Makətūbə̄ ń Pol ndang adə̄ Rom gə̄ ní 2:11 - Bibəl ta Sar̄

¹¹ tɔdɔ̄ Nə́ɓā a rāā yá̰a̰ i loo ger̄ ta kum deē tə́ alé.

Bible sar

¹¹ tɔdɔ̄ Nə́ɓā a rāā yá̰a̰ i loo ger̄ ta kum deē tə́ alé.

Makətūbə̄ ń Pol ndang adə̄ Rom gə̄ ní 2:11 Referans Kwoze

KƏLA RĀĀ 10:34

Piyer ɔr̄ najə̄, əda na: Ń toō ɓáa m̄-ger̄ tā, kadə̄ kə́ rɔ̄kum tə́ Nə́ɓā a rāā yá̰a̰ tām̄ ta kum deē tə́ alé.

NDŪ NAJƏ̄ 10:17

Tɔdɔ̄ i Kɔ́ɔ̄ɓē Nə́ɓā yāsí n i Nə́ɓā yā nə́ɓā gə̄ ō, Kɔ́ɔ̄ɓē yā kɔ́ɔ̄ ɓē gə̄ ō ní. Ni i Nə́ɓā kə́ bo ō, tɔ́gən i ngá̰ý ō, to ɓōĺ ngá̰ý ō, a sāā ger̄ ta kum deē tá yā rāań majə seneé aĺ ō, ni i nge mbātə́ yá̰á̰ kə́ kəla nang tə́ kadə̄ deē kadə̄ rāań yá̰a̰ ō.

GALATƏ 2:6

Ba ngé gə̄ ń i ngé kɔr no de gə̄ ní, ɔjəmə̄n̄ yá̰a̰ kə́ kijə gə̄ kadə̄ m̄-rāādə́ dɔ gúú tə́ alé. Kə́ rɔ̄kum tə́, ká ré nin̄ i ngé kɔr no de gə̄ kété gə̄gē anī usəm̄ mā alé, tɔdɔ̄ Nə́ɓā a gān̄g sarya i tām̄ ta kum deē alé.

2 YÁ̰A̰ GƏ̄ 19:7

Ní, ī-ɓōlíī Kɔ́ɔ̄ɓē ō, ə̄ndāī kumsí gíŕ yá̰á̰ ń ā ī-rāāī tə́ ní majə ō. Tɔdɔ̄ Kɔ́ɔ̄ɓē Nə́ɓā yājí i nge rāā yá̰a̰ gōtə́ aĺ aĺ ō, i nge rāā yá̰a̰ tām̄ ta kum deē aĺ ō, i nge ndigə kadə̄ karī yā nujəń sarya aĺ ō.

Makətūbə̄ yā Job 34:19

I ni ngóy n i nge rɔȳ ngār gə̄ tām̄ ta kumdə́ tə́ aĺ ní ō, nge kɔr̄ kam̄ nge kənge yá̰a̰ naā tə́ kə nge ndoó aĺ ní ō. Tɔdɔ̄ i ni n i nge rāādə́ jōó mbak ní.

KOLOSƏ 3:25

Nge ń rāā yá̰á̰ kə́ gō tə́ aĺ ní, a ənge yá̰á̰ kə́ tām̄ yā yá̰á̰ kə́ gō tə́ aĺ ń ni-rāā tə́ ní, tɔdɔ̄ Kɔ́ɔ̄ɓē i nge rāā yá̰a̰ tām̄ ta kum deē tə́ alé.

NDŪ NAJƏ̄ 16:19

Ī-lōō tə́la ta njaí naā tə́ loo sarya tə́. Ā ī-gān̄g sarya tām̄ ta kum deē alé. Ī-lōō taā kadə̄ karī, tɔdɔ̄ kadə̄ karī i yá̰á̰ kə́ a utə̄ kum de kə́ ngáā gə̄ ō, a nujə najə̄ yā de kə́ sew gə̄ ō.

EPEJƏ 6:9

Ba sḭḭ̄ kɔ́ɔ̄ ɓəlo gə̄, ī-rāāī tītə̄ ń noō sedə́ ō. Ī-lōōī ka̰ȳ ndíĺdə́, tɔdɔ̄ ī-gerī kadə̄ nge ń i kɔ́ɔ̄də́ ō, kɔ́ɔ̄sí ō ní, ndi i dɔ rā̰ tə́ ō, ni a rāā yá̰a̰ tām̄ ta kum deē aĺ ō.

MATIYE 22:16

Gō tə́ anī əlan̄ ngé ndóō yá̰a̰ yādə́ gə̄, naā tə́ kə de gə̄ yā Herod gēé adə̄ aw̄ dəjen̄ Jeju na: Ngoljí, jə-ger̄ kadə̄ ḭ̄ i de kə́ nge kəda najə̄ kə́ rɔ̄kum ō, ḭ̄ ndóō de gə̄ gō róbə yā Nə́ɓā i kə najə̄ kə́ rɔ̄kum kanjə̄ ɓōĺ deē ō. Tɔdɔ̄ ḭ̄ ī-rāā yá̰a̰ tām̄ ta kum deē alé.

Najə̄ kə́ Majə yā Jeju ń Luk ndang ní 20:21

Anī dəjen̄ Jeju najə̄ ədan̄ na: Ngol, jə-ger̄ kadə̄ najə̄ kɔrīí ō, yá̰á̰ ndóō yāí ō i gōtə́, tá ḭ̄ ī-rāā yá̰a̰ loo ger̄ ta kum deē tə́ alé, ba ā ī-ndóō de gə̄ gō róbə gə̄ yā Nə́ɓā i kə najə̄ kə́ rɔ̄kum.

1 PIYER 1:17

Nə́ɓā ń i nge gān̄g sarya dɔ de gə̄ tə́ malang, kə gō yá̰a̰ rāādə́ gēé kógə̄ḿ kógə̄ḿ ba i tām̄ ta kumdə́ tə́ aĺ ní, ré sḭḭ̄ ī-ɓār̄niī na i Bɔbə̄sí anī, ɔ́jiī kə̄ ndágá tū kəla rāāsí gə̄ tə́ kadə̄ ī-ɓōlíī ndílən, kə dɔ ndɔ̄ gə̄ malang ń ī-ndiīneé kə kumsí dɔ nang tə́ ní.

Makətūbə̄ ń Pol ndang adə̄ Rom gə̄ ní 9:14

Ní, kə j-ədaī na i rí? Kadə̄ Nə́ɓā i de kə́ gōtə́ aĺ a? Yḛtə aĺ bátə́!