Makətūbə̄ ń Pol ndang adə̄ Rom gə̄ ní 2:12 - Bibəl ta Sar̄

¹² Ngé gə̄ malang ń gerə̄n̄ ndū najə̄ yā Moijə alé ba rāān̄ yá̰á̰ kə́ majaĺ gə̄ ní a oyn̄, ba i kanjə̄ ndū najə̄. Ba ngé gə̄ malang ń gerə̄n̄ ndū najə̄ yā Moijə ba rāān̄ yá̰á̰ kə́ gō tə́ aĺ ní, i ndū najə̄ ń toō n a gān̄g sarya dɔdə́ tə́ ní.

Bible sar

¹² Ngé gə̄ malang ń gerə̄n̄ *ndū najə̄ yā Moijə alé ba rāān̄ yá̰á̰ kə́ majaĺ gə̄ ní a oyn̄, ba i kanjə̄ ndū najə̄. Ba ngé gə̄ malang ń gerə̄n̄ ndū najə̄ yā Moijə ba rāān̄ yá̰á̰ kə́ gō tə́ aĺ ní, i ndū najə̄ ń toō n a gān̄g sarya dɔdə́ tə́ ní.

Makətūbə̄ ń Pol ndang adə̄ Rom gə̄ ní 2:12 Referans Kwoze

1 KORḚNTƏ 9:21

Ré mā i dan de kə́ kanjə̄ ndū najə̄ gə̄ tə́ anī, mā ń i de kə́ kanjə̄ ndū najə̄ yā Nə́ɓā alé, tɔdɔ̄ ndū najə̄ yāḿ i Kərist ní, m̄-ndi tītə̄ kə́ mā i kanjə̄ ndū najə̄ dɔḿ tə́, kadə̄ m-ə́ngeń ngé gə̄ ń ndin̄ kanjə̄ ndū najə̄ ní.

GALATƏ 3:10

Ba ngé gə̄ ń əndān̄ tɔ́gə́də́ i dɔ rāā yá̰á̰ ń ndū najə̄ əda tə́ ní, ndɔ̄ĺ i dɔdə́ tə́. Tɔdɔ̄ i kə́ ndang na: Náā nəkɔ́ ń rāā yá̰a̰ malang ń ndangən̄ kem makətūbə̄ ndū najə̄ tə́ ní aĺ ní i de kə́ ndɔ̄ĺ i dɔn tə́.

Makətūbə̄ ń Pol ndang adə̄ Rom gə̄ ní 8:3

Tɔdɔ̄ yá̰á̰ ń ndū najə̄ asə rāā aĺ sɔɔ̄ń dā̰ rɔ̄ kə́ ɔr̄ tɔ́gən kɔ̄ɔ́ ní, Nə́ɓā rāā: Ni-əla Ngōnən kə dā̰ rɔ̄ kə́ tītə̄ yā ngé rāā majaĺ gə̄ ō, adə̄ Ngōnən ní kadə̄ tunə̄n̄ tām̄ yā majaĺ tə́ ō. I tītə̄ ń noō n ni-gāngəń sarya dɔ majaĺ ń to kem deē tə́ ní.

Makətūbə̄ ń Pol ndang adə̄ Rom gə̄ ní 1:32

De gə̄ ń rāān̄ yá̰á̰ kə́ tītə̄ ń noō gə̄ ní gerə̄n̄ majə kadə̄ sarya ń Nə́ɓā gān̄g dɔdə́ tə́ ní i kadə̄ a oyn̄. Nge ń noō nin̄-gerə̄n̄ majə tā, ba rāān̄ i mbéé ngóy alé, ba ré de kə́ rang gə̄ rāān̄ anī, nin̄-ndigən̄də́ loon tə́ ō.

MATIYE 11:24

Ní, ādə̄ m-ə́dásí, ndɔ̄ sarya tə́ anī, yā gō nang kə́ Sodom a to só tə́ ngá̰ý tɔȳ yāsí.

JAKƏ 2:10

Tɔdɔ̄ ré deē kógə̄ḿ ngɔ̄m̄ gotə ndū najə̄ gə̄ malang ba əya̰ kógə̄ḿ kɔ̄ɔ́ anī, sarya yā ndū najə̄ gə̄ malang əhɔn.

Makətūbə̄ ń Pol ndang adə̄ Rom gə̄ ní 4:15

Tɔdɔ̄ ndū najə̄ a reē kə wōn̄g yā Nə́ɓāá dɔ de gə̄ tə́, ba loo ń ndū najə̄ gətóo tū tə́ ní, loo mbātə́ rāā yá̰á̰ kə́ ndū najə̄ ɔjə a gətóo ō.

MATIYE 11:22

Ní, ādə̄ m-ə́dásí, ndɔ̄ sarya tə́ anī, yā ɓē kə́ Tir ō, Sidon ō, a to só tə́ ngá̰ý tɔȳ yāsí sḭḭ̄.

NDŪ NAJƏ̄ 27:26

Deē ń a rāā ndū najə̄ yā Nə́ɓā nja bə̄yā̰ kə́ gogə́ tə́ ō, a ngɔ̄m̄ aĺ ō ní, ndɔ̄ĺ i dɔn tə́. Loo ń noō tə́ gír de gə̄ malang a ədan̄ na: A̰á̰ā̰ ādə̄ i tītə̄ ń noō.

GALATƏ 3:22

Ba i tītə̄ ń noō alé, tām̄ makətūbə̄ yā Nə́ɓā əla dɔ yá̰a̰ gə̄ malang kə́ dɔ nang tə́ gíŕ tɔ́gə yā majaĺ tə́, yā kadə̄ Nə́ɓā adə̄ń ngé taā kem gə̄ yá̰á̰ ń ni-ənī míndən yā kadə̄ ngé taā kem Jeju Kərist gə̄ ní.

JA̰A̰ 19:11

Banī Jeju tél ədan na: Nə́ngētə́ nge ń ndi dɔɔ́ ní adī tɔ́gə aĺ anī, ḭ̄ ásə rāā yá̰á̰ kógə̄ḿ seḿ alé. Ī tām̄ najə̄ ń noō tə́ n majaĺ yā nge kəlam̄ jīí tə́ i kə́ bo ngá̰ý ní.

KƏLA RĀĀ 2:23

Əlan̄ Jeju ngeé ń toō jīsí tə́ kə gō ń Nə́ɓā gḛyń ní ō, i kə gō ń ni-núməń ní ō. Sḭḭ̄ ī-tɔ̄l̄niī, tɔdɔ̄ ə́laniī jī ngé rāā yá̰a̰ kə gō ndū Nə́ɓāá aĺ gə̄ tə́ adə̄ əndanən̄ kə mayá̰ tū kāgə̄ kə́ dēsə́ tə́.