Makətūbə̄ ń Pol ndang adə̄ Rom gə̄ ní 16:13 - Bibəl ta Sar̄

¹³ Ī-rāāī Rupus lápə́ya ādə̄mī. Ni i de kə́ Kɔ́ɔ̄ɓē gə̄rān dan ngé kəla yān gə̄ tə́. Ī-rāāī kó̰o̰n ń rāā rɔ̄n i kó̰ó̰ḿ mā tə́ ō ní lápə́ya ādə̄mī.

Bible sar

¹³ Ī-rāāī Rupus lápə́ya ādə̄mī. Ni i de kə́ Kɔ́ɔ̄ɓē gə̄rān dan ngé kəla yān gə̄ tə́. Ī-rāāī kó̰o̰n ń rāā rɔ̄n i kó̰ó̰ḿ mā tə́ ō ní lápə́ya ādə̄mī.

Makətūbə̄ ń Pol ndang adə̄ Rom gə̄ ní 16:13 Referans Kwoze

2 JA̰A̰ 1:1

I mā kum kɔɔ̄ n m̄-ndang makətūbə̄ ń toō m-ə́lań m-ādə̄ Dəyá̰ ń Nə́ɓā gə̄rān ní, nin̄ kə ngánən gēé. Mā m̄-táŕdə́ rɔ̄kum. I mā ngóy n m̄-táŕdə́ alé, banī de gə̄ malang ń gerə̄n̄ najə̄ kə́ rɔ̄kum ní tárən̄də́ ō.

1 TIMOTE 5:2

kó̰o̰ dəyá̰ gə̄ tītə̄ kə́ nin̄ i kó̰ó̰í gə̄ ō, mandə gə̄ tītə̄ kə́ nin̄ i ngákó̰ó̰í kə́ dəyá̰ gə̄ ō, kə háĺ kə́ unjə̄ njáý njáý.

MARK 15:21

Simo̰ kə́ Siren ń, i bɔbə̄ Alekjandər ō, Rupus ō ní, ḭḭ ndɔrɔ́ a reē kə̄ ɓēé anī, ɔsən̄ seneé ta kətō kāgə̄ kə́ dēsə́ yā Jeju.

JA̰A̰ 15:16

I sḭḭ̄ n ī-gə̄rāmī ní alé, ba i mā n m̄-gə̄rāsí ní. M-ə̄ndā dɔsí tə́ kadə̄ āwī ō, kadə̄ ā̰ā̰nī ngá̰ý ō, kadə̄ ka̰a̰n̄sí to gotoó ō. Loo ń noō tə́ Bɔbə́ḿ a adə̄sí yá̰a̰ malang ń ā ī-dəjeniī kə rīḿ ní.

2 TESALONIK 2:13

Banī jḭḭ ní, majə kadə̄ jə-ndadə̄ Nə́ɓā ngándáńg tām̄ yāsí sḭḭ̄ ngákó̰ó̰jí gə̄ ń Kɔ́ɔ̄ɓē táŕsí ngá̰ý ní tə́. Tɔdɔ̄ Nə́ɓā gə̄rāsí ta kəla gíŕ tə́, i yā kadə̄ ajən̄sí kə ta kūl̄ Ndíĺ ń i nge kɔr̄ kam̄ de gə̄ tayā ní ō, kə ta kūl̄ taā kem najə̄ kə́ rɔ̄kum ō.

EPEJƏ 1:4

Tɔdɔ̄ kété pá tá kadə̄ Nə́ɓā rāā dɔ rā̰ ō, dɔ nang ō ní, ni-gə̄rājí kɔ̄kə́ yā kadə̄ jḭḭ̄ i deē yān gə̄, kə gō ɓoo kə́ jə-ɓooī naā kə Kərist, yā kadə̄ jḭḭ̄ i de kə́ táĺ gə̄ ō, de kə́ kanjə̄ najə̄ dɔjí tə́ gə̄ ō, kə̄ ta kumən tə́.

JA̰A̰ 19:27

Kutə̄ gō anī, əda nge ndóō yá̰a̰ yān na: Á̰á̰ kó̰ó̰í n ra noó. Ba əla gír kum mbang ngeé ń noō tə́ ní, nge ndóō yá̰á̰ ní aw̄ seneé ɓēé looneé.

MARK 3:35

Tɔdɔ̄ náā nəkɔ́ ń rāā yá̰a̰ kə gō kem ndigə yā Nə́ɓā ní anī, ni i ngōkó̰ó̰ḿ kə́ dəngam ō, kə́ dəyá̰ ō, ni i kó̰ó̰ḿ ō.

MATIYE 20:16

Adə̄ ngé kə́ gogə́ gə̄ a télən̄ ngé kə́ kété gə̄, ba ngé kə́ kété gə̄ a télən̄ ngé kə́ gogə́ gə̄.

Makətūbə̄ ń Pol ndang adə̄ Rom gə̄ ní 16:12

Ī-rāāī Təripen ō Teripojə ō lápə́ya ādə̄mī. Nin̄ i dəyá̰ gə̄ kə́ ɔrən̄ ta kəla yā Kɔ́ɔ̄ɓē tə́ aĺ ō. Ī-rāāī Persis lápə́ya ādə̄mī ō. Ni i kó tár yāḿ kə́ rāā kəla ngá̰ý tām̄ yā Kɔ́ɔ̄ɓē tə́.

Makətūbə̄ ń Pol ndang adə̄ Rom gə̄ ní 16:14

Ī-rāāī Asḛkəritə ō Pəlegon ō Hermes ō Patərobas ō Hermas ō, ngákó̰ó̰jí kə́ rang gə̄ ń ndin̄ sedə́ ní ō, lápə́ya ādə̄mī.