Makətūbə̄ ń Pol ndang adə̄ Rom gə̄ ní 2:15 - Bibəl ta Sar̄

¹⁵ Nin̄-ɔjən̄ kadə̄ kəla ń ndū najə̄ əndā dɔ de gə̄ tə́ ní, i yá̰á̰ kə́ ndangən̄ kemdə́ nin̄ tə́ kɔ̄ɔ́ ɓá. Yá̰á̰ ń kemdə́ ɔjədə́ yā rāā á rāān̄ ní ɔjə kadə̄ i tītə̄ ń noō, tá gír̄ yādə́ gə̄ i tītə̄ ń noō ɓáý to̰. Tɔdɔ̄ gír̄ yādə́ gə̄ ɔjən̄də́ kadə̄ yá̰á̰ kə́ beé gə̄ ń rāān̄ toó i kə́ majə ō, kə́ beé gə̄ i kə́ majaĺ ō.

Bible sar

¹⁵ Nin̄-ɔjən̄ kadə̄ kəla ń *ndū najə̄ əndā dɔ de gə̄ tə́ ní, i yá̰á̰ kə́ ndangən̄ kemdə́ nin̄ tə́ kɔ̄ɔ́ ɓá. Yá̰á̰ ń kemdə́ ɔjədə́ yā rāā á rāān̄ ní ɔjə kadə̄ i tītə̄ ń noō, tá gír̄ yādə́ gə̄ i tītə̄ ń noō ɓáý to̰. Tɔdɔ̄ gír̄ yādə́ gə̄ ɔjən̄də́ kadə̄ yá̰á̰ kə́ beé gə̄ ń rāān̄ toó i kə́ majə ō, kə́ beé gə̄ i kə́ majaĺ ō.

Makətūbə̄ ń Pol ndang adə̄ Rom gə̄ ní 2:15 Referans Kwoze

2 KORḚNTƏ 5:11

Jḭḭ jə-ger̄ yá̰á̰ ń i ɓōĺ ndíĺ Kɔ́ɔ̄ɓē ní, adə̄ jə-sāā i kɔjə de gə̄ kadə̄ gerə̄n̄ najə̄ kə́ rɔ̄kum. Nə́ɓā ger̄jí majə ō, m̄-taā kem kadə̄ sḭḭ̄ ī-ger̄mī kemsí gə̄ tə́ majə ō.

TITƏ 1:15

De gə̄ ń nin̄ i de gə̄ kə́ unjə̄n̄ unjə̄ njáý njáý ní, yá̰a̰ malang i yá̰á̰ kə́ unjə̄ unjə̄ njáý njáý tām̄ yādə́ tə́, banī de gə̄ ń nin̄ i de kə́ yḛr gə̄ ō, nin̄ i ngé taā kem aĺ gə̄ ō ní, yá̰á̰ kə́ unjə̄ njáý njáý tām̄ yādə́ nin̄ tə́ gətóo. Tɔdɔ̄ kur̄ dɔdə́ ō, kemdə́ ō, i kə́ yḛr.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

Makətūbə̄ yā Job 27:6

m̄-ra ngan̄g dɔ yá̰á̰ kə́ gōtə́ yāḿ tə́, m-ā mə́ya̰ alé! Kemḿ rāām̄ najə̄ yá̰á̰ kógə̄ḿ kə́ gōtə́ aĺ kə́ m̄-rāā tə́ alé.

1 TIMOTE 4:2

Nin̄ a ndúmə̄n̄ sɔɔ̄ń najə̄ kə́ sor̄ yā ngé gól̄ loo gə̄. Ngé gól̄ loo gə̄ ngeé ń toō ní, dan wurdə́ i kə́ magə́rā kɔ̄ɔ́, tītə̄ kə́ əlan̄ gində̄ horoó adə̄ kərē tá əndān̄ tū tə́ beē.

Makətūbə̄ ń Pol ndang adə̄ Rom gə̄ ní 9:1

Najə̄ ń m-ā m-ə́da toó i najə̄ kə́ rɔ̄kum. Mā i deē yā Kərist ō, m̄-sor̄ aĺ ō. Tá Ndíĺ kə́ Táĺ ədam̄ kemḿ tə́ kadə̄ i rɔ̄kum ō.

KƏLA RĀĀ 24:16

I tām̄ najə̄ ń noō tə́ n m-ā m-ə́hɔń rɔ̄ḿ tɔgə ngándáńg kadə̄ najə̄ gətóoń dɔḿ tə́ ta kum Nə́ɓā tə́ ō, ta kum de gə̄ tə́ ō ní.

KƏLA RĀĀ 23:1

Pol əndā kumən dɔ ngé sarya kə́ bo gə̄ tə́ ba əda na: Ngákó̰ó̰ḿ gə̄, hálə́ḿ ń m̄-mgɔ̄m̄ ta kum Nə́ɓā tə́ bátə́ ɓōólaā ní, kemḿ ɔjəm̄ ngōn̄ yá̰á̰ kógə̄ḿ sḛ́ý kə́ majaĺ dɔ tə́ alé.

KOHELET 7:22

Tɔdɔ̄ īkɔ́ ī-ger̄ kadə̄ ī-ha madí gə̄ nja i ngá̰ý ō.

1 MBAN̄G GƏ̄ 2:44

Gō tə́ anī mban̄g əda Simei na: Yá̰á̰ kə́ majaĺ gə̄ malang ń ī-rāā kə bɔbə́ḿ Dabid ní īkɔ́ ī-ger̄ majə. Kɔ́ɔ̄ɓē a rāā kadə̄ kem ndul yāí tél əsō dɔí īkɔ́ tə́,

TA KƏLA 20:5

Abəraham nəkɔ́ ədam̄ na i ngōkó̰o̰n kə́ dəyá̰, tá dəyá̰ nəkɔ́ əda na Abəraham na i ngōkó̰o̰n kə́ dəngam rɔ̄kum. Adə̄ yá̰a̰ rāāḿ i kə kem kə́ unjə̄ njáý njáý, yá̰á̰ kə́ majaĺ kə́ m̄-rāā gətóo.

JA̰A̰ 8:9

De gə̄ ń oōn̄ najə̄ ń noō ní ɔrə̄n̄ rɔ̄də́ kógə̄ḿ kógə̄ḿ kɔ̄ɔ́, nga tɔ́gə gə̄ aw̄n̄ kété, pá tá gotə gə̄ aw̄n̄ gōdə́ tə́, adə̄ na̰y i Jeju ngóy nin̄ kə dəyá̰ ń əndānən̄ dandə́ tə́ ní.

Makətūbə̄ ń Pol ndang adə̄ Rom gə̄ ní 2:14

Dan ń nápar de gə̄ ń ndū najə̄ i dɔdə́ tə́ aĺ ní, ḭḭn̄ dɔ rɔ̄də́ rāān̄ yá̰á̰ ń ndū najə̄ ɔjə ní anī, nin̄ i ndū najə̄ tām̄ yā rɔ̄də́ nin̄ kɔ́ gə̄ tə́, ká ré ndū najə̄ yā Moijə gətóo dɔdə́ tə́ gə̄gē ní.

Makətūbə̄ ń Pol ndang adə̄ Rom gə̄ ní 2:27

Deē ngeé ń toō ní əja mɔtən kə́ gō yā dā̰ rɔ̄ tə́ alé, banī ni-rāā yá̰á̰ ń ndū najə̄ əda ní. Loo ń noō tə́ ní, ni a gān̄g sarya dɔí ḭ̄ tə́, tām̄ ḭ̄ ī-rāā yá̰á̰ ń ndū najə̄ əda ní alé. Tá ḭ̄ āw̄ kə makətūbə̄ ndū najə̄ ō, ə́ja mɔtií ō!