Makətūbə̄ ń Pol ndang adə̄ Rom gə̄ ní 16:25 - Bibəl ta Sar̄

²⁵ Kɔsə gɔn i yā Nə́ɓā! Ni asə mbūsə̄sí kadə̄ ī-raī ngan̄g kə ta kūl̄ Najə̄ kə́ Majə ń m-ɔ́jə́ ní. Najə̄ kə́ Majə ní i najə̄ yā Jeju Kərist. Yá̰a̰ kə́ deē ger̄ alé ń to loo ɓɔ̄ɔ̄ tə́ i jóó ngá̰ý ní, Nə́ɓā rāā adə̄ de gə̄ gerə̄n̄ i kə ta kūl̄ Najə̄ kə́ Majə ngeé ń toō.

Bible sar

²⁵ Kɔsə gɔn i yā Nə́ɓā! Ni asə mbūsə̄sí kadə̄ ī-raī ngan̄g kə ta kūl̄ Najə̄ kə́ Majə ń m-ɔ́jə́ ní. Najə̄ kə́ Majə ní i najə̄ yā Jeju *Kərist. Yá̰a̰ kə́ deē ger̄ alé ń to loo ɓɔ̄ɔ̄ tə́ i jóó ngá̰ý ní, Nə́ɓā rāā adə̄ de gə̄ gerə̄n̄ i kə ta kūl̄ Najə̄ kə́ Majə ngeé ń toō.

Makətūbə̄ ń Pol ndang adə̄ Rom gə̄ ní 16:25 Referans Kwoze

1 KORḚNTƏ 2:7

I kum kedə̄ yā Nə́ɓā kə́ to loo mundə̄ tə́, kə́ ɓɔ̄ɔ̄n̄ dɔ kɔ̄ɔ́, ba Nə́ɓā əndā dɔ danaá tām̄ kɔsə gɔn yājí tə́ kété pá tá kadə̄ ni-əndā dɔ rā̰ ō dɔ nang ō ɓáý ní n jə-ndóō de gə̄ ní.

Makətūbə̄ ń Pol ndang adə̄ Rom gə̄ ní 2:16

I yá̰á̰ ń toō n a teē ta kumjí tə́ wáńg ndɔ̄ ń Nə́ɓā a gāngəń sarya dɔ yá̰á̰ kə́ to loo mundə̄ tə́ yā de gə̄ tə́ kə ta kūl̄ Jeju Kərist ní. Najə̄ kə́ Majə ń m-ɔ́jə́sí ní əda i tītə̄ ń noō ō.

EPEJƏ 1:9

I tītə̄ ń noō n ni-rāā adə̄ kumjí teē dɔ yá̰á̰ kə́ yáā ń kem majə yān sāā rāā tə́, adə̄ i yá̰á̰ ń ni núm̄ rāā kə ta kūl̄ Kərist,

2 TESALONIK 2:14

Nə́ɓā ɓāŕsí kadə̄ ájiī i kə ta kūl̄ Najə̄ kə́ Majə ń j-ɔjəsí ní, yā kadə̄ ə́ngeī kɔsə gɔn yā Kɔ́ɔ̄ɓē yājí Jeju Kərist.

2 KORḚNTƏ 4:3

Ré Najə̄ kə́ Majə ń j-ɔjə ní kumən unjə̄ aĺ anī, unjə̄ aĺ i ta kum ngé gə̄ ń nin̄ kɔ́ gə̄ a tḭ̄ḭ̄n̄ ta rɔ̄də́ tə́ ní.

EPEJƏ 3:9

Loo rāā ń Nə́ɓā a rāā yá̰a̰ yān gə̄ kə́ ton̄ loo mundə̄ tə́ ní, majə kadə̄ m̄-teēń kə̄ ndágá tām̄ yā deē ndul gə̄ tə́ malang. Ni ń i nge rāā yá̰a̰ malang ní, yá̰á̰ ń toō ń ni-núm̄ rāā ní ɓɔ̄ɔ̄ dɔ i jóo.

1 PIYER 5:10

Ba loo ń ré á̰a̰ī tápə̄ sḛ́ý oy anī, Nə́ɓā ń yá̰a̰ malang kə́ rāā kə kem majaá a ḭḭ i rɔ̄n tə́ ní, ni ń ɓāŕsí kadə̄ sḭḭ̄ i tū kɔsə gɔn yān kə́ a to ngándáńg tə́, kə gō ɓoo naā yāsí kə Kərist ní, nəkɔ́ a rāā kadə̄ ā ī-majiī ɔ̄tī kə taá ō, ni a mbūsə̄ gíŕsí kadə̄ ī-raī ngan̄g ō, a adə̄sí tɔ́gə ō, yá̰á̰ kógə̄ḿ a yéȳsí yek aĺ ō.

2 TIMOTE 2:8

Ādə̄ əga kemií dɔ Jeju Kərist kə́ gír kaa yā Dabid tə́ ń ndól̄ dan de kə́ koy gə̄ tə́ kə gō Najə̄ kə́ Majə ń m-ɔ́jə́ tə́ ní.

2 TESALONIK 3:3

Banī Kɔ́ɔ̄ɓē i nge ra dɔ ndūn tə́. Ni a mbūsə̄sí ō, a ngɔ̄m̄sí najə̄ yā Nge kem Ndul tə́ ō.

EPEJƏ 6:19

Ī-ndɔ̄yī tām̄ yāḿ mā tə́ ō, ādə̄ Nə́ɓā əndā najə̄ kə́ gō tə́ taḿ tə́, kadə̄ m-ɔ́jəń Najə̄ kə́ Majə ń to loo mundə̄ tə́ ní kanjə̄ ɓōĺ,

GALATƏ 2:2

Tá kaw̄ḿ Jerusalem ní, i gō teē kə́ Nə́ɓā teē kumḿ dɔ tə́ kadə̄ m-āw̄ tə́. Dan ń m-āw̄ ní, m-ɔ́jə́ ngé gə̄ ń nin̄ i ngé kɔŕ no de gə̄ ní gír Najə̄ kə́ Majə ń m-ɔ́jə de gə̄ ń nin̄ i Jipə aĺ gə̄ ní kə kéŕdə́, na sōgə́ ngɔ̄də̄ ń m-ā̰ȳ ɓá, aláa m-ā m-ā̰ȳ ɓáý ní, i ngɔ̄də̄ kə́ ndāńg karī.

2 KORḚNTƏ 4:5

Tɔdɔ̄ dan ń j-ɔjə najə̄ ní, j-ɔjə i najə̄ yājí jḭḭ kɔ́ gə̄ alé, banī i najə̄ yā Jeju Kərist kə́ ni i Kɔ́ɔ̄ɓē. Ba kə́ tām̄ yājí jḭḭ tə́ ɓáa, j-əda na jḭḭ na i ngé kəla yāsí gə̄ tām̄ yā Jeju tə́.

1 KORḚNTƏ 1:23

Banī jḭḭ j-ɔjə i najə̄ yā Kərist kə́ əndanən̄ kə máyá̰ tū kāgə̄ kə́ dēsə́ tə́. I najə̄ kə́ əga Jipə gə̄ bə̄dē tə́, banī de gə̄ ń nin̄ i Jipə aĺ gə̄ ní, i najə̄ kə́ to mbóo ta kumdə́ nin̄ tə́.

KƏLA RĀĀ 20:32

Ba ń toō ɓáa m-ə́yá̰sí kem jī Nə́ɓā tə́ ō, kadə̄ najə̄ yān rāā majə sesí ō. Ni asə kadə̄sí tɔ́gə ō, kadə̄sí yá̰á̰ kə́ majə gə̄ ń ni-ngɔ̄m̄ tām̄ yā deē yān gə̄ tə́ malang ní ō.

KƏLA RĀĀ 9:20

Ni ngóō alé ba udə kə̄ rɔ̄ kɔjə najə̄ tə́ kem kújə́ kán̄ naā gə̄ tə́, əda de gə̄ na Jeju i Ngōn̄ Nə́ɓā.

MATIYE 13:35

Ni-rāā yá̰a̰ tītə̄ ń noō i yā kadə̄ najə̄ n nge koō ta əda ní reē udəń gírí, əda na: M-ā m̄-tḛḛ̄ taḿ yā kɔrə̄ń najə̄ sedə́ i kə̄ kūjə́ najá. Yá̰a̰ gə̄ ń ɓɔ̄ɔ̄n̄ dɔ kɔ̄ɔ́ ta kəla gír kəndā dɔ rā̰ ō dɔ nang ō tə́ ní, m-ā m-ə̄nā mbēr̄ dɔ tə́.

MATIYE 13:17

Ādə̄ m-ə́dásí najə̄ kə́ bo ngá̰ý, ngé koō ta gə̄ ngá̰ý ō, de kə́ súmūú gə̄ ngá̰ý ō, ndə̄ngān̄ ka̰a̰ yá̰á̰ ń á̰a̰ī toó ba a̰a̰n̄ aĺ ō, ndə̄ngān̄ koō yá̰á̰ ń ōōī toó ba oōn̄ aĺ ō.

AMOS 3:7

Yá̰á̰ ń Kɔ́ɔ̄ɓē Nə́ɓā sāā rāā ní, ni a rāā yá̰á̰ ní kanjə̄ kɔjə ngé kəla yān gə̄ ń i ngé koō ta gə̄ ní alé i tītə̄ ń noō ō.

DANIEL 2:22

I ni n i nge teē kə gíŕ yá̰a̰ kə́ lú ngá̰ý gēé dɔɔ́ ō, yá̰á̰ kə́ to loo mundə̄ tə́ gə̄ ndágá ō ní. Ni ger̄ yá̰á̰ kə́ kum til tə́ ō, loo kə́ unjə̄ kow ndi i rɔ̄n tə́ ō.

1 PIYER 1:20

Nə́ɓā gə̄rā Kərist i kété ta kəla gír kəndā dɔ rā̰ ō, dɔ nang ō tə́. Ba ɔjən̄ Kərist kə̄ ndágá ta ngóy ndɔ̄ gə̄ tə́ i tām̄ yāsí tə́.

HEBƏRO 7:25

I tām̄ najə̄ ń toō tə́ n ngé gə̄ ń ndɔ́tə̄n̄ kə̄ rɔ̄ Nə́ɓā tə́ kə ta kūl̄neé ní, ni asə kajədə́ ngándáńg ní. Tɔdɔ̄ ni-ndi kə kumneé ngándáńg yā ndɔ̄ȳ Nə́ɓā tām̄ yādə́ tə́.

TITƏ 1:2

Yā kadə̄ nin̄-əndān̄ kemdə́ dɔ ndi kə kumuú kə́ ngándáńg tə́. Nə́ɓā ń sor̄ aĺ ní, ənī ndūn kété no yá̰a̰ gə̄ tə́ malang yā kadə̄jí ndi kə kumuú kə́ ngándáńg ngeé ń toō.

2 TIMOTE 1:9

I Nə́ɓā n ajəjí ō, ɓāŕjí kadə̄ jə-téliī deē yān gə̄ ō ní. I kə gō kəla rāājí jḭḭ̄ kɔ́ gɔ̄ɔ́ alé, banī i tām̄ gír̄ ń nəkɔ́ gír̄ kemən tə́ kadə̄ n-rāā beé ní ō, tām̄ kem majə yān tə́ ō. Ni-rāā kem majə ní sejí i kə ta kūl̄ ɓoo kə́ jə-ɓooī naā kə Jeju Kərist, i kété pá tá kadə̄ ni-rāā yá̰a̰ malang ɓáý.

EPEJƏ 3:11

Yá̰á̰ ń Nə́ɓā rāā ngɔlaā kə ta kūl̄ Kɔ́ɔ̄ɓē yājí Jeju Kərist ní, ni-núm̄ i jóó ngá̰ý no yá̰a̰ gə̄ tə́ malang.

1 KORḚNTƏ 4:1

I beé ní, majə kadə̄ ī-rāāījí ngé kəla yā Kərist gə̄ tə́ ō, ī-rāāījí de gə̄ kə́ əndān̄də́ ta kəla najə̄ kə́ rɔ̄kum gə̄ yā Nə́ɓā kə́ to loo mundə̄ tə́ ō.

Makətūbə̄ ń Pol ndang adə̄ Rom gə̄ ní 14:4

Ḭ̄ i náā kadə̄ ī-gān̄g sarya dɔ nge kəla yā madí tə́ ní? Ká ré nge kəla ní əsō aké, əsō aĺ anī, usiī alé, tɔdɔ̄ nge ń noō sɔɔ̄ i kɔ́ɔ̄n. Banī ni a ra dɔɔ́ ngan̄g, tɔdɔ̄ Kɔ́ɔ̄ɓē asə rāān kadə̄ ra dɔɔ́ karī.

PĀ GƏ̄ 78:2

M-ā m̄-tḛḛ̄ taḿ yā kədań kūjə́ najə̄ kógə̄ḿ ō, yā kɔrə̄ń gíŕ yá̰á̰ ndóō kə́ jóo gə̄ kə̄ ndágá ō.

1 TESALONIK 3:13

Ādə̄ ni-rāā adə̄ kemsí ra ngan̄g, yā kadə̄ sḭḭ̄ i de kə́ táĺ gə̄ ō, de kə́ najə̄ gətóo dɔdə́ tə́ gə̄ ō, ta kum Bɔbə̄jí Nə́ɓā tə́, dan ń Kɔ́ɔ̄ɓē yājí Jeju a reē kə deē yān gēé malang ní. Adə̄ i tītə̄ ń noō!

Makətūbə̄ ń Pol ndang adə̄ Rom gə̄ ní 11:25

Ngákó̰ó̰ḿ gə̄, m̄-gḛy kadə̄ ī-gerī yá̰á̰ kə́ to loo mundə̄ tə́ kem Nə́ɓā tə́ ɓáý ń toō, na sōgə́ ī-gírī kemsí tə́ na sḭḭ̄ i ngé kum kedə̄ ngá̰ý gə̄. Yá̰á̰ ní n toó: Kem ngan̄g ń Nə́ɓā adə̄ kem ngán Israel kə́rēý gə̄ ngan̄g ngóróró ní, a to bátə́ kadə̄ ré de gə̄ malang ń i Jipə aĺ gə̄ ní ajən̄ pá tá.

Makətūbə̄ ń Pol ndang adə̄ Rom gə̄ ní 16:24

Ādə̄ Kɔ́ɔ̄ɓē yājí Jeju Kərist rāā kem majə sesí malang. Ādə̄ i tītə̄ ń noō.

KOLOSƏ 2:2

I tītə̄ ń noō n m̄-sāań kadə̄ nin̄-əhɔn̄ rɔ̄də́ tɔgə ō, kadə̄ tár ɓoodə́ naā tə́ ō, kadə̄ ugə̄n̄ tū ger̄ yá̰á̰ kə́ rɔ̄kum ń i nge rāā tá kadə̄ kem deē a ger̄ yá̰á̰ mámák ní ō, ba kadə̄ gerə̄n̄ yá̰á̰ kə́ to loo mundə̄ tə́ yā Nə́ɓā ń i Kərist ní.

KOLOSƏ 4:3

Ī-ndɔ̄yī tām̄ yājí tə́ ō, ādə̄ Nə́ɓā teē ta róbə adə̄jí, kadə̄ j-ɔjə najə̄ yān ō, kadə̄ m-ə́dá yá̰á̰ kə́ to loo mundə̄ tə́ kə́ dɔ Kərist tə́ ń mā i dəngáyá tāmən tə́ ní ō,

JEJU TEĒ KUM JA̰A̰ 10:7

Ba kem ndɔ̄ gə̄ ń deē a oōń ndū de kə́ dɔ rā̰ tə́ kə́ nge ko̰o̰ sīrí loo kɔ̄ŕ bərúnjə tə́ ní, yá̰á̰ kə́ to loo mundə̄ tə́ yā Nə́ɓā a rāā yá̰a̰. Ni-əda ngé kəla yān gə̄ ń i ngé koō ta gə̄ ní najə̄n kété. Najə̄ ń ni-əda ní i Najə̄ kə́ Majə.

MATIYE 20:7

Anī nin̄-tél ədanən̄ na i tɔdɔ̄ deē ɔydə́ kəlaá alé. Anī ni ədadə́ na ré i beé ɓáa kə aw̄n̄ ndɔr̄ yān tə́ ō.