Makətūbə̄ ń Pol ndang adə̄ Rom gə̄ ní 16:20 - Bibəl ta Sar̄

²⁰ Na̰y i ngɔr kadə̄ Nə́ɓā kə́ nge kadə̄ de gə̄ kem sɔl̄ lɔm a rējə̄ Sətan kɔ̄ɔ́ gír njasí tə́. Ādə̄ Kɔ́ɔ̄ɓē yājí Jeju rāā kem majə sesí.

Bible sar

²⁰ Na̰y i ngɔr kadə̄ Nə́ɓā kə́ nge kadə̄ de gə̄ kem sɔl̄ lɔm a rējə̄ *Sətan kɔ̄ɔ́ gír njasí tə́. Ādə̄ Kɔ́ɔ̄ɓē yājí Jeju rāā kem majə sesí.

Makətūbə̄ ń Pol ndang adə̄ Rom gə̄ ní 16:20 Referans Kwoze

Najə̄ kə́ Majə yā Jeju ń Luk ndang ní 10:19

Ōōī, m-ādə̄sí tɔ́gə kadə̄ ī-tə́ɓāīneé dɔ lī gə̄ ō dɔ kókə́rang gə̄ ō, kadə̄ ī-tetiīneé tɔ́gə Sətan malang rɔ̄ɔ̄ kɔ̄ɔ́ ō, yá̰á̰ kógə̄ḿ a rāāsí aĺ ō.

1 JA̰A̰ 3:8

De kə́ nge rāā majaĺ i deē yā diabəl, tɔdɔ̄ diabəl rāā majaĺ i ta kəla gíŕ tə́ beē.

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.

JAKARI 10:5

Nin̄ a ton̄ tītə̄ go̰ rɔ̄ɔ̄ gə̄ beé. Nin̄ a rējə̄n̄ ngé rɔ̄ɔ̄də́ gə̄, tītə̄ bɔr kə́ kum róbə kɔsɔɔ́ beē. Nin̄ a rɔ̄ɔ̄n̄ tītə̄ ń noō i tɔdɔ̄ mā ń i Kɔ́ɔ̄ɓē ní, mā i sedə́ naā tə́. Rɔ̄ ngé kal̄ sə́nda yā madə̄ ba̰ā̰ gə̄ a sɔl̄də́.

JEJU TEĒ KUM JA̰A̰ 12:10

Anī deē kógə̄ḿ ɔr̄ najə̄ kə tɔ́gɔ́ dɔ rā̰ tə́ adə̄ m-ōō ndūn: Ń toō ní kum mbang kajə deē asə kɔ̄ɔ́! Ngɔlaā ń toō ní Nə́ɓā yājí ɔjə tɔ́gən kə̄ ndágá ō, ɔjə ko̰o̰ ɓē yān kə̄ ndágá ō! Ngɔlaā ń toō ní ko̰o̰ ɓē i jī Kərist yān tə́. Tɔdɔ̄ nge sekə́ ngákó̰ó̰jí gə̄ ní mbərenən̄ dɔ rā̰ tə́ ənīnən̄ ndágá kɔ̄ɔ́. I ni n i nge sekə́də́ rɔ̄ Nə́ɓā yājí tə́ ndɔ̄ɔ́ gē kadaá gē ní.

Makətūbə̄ ń Pol ndang adə̄ Rom gə̄ ní 15:33

Ādə̄ Nə́ɓā kə́ nge kadə̄ de gə̄ kem sɔl̄ lɔm ndi naā tə́ sesí malang. Adə̄ i tītə̄ ń noō.

JEJU TEĒ KUM JA̰A̰ 22:21

Ādə̄ Kɔ́ɔ̄ɓē Jeju rāā kem majə sesí malang!

1 TESALONIK 5:28

Ādə̄ Kɔ́ɔ̄ɓē yājí Jeju Kərist rāā kem majə sesí.

2 TESALONIK 3:18

Ādə̄ Kɔ́ɔ̄ɓē yājí Jeju Kərist rāā kem majə sesí malang.

Makətūbə̄ ń Pol ndang adə̄ Rom gə̄ ní 8:37

Ba nge ń táŕjí ní rāā adə̄ jə-tetiī rɔ̄ɔ̄ tū yá̰a̰ gə̄ ń noō tə́ malang.

PILEMO̰ 1:25

Ādə̄ Kɔ́ɔ̄ɓē Jeju Kərist rāā kem majə sesí.

PILIPƏ 4:23

Ādə̄ Kɔ́ɔ̄ɓē Jeju Kərist rāā kem majə sesí!

GALATƏ 6:18

Ngákó̰ó̰ḿ gə̄, ādə̄ Kɔ́ɔ̄ɓē yājí Jeju Kərist rāā kem majə sesí. Adə̄ i tītə̄ ń noō.

1 KORḚNTƏ 16:23

Ādə̄ Kɔ́ɔ̄ɓē Jeju rāā kem majə sesí.

Makətūbə̄ yā Job 40:12

A̰á̰ā̰, ādə̄ kumií kə́ á̰a̰ńdə́ ta kógə̄ḿ rāā adə̄ nin̄ malang əlan̄ dɔdə́ nang tə́. Ī-rējə̄ ngé kem ndul gə̄ kə̄ loo nəkɔ́ ń noō tə́.

2 TIMOTE 4:22

Ādə̄ Kɔ́ɔ̄ɓē i naā tə́ kə ndílí. Ādə̄ Nə́ɓā rāā kem majə sesí.

IJAI 63:3

A̰á̰ā̰, i mə̄kɔ́ kə kérə́ḿ n m̄-mbə́rē kan̄ nduú loo mbə́rē kan̄ nduú tə́ ní. De kə́ dan gír de gə̄ tə́ kə́ seḿ gətóo. Loo ń noō tə́ wōn̄g rāām̄ ngá̰ý, adə̄ m̄-mbə́rēdə́, m̄-tə̄ɓādə́ kə wōn̄g kə́ ngá̰ý. Mósə́də́ kə́rā kə̄ tū kūbə̄ yāḿ gə̄ tə́ adə̄ kūbə̄ yāḿ gə̄ malang i kə́ m̄-rāā adə̄ mósə́də́ tákə̄.

Makətūbə̄ ń Pol ndang adə̄ Rom gə̄ ní 16:23

Gayus kə́ bəra mbāḿ ō, kə́ bəra mbā ngé kán̄ naā gə̄ malang ō, rāāsí lápə́ya. Erastə nge ngɔ̄m̄ gúrsə yā ɓē ō, ngōkó̰ó̰jí Kartus ō, rāān̄sí lápə́ya.

MATIYE 4:10

Anī Jeju tél ədan na: Āw̄ kɔ̄ɔ́, Sətan! Tɔdɔ̄ ndangən̄ kem makətūbūú ədan̄ na: I Kɔ́ɔ̄ɓē Nə́ɓā yāí ngóy n ā ī-rɔȳn ō, i ni ngóy n ā ī-rāā kəla yān ō ní.

Makətūbə̄ ń Pol ndang adə̄ Rom gə̄ ní 16:24

Ādə̄ Kɔ́ɔ̄ɓē yājí Jeju Kərist rāā kem majə sesí malang. Ādə̄ i tītə̄ ń noō.