i kadə̄ a oyn̄. Nge ń noō nin̄-gerə̄n̄ majə tā, ba rāān̄ i mbéé ngóy alé, ba ré de kə́ rang gə̄ rāān̄ anī, nin̄-ndigən̄də́ loon tə́ ō.

1 TESALONIK 5:3

Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé.

Najə̄ kə́ Majə yā Jeju ń Luk ndang ní 12:14

Jeju tūr̄ ədan na: I náā n əndām̄ kadə̄ mā i nge gān̄g sarya yāsí aláa nge kēgə̄sí yá̰a̰ naā tə́ ní?

Najə̄ kə́ Majə yā Jeju ń Luk ndang ní 22:58

Sḛ́ý gō tə́ a, deē kógə̄ḿ a̰a̰n anī əda na: Ḭ̄ ní, i deē kógə̄ḿ kə́ sedə́ ō. Anī Piyer tél əda na: Madə́, mā i deē kógə̄ḿ kə́ sedə́ alé.

MATIYE 26:53

Ī-ger̄ kadə̄ m-ásə dəje Bɔbə́ḿ kadə̄ rāā seḿ aĺ a? Ré m̄-dəjen anī, kə̄ ta jī tə́ beē a əla kə de kə́ dɔ rā̰ tə́ gə̄ kə́ dūbūúdə́ i ngá̰ý ō, ɓūtə̄də́ mān̄ kutə gidə i jōó ō, yā kadə̄m̄.

MATIYE 23:33

Sḭḭ̄ i lī gə̄, gír kaa lī kakə́m gə̄! Hor Gehen ń i yá̰á̰ kə́ tōr̄ kə́ kadə̄ rāāsí tām̄ majaĺ yāsí tə́ ní, ā ásiī ka̰ȳ ta tə́ i ba̰ý?

DANIEL 10:19

Gō tə́ anī ədam̄ na: Kó tár yā Nə́ɓā, ī-lōō ɓōĺ! Ādə̄ kemií sɔl̄ lɔm! Ə́hɔ rɔ̄í tɔgə! Dan ń deē ní a ɔr̄ najə̄ seḿ ní m̄-tél m-ə́ngé tɔ́gə gogə́ rang, adə̄ m-ə́dan na: Kɔ́ɔ̄ḿ, ɔ̄r̄ najə̄, tɔdɔ̄ ādə̄m̄ tɔ́gə kɔ̄ɔ́.

EJEKIEL 17:18

Usə mban̄g kə́ Israel tə́ dɔ túbə́ ń ni túbə́ tə́ ní alé, adə̄ ni-ra dɔ ndūdə́ ń ənīn̄ adə̄n̄ naā tə́ ní alé. Dan ń ni ənī ndūn pá tá rāā yá̰a̰ beé ní, ni a teē kum tə́ alé.

EJEKIEL 17:15

Banī mban̄g kə́ kijə ní mbātə́ ta mban̄g kə́ Babilon, adə̄ əla de gə̄ Ejiptə tə́, kadə̄ ɓē kə́ Ejiptə adə̄n sə́nda gə̄ ō, ngé rɔ̄ɔ̄ gə̄ ngá̰ý ō. Deē ń rāā yá̰á̰ ń noō ní a asə a? Deē ń rāā yá̰a̰ beé ní a asə kaw̄ kum kə̄ kété a? A̰ á̰, ni a asə teē kum tə́ alé, tām̄ ni-ra dɔ ndūn ń ənī tə́ ní alé.

Gōsə̄ najə̄ gə̄ 11:21

Ta tɔ̄l̄ ta anī, nge kem ndul a ndi kanjə̄ kənge ndéy alé, banī a ajən̄ gír kaa yā de kə́ súmūú gə̄.

PĀ GƏ̄ 50:21

Yá̰á̰ ń ī-rāā ní n noó ō, kə m-ə́da najə̄ aĺ ō a? Ɔ́jəń na mā m̄-to tītīí a? m-ə̄ndā najə̄ dɔí tə́! Yá̰a̰ malang ń ī-rāā ní m-ā m̄-ɓōkə́də́ ndágá ta kumií tə́.

Makətūbə̄ yā Job 35:2

Job, dan ń ə́da Nə́ɓā na najə̄ na gətóo dɔí tə́ gə̄gē a, na usə Nə́ɓā alé, ḭ̄ na ə́ngé yá̰á̰ gírí alé ní, á̰a̰ā̰ kadə̄ nge ń noō i gōtə́ a? Á̰a̰ā̰ kadə̄ najə̄ i yāí ta kum Nə́ɓā tə́ a?

2 SAMUEL 10:3

ngār yādə́ gə̄ ədan̄ kɔ́ɔ̄də́ Hanun na: Dan ń Dabid əla de kə́ bo yān gə̄ kadə̄ sɔlə̄n̄ kemií ní, ɔ́jəń na ndigə i rɔȳ bɔbí a? Əladə́ i kadə̄ njə̄rān̄ kem ɓēé əndān̄neé ma̰ȳ ɓē, ba kadə̄ ndɔ̄ kə́rēý tə́ anī ni nujəń ɓē.

HEBƏRO 12:25

I beé ní, ī-ndāī kumsí gíŕ yá̰á̰ ń toō tə́ majə. Ī-lōōī mbātə́ koō najə̄ yā nge ń a ɔr̄ najə̄ sesí ní. Tɔdɔ̄ Moijə tāā ngán Israel gə̄ dɔ nang tə́ laā, ba nin̄-mbātə́n̄ koō najə̄ yān ní, ndéy ɔdədə́. Yājí jḭḭ̄ ɓáa, Nə́ɓā ndi i dɔ rā̰ tə́ n ɔrə̄ń najə̄ sejí ní. Ré jə-tūrī gidəjí tan tə́ anī, j-a j-əngeī ndéy kadə̄ tɔȳ loo ń noō aĺ a?

HEBƏRO 2:3

jḭḭ̄ ní, ré usəjí dɔ kajə kə́ bo ngá̰ý ń toō tə́ aĺ anī, j-a j-asiī teē karī ta ndéý tə́ i ba̰ý? Kajə ngeé ń toō, Kɔ́ɔ̄ɓē əla gír kɔr̄ najə̄ kə́ dɔ tə́ ō, ngé gə̄ ń oōn̄ ní ədan̄ kadə̄ i najə̄ kə́ rɔ̄kum ō.

Najə̄ kə́ Majə yā Jeju ń Luk ndang ní 22:60

Piyer tél əda na: Madə́, mā m̄-ger̄ kum najə̄ yāí ń ī-ra ā ɔ̄r̄ toó alé. Anī kə̄ tajī tə́ noō, dan ń Piyer ɔr̄ najə̄ kə̄ tan tə́ ɓáý anī, kə́ra kə̄njá nōō.

PĀ GƏ̄ 56:7

Nin̄-umə̄mə̄n̄, əndān̄ kumdə́ gírə́ḿ tə́ ō, unən̄ tóo njaḿ ō, yā tɔ̄lə̄m̄.

Makətūbə̄ ń Pol ndang adə̄ Rom gə̄ ní 2:1

Ḭ̄ ń ī-gān̄g sarya ní, ká ḭ̄ i náā gə̄gē a, najə̄ i dɔí tə́. Tɔdɔ̄ ḭ̄ nge gān̄g sarya, dan ń ī-gān̄g sarya dɔ madí tə́ ō, īkɔ́ i rāā yá̰á̰ ń ni-rāā ō ní, īkɔ́ ə́hɔ rɔ̄í kə sarya.

Makətūbə̄ ń Pol ndang adə̄ Rom gə̄ ní 2:2

Tām̄ jə-gerī kadə̄ de gə̄ ń a rāān̄ yá̰á̰ kə́ tītə̄ ń noō gə̄ ní, Nə́ɓā a gān̄g sarya dɔdə́ tə́ i kə ta róbə́ kə́ rɔ̄kum.

Makətūbə̄ ń Pol ndang adə̄ Rom gə̄ ní 9:20

Banī ḭ̄ deē i náā á kadə̄ ī-nējī naā najə̄ kə Nə́ɓāá ní? Yá̰á̰ ń kɔdə̄ əɓā kə jīneé ní a tél a əda kɔdə̄ na ké i tām̄ rí tə́ áké kɔdə̄ əɓān beé wa a?