Makətūbə̄ ń Pol ndang adə̄ Rom gə̄ ní 2:27 - Bibəl ta Sar̄

²⁷ Deē ngeé ń toō ní əja mɔtən kə́ gō yā dā̰ rɔ̄ tə́ alé, banī ni-rāā yá̰á̰ ń ndū najə̄ əda ní. Loo ń noō tə́ ní, ni a gān̄g sarya dɔí ḭ̄ tə́, tām̄ ḭ̄ ī-rāā yá̰á̰ ń ndū najə̄ əda ní alé. Tá ḭ̄ āw̄ kə makətūbə̄ ndū najə̄ ō, ə́ja mɔtií ō!

Bible sar

²⁷ Deē ngeé ń toō ní əja mɔtən kə́ gō yā dā̰ rɔ̄ tə́ alé, banī ni-rāā yá̰á̰ ń *ndū najə̄ əda ní. Loo ń noō tə́ ní, ni a gān̄g sarya dɔí ḭ̄ tə́, tām̄ ḭ̄ ī-rāā yá̰á̰ ń ndū najə̄ əda ní alé. Tá ḭ̄ āw̄ kə makətūbə̄ ndū najə̄ ō, ə́ja mɔtií ō!

Makətūbə̄ ń Pol ndang adə̄ Rom gə̄ ní 2:27 Referans Kwoze

2 KORḚNTƏ 3:6

Tɔdɔ̄ i ni n i nge rāā tá kadə̄ jḭḭ j-asəń téĺ ngé rāā kəla gə̄ yā madə̄ naā kə́ kíjə ní. Madə̄ naā kə́ kijə ní ra i dɔ ndū najə̄ kə́ ndang tə́ alé, banī ra i dɔ Ndíĺ tə́. Ndū najə̄ kə́ ndang a tɔ̄l̄ i deē, banī Ndíĺ i nge rāā kadə̄ deē ndi kə kumneé.

Makətūbə̄ ń Pol ndang adə̄ Rom gə̄ ní 8:4

Ni-rāā tītə̄ ń noō i yā kadə̄ yá̰á̰ kə́ gōtə́ ń ndū najə̄ əndā dɔ de gə̄ tə́ ní, i kə́ rāā tɔ̄l̄ ta kemjí jḭḭ̄ ń jə-ndiī i kə gō yā dā̰ rɔ̄ɔ́ to̰ alé, banī i kə gō yā Ndíĺ kə́ Táĺ ní.

Makətūbə̄ ń Pol ndang adə̄ Rom gə̄ ní 2:29

Banī i yá̰á̰ kə́ to loo mundə̄ tə́ n rāā adə̄ deē i Jipə ní ō, i kəja mɔtə kə́ dan wur tə́ n i kəja mɔtə ní ō. Kəja mɔtə ngeé ń toō ní i yā Ndíl banī i yā ndū najə̄ alé. De kə́ beé ní i Nə́ɓā n i nge tɔ̄yn banī i deē ndul alé.

HEBƏRO 11:3

I kə ta kūl̄ taā kem n jə-gerīiń kadə̄ Nə́ɓā əndā dɔ rā̰ ō dɔ nang ō, yá̰a̰ malang kə́ tū tə́ ō i kə ta kūl̄ najə̄ kə́ tan tə́ ní. Adə̄ yá̰á̰ ń deē a̰ā̰ kə kumneé ní, rāān̄ i kə yá̰a̰ gə̄ kə́ deē a̰a̰də́ kə kumneé alé.

GALATƏ 5:14

Tɔdɔ̄ ndū najə̄ gə̄ malang i tū najə̄ kə́ kógə̄ḿ beē ń toō tə́: Ī-tár deē madí tītə̄ ngarān̄g kum rɔ̄í īkɔ́ beē.

Makətūbə̄ ń Pol ndang adə̄ Rom gə̄ ní 13:10

De kə́ tár madə̄n a rāā yá̰á̰ kə́ majaĺ seneé alé. Adə̄ deē ń tár madə̄n ní, rāā i yá̰a̰ ń ndū najə̄ ɔjə ní kə taá malang.

Makətūbə̄ ń Pol ndang adə̄ Rom gə̄ ní 2:20

nge kɔjə de kə́ kur̄ dɔdə́ gətóo gə̄ yá̰a̰ ō, ngol ngé ndóō ngán gə̄ yá̰a̰ ō, tām̄ ger̄ yá̰a̰ ō, najə̄ kə́ rɔ̄kum ō ní, ḭ̄ āwń tū ndū najə̄ tə́.

KƏLA RĀĀ 13:22

Gō tə́ anī Nə́ɓā mbātə́ Saul ba adə̄də́ Dabid kadə̄ ni i mban̄g yādə́. Ni əda najə̄ kə́ dɔn tə́ na: M-ə́nge Dabid ngōn̄ Jese, ni i de kə́ kə gō kemḿ. Ni a rāā yá̰a̰ malang ń kemḿ ndigə ní.

MATIYE 3:15

Ba Jeju tél ədan na: Kə́ ngɔr ń toō tə́ ní, ə́ya̰ ādə̄ jə-rāā tītə̄ nəkɔ́ ń toō. Tɔdɔ̄ yá̰a̰ malang ń Nə́ɓā gḛy kadə̄ yā rāā ní, j-a jə-rāā kadə̄ udə gírí i tītə̄ ń noō. Anī Ja̰a̰ ndigə.

Makətūbə̄ ń Pol ndang adə̄ Rom gə̄ ní 2:15

Nin̄-ɔjən̄ kadə̄ kəla ń ndū najə̄ əndā dɔ de gə̄ tə́ ní, i yá̰á̰ kə́ ndangən̄ kemdə́ nin̄ tə́ kɔ̄ɔ́ ɓá. Yá̰á̰ ń kemdə́ ɔjədə́ yā rāā á rāān̄ ní ɔjə kadə̄ i tītə̄ ń noō, tá gír̄ yādə́ gə̄ i tītə̄ ń noō ɓáý to̰. Tɔdɔ̄ gír̄ yādə́ gə̄ ɔjən̄də́ kadə̄ yá̰á̰ kə́ beé gə̄ ń rāān̄ toó i kə́ majə ō, kə́ beé gə̄ i kə́ majaĺ ō.

Makətūbə̄ ń Pol ndang adə̄ Rom gə̄ ní 2:25

Ré ī-rāā yá̰á̰ ń ndū najə̄ əda ní aĺ anī, kəja motə yāí i tītə̄ kəja mɔtə aĺ beē.

Makətūbə̄ ń Pol ndang adə̄ Rom gə̄ ní 2:26

Deē ń əja mɔtən aĺ ní, ré kɔ́ɔ̄ rāā yá̰a̰ gə̄ ń ndū najə̄ əda ní anī, Nə́ɓā a rāān i de kə́ əja mɔtən tə́ aĺ a?

Makətūbə̄ ń Pol ndang adə̄ Rom gə̄ ní 3:30

tɔdɔ̄ Nə́ɓā i kógə̄ḿ beē ngóy. Ni a rāā kadə̄ Jipə gə̄ gə̄gē, de gə̄ ń nin̄ i Jipə aĺ gə̄ ní gə̄gē, télən̄ de kə́ gōtə́ gə̄ ta kumən tə́ i kə ta kūl̄ taā kem.

1 KORḚNTƏ 7:19

Kəja mɔtə i yá̰á̰ kógə̄ḿ aĺ ō, kəja mɔtə aĺ i yá̰á̰ kógə̄ḿ aĺ ō. Yá̰á̰ kə́ bo i rāā yá̰a̰ kə gō míndə́ Nə́ɓāá.

EPEJƏ 2:11

Ādə̄ əga kemsí dɔ tə́ na kété ní, sḭḭ̄ i nápar de gə̄ ń a ɓārə́n̄də́ na i ngé kəja mɔtə aĺ gə̄ ní, ɓá tā ba ngé ɓāŕsí tītə̄ ń noō gə̄ ní, kəja mɔtə yādə́ i kəja mɔtə kə́ kə jīí.

2 TIMOTE 3:15

I dan ń ḭ̄ i ngōn̄ kə́ dūú ɓáý ní n ī-ger̄ makətūbə̄ yā Nə́ɓā ní. Makətūbə̄ ní asə rāā kadə̄ kumií edə̄. Ba kum kedə̄ ngeé ń toō a rāā kadə̄ ájə, kə ta kūl̄ taā kə́ ī-taā kem Kərist Jeju.