Makətūbə̄ ń Pol ndang adə̄ Rom gə̄ ní 15:31 - Bibəl ta Sar̄

³¹ Ī-ndɔ̄yī tām̄ kadə̄ m-ə̄sō jī ngé taā kem aĺ gə̄ kə́ gō nang kə́ Jude tə́ aĺ ō, yā kadə̄ ngé yā Nə́ɓā kə́ Jerusalem gə̄ ndigən̄ yá̰á̰ ń m-ā m-āw̄ń kə̄ kadə̄də́ tə́ Jerusalem ní majə ō.

Bible sar

³¹ Ī-ndɔ̄yī tām̄ kadə̄ m-ə̄sō jī ngé taā kem aĺ gə̄ kə́ gō nang kə́ Jude tə́ aĺ ō, yā kadə̄ ngé yā Nə́ɓā kə́ *Jerusalem gə̄ ndigən̄ yá̰á̰ ń m-ā m-āw̄ń kə̄ kadə̄də́ tə́ Jerusalem ní majə ō.

Makətūbə̄ ń Pol ndang adə̄ Rom gə̄ ní 15:31 Referans Kwoze

2 TESALONIK 3:2

Ī-ndɔ̄yī tá kadə̄ Nə́ɓā ɔr̄jí jī ngé kem ndul gə̄ tə́ ō, jī de kə́ tōr̄ gə̄ tə́ ō, tɔdɔ̄ i de gə̄ malang n taān̄ kem ní alé.

2 KORḚNTƏ 8:4

Yá̰a̰ gə̄ ń de gə̄ ɔsən̄ dɔ naā tə́ yā rāań kə ngé taā kem gə̄ kə́ dɔ nang kə́ Jude tə́ ní, nin̄-rāān̄jí ɓɔ́ ngá̰ý kadə̄ n-adə̄n̄ yādə́ tū tə́ ō.

2 KORḚNTƏ 9:1

Kadə̄ m̄-ndang makətūbə̄ m-ādə̄sí tām̄ yā yá̰á̰ ń əlan̄neé adə̄n̄ de gə̄ yā Nə́ɓā ń ndin̄ dɔ nang kə́ Jude tə́ ní, i yá̰á̰ kə́ kumən gətóo.

Makətūbə̄ ń Pol ndang adə̄ Rom gə̄ ní 15:25

Ba kə́ ngɔr ń toō tə́ ɓáa, m-ā m-āw̄ Jerusalem kə kəla yā de gə̄ yā Nə́ɓā.

2 TIMOTE 4:17

Banī Kɔ́ɔ̄ɓē ra rɔ̄ḿ tə́, ni-adə̄m̄ tɔ́gə adə̄ m-ɔ́jəń de gə̄ ń nin̄ i Jipə aĺ gə̄ ní najə̄ yān malang kə taá ō, ni ɔrə̄m̄ kɔ̄ɔ́ ta ɓɔl tə́ ō.

2 TIMOTE 3:11

Ī-ger̄ yá̰á̰ kə́ tōr̄ gə̄ ō, tápə̄ gə̄ ō ń m-ə́ngédə́ kem ɓē kə́ A̰tiyos tə́ ō, Ikoniyɔm tə́ ō, Listər tə́ ō ní. A̰á̰ā̰, m-á̰á̰ tápə́ ngá̰ý, banī Kɔ́ɔ̄ɓē ɔrə̄m̄ kɔ̄ɔ́ kum yá̰á̰ gə̄ ń noō tə́ malang.

1 TESALONIK 2:15

Jipə gə̄ ń tɔ̄lə̄n̄ Kɔ́ɔ̄ɓē Jeju ō, ngé koō ta gə̄ ō ní, rāān̄jí ndoō tə́ ō. Nel̄ Nə́ɓā sedə́ alé, tá nin̄ i madə̄ ba̰ā̰ de gə̄ malang ō.

KƏLA RĀĀ 25:24

Pestus un najə̄ ɔr̄, əda na: Mban̄g Agəripa ō, sḭḭ̄ malang ń ī-ndiī sejí laā ō ní, á̰a̰ī deē ń kósə Jipə gə̄ malang sekə́nən̄ rɔ̄ḿ tə́ Jerusalem gə̄gē, laā gə̄gē, ba əgan̄ kɔŕ ədan̄ na majə kadə̄ ni-ndi kə kumneé aĺ ní.

KƏLA RĀĀ 25:2

Loo ń noō tə́ ngol gə̄ kə́ dɔ ngé tun̄ yá̰a̰ gə̄ tə́, kə de kə́ bo gə̄ kə́ dɔ dán Jipə gə̄ tə́ reē sekə́n̄ Pol rɔ̄n tə́. Nin̄-dəjen̄ Pestus kat kat

KƏLA RĀĀ 22:24

ngol áskar gə̄ kə́ bo adə̄ ndūn kadə̄ aw̄n̄ kə Poló gérgereé ba kə dəjenən̄ najə̄ kə ndéyé kadə̄ kə n-gerə̄ń ké a əgan̄ kɔŕ dɔn tə́ beē i tām̄ rí tə́ wa.

KƏLA RĀĀ 9:13

Anī Ananias tél əda na: Kɔ́ɔ̄ɓē, de gə̄ ngá̰ý ədamə̄n̄ najə̄ kə́ dɔ deē ń noō tə́, ədan̄ na ni na rāā ngé yāí gə̄ majaĺ ngá̰ý kem ɓē kə́ Jerusalem tə́.

KƏLA RĀĀ 9:15

Banī Kɔ́ɔ̄ɓē ədan na: Āw̄, tɔdɔ̄ deē ń toō i yá̰a̰ kəla yāḿ kə́ m̄-gə̄rā, yā kadə̄ aw̄ kə rīḿ ta kum nápar de gə̄ tə́ ō, mban̄g gə̄ tə́ ō, ngán Israel gə̄ tə́ ō.

1 KORḚNTƏ 16:15

Ī-gerī Esətepanas nin̄ kə de kə́ kem kújə yān tə́ gə̄: Ī-gerī kadə̄ dɔ nang kə́ Akayi tə́ ní, i nin̄ n taān̄ kem kété ō, əndān̄ rɔ̄də́ ta kəla yā de gə̄ yā Nə́ɓā tə́ ō ní.

2 KORḚNTƏ 1:10

I ni n ɔr̄jí ta yo kə́ tītə̄ ń noō tə́ ō, a ɔr̄jí ɓáý ō ní. A̰á̰ā̰, j-əndā kemjí dɔn tə́ kadə̄ a ajəjí ta yo tə́ ɓáý.

2 KORḚNTƏ 9:13

Kəla ń toō ń ī-rāāī ní, a ɔjə yá̰á̰ ń i sḭḭ̄ ní kə̄ ndágá. Adə̄ de gə̄ ngá̰ý a ɔsən̄ gɔn Nə́ɓā tām̄ yā sɔl̄ dɔ yāsí tə́, sɔl̄ dɔ ń ɔ́jiīneé kə̄ ndágá kadə̄ ī-taāī kem Najə̄ kə́ Majə yā Kərist ní. Nin̄ a ɔsən̄ gɔn Nə́ɓā tām̄ yā kem majə yāsí tə́ ō, adə̄ i kem majə ń ādīneédə́ nin̄ ō, gotə de kə́ rang gə̄ malang ō yá̰a̰ kənge yāsí ngá̰ý ní.