Makətūbə̄ ń Pol ndang adə̄ Rom gə̄ ní 2:25 - Bibəl ta Sar̄

²⁵ Ré ī-rāā yá̰á̰ ń ndū najə̄ əda ní aĺ anī, kəja motə yāí i tītə̄ kəja mɔtə aĺ beē.

Bible sar

²⁵ Ré ī-rāā yá̰á̰ ń *ndū najə̄ əda ní aĺ anī, *kəja motə yāí i tītə̄ kəja mɔtə aĺ beē.

Makətūbə̄ ń Pol ndang adə̄ Rom gə̄ ní 2:25 Referans Kwoze

JEREMI 4:4

De kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, ə́jaī mɔtəsí tām̄ yā Kɔ́ɔ̄ɓē tə́, ə́jaī mɔtə kə́ dan wursí tə́. Ré i beé aĺ anī, wōn̄g yāḿ a ndūbə̄ tītə̄ hor yā ko̰o̰ loo kanjə̄ kadə̄ deē asə tɔ̄l̄ ɔjəń dɔ kəla rāāsí kə́ majaĺ ngá̰ý gə̄.

GALATƏ 6:15

Tɔdɔ̄ kəja mɔtə aké, kəja mɔtə aĺ ní, i yá̰á̰ kógə̄ḿ alé. Ba yá̰á̰ ń i yá̰á̰ kə́ bo ní, i kadə̄ jḭḭ̄ i de kə́ kijə gə̄.

KƏLA RĀĀ 7:51

Sḭḭ̄ i ngé dɔ ngan̄g gə̄, ngarān̄g kemsí ō, mbīsí ō, i kə́ kutə̄ kɔ̄ɔ́. Sḭḭ̄ i ngé mbātə́ najə̄ kə́ ta Ndíĺ kə́ Táĺ tə́ kə dɔ ndɔ̄ gə̄ tītə̄ yā kaasí gə̄.

NDŪ NAJƏ̄ 30:6

Kɔ́ɔ̄ɓē Nə́ɓā yāsí a ə́ja mɔtə kə́ dan wursí tə́ ō, kə́ dan wur ngáńsí gə̄ tə́ ō, ngán kaasí gə̄ tə́ ō, kadə̄ ā ī-táriī Kɔ́ɔ̄ɓē Nə́ɓā yāsí kə ngarā̰ kemsí malang ō, kə rɔ̄sí malang ō tá kadə̄ ī-ndiīneé kə kumsí.

Makətūbə̄ ń Pol ndang adə̄ Rom gə̄ ní 2:28

Tɔdɔ̄ i yá̰á̰ ń deē a̰ā̰ kə kumneé ní n rāā adə̄ deē i Jipə ní aĺ ō, i tə́re yá̰á̰ kə́ rɔ̄ deē tə́ n ɔjə kadə̄ deē əja mɔtən ní aĺ ō.

Makətūbə̄ ń Pol ndang adə̄ Rom gə̄ ní 2:23

Ḭ̄ ń ɔ́jə rɔ̄í i kə ta kūl̄ ndū najə̄ ní, i ba̰ý á ī-tél ī-mbātə́ rāā yá̰á̰ ń ndū najə̄ ɔjə ní ī-nujəń rī Nə́ɓā ní?

Makətūbə̄ ń Pol ndang adə̄ Rom gə̄ ní 2:13

Tɔdɔ̄ de gə̄ ń i de kə́ súmūú gə̄ ta kum Nə́ɓā tə́ ní, i ngé gə̄ ń a oōn̄ ndū najə̄ ń toō kə mbīdə́ ngóy ní alé. De gə̄ ń a télən̄ de kə́ súmūú gə̄ ní, i ngé gə̄ ń a rāān̄ yá̰á̰ ń ndū najə̄ ɔjə ní.

Makətūbə̄ ń Pol ndang adə̄ Rom gə̄ ní 2:26

Deē ń əja mɔtən aĺ ní, ré kɔ́ɔ̄ rāā yá̰a̰ gə̄ ń ndū najə̄ əda ní anī, Nə́ɓā a rāān i de kə́ əja mɔtən tə́ aĺ a?

Makətūbə̄ ń Pol ndang adə̄ Rom gə̄ ní 2:27

Deē ngeé ń toō ní əja mɔtən kə́ gō yā dā̰ rɔ̄ tə́ alé, banī ni-rāā yá̰á̰ ń ndū najə̄ əda ní. Loo ń noō tə́ ní, ni a gān̄g sarya dɔí ḭ̄ tə́, tām̄ ḭ̄ ī-rāā yá̰á̰ ń ndū najə̄ əda ní alé. Tá ḭ̄ āw̄ kə makətūbə̄ ndū najə̄ ō, ə́ja mɔtií ō!

1 KORḚNTƏ 7:19

Kəja mɔtə i yá̰á̰ kógə̄ḿ aĺ ō, kəja mɔtə aĺ i yá̰á̰ kógə̄ḿ aĺ ō. Yá̰á̰ kə́ bo i rāā yá̰a̰ kə gō míndə́ Nə́ɓāá.

GALATƏ 6:13

Tɔdɔ̄ ngé gə̄ ń əjan̄ mɔtədə́ ní nin̄ kɔ́ gə̄ ngɔ̄mə̄n̄ ndū najə̄ alé, ba gḛyn̄ kadə̄ əjan̄ mɔtəsí, i yā kadə̄ nin̄-ɔrnə̄ń ta rɔ̄də́.