Makətūbə̄ ń Pol ndang adə̄ Rom gə̄ ní 2:22 - Bibəl ta Sar̄

²² Ḭ̄ ń əda na kə deē kə rāȳ aĺ ní, i ba̰ý á ī-tél ī-rāȳ ní? Ḭ̄ ń ɔ̄r̄ nja ngé rāā ɓesə̄ gə̄ ní, i ba̰ý á ī-tél ā ɔ́ý yá̰a̰ gə̄ kə́ kem kújə ɓesə̄ gə̄ tə́ ní?

Bible sar

²² Ḭ̄ ń əda na kə deē kə rāȳ aĺ ní, i ba̰ý á ī-tél ī-rāȳ ní? Ḭ̄ ń ɔ̄r̄ nja ngé rāā ɓesə̄ gə̄ ní, i ba̰ý á ī-tél ā ɔ́ý yá̰a̰ gə̄ kə́ kem kújə ɓesə̄ gə̄ tə́ ní?

Makətūbə̄ ń Pol ndang adə̄ Rom gə̄ ní 2:22 Referans Kwoze

MALASI 3:8

m̄-tūr̄ m-ə́dásí na ké deē ndul asə gól̄ Nə́ɓā wa. Ɓá tā ba, sḭḭ̄ ī-gól̄mī! Ī-dəjeī ɓáý to̰ na ké ī-gól̄mī i kə rí wa. m̄-tél m̄-tūr̄sí m-ə́da na i dan ń majə kadə̄ ādə̄mī yá̰a̰ kənge yāsí gə̄ kə́ nge ko̰ kutə gə̄ ō, yá̰a̰ ndējə̄ gə̄ ō ní.

MATIYE 12:39

Jeju tél ədadə́ na: De kə́ ngɔlaā gə̄ ń i de kə́ majaĺ gə̄ ō, i ngé kəhɔ gō Nə́ɓā aĺ gə̄ ō ní, dəjen̄ yá̰á̰ kə́ to kɔr kum a? A ɔjə̄n̄də́ yá̰á̰ kə́ to kɔr kum kə́ rang alé, ba i yā Jonas nge koō ta ngóy.

JAKƏ 4:4

Sḭḭ̄ ngé rāȳ gə̄, ndigə yá̰á̰ kə́ dɔ nang tə́ laā ní rā rɔ̄n i nge ba̰ā̰ Nə́ɓā tə́ aĺ a?

KƏLA RĀĀ 19:37

Tɔdɔ̄ sḭḭ̄ ī-reēī kə de gə̄ ń toō laā ba nin̄-ɓogən̄ yá̰á̰ kə́ kem kújə ɓesə̄ tə́ aĺ ō, tə́dan̄ najə̄ kə́ to ngonjə̄ gə̄ dɔ nə́ɓā kə́ dəyá̰ yājí tə́ aĺ ō.

MARK 11:17

Anī ni-ndóōdə́ yá̰a̰, ədadə́ na: I kə́ ndang kem makətūbə̄ tə́ na: A ɓārə́n̄ kújə yāḿ na i kújə ndɔ̄ȳ kə́ tām̄ yā nápar de gə̄ tə́ malang aĺ a? Ba sḭḭ̄ ī-rāāī adə̄ tél i bəlo mbal̄ ɓɔ̄ɔ̄ rɔ̄ yā ngé gān̄g róbə gə̄!

MATIYE 16:4

Gír de kə́ majaĺ gə̄ ō, kə́ ngé kəhɔ gō Nə́ɓā aĺ gə̄ ō, kə́ ngɔlaā gə̄ sāān̄ ka̰a̰ yá̰á̰ kə́ yáā, banī a rāān̄ yá̰á̰ kə́ yáā kə́ rang yā kadə̄də́ alé, i yā Jonas tá ngóy. Gō tə́ anī ni-əya̰də́, ba ɔtə aw̄.

MALASI 1:14

Majanī deē kógə̄ḿ aw̄ kə́ dā̰ kə́ majə gə̄ dan yá̰a̰ kul̄ yān gə̄ tə́. Ré deē ní ənī ndūn ō, ndējə̄m̄ dā̰ kə́ majaĺ ō anī, yá̰á̰ kə́ to kum kaȳ aĺ a reē dɔ kɔ́ɔ̄ tə́! Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Mā i mban̄g kə́ bo ō, nápar de gə̄ ɓōlə́n̄ tɔ́gə́ḿ ō.

MALASI 1:8

Dan ń ī-ndējə̄mī dā̰ kə́ kum tɔ̄ɔ̄ ní, i yá̰á̰ kə́ majə a? Dan ń ī-ndējə̄mī dā̰ kə́ nja motə aláa kə́ mo̰y ní, i yá̰á̰ kə́ majə a? I beé ní, āwī kə dā̰ ní ādī nge ko̰o̰ ɓē yāsí! Rɔ̄n a nelə̄n a? A əhɔsí kə̄ rɔ̄n tə́ majə a? Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m̄-dəjesí najə̄ ń noō.

EJEKIEL 22:11

Ngé kə́rēý gə̄ i ngé sāā nə̄yá̰ madə̄də́ gə̄ ō, ngé kə́ rang gə̄ i ngé sāā nə̄yá̰ ngáńdə́ gə̄ aláa i ngé sāā kem bəra madə̄də́ gə̄ dɔ gúú tə́ ō.

JEREMI 9:2

Ta ndo̰də́ i tītə̄ ga̰ gərā kə́ deē ɔr̄ gō beé. Rīdə́ ɓār̄ kem ɓēé ngá̰ý ɔjəń i dɔ sor̄ ngóy banī i tām̄ najə̄ kə́ rɔ̄kum tə́ alé. Rāān̄ kem ndul tə́ kə̄ nja naā tə́ ba mā tá ger̄mə̄n̄ alé. Najə̄ ń Kɔ́ɔ̄ɓē əda ní n noó.

JEREMI 5:7

Ń noō ní, loo kadə̄ m-ā m̄-mā̰ȳ rɔ̄ḿ dɔí tə́ i ba̰ý? Ngání gə̄ mbātə́mə̄n̄ kɔ̄ɔ́, ba túbə̄n̄ kə rī nə́ɓā kə́ rɔ̄kum aĺ gə̄. M-ādə̄də́ yá̰a̰ malang, banī nin̄ rāān̄ rāȳ. Nin̄ rɔ̄ɔ̄n̄ naā dɔ loo tə́ kem kújə yā dəyá̰ ájə́ba tə́.

PĀ GƏ̄ 50:17

Ḭ̄ ń ī-gḛy ndéy kɔjə̄ aĺ ō, ī-mbātə́ najə̄ yāḿ ō ní.

Makətūbə̄ ń Pol ndang adə̄ Rom gə̄ ní 12:9

Kadə̄ tár naā yāsí i kə gól̄ looó alé. Ā̰yī yá̰á̰ kə́ majaĺ kɔ̄ɔ́ kə nja ngárāá, ba ī-ɓooī naā kə yá̰á̰ kə́ majaá.