Makətūbə̄ ń Pol ndang adə̄ Rom gə̄ ní 16:17 - Bibəl ta Sar̄

¹⁷ Ngákó̰ó̰ḿ gə̄, m-ɔ̄jə̄sí kadə̄ ī-ngɔ̄mī rɔ̄sí najə̄ yā ngé gán̄g de gə̄ naā tə́ ń nin̄ i ngé rāā yá̰a̰ gə̄ kə́ əgan̄ de gə̄ bə̄dē tə́ ní ō, ngé mbātə́ kun gō yá̰á̰ ndóō ń ndóōn̄sí ní ō. Əya̰īdə́ ba āwī sa̰y kɔ̄ɔ́ rɔ̄də́ tə́.

Bible sar

¹⁷ Ngákó̰ó̰ḿ gə̄, m-ɔ̄jə̄sí kadə̄ ī-ngɔ̄mī rɔ̄sí najə̄ yā ngé gán̄g de gə̄ naā tə́ ń nin̄ i ngé rāā yá̰a̰ gə̄ kə́ əgan̄ de gə̄ bə̄dē tə́ ní ō, ngé mbātə́ kun gō yá̰á̰ ndóō ń ndóōn̄sí ní ō. Əya̰īdə́ ba āwī sa̰y kɔ̄ɔ́ rɔ̄də́ tə́.

Makətūbə̄ ń Pol ndang adə̄ Rom gə̄ ní 16:17 Referans Kwoze

Makətūbə̄ ń Jud ndang ní 1:19

I nin̄ n i ngé rāā yá̰a̰ kadə̄ de gə̄ mbātə́n̄ naā ní. I háĺdə́ n o̰o̰ ɓē dɔdə́ tə́ ba i Ndíĺ Nə́ɓā alé.

2 TESALONIK 3:6

Ngákó̰ó̰jí gə̄, jə-dəjesí kə rī Kɔ́ɔ̄ɓē yājí Jeju Kərist kadə̄ ɔ̄rī rɔ̄sí kɔ̄ɔ́ rɔ̄ ngákó̰ó̰sí kə́ ngé yay gə̄ tə́ malang, nin̄ ń i ngé mbātə́ rāā yá̰a̰ gə̄ ń j-ɔjəsí ní.

2 TIMOTE 3:5

Yá̰a̰ rāādə́ kə́ ndágá ɔjə kadə̄ nin̄ i ngé rāā yá̰a̰ kə gō ń Nə́ɓā ndigə ní, banī nin̄-nējə̄n̄ tɔ́gə́ kə́ tū tə́ kɔ̄ɔ́. Adə̄ ī-tūr̄ gidií kɔ̄ɔ́ ta de gə̄ ń noō tə́.

KOLOSƏ 2:8

Ə̄ndāī kum kedə̄ dɔ rɔ̄sí tə́, ba ī-lōōī kadə̄ deē gól̄sí kə najə̄ kə́ kanjə̄ kumən gə̄ ń de gə̄ a gól̄nəń madə̄də́ gə̄, kə ta kūl̄ kum kedə̄ yādə́ ní: Kum kedə̄ ní ra i dɔ yá̰a̰ kāgə̄ ɓē yā de gə̄ tə́, adə̄ i dɔ tɔ́gə́ kə́ dɔ nang tə́ gə̄ tə́, ba i dɔ Kərist tə́ alé.

TITƏ 3:10

De kə́ nge ndóō de gə̄ yá̰á̰ kə́ rɔ̄kum aĺ ní, ī-tāan nja kógə̄ḿ, ba nja kə́ nge ko̰ jōó anī, ɔ̄rə̄n kɔ̄ɔ́ kə̄ gogə́.

1 TIMOTE 1:3

Tītə̄ ń m-ə́daīneé kété pá tá kadə̄ m-ɔ́tə m-āw̄ Masedəwan tə́ ní, ī-ndi Epejə kadə̄ ə́da de kə́rēý gə̄ kadə̄ ndóōn̄ de gə̄ yá̰á̰ kə́ rang gə̄ aĺ ō,

PILIPƏ 3:17

Ngákó̰ó̰ḿ gə̄, sḭḭ̄ malang ī-ndájə̄mī. Yá̰á̰ kə́ yā kadə̄ de gə̄ ndájə̄n̄ ní, jḭḭ jə-rāā kɔ̄ɔ́ ɓá. I beé ní, ādī kumsí i dɔ ngé gə̄ ń nin̄ a rāān̄ háĺ ń jḭḭ j-ɔjə ní tə́.

MATIYE 18:7

Rɔ̄ ndoō i kə de kə́ dɔ nang tə́ gə̄ tām̄ rāā ń nin̄-rāān̄ madə̄də́ gə̄ adə̄ tə́sōn̄ kum majaĺ tə́ ní. I gáŕ kadə̄ ngé rāā de gə̄ beé ndin̄ dan madə̄də́ gə̄ tə́ ɓá tā, ba rɔ̄ ndoō i yā deē ń a rāā yá̰a̰ adə̄ yá̰á̰ kə́ beé rāań yá̰á̰ ní.

1 KORḚNTƏ 3:3

Tām̄ sḭḭ̄ ā ī-rāāī yá̰a̰ i gō yā dā̰ rɔ̄ tə́ ɓáý. Dan ń nii ō, kɔ̄l̄ naā ō i dansí tə́ ní, sḭḭ̄ i ngé rāā yá̰a̰ gō yā dā̰ rɔ̄ tə́ gə̄ aĺ a? Ā ī-rāāī i hál de kə́ dɔ nang tə́ laā gə̄ n noō aĺ a?

KƏLA RĀĀ 15:24

J-oō kadə̄ na de kə́rēý gə̄ ḭḭn̄ danjí tə́ laā aw̄ nujən̄ kemsí ō, a̰ȳn̄ ndíĺsí ō kə najə̄ kɔr̄də́. Banī jḭḭ j-adə̄də́ ndūjí dɔ yá̰á̰ kógə̄ḿ tə́ tū najə̄ ń noō tə́ aĺ bátə́.

1 JA̰A̰ 2:19

Nin̄-teēn̄ i danjí tə́, banī nin̄ i deē yājí gə̄ alé. Tām̄ ré nin̄ i deē yājí gə̄ anī, a ndin̄ sejí. Ba nge ń noō ɔjə kə̄ ndágá kadə̄ nin̄ i deē yājí gə̄ alé.

MATIYE 18:17

Ré ni-ɔdə koō najə̄ yādə́ aĺ anī, ə́da Egəlijə. Ba ré ni-mbātə́ koō najə̄ yā Egəlijə to̰ anī, ī-rāān de kə́ nge taā kem tə́ aĺ ō, ī-rāān̄ de kə́ nge taā lambóó tə́ ō.

1 KORḚNTƏ 11:18

Yá̰á̰ kə́ ta kəga dɔ ní, ədamə̄n̄ na dan ń ré ī-kánī naā anī, kēgə̄ naā na to dɔ dáńsí tə́. Ba m̄-ger̄ majə kadə̄ i najə̄ kə́ sor̄ malang alé.

Najə̄ kə́ Majə yā Jeju ń Luk ndang ní 17:1

Gō tə́ anī, Jeju əda ngé ndóō yá̰a̰ yān gə̄ na: Loo kadə̄ de kə́rēý gə̄ kə tə́sōn̄ kə gō hál madə̄də́ gə̄ ō, najə̄ kə́ tadə́ tə́ ō, aĺ ní gətóo i kə́ bátə́ gə̄ tə́, ba rɔ̄ tō ndoō i kə nge ń madə̄n gə̄ tə́sōn̄ sɔɔ̄ ń gō hálən kə́ majaĺ ō, gō najə̄ kə́ tan tə́ ō ní.

MATIYE 7:15

Ī-ngɔ̄mī rɔ̄sí tām̄ yā ngé koō ta kə́ rɔ̄kum aĺ gə̄ tə́. A reēn̄ kə̄ rɔ̄sí tə́ a gidədə́ i gidə batə̄ gə̄, ba kemdə́ i kem soó gə̄ kə́ a nārə̄n̄ yá̰a̰ kul̄ gə̄.