Makətūbə̄ ń Pol ndang adə̄ Rom gə̄ ní 16:4 - Bibəl ta Sar̄

⁴ Nin̄-ənīn̄ rɔ̄də́ kɔ̄ɔ́ tām̄ yāḿ tə́, adə̄ i mā ngóy n dɔḿ a ndígə̄nal yá̰á̰ ń nin̄-rāān̄ seḿ toō aĺ ní alé, ba i de gə̄ kə́ kem Egəlijə gə̄ tə́ malang, kə́ gō nang yā de gə̄ kə́ nin̄ i Jipə aĺ gə̄ tə́.

Bible sar

⁴ Nin̄-ənīn̄ rɔ̄də́ kɔ̄ɔ́ tām̄ yāḿ tə́, adə̄ i mā ngóy n dɔḿ a ndígə̄nal yá̰á̰ ń nin̄-rāān̄ seḿ toō aĺ ní alé, ba i de gə̄ kə́ kem Egəlijə gə̄ tə́ malang, kə́ gō nang yā de gə̄ kə́ nin̄ i Jipə aĺ gə̄ tə́.

Makətūbə̄ ń Pol ndang adə̄ Rom gə̄ ní 16:4 Referans Kwoze

1 JA̰A̰ 3:16

Jḭḭ̄ jə-gerī tár i kə ta kūl̄ yá̰á̰ ń toō: Jeju Kərist oy i tām̄ yājí tə́. Ní, majə kadə̄ jḭḭ̄ j-oyiī tām̄ yā ngákó̰ó̰jí gə̄ tə́ ō.

PILIPƏ 2:30

Tɔdɔ̄ na̰y i sḛ́ý beē kadə̄ ni-oy tām̄ kəla yā Kərist tə́. Ni-ənī rɔ̄n kɔ̄ɔ́ yā rāań kəla ń sḭḭ̄ ásiī rāā tām̄ yāḿ tə́ aĺ ní.

1 TESALONIK 2:14

Ngákó̰ó̰ḿ gə̄, de gə̄ kə́ kem Egəlijə gə̄ yā Nə́ɓā tə́ ń taān̄ kem Jeju Kərist tə́ á ndin̄ dɔ nang kə́ Jude tə́ ní, yá̰á̰ ń rāādə́ ní, rāāsí sḭḭ̄ ō. Tɔdɔ̄ i yá̰á̰ kə́ tōr̄ gə̄ ń ngé taā kem kə́ Jude tə́ gə̄ əngen̄ jī Jipə gə̄ tə́ ní n sḭḭ̄ ə́ngeī jī de kə́ kem ɓē yāsí tə́ gə̄ ō ní.

1 KORḚNTƏ 16:1

Najə̄ kə́ dɔ yá̰á̰ kə́ kɔsə dɔ naā tə́ tām̄ yā de gə̄ yā Nə́ɓā tə́ ń m-ɔ́jə́ de gə̄ kə́ kem Egəlijə gə̄ kə́ Galasi tə́ ní, sḭḭ̄ ā ī-rāāī yāsí i tītə̄ yādə́ ō.

1 KORḚNTƏ 7:17

Tá ɓáý to̰ ní, ādə̄ deē kógə̄ḿ kógə̄ḿ ndi kə jī loo ndi ń Kɔ́ɔ̄ɓē adə̄n á ni-ndiń kété tá kadə̄ Nə́ɓā ɓārə́n ní. Yá̰á̰ ń m-ə́da de gə̄ kə́ kem Egəlijə gə̄ tə́ malang kadə̄ rāān̄ ní n noó.

Makətūbə̄ ń Pol ndang adə̄ Rom gə̄ ní 5:7

Kadə̄ deē ndigə koy tām̄ yā madə̄n kə́ i de kə́ súmūú tə́ ní i yá̰á̰ kə́ sétə́ ngá̰ý. Ká ré i de kə́ majə gə̄gē anī, majə tá deē a əre wurən njam yā koy tām̄ yān tə́.

KƏLA RĀĀ 16:5

De gə̄ kə́ kem Egəlijə gə̄ tə́ əngen̄ tɔ́gə dɔ taā kem tə́ ō, kutədə́ reē kə̄ dɔ naā tə́ kə dɔ ndɔ̄ gə̄ ō.

KƏLA RĀĀ 15:41

Ni ənda dɔ nang kə́ Siri ō, kə́ Silisi ō gān̄g. Ni mbūsə̄ de gə̄ kə́ kem Egəlijə gə̄ tə́ adə̄ ran̄ ngan̄g dɔ taā kem yādə́ tə́ ō.

JA̰A̰ 15:13

Táŕ kə́ bo tɔȳ kadə̄ deē adə̄ rɔ̄n yo tām̄ yā madə̄ kə́ran gə̄ tə́ ní gətóo.

MISE 2:3

I tām̄ yá̰á̰ ń noō tə́ n Kɔ́ɔ̄ɓē əda najə̄ toō ní: M-ə̄ndā dɔ yá̰á̰ kógə̄ḿ kə́ to kum kaȳ aĺ danaá, yā rɔ̄ɔ̄ń kə de gə̄ kə́ dan ɓūtə̄ yāsí gə̄ tə́. Sḭḭ̄ ā ásiī teē kum tə́ karī alé, ā ɔ̄rī dɔsí dɔɔ́ yā njə̄rań to̰ alé. A̰á̰ā̰, kum mbang ń a reē ní, i kum mbang yā yá̰á̰ kə́ to kum kaȳ aĺ.

2 SAMUEL 22:41

Ḭ̄ ī-rāā ādə̄ madə̄ ba̰ā̰ḿ gə̄ tūrə̄n̄ gándə́də́ taḿ tə́ kə ngɔ̄dɔ̄ɔ́. Ngé rɔ̄ɔ̄m̄ gə̄ ní, m̄-tɔ̄l̄də́ kɔ̄ɔ́ náḿ náḿ.

JOJUE 10:24

Dan ń teēn̄ kə mban̄g kə́ mí ní reēn̄ sedə́ rɔ̄ Jojue tə́ oy anī, Jojue ɓāŕ de kə́ dəngam gə̄ malang ké Israel tə́ ba əda ngol ngé rɔ̄ɔ̄ gə̄ ń aw̄n̄ seneé rɔ̄ tə́ ní na: Ī-reē ī-tə́ndāī njasí míndə mban̄ gə̄ ń toō tə́. Ngol ngé rɔ̄ɔ̄ gə̄ ní reē tə́ndān̄ njadə́ míndə mban̄g gə̄ ní tə́.

JEJU TEĒ KUM JA̰A̰ 1:4

I mā Ja̰a̰ n m̄-ndang makətūbə̄ ń toō m-ə́lań m-ādə̄ Egəlijə kə́ sīrí gə̄ kə́ gō nang kə́ Aji tə́ ní. Ādə̄ nge ń ndi ngɔlaā ō, ndi kété ō, a reē ɓáý ní ō, ādə̄ ndíĺ kə́ sīrí gə̄ ń ran̄ ta kōr̄ kāgə̄ mbang yān tə́ ní ō, rajən̄sí ō, sɔlə̄n̄ kemsí ō. Ādə̄ Jeju Kərist ń i nge kəda najə̄ kə́ kum tə́ kə́ ni i nge ra dɔ ndūn tə́ ō, ni i ngōn̄ hágə́ kə́ ndól̄ kété no de kə́ koy gə̄ tə́ ō, ni i de kə́ bo kə́ dɔ mban̄g gə̄ kə́ dɔ nang tə́ ō ní, Kərist ń táŕjí ō, gān̄g dɔjí kə mósəneé najə̄ majaĺ yājí tə́ ō,

KƏLA RĀĀ 9:31

Adə̄ Egəlijə ndi lɔm gō nang malang kə́ Jude tə́ ō, Galile tə́ ō, Samari tə́ ō. Nin̄-əngen̄ tɔ́gə ō, ɓōlə́n̄ Ndíĺ Kɔ́ɔ̄ɓē ō, kutədə́ reē kə̄ dɔ madə̄ tə́ kə ta kūl̄ Ndíĺ kə́ Táĺ ń i nge rāā sedə́ ní ō.

KƏLA RĀĀ 15:26

Nin̄ i de gə̄ kə́ ənīn̄ rɔ̄də́ kɔ̄ɔ́ tām̄ yā rī Kɔ́ɔ̄ɓē yājí Jeju Kərist tə́.

Makətūbə̄ ń Pol ndang adə̄ Rom gə̄ ní 16:3

Ī-rāāī Pərisil ō Akilas ō lápə́ya ādə̄mī. Nin̄ i madə̄ kəlaḿ kə́ loo kɔjə najə̄ yā Jeju Kərist tə́.

Makətūbə̄ ń Pol ndang adə̄ Rom gə̄ ní 16:5

Ī-rāāī de kə́ kem Egəlijə tə́ gə̄ ń a kánə̄n̄ naā loodə́ ní lápə́ya ādə̄mī ō. Ī-rāāī kó tár yāḿ Epenetə ń i nge taā kem Jeju Kərist kə́ ta kəga dɔ sasak kə́ gō nang kə́ Aji tə́ ní lápə́ya ādə̄mī ō.