Makətūbə̄ ń Pol ndang adə̄ Rom gə̄ ní 15:5 - Bibəl ta Sar̄

⁵ Kadə̄ Nə́ɓā kə́ nge rāā kadə̄ deē tə́gā tan ō, kə́ nge sɔl̄ kem deē ō, rāā tá kadə̄ kemsí i gō naā tə́, tītə̄ ń Jeju Kərist nəkɔ́ ndigəń ní,

Bible sar

⁵ Kadə̄ Nə́ɓā kə́ nge rāā kadə̄ deē tə́gā tan ō, kə́ nge sɔl̄ kem deē ō, rāā tá kadə̄ kemsí i gō naā tə́, tītə̄ ń Jeju Kərist nəkɔ́ ndigəń ní,

Makətūbə̄ ń Pol ndang adə̄ Rom gə̄ ní 15:5 Referans Kwoze

1 PIYER 3:8

Yā tɔ̄ləń ta ɓáa, sḭḭ̄ malang ní, ādī kemsí i gō naā tə́ ō, kumsí o̰o̰sí kə naá ō, ī-táriī naā tītə̄ ń ngákó̰o̰ naā gə̄ a tárən̄neé naā ní ō, á̰a̰ī kum tō ndoō yā madə̄sí gə̄ ō, ī-téliī kə rɔ̄sí kə̄ nang tə́ ō.

Makətūbə̄ ń Pol ndang adə̄ Rom gə̄ ní 12:16

Ādī kemsí i kógə̄ḿ kə naá. Ī-lōōī ka̰a̰ rɔ̄sí yá̰á̰ kə́ ngá̰ý tə́ ba rāā madə̄sí gə̄ yá̰a̰ aĺ tə́. Banī ī-rāāī kəla kə́ to kɔjə rɔ̄ aĺ gə̄. Ī-lōōī ka̰a̰ rɔ̄sí ngé kum kedə̄ gə̄ tə́.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

2 KORḚNTƏ 13:11

Kə́ tām̄ yā gotə yá̰á̰ kə́ rang gə̄ tə́ ɓáa, ngákó̰ó̰ḿ gə̄, ī-ndiī kə rɔ̄nelēé ō, ī-rāāī tá kadə̄ ī-téliī de gə̄ kə́ majə ɔtə̄n̄ kə taá gə̄ ō, ə́laī go̰ kem naā tə́ ō, ādī míndə́sí asə naā ō, ī-ndiī lɔm kə naá ō. Loo ń noō tə́ Nə́ɓā kə́ nge tár ō, kə́ nge rāā kadə̄ lɔm to ō, a ndi sesí.

Makətūbə̄ ń Pol ndang adə̄ Rom gə̄ ní 15:13

Ādə̄ Nə́ɓā kə́ nge rāā kadə̄ de gə̄ əndān̄ kemdə́ dɔ yá̰á̰ tə́ adə̄sí rɔ̄nel̄ ō, kem sɔl̄ lɔm ō, kə́ majə ɔtə̄ kə taá, kə ta kūl̄ taā ń sḭḭ̄ ī-taāī kemən ní, yā kadə̄ kəndā kem dɔ yá̰á̰ tə́ yāsí i kəndā kem dɔ yá̰á̰ tə́ ngá̰ý kə ta kūl̄ tɔ́gə yā Ndíĺ kə́ Táĺ.

PĀ GƏ̄ 86:5

Kɔ́ɔ̄ɓē, ḭ̄ ń i de kə́ nge kem majə ō, ā ī-mā̰ȳ rɔ̄í dɔ de gə̄ tə́ ō ní, ḭ̄ ī-rāā kem majə ngá̰ý kə de gə̄ malang ń a ɓār̄nī ní.

1 KORḚNTƏ 1:10

Ngákó̰ó̰ḿ gə̄, m̄-dəjesí kə rī Kɔ́ɔ̄ɓē yājí Jeju Kərist, ōōī naā ba ādī kēgə̄ naā gətóo dansí tə́. Ādī gír̄ yāsí i kógə̄ḿ ō, yá̰á̰ ń ī-gḛyiī rāā ní i yá̰á̰ kə́ kógə̄ḿ beē ō.

Teē Ngán Israel gə̄ 34:6

Kɔ́ɔ̄ɓē mān̄ no Moijə tə́, anī əda kə ndū boó na: Mā i Kɔ́ɔ̄ɓē, mā i Kɔ́ɔ̄ɓē. Mā i Nə́ɓā kə́ kumḿ a o̰o̰m̄ kə deé ō, kə́ m-á̰a̰ kum tō ndoō yā deē ō, kə́ m-ā m̄-rāā wōn̄g láẃ aĺ ō, mā m̄-rāā kem majə ngá̰ý ō, mā i de kə́ m̄-ra dɔ ndūḿ tə́ ō.

PILIPƏ 4:2

Ebodi ō, Sḛntisə ō, m̄-rāāsí ɓɔ́, ādī gír̄ yāsí i kógə̄ḿ beē tītə̄ ngákó̰o̰ naā kə́ dəyá̰ gə̄ kə́ ɓoon̄ naā kə Kɔ́ɔ̄ɓēé.

PILIPƏ 2:2

I beé ɓáa ī-rāāī ādə̄ rɔ̄nel̄ yāḿ i rɔ̄nel̄ kə́ ɔtə̄ kə taá mámák. Ādī gír̄ yāsí i kógə̄ḿ beē ō, tár yāsí i kógə̄ḿ beē ō, kemsí i kógə̄ḿ beē ō, yá̰á̰ ń ī-sāāī rāā ní i yá̰á̰ kə́ kógə̄ḿ beē ō.

PILIPƏ 1:27

Banī ādī háĺsí ń ī-ndiīneé ní, əhɔ naā kə Najə̄ kə́ Majə yā Kərist, yā kadə̄ ká ré m-āw̄ go̰ō̰sí tə́, aláa m̄-gətóo rɔ̄sí tə́ gə̄gē anī, m-ōō kadə̄ ī-raī ngan̄g ō, gír̄ yāsí i kógə̄ḿ ō, sḭḭ̄ malang ī-rɔ̄ɔ̄ī dɔ taā kem Najə̄ kə́ Majə tə́ kə kem kə́ kógə̄ḿ ō.

2 PIYER 3:15

Majə kadə̄ ī-rāāī tə́gā ta kə́ dan i ngá̰ý yā Kɔ́ɔ̄ɓē yājí i ta róbə́ kə́ kadə̄ ájiīneé tə́! Ngōkó̰ó̰jí kə́ kó tár yājí ń i Pol ní, ndang adə̄sí kə gō kum kedə̄ ń Nə́ɓā adə̄n ní i tītə̄ ń noō ō.

PILIPƏ 3:16

Ká i rí gə̄gē anī loo ń j-ugī tū tə́ toō ní, ādə̄ jə-njə̄rāī kumjí kə̄ loo kə́ kógə̄ḿ beē tə́.

KƏLA RĀĀ 4:32

Kósə de gə̄ ń taān̄ kem ní kemdə́ i gō naā tə́ ō, gír̄ yādə́ i gō naā tə́ ō, de kə́ rāā yá̰a̰ halan yá̰a̰ kənge yān nəkɔ́ tə́ kə kérneé ní gətóo ō. Yá̰a̰ malang i yá̰a̰ yādə́ mbak.

EJEKIEL 11:19

M-ādə̄sí dan wur kə́ kijə, m-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ ndigə yá̰á̰ ń Nə́ɓā gḛy ní.

2 YÁ̰A̰ GƏ̄ 30:12

Kɔ́ɔ̄ɓē rāā kəla kem de gə̄ tə́ dɔ nang kə́ Juda tə́ ō, adə̄ de gə̄ malang gḛyn̄ rāā yá̰á̰ ń mban̄g ō, de kə́ bo gə̄ ō, ədan̄ kə gō ndū Kɔ́ɔ̄ɓēé ní.

2 PIYER 3:9

Kɔ́ɔ̄ɓē ɔr bā̰ā̰ loo rāā yá̰á̰ ń ni-ənī míndən yā rāā tə́ ní alé. Ba de kə́rēý gə̄ ədan̄ na ni na ɔr bā̰ā̰ ngá̰ý, tá ni tə́gā i tan tām̄ yāsí tə́. Tɔdɔ̄ ni gḛy kadə̄ de kə́rēý gə̄ udən̄ kɔ̄ɔ́ alé, ba kadə̄ de gə̄ malang tūrə̄n̄ gidədə́ kɔ̄ɔ́ ta yá̰á̰ kə́ majaĺ tə́.

Makətūbə̄ ń Pol ndang adə̄ Rom gə̄ ní 15:3

Tɔdɔ̄ Kərist sāā i yá̰á̰ kə́ nelə̄n alé. Tītə̄ ń makətūbə̄ yā Nə́ɓā ədań ní, ndangən̄ na: Ndū ń ngé tájī gə̄ tájīn̄ ní, i mā n m̄-taā kə̄ dɔḿ tə́ ní.

1 PIYER 3:20

Kumən na ɔjə i ndíl de gə̄ ń kété mbātə́n̄ ta Nə́ɓā, dan ń Nə́ɓā a tə́gań tan ɓáý ndɔ̄ gə̄ ń Noe a rāań to bo tə́ ní. I de kə́ sḛ́ý beē gə̄, adə̄ malang ɓáa i deē sɔ́sɔ́ ngóy n udən̄ kem toó ajən̄neé ní.

2 KORḚNTƏ 7:6

Ba Nə́ɓā ń i nge sɔl̄ kem ngé gə̄ ń tɔ́gə́də́ ur̄ wak kɔ̄ɔ́ ní, sɔl̄ kemjí kə ta kūl̄ reē ń Titə reē ugə̄ ní.

JEREMI 32:39

M-ā m-ādə̄də́ ngarā̰ kem ō, háĺ kə́ kógə̄ḿ beē ō, yā kadə̄ ɓōlə́n̄neé ndílə́ḿ ngándáńg tām̄ yā majə yādə́ tə́ ō, tām̄ majə yā ngáńdə́ gə̄ kə́ gotədə́ tə́ ō.