Makətūbə̄ ń Pol ndang adə̄ Rom gə̄ ní 2:2 - Bibəl ta Sar̄

² Tām̄ jə-gerī kadə̄ de gə̄ ń a rāān̄ yá̰á̰ kə́ tītə̄ ń noō gə̄ ní, Nə́ɓā a gān̄g sarya dɔdə́ tə́ i kə ta róbə́ kə́ rɔ̄kum.

Bible sar

² Tām̄ jə-gerī kadə̄ de gə̄ ń a rāān̄ yá̰á̰ kə́ tītə̄ ń noō gə̄ ní, Nə́ɓā a gān̄g sarya dɔdə́ tə́ i kə ta róbə́ kə́ rɔ̄kum.

Makətūbə̄ ń Pol ndang adə̄ Rom gə̄ ní 2:2 Referans Kwoze

SOPONI 3:5

Ɓá tā ba Kɔ́ɔ̄ɓē i kem ɓēé, ni-rāā yá̰á̰ kógə̄ḿ kə́ gōtə́ aĺ alé. Ni-gān̄g sarya yān dəloí kə dɔ ndɔ̄ gə̄. Banī de kə́ majaĺ gə̄ rāān̄ yá̰a̰ kanjə̄ rɔ̄sɔl̄.

PĀ GƏ̄ 145:17

Kɔ́ɔ̄ɓē i de kə́ súmūú tū yá̰a̰ rāān gə̄ tə́ malang, ni i de kə́ nge ra dɔ ndūn tə́ tū kəla rāān gə̄ tə́ malang.

JEREMI 12:1

Kɔ́ɔ̄ɓē, ḭ̄ i de kə́ gōtə́, ba m̄-gḛy kɔr̄ najə̄ seí. Rɔ̄kum m̄-gḛy kɔr̄ najə̄ seí sɔɔ̄ń dɔ sarya gāngīí kə́ rēý gə̄. I tām̄ rí tə́ á yá̰a̰ rāā ngé kem ndul gə̄ teēdə́ yá̰á̰ tə́ ní? I tām̄ rí tə́ á ngé gól̄ loo gə̄ ndin̄ majə malang ní?

PĀ GƏ̄ 98:9

kété no Kɔ́ɔ̄ɓē tə́, tɔdɔ̄ ni a reē i mbée. A reē i kə̄ ko̰o̰ ɓēé dɔ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

PĀ GƏ̄ 96:13

ta kum Kɔ́ɔ̄ɓē tə́ tā, tɔdɔ̄ ni a reē i mbée, a reē i kə̄ ko̰o̰ ɓē tə́ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

JEJU TEĒ KUM JA̰A̰ 19:2

Tɔdɔ̄ sarya gāngə̄n i rɔ̄kum ō, i kə́ gōtə́ ō. Ni-gān̄g sarya dɔ dəyá̰ ájə́ba kə́ bo ń nujə dɔ nang kə rāā ájə́ba yānneé ní ō, əndan najə̄ ɓōkə́ ń ni ɓōkə́ mósə́ ngé kəla yān gə̄ nang tə́ ní ō.

JEJU TEĒ KUM JA̰A̰ 16:5

Anī de kə́ dɔ rā̰ tə́ ń əndānən̄ dɔ man̄ gə̄ tə́ ní ɔr̄ najə̄ adə̄ m-ōō, əda na: Ḭ̄ ń ī-ndi ngɔlaā ō, ī-ndi kété ō, ī-to kadə̄ deē ɓōĺ ndílí ō rɔyī ō ní, ḭ̄ i de kə́ gōtə́, tām̄ ī-gān̄g sarya dɔ yá̰a̰ gə̄ ń toō tə́.

Makətūbə̄ ń Pol ndang adə̄ Rom gə̄ ní 9:14

Ní, kə j-ədaī na i rí? Kadə̄ Nə́ɓā i de kə́ gōtə́ aĺ a? Yḛtə aĺ bátə́!

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

KƏLA RĀĀ 17:31

Tɔdɔ̄ ni-gān̄g ndɔ̄ ń kadə̄ a gāngəń sarya kə́ gōtə́ dɔ de gə̄ malang kə́ dɔ nang tə́ ní kɔ̄ɔ́. Ni a gān̄g sarya ní i kə ta kūl̄ deē ń ni-əndān ní. Deē ní oy banī ni-ndólə̄n, ɔjəń de gə̄ malang kadə̄ n-a n-gān̄g sarya ní i kə ta kūl̄ deē ní rɔ̄kum.

EJEKIEL 18:29

Banī sḭḭ̄ Israel gə̄ ə́daī na jī bēl̄ loo rāā yá̰a̰ yā Kɔ́ɔ̄ɓē na majə alé. Ní, i jī bēl̄ loo rāā yá̰a̰ yāḿ mā n i kə́ majə aĺ ní a? I jī bēl̄ loo rāā yá̰a̰ yāsí sḭḭ̄ gə̄ n i kə́ majə aĺ ní!

EJEKIEL 18:25

Ɓá tā banī sḭḭ̄ ə́daī na jī bēl̄ loo rāā yá̰a̰ gə̄ yā Kɔ́ɔ̄ɓē na majə alé! Sḭḭ̄ Israel gə̄ ōōī, i jī bēl̄ loo rāā yá̰a̰ yāḿ mā n i kə́ majə aĺ ní a? I jī bēl̄ loo rāā yá̰a̰ yāsí gə̄ n i kə́ majə aĺ ní.

IJAI 45:21

Ɔ̄rī najə̄, ī-teēī kə yá̰a̰ gə̄ kə́ ɔjən̄ kadə̄ najə̄ yāsí i rɔ̄kum gə̄. Ī-tɔ́tī naā dɔ najə̄ tə́. Yá̰á̰ a rāā yá̰a̰ ngɔlaā toó, i náā n əda najə̄n kété adə̄ gerə̄n̄ ní? I náā n əda najə̄n kété jóó ní? I mā Kɔ́ɔ̄ɓē aĺ a? Nə́ɓā kə́ rang gətóo, i mā ngóy. Mā i Nə́ɓā kə́ nge rāā yá̰a̰ gōtə́, Nə́ɓā kə́ nge kajə deē. Nə́ɓā kə́ rang gətóo i mā ngóy.

IJAI 45:19

M-ɔ̄r̄ najə̄ i loo mundə̄ tə́ alé, i kem kɔgɔ̄ loo kógə̄ḿ kə́ dɔ nang tə́ kə́ risə til tə́ alé. M-ə́dá ngán kaa Jakob gə̄ najə̄ ń toō alé: Ī-sāāmī ɓōdə̄ loo tə́, loo kə́ yá̰a̰ gətóo tū tə́ tə́. Mā Kɔ́ɔ̄ɓē, m-ə́da i yá̰á̰ kə́ gōtə́, yá̰á̰ ń mā m-ə́da najə̄n ní i yá̰á̰ kə́ rɔ̄kum.

PĀ GƏ̄ 9:4

Madə̄ ba̰ā̰ḿ gə̄ télən̄ kə gōdə́ ō, bḭ́ḭ̄n̄ kə́ njadə́ əhɔ dɔ nang aĺ ō, oyn̄ kə̄ ta kumií tə́ noō ō.

Makətūbə̄ yā Job 34:23

Ni gḛy kəndā kumən gír deē tə́ jəke loo mundə̄ tə́ dan i ngá̰ý, tá yā kadə̄ deē aw̄ń loo gān̄g sarya tə́ ta kumən tə́ alé.

TA KƏLA 18:25

Tɔ̄l̄ de kə́ súmūú naā tə́ kə nge kem nduluú, kadə̄ yá̰a̰ yā de kə́ súmūú to tītə̄ yā nge kem ndul ní i yá̰a̰ rāāí ḭ̄ alé. Yá̰á̰ kə́ rāā tītə̄ ń noō i yá̰a̰ rāāí ḭ̄ alé. Nge gān̄g sarya dɔ de gə̄ malang kə́ dɔ nang tə́ tə́ a rāā yá̰á̰ kə́ gōtə́ aĺ alé.

Makətūbə̄ ń Pol ndang adə̄ Rom gə̄ ní 2:1

Ḭ̄ ń ī-gān̄g sarya ní, ká ḭ̄ i náā gə̄gē a, najə̄ i dɔí tə́. Tɔdɔ̄ ḭ̄ nge gān̄g sarya, dan ń ī-gān̄g sarya dɔ madí tə́ ō, īkɔ́ i rāā yá̰á̰ ń ni-rāā ō ní, īkɔ́ ə́hɔ rɔ̄í kə sarya.

Makətūbə̄ ń Pol ndang adə̄ Rom gə̄ ní 2:3

Ní ḭ̄ ń ā ī-gān̄g sarya dɔ de gə̄ ngeé ń noō tə́ ō, ā ī-rāā yá̰a̰ tītə̄ yādə́ ō ní, ī-gír̄ kadə̄ ā ī-teē kum sarya yā Nə́ɓā tə́ karī a?