Makətūbə̄ ń Pol ndang adə̄ Rom gə̄ ní 15:7 - Bibəl ta Sar̄

⁷ I beé ní ə́hɔī naā kə̄ rɔ̄sí tə́ tītə̄ ń Kərist nəkɔ́ əhɔńsí kə̄ rɔ̄n tə́ ní ɔ́siīń gɔn Nə́ɓā.

Bible sar

⁷ I beé ní ə́hɔī naā kə̄ rɔ̄sí tə́ tītə̄ ń *Kərist nəkɔ́ əhɔńsí kə̄ rɔ̄n tə́ ní ɔ́siīń gɔn Nə́ɓā.

Makətūbə̄ ń Pol ndang adə̄ Rom gə̄ ní 15:7 Referans Kwoze

MATIYE 10:40

Deē ń əhɔsí kə̄ rɔ̄n tə́ anī əhɔm̄ i mā kə̄ rɔ̄n tə́. Ba deē ń əhɔm̄ kə̄ rɔ̄n tə́ ní əhɔ i nge ń əlam̄ ní kə̄ rɔ̄n tə́.

JA̰A̰ 13:34

M-ādə̄sí gō míndə́ kə́ kijə: Ī-táriī naā. Tītə̄ ń m̄-tárəńsí ní, ī-táriī naā dɔ dáńsí tə́ ō.

Makətūbə̄ ń Pol ndang adə̄ Rom gə̄ ní 5:2

I kə kūl̄neé n j-əngeīń ta róbə kadə̄ Nə́ɓā rajəńjí dan ń jə-taāīń kem ní. Rajə yān i naā tə́ sejí, yá̰á̰ ń j-ɔjə rɔ̄jí tāmən tə́ ní i kɔsə gɔn yā Nə́ɓā ń j-əndāī kemjí dɔ tə́ ní.

EPEJƏ 1:18

Ādə̄ ni teē kumsí ādə̄ á̰a̰ī loo kə́ unjə̄ kow yān, yā kadə̄ ī-gerīneé yá̰á̰ ń ni ɓāŕsí kadə̄ ə̄ndāī kemsí dɔ tə́ ní ō, yā kadə̄ ī-gerīneé yá̰a̰ kənge kə́ to kɔsə gɔn yān ō, yá̰a̰ ndəbā ń ni-adə̄ ngé yān gə̄ ní ō,

Najə̄ kə́ Majə yā Jeju ń Luk ndang ní 9:48

ba ədadə́ na: Deē ń əhɔ ngōn̄ kə́ dūú ń toō kə̄ rɔ̄n tə́ najə̄ yāḿ mā tə́ ní, əhɔm̄ i mə̄kɔ́ kə̄ rɔ̄n tə́. Ba deē ń əhɔm̄ kə̄ rɔ̄n tə́ ní, əhɔ i deē ń əlam̄ mā ní kə̄ rɔ̄n tə́. Tɔdɔ̄ i deē ń dūú tɔȳsí malang ní n i de kə́ bo tɔȳsí malang ní.

MARK 9:37

Náā nəkɔ́ ń a əhɔ ngōn̄ kə́ tītə̄ nge ń toō kə̄ rɔ̄n tə́ najə̄ yāḿ tə́ anī, i ngarān̄g kumḿ mā nəkɔ́ ń əhɔ kə̄ rɔ̄n tə́ noō. Tá deē ń əhɔm̄ kə̄ rɔ̄n tə́ ní, əhɔm̄ i mā alé, banī i nge ń əlam̄ ní n kɔ́ɔ̄ əhɔn kə̄ rɔ̄n tə́ ní.

Najə̄ kə́ Majə yā Jeju ń Luk ndang ní 15:2

Anī Parijiyḛ gə̄, kə ngé ndóō de gə̄ ndū najə̄ gə̄ a yṵ́rə̄n̄ najə̄ dɔ Jeju tə́ ədan̄ na: Deē ngeé ń toō ní a əhɔ ngé rāā majaĺ gə̄ kə̄ rɔ̄n tə́ ō, a əsa yá̰a̰ sedə́ ō wa!

EPEJƏ 1:12

I beé ní, jḭḭ̄ ń j-əndāī kemjí dɔ Kərist tə́ ta kəga dɔ ní, ādə̄ jə-tɔ̄yī Nə́ɓā ń i de kə́ bo ní.

Makətūbə̄ ń Pol ndang adə̄ Rom gə̄ ní 15:9

Ni-reē i yā kadə̄ de gə̄ ń nin̄ i Jipə aĺ gə̄ ní, ɔsən̄ gɔn Nə́ɓā tām̄ kem majə yān tə́. Tītə̄ ń makətūbə̄ yā Nə́ɓā ədań ní, ndangən̄ na: I tām̄ najə̄ ń toō tə́ n m-ā m̄-ɓōkíī tɔ̄ȳ dan nápar de gə̄ tə́ ō, m-ā m-ə̄nā pā yā tɔ̄ȳń rīí ō ní.

JA̰A̰ 6:37

De gə̄ malang ń Bɔbə́ḿ adə̄m̄ sedə́ ní, a reēn̄ rɔ̄ḿ tə́, ba deē ń reē rɔ̄ḿ tə́ ní, m-ā m̄-tə̄ɓān ndágá alé.

KOLOSƏ 3:13

Ī-tə́gāī tasí dɔ naā tə́, ba ré de kə́rēý i kə najá kə madə̄neé anī, ī-mā̰yī rɔ̄sí dɔ naā tə́. Tītə̄ ń Kɔ́ɔ̄ɓē mā̰ȳń rɔ̄n dɔsí tə́ ní, ī-rāāī tītə̄ ń noō ō.