Makətūbə̄ ń Pol ndang adə̄ Rom gə̄ ní 2:28 - Bibəl ta Sar̄

²⁸ Tɔdɔ̄ i yá̰á̰ ń deē a̰ā̰ kə kumneé ní n rāā adə̄ deē i Jipə ní aĺ ō, i tə́re yá̰á̰ kə́ rɔ̄ deē tə́ n ɔjə kadə̄ deē əja mɔtən ní aĺ ō.

Bible sar

²⁸ Tɔdɔ̄ i yá̰á̰ ń deē a̰ā̰ kə kumneé ní n rāā adə̄ deē i *Jipə ní aĺ ō, i tə́re yá̰á̰ kə́ rɔ̄ deē tə́ n ɔjə kadə̄ deē əja mɔtən ní aĺ ō.

Makətūbə̄ ń Pol ndang adə̄ Rom gə̄ ní 2:28 Referans Kwoze

GALATƏ 6:15

Tɔdɔ̄ kəja mɔtə aké, kəja mɔtə aĺ ní, i yá̰á̰ kógə̄ḿ alé. Ba yá̰á̰ ń i yá̰á̰ kə́ bo ní, i kadə̄ jḭḭ̄ i de kə́ kijə gə̄.

MATIYE 3:9

Ba ī-lōōī kudə ndi ba kəda kə̄ kemsí tə́ na sḭḭ̄ na i de kə́ gír kaa yā Abəraham tə́ gə̄. Ādə̄ m-ə́dásí, ré Nə́ɓā ndigə anī a tūr̄ kūbə̄rū mbal̄ gə̄ ń toō kadə̄ télən̄ ngán kaa Abəraham gə̄ karī.

JEJU TEĒ KUM JA̰A̰ 2:9

m̄-ger̄ yá̰a̰ nāā kə́ ngan̄g ń teē dɔí tə́ ní ō, m̄-ger̄ ndoō yāí ō, banī yá̰a̰ kənge yāí i ngá̰ý. Tá najə̄ kə́ majaĺ gə̄ ń de gə̄ ń ədan̄ na nin̄ na i Jipə gə̄ banī nin̄ i Jipə gə̄ alé ədan̄ dɔí tə́ ní, m̄-ger̄ ō. Nin̄ i kújə ndi Sətan.

1 PIYER 3:21

Man̄ ngeé ń toō i yá̰á̰ kə́ ɔjə kum gotə batém ń ngɔlaā ajəsí ní: Batém ngeé ń toō i batém tə́gó yá̰á̰ kə́ yḛr gə̄ kə́ rɔ̄ deē tə́ kɔ̄ɔ́ alé, banī i de kə́ ənī míndən adə̄ Nə́ɓā kanjə̄ kadə̄ kemən ɔjən yá̰á̰ kə́ majaĺ. Batém ní ajəsí i kə ta kūl̄ koy ń Jeju oy ta ndól̄ ní.

Makətūbə̄ ń Pol ndang adə̄ Rom gə̄ ní 2:17

Ḭ̄ ń rī Jipə ɓār̄ dɔí tə́ ní, ə̄ndā tɔ́gí dɔ ndū najə̄ tə́ ō, ɔ́jə rɔ̄í najə̄ yā Nə́ɓā yāí tə́ ō,

JA̰A̰ 1:47

Jeju a̰a̰ Natanayel a reē kə̄ rɔ̄n tə́ anī, ɔr̄ najə̄ yān əda na: Ngōn̄ Israel kə́ rɔ̄kum n toó, i de kə́ gól̄ loo gətóo kemən tə́ bátə́.

PĀ GƏ̄ 73:1

Pā yā Asap. Nə́ɓā i de kə́ majə tām̄ yā Israel tə́ rɔ̄kum. Ni i de kə́ majə tām̄ yā de gə̄ ń kemdə́ unjə̄ njáý njáý tə́ ní.

JEREMI 4:4

De kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, ə́jaī mɔtəsí tām̄ yā Kɔ́ɔ̄ɓē tə́, ə́jaī mɔtə kə́ dan wursí tə́. Ré i beé aĺ anī, wōn̄g yāḿ a ndūbə̄ tītə̄ hor yā ko̰o̰ loo kanjə̄ kadə̄ deē asə tɔ̄l̄ ɔjəń dɔ kəla rāāsí kə́ majaĺ ngá̰ý gə̄.

JEREMI 9:25

Adə̄ i Ejiptə gə̄ ō, Juda gə̄ ō, Edom gə̄ ō, Amon gə̄ ō, Moab gə̄ ō, de gə̄ malang ń ndin̄ kem dəla loo tə́ á i ngé dəsā mbɔ́ŕdə́ gə̄ ní ō. Tɔdɔ̄ nápar de gə̄ malang əjan̄ mɔtədə́ aĺ ō, de kə́ Israel tə́ gə̄ nəkɔ́ gə̄gē ní ə́jan̄ mɔtə kə́ dan wurdə́ tə́ aĺ ō.

EPEJƏ 2:11

Ādə̄ əga kemsí dɔ tə́ na kété ní, sḭḭ̄ i nápar de gə̄ ń a ɓārə́n̄də́ na i ngé kəja mɔtə aĺ gə̄ ní, ɓá tā ba ngé ɓāŕsí tītə̄ ń noō gə̄ ní, kəja mɔtə yādə́ i kəja mɔtə kə́ kə jīí.