Makətūbə̄ ń Pol ndang adə̄ Rom gə̄ ní 16:7 - Bibəl ta Sar̄

⁷ Ī-rāāī Andəronikus ō Junias ō lápə́ya ādə̄mī. Nin̄ i mósə́ḿ gə̄ ō, madə̄ dəngáýḿ gə̄ ō. Nin̄ i ngámbang kəla kə́ bo gə̄, tá nin̄ i ngé yā Kərist gə̄ kété noḿ mā tə́ ɓáý to̰.

Bible sar

⁷ Ī-rāāī Andəronikus ō Junias ō lápə́ya ādə̄mī. Nin̄ i mósə́ḿ gə̄ ō, madə̄ dəngáýḿ gə̄ ō. Nin̄ i ngámbang kəla kə́ bo gə̄, tá nin̄ i ngé yā *Kərist gə̄ kété noḿ mā tə́ ɓáý to̰.

Makətūbə̄ ń Pol ndang adə̄ Rom gə̄ ní 16:7 Referans Kwoze

Makətūbə̄ ń Pol ndang adə̄ Rom gə̄ ní 16:21

Timote kə́ madə̄ kəlaḿ rāāsí lápə́ya ō, Lusius ō, Jaso̰ ō, Sosipatər ō nin̄ ń i ngééḿ gə̄ ní rāān̄sí lápə́ya.

Makətūbə̄ ń Pol ndang adə̄ Rom gə̄ ní 16:11

Ī-rāāī Erodiyo̰ lápə́ya ādə̄mī. Ni i mósə́ḿ. Ī-rāāī ngé taā kem kə́ ɓē Narsisií gə̄ lápə́ya ādə̄mī.

PILEMO̰ 1:23

Epapəras dəngáy madə́ḿ kə́ tām̄ yā najə̄ yā Kərist Jeju tə́,

KOLOSƏ 4:10

Aristark ń i dəngáy madə́ḿ ní, rāāsí lápə́ya. Mark kə́ ngōkó̰o̰ Barnabas rāāsí lápə́ya ō. Ni ní tāān̄sí najə̄ kə́ dɔn tə́ adə̄ ōōī ɓá. Ré ni-ugə̄ loosí anī, ə́hɔin̄ kə̄ rɔ̄sí tə́ majə.

EPEJƏ 2:10

Tɔdɔ̄ i Nə́ɓā n rāājí ní. Ni-rāājí kə ta kūl̄ Kərist Jeju i yā kadə̄ kəla kə́ majə gə̄ ń nəkɔ́ əndā dɔ danaá kété ní, jə-rāāīdə́.

GALATƏ 1:22

Ba dan ngé ń noō tə́ ní, de gə̄ kə́ kem Egəlijə gə̄ yā Kərist kə́ gō nang kə́ Jude tə́ ger̄mə̄n̄ mā alé.

2 KORḚNTƏ 5:17

Adə̄ ré deē kógə̄ḿ ɓoon̄ naā kə Kərist anī, ni i de kə́ kijə. Yá̰á̰ kə́ kété jóo mān̄ kɔ̄ɔ́, ba ngɔlaā yá̰á̰ ń to ní i yá̰á̰ kə́ kijə.

JEJU TEĒ KUM JA̰A̰ 1:9

Mā ngōkó̰ó̰sí Ja̰a̰ ń mā i sesí kum yá̰á̰ kə́ tōr̄ tə́ ō, kem Ɓē ko̰o̰ tə́ ō, loo kəhɔ rɔ̄ tɔgə tə́ gō Jeju tə́ ō ní, m̄-ndi dor̄ ń rīn na i Patəmos ní tə́ i tām̄ najə̄ yā Nə́ɓā tə́ ō, najə̄ kə́ kum tə́ kə́ m-ə́da tām̄ yā Jeju tə́ ō.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

1 JA̰A̰ 4:13

I tām̄ kadə̄ ń ni-adə̄jí Ndílən ní n jə-gerīneé kadə̄ jḭḭ̄ i kemən tə́ ō, ni i kemjí tə́ ō ní.

GALATƏ 6:15

Tɔdɔ̄ kəja mɔtə aké, kəja mɔtə aĺ ní, i yá̰á̰ kógə̄ḿ alé. Ba yá̰á̰ ń i yá̰á̰ kə́ bo ní, i kadə̄ jḭḭ̄ i de kə́ kijə gə̄.

GALATƏ 5:6

Tām̄ yā ngé gə̄ ń ɓoon̄ naā kə Kərist Jeju ní, kəja mɔtə aáā, kəja mɔtə aĺ aáā, i yá̰á̰ kə́ karī. Yá̰á̰ kə́ bo i taā kem kə́ rāā yá̰a̰ kə ta kūl̄ tárá.

GALATƏ 2:6

Ba ngé gə̄ ń i ngé kɔr no de gə̄ ní, ɔjəmə̄n̄ yá̰a̰ kə́ kijə gə̄ kadə̄ m̄-rāādə́ dɔ gúú tə́ alé. Kə́ rɔ̄kum tə́, ká ré nin̄ i ngé kɔr no de gə̄ kété gə̄gē anī usəm̄ mā alé, tɔdɔ̄ Nə́ɓā a gān̄g sarya i tām̄ ta kum deē alé.

2 KORḚNTƏ 11:23

Nin̄ i ngé rāā kəla gə̄ yā Kərist a? Ré i nge ń noō ɓáa m-ā m-ɔ̄r̄ i kə́ nge kɔ̄r̄ tə́ ɗer. Mā m̄-tɔȳdə́ loo rāā kəla yā Kərist tə́. m̄-rāā kəla m̄-tɔȳdə́. m̄-rāā dəngáy kə̄ nja naā tə́ ō, əndamə̄n̄ nja i ngá̰ý ō, m-ə́ngé yá̰á̰ kə́ asə yoḿ kə̄ nja naā tə́ ō.

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

1 KORḚNTƏ 1:30

Banī Nə́ɓā ɓoosí naā tə́ kə Jeju Kərist ō, ni-rāā Kərist ní i kum kedə̄ yājí kə́ ḭḭ rɔ̄ Nə́ɓā tə́ ō, yá̰á̰ kə́ gōtə́ yājí tə́ ō, kə́ kɔr̄ kam̄ tām̄ yā Nə́ɓā yājí tə́ ō, gān̄g dɔ yājí tə́ ō.

Makətūbə̄ ń Pol ndang adə̄ Rom gə̄ ní 8:1

Adə̄ ngɔlaā ní sarya kógə̄ḿ kə́ yā kəhɔjí jḭḭ̄ ń i ngé ɓoo naā kə Kərist gə̄ ní gətóo.

JA̰A̰ 15:2

Ta jīḿ gə̄ ń anə̄n̄ aĺ ní, ni a jén̄gdə́ kɔ̄ɔ́. Ba ta jīḿ gə̄ malang ń anə̄n̄ ní, ni a tɔ́r̄də́ kadə̄ anə̄n̄ ngá̰ý mān̄ kə́ kété.

JA̰A̰ 14:20

Ndɔ̄ ń noō tə́ ní ā ī-gerī kadə̄ mā i kem Bɔbə́ḿ tə́ ō, sḭḭ̄ i kemḿ mā tə́ ō, mā i kemsí tə́ ō.

JA̰A̰ 6:56

Deē ń əsa dā̰ḿ ō, a̰ȳ mósə́ḿ ō ní, ni-ndi kemḿ tə́ ō, mā m̄-ndi kemən tə́ ō.

IJAI 45:25

De gə̄ malang ń Israel ojədə́ ní a əngen̄ yá̰a̰ rāā kə́ gōtə́ i kə ta kūlə̄ḿ mā ō, nin̄ a əndan̄ kadədə́ najə̄n tə́ ō.

IJAI 45:17

Banī Kɔ́ɔ̄ɓē ajə gír de gə̄ yā Israel, ni ajədə́ i kə́ njɔ́ḿ gə̄ tə́. A nujən̄də́ to̰ aĺ ō, a əlan̄ rɔ̄sɔl̄ dɔdə́ tə́ to̰ aĺ ō.

GALATƏ 2:2

Tá kaw̄ḿ Jerusalem ní, i gō teē kə́ Nə́ɓā teē kumḿ dɔ tə́ kadə̄ m-āw̄ tə́. Dan ń m-āw̄ ní, m-ɔ́jə́ ngé gə̄ ń nin̄ i ngé kɔŕ no de gə̄ ní gír Najə̄ kə́ Majə ń m-ɔ́jə de gə̄ ń nin̄ i Jipə aĺ gə̄ ní kə kéŕdə́, na sōgə́ ngɔ̄də̄ ń m-ā̰ȳ ɓá, aláa m-ā m-ā̰ȳ ɓáý ní, i ngɔ̄də̄ kə́ ndāńg karī.

Makətūbə̄ ń Pol ndang adə̄ Rom gə̄ ní 8:11

Ré Ndíl nge ń ndól̄ Jeju dan de kə́ koy gə̄ tə́ ní ndi kemsí tə́ anī, nge ń ndól̄ Jeju Kərist dan de kə́ koy gə̄ tə́ ní, a rāā kadə̄ rɔ̄sí kə́ a oy ń toō a ndi kə kumuú kə ta kūl̄ Ndílən ń ndi kemsí tə́ ní.

Makətūbə̄ ń Pol ndang adə̄ Rom gə̄ ní 9:3

m̄-ndə̄ngā kadə̄ Nə́ɓā kōnjə̄m̄ ō, ɔrə̄m̄ kɔ̄ɔ́ kadə Kərist tə́ ō, yā kajəń ngákó̰ó̰ḿ kə́ gír kojə yāḿ tə́ gə̄.

Makətūbə̄ ń Pol ndang adə̄ Rom gə̄ ní 16:3

Ī-rāāī Pərisil ō Akilas ō lápə́ya ādə̄mī. Nin̄ i madə̄ kəlaḿ kə́ loo kɔjə najə̄ yā Jeju Kərist tə́.

Makətūbə̄ ń Pol ndang adə̄ Rom gə̄ ní 16:6

Ī-rāāī Mari ń ɔr sesí ngá̰ý ní lápə́ya ādə̄mī ō.

Makətūbə̄ ń Pol ndang adə̄ Rom gə̄ ní 16:8

Ī-rāāī Ampəliatus lápə́ya ādə̄mī. Ni i madə́ḿ kə́ ngá̰ý loo kun gō Kɔ́ɔ̄ɓē tə́.

Makətūbə̄ ń Pol ndang adə̄ Rom gə̄ ní 16:9

Ī-rāāī Urbḛ lápə́ya ādə̄mī ō. Ni i madə̄ kəlají loo kɔjə najə̄ yā Kərist tə́. Ī-rāāī kó tár yāḿ Sətakis lápə́ya ō.

Makətūbə̄ ń Pol ndang adə̄ Rom gə̄ ní 16:10

Ī-rāāī Apel lápə́ya ādə̄mī. Ni-rāā yá̰á̰ kə́ ɔjə kə̄ ndágá kadə̄ ni i nge taā kem Kərist. Ī-rāāī de kə́ kem kújə yā Aristobul tə́ gə̄ lápə́ya ādə̄mī.

2 KORḚNTƏ 12:2

m̄-ger̄ deē yā Kərist kógə̄ḿ, kə́ un aw̄n̄ seneé dɔ rā̰ kə́ nge ko̰ mətá tə́, asə ɓāl̄ kutə kógə̄ḿ gidə i sɔ́ kə̄ gogə́ nú kɔ̄ɔ́ tā. Ká unən̄ i mbéé kə́ rɔ̄kum tə́ aáā, ni-a̰a̰ i yá̰a̰ aáā, mā m̄-ger̄ alé, i Nə́ɓā tá ger̄.