Biblia Todo Logo
Bib sou entènèt

- Piblisite -




Makətūbə̄ ń Pol ndang adə̄ Rom gə̄ ní 16:2 - Bibəl ta Sar̄

2 Ə́hɔīin̄ kə̄ rɔ̄sí tə́ kə rī Kɔ́ɔ̄ɓēé tītə̄ ń majə kadə̄ de gə̄ yā Nə́ɓā rāān̄neé kə naá ní. Ré i yá̰á̰ kógə̄ḿ n tōr̄ rɔ̄n anī, ī-rāāī seneé. Tɔdɔ̄ ni-rāā kə de gēé ngá̰ý ō, rāā seḿ mə̄kɔ́ ō.

Gade chapit la Kopi

Bible sar

2 Ə́hɔīin̄ kə̄ rɔ̄sí tə́ kə rī Kɔ́ɔ̄ɓēé tītə̄ ń majə kadə̄ de gə̄ yā Nə́ɓā rāān̄neé kə naá ní. Ré i yá̰á̰ kógə̄ḿ n tōr̄ rɔ̄n anī, ī-rāāī seneé. Tɔdɔ̄ ni-rāā kə de gēé ngá̰ý ō, rāā seḿ mə̄kɔ́ ō.

Gade chapit la Kopi




Makətūbə̄ ń Pol ndang adə̄ Rom gə̄ ní 16:2
25 Referans Kwoze  

I beé ní ə́hɔniī kə̄ rɔ̄sí tə́ kə rɔ̄nelēé tītə̄ ngōkó̰ó̰sí, kə́ nge taā kem Kɔ́ɔ̄ɓē. Ba ī-rɔyī de kə́ tītə̄ ń noō gə̄.


Banī ādī háĺsí ń ī-ndiīneé ní, əhɔ naā kə Najə̄ kə́ Majə yā Kərist, yā kadə̄ ká ré m-āw̄ go̰ō̰sí tə́, aláa m̄-gətóo rɔ̄sí tə́ gə̄gē anī, m-ōō kadə̄ ī-raī ngan̄g ō, gír̄ yāsí i kógə̄ḿ ō, sḭḭ̄ malang ī-rɔ̄ɔ̄ī dɔ taā kem Najə̄ kə́ Majə tə́ kə kem kə́ kógə̄ḿ ō.


Ré de kə́rēý reē rɔ̄sí tə́ ba i kə yá̰á̰ ndóō ń toō aĺ anī, ə́hɔniī kə̄ rɔ̄sí tə́ kem kújə yāsí tə́ aĺ ō, ī-rāāniī lápə́ya aĺ ō.


Ré ī-rāām̄ mā i madí tə́ rɔ̄kum anī, ə́hɔn kə̄ rɔ̄í tə́ tītə̄ kə́ ə́hɔm̄ i mā nəkɔ́ kə̄ rɔ̄í tə́ beē.


m̄-tél m-ə́la seneé gogə́ m-ādī, ni ń i dām̄ rɔ̄ḿ kə́rēý ní.


Əda dəyá̰ kə́ tɔgə ɓə́ga gə̄ ō, ādə̄ nin̄-rāān̄ háĺ kə́ nel̄ Nə́ɓā ō. Ādə̄ tāmə̄n̄ kə de gēé aĺ ō, rāān̄ ɓəlo kasə aĺ ō. Ādə̄ ndóōn̄ de gə̄ loo rāā yá̰á̰ kə́ majə.


Ādə̄ Kɔ́ɔ̄ɓē rāā seneé, ba a̰a̰ kum tō ndoō yān ndɔ̄ sarya tə́. Yá̰a̰ malang ń ni-rāā adə̄m̄ kem ɓē kə́ Epejə tə́ ní, ḭ̄ ī-ger̄ majə tɔȳ de kə́ rang gə̄.


Banī majə kadə̄ yá̰á̰ súū rɔ̄ yādə́ i kəla rāādə́ kə́ majə gə̄, tītə̄ ń dəyá̰ kə́ ngé rāā yá̰a̰ kə gō ń Nə́ɓā ndigə ní gə̄ a rāān̄neé ní.


Aristark ń i dəngáy madə́ḿ ní, rāāsí lápə́ya. Mark kə́ ngōkó̰o̰ Barnabas rāāsí lápə́ya ō. Ni ní tāān̄sí najə̄ kə́ dɔn tə́ adə̄ ōōī ɓá. Ré ni-ugə̄ loosí anī, ə́hɔin̄ kə̄ rɔ̄sí tə́ majə.


Sḭḭ̄ i dan de gə̄ yā Nə́ɓā tə́, adə̄ majə kadə̄ sāā naā loo kaya tə́, aláa gíŕ yá̰á̰ kə́ yḛr kə́ tayā tayā gə̄, aláa kum sə̄ngā yá̰á̰ ní, i kə́ yā kəda rī dɔ dansí tə́ alé.


Gayus kə́ bəra mbāḿ ō, kə́ bəra mbā ngé kán̄ naā gə̄ malang ō, rāāsí lápə́ya. Erastə nge ngɔ̄m̄ gúrsə yā ɓē ō, ngōkó̰ó̰jí Kartus ō, rāān̄sí lápə́ya.


Ī-rāāī Urbḛ lápə́ya ādə̄mī ō. Ni i madə̄ kəlají loo kɔjə najə̄ yā Kərist tə́. Ī-rāāī kó tár yāḿ Sətakis lápə́ya ō.


Ī-rāāī Mari ń ɔr sesí ngá̰ý ní lápə́ya ādə̄mī ō.


I beé ní ə́hɔī naā kə̄ rɔ̄sí tə́ tītə̄ ń Kərist nəkɔ́ əhɔńsí kə̄ rɔ̄n tə́ ní ɔ́siīń gɔn Nə́ɓā.


Piyer əla jīn adə̄n, ba unən dɔɔ́. Ni ɓāŕ ngé taā kem gə̄ ō, dəyá̰ kə́ ngaa koy gə̄ ō, ba ɔjədə́ kə Tabita ń ḭḭ ndi dɔɔ́ kə kumneé ní.


Piyer ɔtə kə̄ ta jī tə́ beē aw̄ sedə́. Dan ń reē ɔtə̄ anī aw̄n̄ seneé kem kújə́ kə́ dɔɔ́ tə́. Dəyá̰ kə́ ngaa koy gə̄ reēn̄ rɔ̄n tə́ malang kə nōó. Nin̄-ɔjənən̄ kūbə̄ kə́ kemeé gə̄ ō, kə́ dɔ madə̄ tə́ gə̄ ō ń Dorkas ur̄də́ dan ń ndiń dandə́ tə́ ní.


Nge ndóō yá̰a̰ yā Jeju kógə̄ḿ kə́ dəyá̰ ndi kem ɓē kə́ Jope tə́, rīn na i Tabita. Rīn ní kə ta Gərek na i Dorkas ń kumən na i Jal̄ ní. Dəyá̰ ní rāā kəla kə́ majə gə̄ ngá̰ý ō, adə̄ ngé ndoō gə̄ yá̰á̰ ngá̰ý ō.


Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ ní, ī-rāāī i seḿ mā nəkɔ́.


Anī Ananias tél əda na: Kɔ́ɔ̄ɓē, de gə̄ ngá̰ý ədamə̄n̄ najə̄ kə́ dɔ deē ń noō tə́, ədan̄ na ni na rāā ngé yāí gə̄ majaĺ ngá̰ý kem ɓē kə́ Jerusalem tə́.


Banī Kɔ́ɔ̄ɓē ədan na: Āw̄, tɔdɔ̄ deē ń toō i yá̰a̰ kəla yāḿ kə́ m̄-gə̄rā, yā kadə̄ aw̄ kə rīḿ ta kum nápar de gə̄ tə́ ō, mban̄g gə̄ tə́ ō, ngán Israel gə̄ tə́ ō.


Ī-rāāī Pilologə ō Juli ō Nere ō ngōkó̰o̰n kə́ dəyá̰ ō, Olempas ō, gotə ngé yā Nə́ɓā madə̄də́ gə̄ malang ń ndin̄ sedə́ ní ō lápə́ya.


Swiv nou:

Piblisite


Piblisite