Makətūbə̄ ń Pol ndang adə̄ Rom gə̄ ní 2:13 - Bibəl ta Sar̄

¹³ Tɔdɔ̄ de gə̄ ń i de kə́ súmūú gə̄ ta kum Nə́ɓā tə́ ní, i ngé gə̄ ń a oōn̄ ndū najə̄ ń toō kə mbīdə́ ngóy ní alé. De gə̄ ń a télən̄ de kə́ súmūú gə̄ ní, i ngé gə̄ ń a rāān̄ yá̰á̰ ń ndū najə̄ ɔjə ní.

Bible sar

¹³ Tɔdɔ̄ de gə̄ ń i de kə́ súmūú gə̄ ta kum Nə́ɓā tə́ ní, i ngé gə̄ ń a oōn̄ *ndū najə̄ ń toō kə mbīdə́ ngóy ní alé. De gə̄ ń a télən̄ de kə́ súmūú gə̄ ní, i ngé gə̄ ń a rāān̄ yá̰á̰ ń ndū najə̄ ɔjə ní.

Makətūbə̄ ń Pol ndang adə̄ Rom gə̄ ní 2:13 Referans Kwoze

1 JA̰A̰ 3:7

Ngánə́ḿ kə́ dūú gə̄, ādī deē kógə̄ḿ rāāsí ādə̄ ī-ndúmī alé. Deē ń rāā yá̰á̰ kə́ gōtə́ ní, i de kə́ gōtə́ tītə̄ ń Jeju Kərist i de kə́ gōtə́ ní.

Makətūbə̄ ń Pol ndang adə̄ Rom gə̄ ní 2:25

Ré ī-rāā yá̰á̰ ń ndū najə̄ əda ní aĺ anī, kəja motə yāí i tītə̄ kəja mɔtə aĺ beē.

GALATƏ 2:16

Ɓá tā ba jə-gerī kadə̄ yá̰á̰ ń rāā adə̄ deē tél de kə́ súmūú ta kum Nə́ɓā tə́ ní, i ngɔ̄m̄ ndū najə̄ gə̄ alé, ba i kadə̄ deē taā kem Jeju Kərist. Adə̄ jḭḭ̄, jə-taāī kem Kərist Jeju ō, yā kadə̄ gerə̄n̄neé kadə̄ jḭḭ̄ i de kə́ súmūú gə̄ sɔɔ̄ń taā kə́ jə-taāī kem Kərist, banī i sɔɔ̄ń ngɔ̄m̄ kə́ jə-ngɔ̄mī ndū najə̄ gə̄ alé. Tɔdɔ̄ de kə́ kadə̄ Nə́ɓā rāān de kə́ súmūú tə́, sɔɔ̄ń ngɔ̄m̄ kə́ kɔ́ɔ̄ ngɔ̄m̄ ndū najə̄ ní, gətóo.

1 JA̰A̰ 2:29

Ré ī-gerī kadə̄ ni i de kə́ gōtə́ anī, náā nəkɔ́ ń rāā yá̰á̰ kə́ gōtə́ ní, i de kə́ Nə́ɓā ojən.

Makətūbə̄ ń Pol ndang adə̄ Rom gə̄ ní 10:5

Moijə nəkɔ́ ɔr̄ najə̄ kə́ sɔɔ̄ dɔ loo rāā ń ndū najə̄ a rāā de gə̄ kadə̄ télən̄ de kə́ gōtə́ gə̄ ta kum Nə́ɓā tə́ ní. Moijə ndang na deē ń rāā yá̰a̰ gə̄ ń ndū najə̄ ɔjə ní a ndi kə kumneé kə ta kūl̄ ndū najá.

Najə̄ kə́ Majə yā Jeju ń Luk ndang ní 8:21

Banī ni-tūr̄ ədadə́ na: I ngé koō najə̄ yā Nə́ɓā ba rāā yá̰á̰ ń Nə́ɓā əda ní gə̄ n i kó̰ó̰ḿ gə̄ ō, ngákó̰ó̰ḿ gə̄ ō ní.

Makətūbə̄ ń Pol ndang adə̄ Rom gə̄ ní 3:30

tɔdɔ̄ Nə́ɓā i kógə̄ḿ beē ngóy. Ni a rāā kadə̄ Jipə gə̄ gə̄gē, de gə̄ ń nin̄ i Jipə aĺ gə̄ ní gə̄gē, télən̄ de kə́ gōtə́ gə̄ ta kumən tə́ i kə ta kūl̄ taā kem.

Najə̄ kə́ Majə yā Jeju ń Luk ndang ní 18:14

Ādə̄ m-ə́dásí, dan ń nge taā lambóó ń toō tél aw̄ ɓēé ní, ni-tél de kə́ súmūú, ba madə̄n tá tél de kə́ súmūú alé. Tɔdɔ̄ deē malang ń a ɔsə rɔ̄n kə̄ dɔɔ́ ní, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

EJEKIEL 20:11

M-ādə̄də́ ndū najə̄ yāḿ gə̄ ō, jī bēl̄ loo rāā yá̰a̰ yāḿ gə̄ ń deē un gō anī a ndi kə kumneé ní, m-ɔ́jə́də́ adə̄ gerə̄n̄ ō.

PĀ GƏ̄ 143:2

Mā i nge kəla yāí adə̄ ī-lōō rāā sarya seḿ, tɔdɔ̄ de kə́ súmūú ta kumií tə́ gətóo.

NDŪ NAJƏ̄ 5:1

Moijə ɓāŕ ngán Israel gə̄ malang ba ədadə́ na: Israel gə̄, ōōī ndū najə̄ gə̄ ō, jī-bēl̄ loo rāā yá̰a̰ gə̄ ō ń m-ā m-ə́dásí ɓōólaā kadə̄ ōōī ní. Ī-ndóōī ō, ə̄ndāī kumsí gírí kadə̄ úniī gō ō.

NDŪ NAJƏ̄ 4:1

Ngán Israel gə̄, ōōī ndū najə̄ gə̄ ō, jī-bēl̄ loo rāā yá̰a̰ gə̄ ō ń mə̄kɔ́ m-ɔ́jə́sí loo kun gō ní. I beé n ā ī-ndiīneé kə kumsí ō, ā ī-taāīneé dɔ nang ń Kɔ́ɔ̄ɓē Nə́ɓā yā kaasí gə̄ adə̄sí ní ō.

GALATƏ 5:4

Sḭḭ̄ ń ī-sāāī tél de kə́ gōtə́ gə̄ kə ta kūl̄ ndū najá ní, majə kadə̄ ī-gerī na sḭḭ̄ ī-gāngī naā kə Kərist kɔ̄ɔ́ ō, rajə ń Nə́ɓā rajəsí ní ī-teēī kɔ̄ɔ́ tū tə́ ō.

Makətūbə̄ ń Pol ndang adə̄ Rom gə̄ ní 3:23

Nin̄ malang rāān̄ majaĺ, adə̄ i tām̄ ń noō tə́ n asən̄ kugə̄ tū kɔsə gɔn yā Nə́ɓā tə́ aĺ ní.

Makətūbə̄ ń Pol ndang adə̄ Rom gə̄ ní 3:20

Adə̄ i tām̄ ń noō tə́ n deē kógə̄ḿ kə́ tél de kə́ súmūú ta kum Nə́ɓā tə́ tām̄ rāā kə́ ni-rāā yá̰a̰ gə̄ kə́ ndū najə̄ ɔjə tə́ gətóó ní. Tɔdɔ̄ ndū najə̄ a rāā kə deé i kadə̄ gerə̄ń yá̰á̰ kə́ majaĺ gə̄ ń rāā ní ngóy.

NDŪ NAJƏ̄ 6:3

Ngán Israel gə̄ ōōī ō, ə̄ndāī kumsí gírí kadə̄ úniī gō ō, ɓáa rɔ̄sí a nel̄sí ō, kutəsí a reē ngá̰ý dɔ madə̄ tə́ ō, kem ɓē ń mba ō, yibə̄ tejə ō, i ngá̰ý tū tə́ ní tə́ tītə̄ ń Kɔ́ɔ̄ɓē Nə́ɓā yā kaasí ənīń míndən adə̄sí ní.

JEREMI 11:6

Kɔ́ɔ̄ɓē ədam̄ na: Āw̄ ə̄nī mbēr̄ najə̄ gə̄ ń toō malang kem ɓē gə̄ kə́ Juda tə́ ō, dɔ kə̄lá róbə gə̄ kə́ Jerusalem tə́ ō. Ōōī najə̄ kə́ dɔ madə̄ naā ń toō tə́ ō, ī-rāāī yá̰á̰ ń najə̄ ngeé ń toō mēr̄sí rāā ní ō.

JA̰A̰ 13:17

Kə́ ngɔr ń toō tə́ ní ī-gerī yá̰á̰ ní kɔ̄ɔ́, ba ré ī-rāāī beé anī, rɔ̄sí a nel̄sí.

1 KORḚNTƏ 4:4

Ká ré m̄-ger̄ kadə̄ najə̄ gətóo dɔḿ tə́ gə̄gē anī, m̄-tél de kə́ gōtə́ i tām̄ nge ń noō tə́ alé. Tɔdɔ̄ nge gān̄g sarya dɔḿ tə́ i Kɔ́ɔ̄ɓē.

JAKƏ 1:27

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.