Makətūbə̄ ń Pol ndang adə̄ Rom gə̄ ní 2:20 - Bibəl ta Sar̄

²⁰ nge kɔjə de kə́ kur̄ dɔdə́ gətóo gə̄ yá̰a̰ ō, ngol ngé ndóō ngán gə̄ yá̰a̰ ō, tām̄ ger̄ yá̰a̰ ō, najə̄ kə́ rɔ̄kum ō ní, ḭ̄ āwń tū ndū najə̄ tə́.

Bible sar

²⁰ nge kɔjə de kə́ kur̄ dɔdə́ gətóo gə̄ yá̰a̰ ō, ngol ngé ndóō ngán gə̄ yá̰a̰ ō, tām̄ ger̄ yá̰a̰ ō, najə̄ kə́ rɔ̄kum ō ní, ḭ̄ āwń tū *ndū najə̄ tə́.

Makətūbə̄ ń Pol ndang adə̄ Rom gə̄ ní 2:20 Referans Kwoze

2 TIMOTE 3:5

Yá̰a̰ rāādə́ kə́ ndágá ɔjə kadə̄ nin̄ i ngé rāā yá̰a̰ kə gō ń Nə́ɓā ndigə ní, banī nin̄-nējə̄n̄ tɔ́gə́ kə́ tū tə́ kɔ̄ɔ́. Adə̄ ī-tūr̄ gidií kɔ̄ɔ́ ta de gə̄ ń noō tə́.

TITƏ 1:16

Nin̄-ədan̄ na n-gerə̄n̄ Nə́ɓā, banī yá̰a̰ rāādə́ ɔjə kadə̄ nin̄-gerə̄n̄ Nə́ɓā alé rɔ̄kum. Nin̄ i de kə́ majaĺ ngá̰ý gə̄ ō, de kə́ ngé dɔ ngan̄g gə̄ ō, asən̄ rāā yá̰á̰ kógə̄ḿ kə́ majə aĺ ō.

2 TIMOTE 1:13

Ī-ndájə̄ najə̄ kə́ rɔ̄kum gə̄ ń m-ɔ̄r̄ seí ní ō, ī-ra ngan̄g dɔ taā kem tə́ ō, dɔ táŕ ń j-awīneé kə gō ɓoo kə́ jə-ɓooī naā kə Jeju Kərist ní ō.

1 KORḚNTƏ 3:1

Ngákó̰ó̰ḿ gə̄ tām̄ yāḿ mā tə́ ɓáa, najə̄ ń m-ɔ̄r̄ sesí kété ní, i najə̄ kə́ m-ɔ̄r̄ i kə de gə̄ kə́ Ndíl yā Nə́ɓā i kemdə́ tə́ alé, ba i kə de kə́ dɔ nang tə́ laā gēé, i tītə̄ kə́ m-ɔ̄r̄ i kə ngáń kə́ dūú gə̄ kə́ kem Kərist tə́ ɓáý beē.

Makətūbə̄ ń Pol ndang adə̄ Rom gə̄ ní 6:17

Banī ādə̄ jə-tɔ̄yī Nə́ɓā, tɔdɔ̄ kété ní sḭḭ̄ i ɓəlo gə̄ yā yá̰á̰ kə́ majaĺ, ba ngɔlaā sḭḭ̄ ōōī ta Nə́ɓā adə̄ ī-rāāī yá̰á̰ ń ndóōn̄sí ní kə ngarān̄g kemsí gēé malang.

1 PIYER 2:2

Majə kadə̄ ī-toī tītə̄ ngáń kásə̄ gə̄ beé, ādī ɓō mba kə́ unjə̄ njáý njáý ń i Najə̄ yā Nə́ɓā ní rāāsí. Yā kadə̄ ré ā̰yī anī ī-tɔgiī tām̄ yā kajə tə́.

HEBƏRO 5:13

Deē ń a a̰ȳ i mba ɓáý ní, ni i ngōn̄ ɓáý. Adə̄ yá̰á̰ ń i yá̰á̰ kə́ gōtə́, aláa i yá̰á̰ kə́ gōtə́ aĺ ní, ni-asə ger̄ loon alé.

MATIYE 11:25

Dan ngeé ń noō tə́ ní Jeju ɔr̄ najə̄, əda na: Bɔbə́ḿ, ḭ̄ ń i Kɔ́ɔ̄ɓē dɔ rā̰ tə́ ō dɔ nang tə́ ō ní, m̄-ɓōkíī tɔ̄ȳ tām̄ ɓɔ̄ɔ̄ ń ī-ɓɔ̄ɔ̄ dɔ yá̰a̰ gə̄ ń toō kɔ̄ɔ́ tām̄ yā ngé kum kedə̄ gə̄ tə́ ō, ngé ger̄ yá̰a̰ gə̄ tə́ ō, ba ī-teē kum de kə́ dūú gə̄ dɔ tə́ ní.

Makətūbə̄ ń Pol ndang adə̄ Rom gə̄ ní 2:19

ī-gír̄ kemií tə́ kadə̄ ḭ̄ i nge kɔjə ngé kum tɔ̄ɔ̄ gə̄ ta róbə ō, kadə̄ ḭ̄ i loo kə́ unjə̄ kow tām̄ yā ngé gə̄ ń nin̄ i kum til tə́ ní ō,

Makətūbə̄ ń Pol ndang adə̄ Rom gə̄ ní 3:31

A ń noō ní, kadə̄ taā ń taān̄ kem ní rāā kadə̄ ndū najə̄ i yá̰á̰ kə́ kanjə̄ kumən a? Sḛ́ý aĺ bátə́! I loo kə́ beé tə́ tā n i yá̰á̰ kə́ kə kumneé ɓáý ní.

JAKƏ 3:1

Ngákó̰ó̰ḿ gə̄, ādī de kə́ dáńsí tə́ kə́ ngé ndóō de gə̄ yá̰a̰ gə̄ i ngá̰ý alé, tɔdɔ̄ ī-gerī kadə̄ a gāngə̄n̄ sarya kə́ ngan̄g ngá̰ý dɔjí jḭḭ ngé ndóō de gə̄ yá̰a̰ gə̄ tə́.