Makətūbə̄ ń Pol ndang adə̄ Rom gə̄ ní 15:26 - Bibəl ta Sar̄

²⁶ Tɔdɔ̄ ngé taā kem kə́ Masedəwan tə́ gə̄ ō kə́ Akayi tə́ gə̄ ō, ndigən̄ kɔsə dɔ yá̰a̰ naā tə́ tām̄ yā ngé ndoō gə̄ kə́ dan de gə̄ yā Nə́ɓā kə́ Jerusalem tə́.

Bible sar

²⁶ Tɔdɔ̄ ngé taā kem kə́ Masedəwan tə́ gə̄ ō kə́ Akayi tə́ gə̄ ō, ndigən̄ kɔsə dɔ yá̰a̰ naā tə́ tām̄ yā ngé ndoō gə̄ kə́ dan de gə̄ yā Nə́ɓā kə́ Jerusalem tə́.

Makətūbə̄ ń Pol ndang adə̄ Rom gə̄ ní 15:26 Referans Kwoze

2 KORḚNTƏ 9:12

Tɔdɔ̄ kəla ń toō ń ī-rāāī ní, a rāā kadə̄ de gə̄ yā Nə́ɓā əngen̄ yá̰á̰ ń ndoōn rāādə́ ní ngóy alé, ba a rāā kadə̄ de gə̄ ngá̰ý a ndadə̄n̄ Nə́ɓā.

2 KORḚNTƏ 9:2

m̄-ger̄ yá̰á̰ kə́ majə gə̄ ń ī-sāāī rāā ní kɔ̄ɔ́, adə̄ m-ɔ́r ta rɔ̄ḿ najə̄ yāsí tə́ ta kum de gə̄ kə́ Masedəwan tə́: M-ə́dádə́ na de kə́ Akayi tə́ gə̄ əndān̄ dɔ rɔ̄də́ danaá kɔ̄ɔ́ i kaĺbēé beē. Adə̄ kɔl watang yāsí ɔsə kə ngé kán̄ naā gə̄ ngá̰ý ta rāā yá̰a̰ ō.

PILEMO̰ 1:5

Tɔdɔ̄ m-ōō najə̄ tár yāí ō, taā kem yāí ō, kə́ ɔjə dɔ Kɔ́ɔ̄ɓē Jeju ō, de gə̄ yā Nə́ɓā malang ō.

1 KORḚNTƏ 16:15

Ī-gerī Esətepanas nin̄ kə de kə́ kem kújə yān tə́ gə̄: Ī-gerī kadə̄ dɔ nang kə́ Akayi tə́ ní, i nin̄ n taān̄ kem kété ō, əndān̄ rɔ̄də́ ta kəla yā de gə̄ yā Nə́ɓā tə́ ō ní.

KƏLA RĀĀ 18:12

Dan ń Galiyo̰ a o̰o̰ń ɓē kə́ Akayi ní, Jipə gə̄ malang əndān̄ rɔ̄də́ naā tə́ ba oōn̄ kum Pol alé. Nin̄-aw̄n̄ seneé loo sarya tə́,

KƏLA RĀĀ 16:9

Ndɔ̄ɔ́ anī yá̰a̰ ndɔ̄bə̄ Pol: Ni-a̰a̰ deē kógə̄ḿ kə́ Masedəwan. Deē ní ra kə njan kə́ dɔɔ́ rāān ɓɔ́ ba ədan na: Ī-reē Masedəwan ī-dḭḭ̄jí!

Najə̄ kə́ Majə yā Jeju ń Luk ndang ní 14:13

Banī, dan ń ī-rāā yá̰a̰ kəsa yā ɓārəń de gə̄ ní anī, ī-mēr̄ de kə́ ngé ndoō gə̄ ō, de kə́ nujə gə̄ ō, ngé tə́sō motə gə̄ ō, de kə́ kum tɔ̄ɔ̄ gə̄ ō.

Najə̄ kə́ Majə yā Jeju ń Luk ndang ní 6:20

Loo ń noō tə́ Jeju ɔr̄ dɔn dɔɔ́ a̰a̰ ngé ndóō yá̰a̰ yān gə̄ ba əda na: Rɔ̄nel̄ i yāsí sḭḭ̄ ngé ndoō gə̄, tɔdɔ̄ Ɓē ko̰o̰ yā Nə́ɓā i yāsí!

MATIYE 26:11

Tɔdɔ̄ ngé ndoō gə̄ a ndin̄ sesí i kə ndɔ̄ gə̄, ba mā m-ā m̄-ndi sesí kə ndɔ̄ gə̄ alé.

MATIYE 25:40

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ ní, ī-rāāī i seḿ mā nəkɔ́.

JAKARI 11:11

Adə̄ kum mbang ngeé ń noō tə́ ní, madə̄ naā i kə́ ngān̄g kɔ̄ɔ́. Ngé kigə yá̰a̰ gə̄ ń nin̄ i de kə́ rɔ̄kum aĺ gə̄ á ra a̰a̰mə̄n̄ ní, gerə̄n̄ kadə̄ i Kɔ́ɔ̄ɓē n ɔr̄ najə̄ kə ta kūl̄ yá̰á̰ gə̄ ń m̄-rāā ní.

JAKARI 11:7

Adə̄ m̄-tél nge kul̄ batə̄ gə̄ kə́ ngé kigə yá̰a̰ gə̄ kə́ nin̄ i de kə́ rɔ̄kum aĺ gə̄ gírə̄n̄ tɔ̄l̄. M-ɔ́y kāgə̄ yā nge kul̄ yá̰a̰ jōó. m̄-ɓāŕ nge kə́ ta kəga dɔ na i madə̄ naā ō, kə́ nge ko̰ jōó na i ɓoo naā ō, ba m-á̰a̰ gō batə̄ gə̄.

Gōsə̄ najə̄ gə̄ 17:5

Nge mbóo kə de kə́ nge rɔ̄ tō ndoó i nge tájə̄ nge kəndā deē ní. Nge kəgō de kə́ yá̰á̰ kə́ to kum kaȳ aĺ teē dɔn tə́ a ənge ndéy.

Gōsə̄ najə̄ gə̄ 14:31

Nge rāā de kə́ tɔ́gən gətóo yá̰á̰ kə́ tōr̄ i de kə́ nge tájə̄ Nə́ɓā kə́ nge rāān, banī nge ka̰a̰ kum tō ndoō yā nge ndoō i de kə́ nge rɔȳ Nə́ɓā.

Gōsə̄ najə̄ gə̄ 14:21

Nge kídə̄ madə̄n i de kə́ nge rāā majaĺ, banī rɔ̄nel̄ i kə de kə́ nge rāā kem majə kə ngé rɔ̄ tō ndoō gēé.

KƏLA RĀĀ 9:13

Anī Ananias tél əda na: Kɔ́ɔ̄ɓē, de gə̄ ngá̰ý ədamə̄n̄ najə̄ kə́ dɔ deē ń noō tə́, ədan̄ na ni na rāā ngé yāí gə̄ majaĺ ngá̰ý kem ɓē kə́ Jerusalem tə́.

KƏLA RĀĀ 16:12

J-ḭḭ noó j-aw̄ Pilipə ń i ɓē kə́ gō nang kə́ Masedəwan tə́ kə́ bo tɔȳ madə̄ gə̄ malang ō, i ɓē kə́ de kə́ Rom gə̄ rāān̄ ɓē tū tə́ ō ní. Jə-ndi kem ɓē ngeé ń noō tə́ dan oy tām̄.

KƏLA RĀĀ 19:21

Gō yá̰a̰ gə̄ ń noō ń rāān̄ yá̰á̰ tə́ ní, Pol ɔjə gír̄ teē gō nang kə́ Masedəwan tə́ ō, gō nang kə́ Akayi tə́ ō, yā kaw̄ń kə̄ Jerusalem, ni-əda na: Ré m-ūgə̄ nú anī, majə kadə̄ m-á̰a̰ ɓē kə́ Rom ō.

1 KORḚNTƏ 16:5

Ré m-ə́nda dɔ nang kə́ Masedəwan m̄-gān̄g anī m-ā m-āw̄ loosí. Tɔdɔ̄ m-ā m̄-teē i gō nang ń noō tə́.

2 KORḚNTƏ 1:16

Gō tə́ anī kadə̄ m-ḭ́ḭ loosí m-āw̄ Masedəwan, tá kə m̄-tél Masedəwan m̄-reē loosí gogə́ ɓáý, yā kadə̄ ī-rāāīneé seḿ kə yá̰a̰ mbā kə́ kadə̄ m-āwń Jude.

2 KORḚNTƏ 2:13

ba ndílə́ḿ ndi i kə sōlōó kəkəre, tām̄ m-ə́nge ngōkó̰ó̰ḿ Titə alé. Adə̄ m̄-rāā de kə́ Təroas tə́ gə̄ lápə́ya ba m-āw̄ Masedəwan.

2 KORḚNTƏ 7:5

Tɔdɔ̄ dan ń j-ugə̄ dɔ nang kə́ Masedəwan tə́ ní, j-ɔr̄ koō aĺ bátə́. Wur kɔl əsō dɔjí tə́ kə ta róbə́ kə́ tayā tayā gēé: J-a jə-rɔ̄ɔ̄ kə de kə́ rang gēé ō, ɓōĺ i kemjí tə́ ō.

2 KORḚNTƏ 9:4

Ré i beé aĺ anī dan ń de kə́ Masedəwan tə́ gə̄ a reēn̄ seḿ ba a̰a̰n̄ kadə̄ ə̄ndāī dɔ rɔ̄sí danaá aĺ ɓáý ní anī, taā ń jə-taā kemsí mámák ní a tél i rɔ̄sɔl̄ yājí, m-ə́da tītə̄ ń noō i yā kədań najə̄ rɔ̄sɔl̄ yāsí sḭḭ̄ ō alé.

2 KORḚNTƏ 11:9

Ba dan ń m̄-ndi dansí tə́ á ndoō rāām̄ ní, m-ɔ̄ȳ deē kógə̄ḿ alé. Tɔdɔ̄ ngákó̰ó̰jí gə̄ ń ḭḭn̄ dɔ nang kə́ Masedəwan tə́ reēn̄ ní, adə̄mə̄n̄ yá̰a̰ malang ń ndoōn rāām̄ ní. Mā m̄-mbātə́ kɔȳsí ō, m̄-na̰y kə̄ loo mbātə́ tə́ ɓáý ō.

PILIPƏ 4:15

Sḭḭ̄ kɔ́ gə̄ de kə́ Pilipə tə́ gə̄, ī-gerī majə kadə̄ dan ń ta kəla gír kɔjə Najə̄ kə́ Majə tə́ á m-ə́ya̰ gō nang kə́ Masedəwan ní, Egəlijə kógə̄ḿ kə́ rāā seḿ adə̄ adə̄m̄ yá̰a̰, aké taā yá̰a̰ jīḿ tə́ ní gətóo, ba i Egəlijə yāsí sḭḭ̄ ngóy.

1 TESALONIK 1:7

Adə̄ ī-téliī yá̰á̰ ndájə̄ tām̄ yā ngé taā kem gə̄ malang kə́ Masedəwan tə́ ō, Akayi tə́ ō.

1 TESALONIK 1:8

Tɔdɔ̄ najə̄ yā Kɔ́ɔ̄ɓē ń ḭḭ loosí ní, ugə̄ i Masedəwan ō, Akayi ō, ngóy alé. Tām̄ de gə̄ oōn̄ najə̄ taā kem yāsí i kə̄ loo gə̄ tə́ malang, adə̄ j-a j-ɔr̄ najə̄n kə de gēé to̰ alé.

1 TESALONIK 4:10

I tītə̄ ń noō n ī-táriīń ngákó̰ó̰sí gə̄ kə́ gō nang kə́ Masedəwan tə́ malang kə taá ní. Banī ngákó̰ó̰jí gə̄, jə-dəjesí kadə̄ ī-táriī kum kə̄ kété ɓáý.

1 TIMOTE 1:3

Tītə̄ ń m-ə́daīneé kété pá tá kadə̄ m-ɔ́tə m-āw̄ Masedəwan tə́ ní, ī-ndi Epejə kadə̄ ə́da de kə́rēý gə̄ kadə̄ ndóōn̄ de gə̄ yá̰á̰ kə́ rang gə̄ aĺ ō,