Makətūbə̄ ń Pol ndang adə̄ Rom gə̄ ní 16:12 - Bibəl ta Sar̄

¹² Ī-rāāī Təripen ō Teripojə ō lápə́ya ādə̄mī. Nin̄ i dəyá̰ gə̄ kə́ ɔrən̄ ta kəla yā Kɔ́ɔ̄ɓē tə́ aĺ ō. Ī-rāāī Persis lápə́ya ādə̄mī ō. Ni i kó tár yāḿ kə́ rāā kəla ngá̰ý tām̄ yā Kɔ́ɔ̄ɓē tə́.

Bible sar

¹² Ī-rāāī Təripen ō Teripojə ō lápə́ya ādə̄mī. Nin̄ i dəyá̰ gə̄ kə́ ɔrən̄ ta kəla yā Kɔ́ɔ̄ɓē tə́ aĺ ō. Ī-rāāī Persis lápə́ya ādə̄mī ō. Ni i kó tár yāḿ kə́ rāā kəla ngá̰ý tām̄ yā Kɔ́ɔ̄ɓē tə́.

Makətūbə̄ ń Pol ndang adə̄ Rom gə̄ ní 16:12 Referans Kwoze

1 KORḚNTƏ 16:16

I beé ní, ōōī ta de kə́ tītə̄ ń noō gə̄ ō, náā nəkɔ́ ń rāā kəla sedə́ ō, a̰a̰ tápə̄ sedə́ ō ní, ōōī ta kɔ́ɔ̄ ō.

1 KORḚNTƏ 15:58

I beé ní, sḭḭ̄ ń i ngákó̰ó̰ḿ gə̄ kə́ m̄-táŕsí ngá̰ý ní, ə́hɔī rɔ̄sí ngan̄g ō, ādī yá̰á̰ yókə̄sí aĺ ō. Ī-rāāī kəla yā Kɔ́ɔ̄ɓē kum kə̄ kété kété kanjə̄ dəba. Tɔdɔ̄ ī-gerī kadə̄ kəla ń ī-rāāī kə gō ɓoo naā yāsí kə́ kə Kɔ́ɔ̄ɓēé ní, i kəla kə́ ndāńg alé.

1 TIMOTE 4:10

Tɔdɔ̄ ré jə-rāāī kəla ngá̰ý ō, jə-rɔ̄ɔ̄ī ō anī, i tām̄ kəndā kə́ j-əndāī kemjí dɔ Nə́ɓā ń ndi kə kumneé tə́ ní. Ni i nge kajə de gə̄ malang, ba kə́ ngá̰ý ɓáa ni a ajə i ngé taā kem gə̄.

1 TESALONIK 1:3

Tɔdɔ̄ əga kemjí dɔ kəla taā kem yāsí tə́ ō, dɔ kɔr ń ɔ́riī kə de gēé tə́ sɔɔ̄ń táŕ kə́ kemsí tə́ ní ō, dɔ kəndā kə́ ə̄ndāī kemsí dɔ Kɔ́ɔ̄ɓē yājí Jeju Kərist adə̄ ngan̄g tə́ ní ō, ta kum Bɔbə̄jí Nə́ɓā tə́.

KOLOSƏ 4:12

Epapəras ń i de kə́ loosí ní rāāsí lápə́ya. Nge kəla yā Kərist Jeju ń toō rɔ̄ɔ̄ tām̄ yāsí tə́ kə ndɔ̄yɔ̄ɔ́ yā kadə̄ ī-raī gágájə́ kə́ de kə́ majə ɔtə̄ kə taá gə̄ tə́, kə́ rāān̄ yá̰a̰ gə̄ ń kem Nə́ɓā ndigə ní.

KOLOSƏ 1:29

I tām̄ ń toō tə́ n m̄-rāā kəla ō, m̄-rɔ̄ɔ̄ ō kə ta kūl̄ tɔ́gə yā Kərist ní. Tɔ́gə́ ní rāā kəla kə ngangāá kemḿ tə́.

1 KORḚNTƏ 15:10

Banī Nə́ɓā rāā seḿ adə̄ m̄-tél de kə́ m̄-to beé. Ba rāā ń Nə́ɓā rāā seḿ ní gotə to karī alé, tām̄ m̄-rāā kəla tɔȳ gotə ngámbang kəla gə̄ malang. Kə́ rɔ̄kum tə́ ɓáa i mā alé, banī i rajə kə́ Nə́ɓā rajəm̄.

MATIYE 9:38

ní ī-dəjeī kɔ́ɔ̄ kōō ní adə̄ əla kə de gēé kadə̄ əjan̄ kōō yān ní.

MATIYE 5:47

Ré i ngákó̰ó̰sí gə̄ ngóy n ā ī-rāāīdə́ lápə́ya anī, ī-rāāī i rí kə́ to tayā? De gə̄ ń nin̄ i Jipə aĺ gə̄ ní a rāān̄ i tītə̄ ń noō ō aĺ a?

Makətūbə̄ ń Pol ndang adə̄ Rom gə̄ ní 16:11

Ī-rāāī Erodiyo̰ lápə́ya ādə̄mī. Ni i mósə́ḿ. Ī-rāāī ngé taā kem kə́ ɓē Narsisií gə̄ lápə́ya ādə̄mī.

Makətūbə̄ ń Pol ndang adə̄ Rom gə̄ ní 16:13

Ī-rāāī Rupus lápə́ya ādə̄mī. Ni i de kə́ Kɔ́ɔ̄ɓē gə̄rān dan ngé kəla yān gə̄ tə́. Ī-rāāī kó̰o̰n ń rāā rɔ̄n i kó̰ó̰ḿ mā tə́ ō ní lápə́ya ādə̄mī.