Makətūbə̄ ń Pol ndang adə̄ Rom gə̄ ní 2:29 - Bibəl ta Sar̄

²⁹ Banī i yá̰á̰ kə́ to loo mundə̄ tə́ n rāā adə̄ deē i Jipə ní ō, i kəja mɔtə kə́ dan wur tə́ n i kəja mɔtə ní ō. Kəja mɔtə ngeé ń toō ní i yā Ndíl banī i yā ndū najə̄ alé. De kə́ beé ní i Nə́ɓā n i nge tɔ̄yn banī i deē ndul alé.

Bible sar

²⁹ Banī i yá̰á̰ kə́ to loo mundə̄ tə́ n rāā adə̄ deē i *Jipə ní ō, i kəja mɔtə kə́ dan wur tə́ n i *kəja mɔtə ní ō. Kəja mɔtə ngeé ń toō ní i yā Ndíl banī i yā *ndū najə̄ alé. De kə́ beé ní i Nə́ɓā n i nge tɔ̄yn banī i deē ndul alé.

Makətūbə̄ ń Pol ndang adə̄ Rom gə̄ ní 2:29 Referans Kwoze

NDŪ NAJƏ̄ 30:6

Kɔ́ɔ̄ɓē Nə́ɓā yāsí a ə́ja mɔtə kə́ dan wursí tə́ ō, kə́ dan wur ngáńsí gə̄ tə́ ō, ngán kaasí gə̄ tə́ ō, kadə̄ ā ī-táriī Kɔ́ɔ̄ɓē Nə́ɓā yāsí kə ngarā̰ kemsí malang ō, kə rɔ̄sí malang ō tá kadə̄ ī-ndiīneé kə kumsí.

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

NDŪ NAJƏ̄ 10:16

Ā ə́ja i mɔtə kə́ dan wur tə́ ō, ī-lōōī rāā dɔ ngan̄g ō.

JEREMI 4:4

De kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, ə́jaī mɔtəsí tām̄ yā Kɔ́ɔ̄ɓē tə́, ə́jaī mɔtə kə́ dan wursí tə́. Ré i beé aĺ anī, wōn̄g yāḿ a ndūbə̄ tītə̄ hor yā ko̰o̰ loo kanjə̄ kadə̄ deē asə tɔ̄l̄ ɔjəń dɔ kəla rāāsí kə́ majaĺ ngá̰ý gə̄.

1 TESALONIK 2:4

banī Nə́ɓā nāājí pá tá adə̄jí kəla kɔjə Najə̄ kə́ Majə ní. Adə̄ j-ɔjə najə̄ i kadə̄ nel̄ de gə̄ alé, ba i kadə̄ nel̄ Nə́ɓā ń nāā ngarān̄g kemjí ní.

1 PIYER 3:4

Ba ādī majə yāsí i majə kə́ ngarān̄g kemsí tə́. Ādī i majə kə́ a nujə aĺ bátə́ ń i majə yā háĺ kə́ sɔl̄ lɔ́ḿ lɔ́ḿ ō, yā ndíl de kə́ ndi jəke ō ní tá. I majə ń noō n i majə kə́ gātə̄n i ngá̰ý ta kum Nə́ɓā tə́ ní.

1 KORḚNTƏ 4:5

Adə̄ ī-lōōī gān̄g sarya kété no ndɔ̄ sarya tə́, ī-ngóōī ādə̄ Kɔ́ɔ̄ɓē reē tá. Yá̰á̰ ń i kə́ ɓɔ̄ɔ̄ kum til tə́ ní, ni a teēń kum loo kə́ unjə̄ kow tə́ ō, yá̰a̰ gə̄ ń de gə̄ númə̄n̄ kemdə́ tə́ ní, ni a ɔjə kə̄ ndágá ō. Loo ń noō tə́ Nə́ɓā a ɓōkə́ deē kógə̄ḿ kógə̄ḿ tɔ̄ȳ kadə̄ asə kə gō kəla yānneé.

2 KORḚNTƏ 10:18

Tām̄ i deē ń əda najə̄ kə́ majə ngá̰ý dɔ rɔ̄n nəkɔ́ tə́ ní n a ndigənən̄ ní alé. Banī i deē ń Kɔ́ɔ̄ɓē əda najə̄ yān kə́ majə ní.

Makətūbə̄ ń Pol ndang adə̄ Rom gə̄ ní 7:6

Ba ngɔlaā ní yá̰a̰ gə̄ ń i dɔjí tə́ tītə̄ ndū najə̄ ní, jḭḭ̄ i kə́ koy kɔ̄ɔ́ ta tə́ gə̄, adə̄ ndū najə̄ i dɔjí tə́ to̰ alé. Adə̄ jə-rāāī kəla i kə ta róbə́ kə́ kijə yā Ndíĺ kə́ Táĺ, banī i kə gō róbə yā ndū najə̄ kə́ ndang makətūbūú to̰ alé.

Makətūbə̄ ń Pol ndang adə̄ Rom gə̄ ní 2:27

Deē ngeé ń toō ní əja mɔtən kə́ gō yā dā̰ rɔ̄ tə́ alé, banī ni-rāā yá̰á̰ ń ndū najə̄ əda ní. Loo ń noō tə́ ní, ni a gān̄g sarya dɔí ḭ̄ tə́, tām̄ ḭ̄ ī-rāā yá̰á̰ ń ndū najə̄ əda ní alé. Tá ḭ̄ āw̄ kə makətūbə̄ ndū najə̄ ō, ə́ja mɔtií ō!

2 KORḚNTƏ 3:6

Tɔdɔ̄ i ni n i nge rāā tá kadə̄ jḭḭ j-asəń téĺ ngé rāā kəla gə̄ yā madə̄ naā kə́ kíjə ní. Madə̄ naā kə́ kijə ní ra i dɔ ndū najə̄ kə́ ndang tə́ alé, banī ra i dɔ Ndíĺ tə́. Ndū najə̄ kə́ ndang a tɔ̄l̄ i deē, banī Ndíĺ i nge rāā kadə̄ deē ndi kə kumneé.

JA̰A̰ 12:43

Tɔdɔ̄ nin̄-ndigən̄ kɔsə gɔn yā de gə̄ tɔȳ kɔsə gɔn yā Nə́ɓā.

JA̰A̰ 5:44

Sḭḭ̄ i ngé sāā kɔsə gɔn kə́ ḭḭ rɔ̄ naā tə́ gə̄, ba i ngé sāā kɔsə gɔn kə́ ḭḭ rɔ̄ Nə́ɓā tə́ ngóy aĺ ní, loo kadə̄ ā ī-taāī kem i ba̰ý?

Najə̄ kə́ Majə yā Jeju ń Luk ndang ní 11:39

Anī Kɔ́ɔ̄ɓē ədan na: Sḭḭ̄ Parijiyḛ gə̄, ī-tə́goī gidə kópə ō, gidə səmbē kə́ laa ō, banī ngur ɓogə i ngá̰ý kemsí tə́ ō, kemsí ndul ngá̰ý ō.

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

1 YÁ̰A̰ GƏ̄ 29:17

Nə́ɓā yāḿ, m̄-ger̄ kadə̄ ḭ̄ i nge kəndā ma̰ȳ kem deē ō, nge ndigə háĺ kə́ súmūú ō. Adə̄ i kə kem kə́ súmūú n m̄-ndējīneé yá̰a̰ malang ń noō kə gō kem ndigə yāḿ ní. Ba ɓōólaā gír deē yāí gə̄ ń kánə̄n̄ naā á ran̄ laā ní, m-á̰á̰də́ loo rāā tə́ tītə̄ yāḿ kə rɔ̄nelēé ō.

Makətūbə̄ ń Pol ndang adə̄ Rom gə̄ ní 14:17

Tɔdɔ̄ najə̄ Ɓē ko̰o̰ yā Nə́ɓā i najə̄ kə́ dɔ yá̰a̰ kəsa tə́ aĺ ō, yá̰a̰ ka̰ȳ tə́ aĺ ō, ba i najə̄ yá̰á̰ kə́ gōtə́ ō, kem sɔl̄ lɔm ō, rɔ̄nel̄ kə́ Ndíĺ kə́ Táĺ adə̄ ní.

1 SAMUEL 16:7

Banī Kɔ́ɔ̄ɓē əda Samuel na: Ī-lōō ka̰a̰ gidən kə́ ndágá kə́ majə ō, ka̰a̰ ngālən kə́ ngá̰ý ō. Tɔdɔ̄ m̄-gērān alé. Najə̄ ń toō i najə̄ ka̰a̰ yá̰á̰ ń kə́ deē ndul tə́ alé. De gə̄ a a̰a̰n̄ i gidə deē ndágá banī Kɔ́ɔ̄ɓē a a̰a̰ i kem deē.

JA̰A̰ 4:23

Banī kum mbang a reē noó, ba kum mbang ní ugə̄ kɔ̄ɔ́. Kum mbang ngeé ń noō tə́ ní, ngé rɔȳ kə́ rɔ̄kum gə̄ a rɔȳn̄ Bɔbə̄ Ngōn̄ i kə ta kūl̄ Ndíl ō, kə́ rɔ̄kum tə́ ō. Tɔdɔ̄ i ngé rɔȳ kə́ tītə̄ ń noō gə̄ n Bɔbə̄ Ngōn̄ a sāādə́ ní.

Najə̄ kə́ Majə yā Jeju ń Luk ndang ní 17:21

tá ā ásiī kəda na i ni n to toó aláa i ni n to nú noō alé. Tɔdɔ̄ á̰a̰ī, Ɓē ko̰o̰ yā Nə́ɓā i dɔ dáńsí tə́ kɔ̄ɔ́ ɓá.

PĀ GƏ̄ 45:13

Tir gə̄ ń i de kə́ ngé kənge yá̰á̰ tɔȳ gír de kə́ rang gə̄ ní, a adīn̄ kadə̄ karī gə̄ kadə̄ nelīneé sedə́.

JEREMI 9:25

Adə̄ i Ejiptə gə̄ ō, Juda gə̄ ō, Edom gə̄ ō, Amon gə̄ ō, Moab gə̄ ō, de gə̄ malang ń ndin̄ kem dəla loo tə́ á i ngé dəsā mbɔ́ŕdə́ gə̄ ní ō. Tɔdɔ̄ nápar de gə̄ malang əjan̄ mɔtədə́ aĺ ō, de kə́ Israel tə́ gə̄ nəkɔ́ gə̄gē ní ə́jan̄ mɔtə kə́ dan wurdə́ tə́ aĺ ō.

Makətūbə̄ ń Pol ndang adə̄ Rom gə̄ ní 3:1

I yá̰á̰ rí n Jipə gə̄ tɔȳn̄ de kə́ rang gə̄ loo n tə́ ní? Kəja mɔtə a teē i rí?

1 KORḚNTƏ 7:19

Kəja mɔtə i yá̰á̰ kógə̄ḿ aĺ ō, kəja mɔtə aĺ i yá̰á̰ kógə̄ḿ aĺ ō. Yá̰á̰ kə́ bo i rāā yá̰a̰ kə gō míndə́ Nə́ɓāá.