Makətūbə̄ ń Pol ndang adə̄ Rom gə̄ ní 16:19 - Bibəl ta Sar̄

¹⁹ Koō ń sḭḭ̄ ōōī najə̄ ta Kɔ́ɔ̄ɓē tə́ ní, de gə̄ gerə̄n̄. Adə̄ rɔ̄ḿ nelə̄m̄ najə̄ yāsí tə́, ba m̄-gḛy kadə̄ sḭḭ̄ i de kə́ ngáā gə̄ kadə̄ ī-rāāī yá̰á̰ kə́ majə ō, ī-tə́laī rɔ̄sí dan yá̰á̰ kə́ majaĺ gə̄ tə́ aĺ ō.

Bible sar

¹⁹ Koō ń sḭḭ̄ ōōī najə̄ ta Kɔ́ɔ̄ɓē tə́ ní, de gə̄ gerə̄n̄. Adə̄ rɔ̄ḿ nelə̄m̄ najə̄ yāsí tə́, ba m̄-gḛy kadə̄ sḭḭ̄ i de kə́ ngáā gə̄ kadə̄ ī-rāāī yá̰á̰ kə́ majə ō, ī-tə́laī rɔ̄sí dan yá̰á̰ kə́ majaĺ gə̄ tə́ aĺ ō.

Makətūbə̄ ń Pol ndang adə̄ Rom gə̄ ní 16:19 Referans Kwoze

MATIYE 10:16

Á̰a̰ī, m-ə́lásí i mbée tītə̄ batə̄ gə̄ kə̄ dan soó gə̄ tə́. I tām̄ ń toō tə́ ní ādī kumsí edə̄ tītə̄ yā lī gə̄ ō, ādī kemsí ndaa táĺ tītə̄ yā dér gə̄ ō.

1 KORḚNTƏ 14:20

Ngákó̰ó̰ḿ gə̄, najə̄ kə́ dɔ ger̄ najə̄ tə́ ní, ādə̄ sḭḭ̄ i ngáń kə́ dūú gə̄ loon tə́ alé, ba ré i najə̄ kə́ dɔ yá̰á̰ kə́ majaĺ tə́ ɓáa, ādə̄ sḭḭ̄ i ngáń kə́ dūú gə̄ loon tə́. Najə̄ kə́ dɔ ger̄ najə̄ tə́ ní ādə̄ sḭḭ̄ i de kə́ tɔgə gə̄ loon tə́.

PILIPƏ 2:15

Yā kadə̄ sḭḭ̄ i de kə́ kanjə̄ najə̄ dɔsí tə́ gə̄ ō, kə́ ūnjī njáý njáý gə̄ ō, ngáń Nə́ɓā kə́ yá̰á̰ kə́ majaĺ sḛ́ý gətóo dɔdə́ tə́ gə̄ kə́ ndin̄ dan de kə́ súmūú aĺ gə̄ tə́ ō, dan de kə́ nujə kɔ̄ɔ́ gə̄ kə́ dɔ nang ń toō tə́ ō. Majə kadə̄ sḭḭ̄ ī-ndə́lēī dandə́ tə́ tītə̄ tə́yō̰ gə̄ kə́ dɔ rā̰ tə́ beē,

Makətūbə̄ ń Pol ndang adə̄ Rom gə̄ ní 1:8

Yá̰á̰ kə́ ta kəga dɔ ní, m̄-ndadə̄ Nə́ɓā yāḿ kə ta kūl̄ Jeju Kərist tām̄ yāsí tə́ malang. Tɔdɔ̄ kə gō dɔ nang malang ní najə̄ taā kem yāsí ɓār̄ ngá̰ý.

PILIPƏ 1:9

Ba yá̰á̰ ń m̄-gəde Nə́ɓā kem ndɔ̄ȳ yāḿ tə́ tām̄ yāsí tə́ ní, i kadə̄ tár yāsí i ngá̰ý kum kə̄ kété kété ō, kadə̄ yá̰a̰ ger̄ kə́ rɔ̄kum ō, ger̄ najə̄ ngá̰ý ō, i tū tár yāsí ní tə́,

JEREMI 4:22

Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.

KOLOSƏ 3:16

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄.

EPEJƏ 5:17

I beé ní, ī-lōōī rāā yá̰a̰ tītə̄ yā de kə́ kur̄ dɔdə́ gətóo gə̄, banī majə kadə̄ ī-gerī kum yá̰á̰ ń Kɔ́ɔ̄ɓē gḛy ní.

PĀ GƏ̄ 101:2

m̄-ndigə tɔgə kem háĺ kə́ gōtə́ tə́ kum kə̄ kété kété. I rə́ngáý tə́ n ā ī-reē rɔ̄ḿ tə́ ní? M-ā m̄-rāā háĺ kə́ gōtə́ dan deē yāḿ gə̄ tə́.

Najə̄ kə́ Majə yā Jeju ń Luk ndang ní 10:3

Āwī! M-ə́lásí i tītə̄ ngán batə̄ gə̄ beé kə̄ dan soó gə̄ tə́.