Makətūbə̄ ń Pol ndang adə̄ Rom gə̄ ní 16:5 - Bibəl ta Sar̄

⁵ Ī-rāāī de kə́ kem Egəlijə tə́ gə̄ ń a kánə̄n̄ naā loodə́ ní lápə́ya ādə̄mī ō. Ī-rāāī kó tár yāḿ Epenetə ń i nge taā kem Jeju Kərist kə́ ta kəga dɔ sasak kə́ gō nang kə́ Aji tə́ ní lápə́ya ādə̄mī ō.

Bible sar

⁵ Ī-rāāī de kə́ kem Egəlijə tə́ gə̄ ń a kánə̄n̄ naā loodə́ ní lápə́ya ādə̄mī ō. Ī-rāāī kó tár yāḿ Epenetə ń i nge taā kem Jeju Kərist kə́ ta kəga dɔ sasak kə́ gō nang kə́ Aji tə́ ní lápə́ya ādə̄mī ō.

Makətūbə̄ ń Pol ndang adə̄ Rom gə̄ ní 16:5 Referans Kwoze

KOLOSƏ 4:15

Ī-rāāī ngákó̰ó̰jí gə̄ kə́ Laodise ō, Nimpas naā tə́ kə ngé kán̄ naā kə́ kem kújə yān tə́ gə̄ ō lápə́ya.

PILEMO̰ 1:2

ngōkó̰ó̰jí kə́ dəyá̰ Apya ō, madə̄ rɔ̄ɔ̄jí Arkipə ō, ngé kán̄ naā gə̄ kə́ kem kújə yāí tə́ ō.

1 KORḚNTƏ 16:19

De gə̄ kə́ kem Egəlijə gə̄ kə́ dɔ nang kə́ Aji tə́ rāān̄sí lápə́ya. Akilas ō, Pərisil ō, naā tə́ kə de gə̄ kə́ kem Egəlijə tə́ ń a kánə̄n̄ naā kem kújə yādə́ nin̄ tə́ ní, rāān̄sí lápə́ya kə gō ɓoojí naā kə Kɔ́ɔ̄ɓēé.

1 KORḚNTƏ 16:15

Ī-gerī Esətepanas nin̄ kə de kə́ kem kújə yān tə́ gə̄: Ī-gerī kadə̄ dɔ nang kə́ Akayi tə́ ní, i nin̄ n taān̄ kem kété ō, əndān̄ rɔ̄də́ ta kəla yā de gə̄ yā Nə́ɓā tə́ ō ní.

MATIYE 18:20

Tɔdɔ̄ loo ń de gə̄ jōó aláa mətá kánə̄n̄ naā tū tə́ kə rīḿ ní, mā i dandə́ tə́ noō.

JEJU TEĒ KUM JA̰A̰ 14:4

Nin̄ i ngé gə̄ ń yḛrən̄ rɔ̄də́ kə dəyá̰ gēé aĺ ní, tɔdɔ̄ nin̄-unjə̄n̄ njáý njáý. Nin̄-unən̄ gō Ngōn̄ batə̄ loo malang ń ni-aw̄ tū tə́ ní tə́. I nin̄ n gāngə̄n̄ dɔdə́ dan de gə̄ tə́ tām̄ yā Nə́ɓā tə́ ō, Ngōn̄ batə̄ tə́ ō ní.

3 JA̰A̰ 1:1

I mā kum kɔɔ̄ n m̄-ndang makətūbə̄ ń toō m-ə́lań m-ādə̄ kó tár yāḿ Gayus ń m̄-tárən rɔ̄kum ní.

JAKƏ 1:18

Ni-ojəjí kə gō kem ndigə yānneé, kə ta kūl̄ najə̄ kə́ rɔ̄kum, ba əndājí loo kə́ kété tə́ dɔ yá̰a̰ rāān gə̄ tə́ malang.

2 KORḚNTƏ 9:2

m̄-ger̄ yá̰á̰ kə́ majə gə̄ ń ī-sāāī rāā ní kɔ̄ɔ́, adə̄ m-ɔ́r ta rɔ̄ḿ najə̄ yāsí tə́ ta kum de gə̄ kə́ Masedəwan tə́: M-ə́dádə́ na de kə́ Akayi tə́ gə̄ əndān̄ dɔ rɔ̄də́ danaá kɔ̄ɔ́ i kaĺbēé beē. Adə̄ kɔl watang yāsí ɔsə kə ngé kán̄ naā gə̄ ngá̰ý ta rāā yá̰a̰ ō.

2 KORḚNTƏ 1:1

I mā Pol ń i ngōmbang kəla yā Jeju Kərist kə gō kem ndigə yā Nə́ɓāá ní ō, ngōkó̰ó̰sí Timote ō n j-əla kə makətūbə̄ ń toō ní. J-əlań j-adə̄ i Egəlijə yā Nə́ɓā ń i kem ɓē kə́ Korḛntə tə́ ní ō, ngé taā kem gə̄ ń ndin̄ dɔ nang kə́ Akayi tə́ kə taá malang ní ō.

Makətūbə̄ ń Pol ndang adə̄ Rom gə̄ ní 16:12

Ī-rāāī Təripen ō Teripojə ō lápə́ya ādə̄mī. Nin̄ i dəyá̰ gə̄ kə́ ɔrən̄ ta kəla yā Kɔ́ɔ̄ɓē tə́ aĺ ō. Ī-rāāī Persis lápə́ya ādə̄mī ō. Ni i kó tár yāḿ kə́ rāā kəla ngá̰ý tām̄ yā Kɔ́ɔ̄ɓē tə́.

Makətūbə̄ ń Pol ndang adə̄ Rom gə̄ ní 16:8

Ī-rāāī Ampəliatus lápə́ya ādə̄mī. Ni i madə́ḿ kə́ ngá̰ý loo kun gō Kɔ́ɔ̄ɓē tə́.

Makətūbə̄ ń Pol ndang adə̄ Rom gə̄ ní 15:26

Tɔdɔ̄ ngé taā kem kə́ Masedəwan tə́ gə̄ ō kə́ Akayi tə́ gə̄ ō, ndigən̄ kɔsə dɔ yá̰a̰ naā tə́ tām̄ yā ngé ndoō gə̄ kə́ dan de gə̄ yā Nə́ɓā kə́ Jerusalem tə́.

Makətūbə̄ ń Pol ndang adə̄ Rom gə̄ ní 11:16

Ba á̰a̰ī, dan ń dɔ mur̄ kə́ kugə i kə́ táĺ anī, gá̰a̰ mur̄ ń na̰y ní i kə́ táĺ ō aĺ a? Ré ngəra kāgə̄ i kə́ táĺ anī, ta jīn gə̄ i kə́ táĺ ō aĺ a?

KƏLA RĀĀ 18:27

Ni gḛy kaw̄ gō nang kə́ Akayi tə́, anī ngákó̰o̰n gə̄ ndigən̄ gōn tə́ ō, ndangən̄ makətūbə̄ adə̄n̄ ngé ndóō yá̰a̰ gə̄ dəjen̄neédə́ kadə̄ əhɔnən̄ kə̄ rɔ̄də́ tə́ majə ō. Dan ń ni-ugə̄ anī, rāā majə ngá̰ý kə ngé taā kem gēé kə yá̰á̰ ń Nə́ɓā adə̄n karī ní.

KƏLA RĀĀ 18:12

Dan ń Galiyo̰ a o̰o̰ń ɓē kə́ Akayi ní, Jipə gə̄ malang əndān̄ rɔ̄də́ naā tə́ ba oōn̄ kum Pol alé. Nin̄-aw̄n̄ seneé loo sarya tə́,

KƏLA RĀĀ 2:9

Partə gə̄ ō, Medə gə̄ ō, Elam gə̄ ō, de kə́ Mesopotami tə́ gə̄ ō, Jude gə̄ ō, Kapados gə̄ ō, Po̰o̰ gə̄ ō, de kə́ gō nang kə́ Aji tə́ gə̄ ō,

KƏLA RĀĀ 16:6

Pol nin̄ kə Silas əndan̄ nang kə́ Pəriji ō kə́ Galasi ō gāngə̄n̄, tɔdɔ̄ Ndíĺ kə́ Táĺ ɔgə̄də́ kɔjə najə̄ dɔ nang kə́ Aji tə́.

Makətūbə̄ ń Pol ndang adə̄ Rom gə̄ ní 16:4

Nin̄-ənīn̄ rɔ̄də́ kɔ̄ɔ́ tām̄ yāḿ tə́, adə̄ i mā ngóy n dɔḿ a ndígə̄nal yá̰á̰ ń nin̄-rāān̄ seḿ toō aĺ ní alé, ba i de gə̄ kə́ kem Egəlijə gə̄ tə́ malang, kə́ gō nang yā de gə̄ kə́ nin̄ i Jipə aĺ gə̄ tə́.

Makətūbə̄ ń Pol ndang adə̄ Rom gə̄ ní 16:6

Ī-rāāī Mari ń ɔr sesí ngá̰ý ní lápə́ya ādə̄mī ō.