Makətūbə̄ ń Pol ndang adə̄ Rom gə̄ ní 15:2 - Bibəl ta Sar̄

² Majə kadə̄ jḭḭ̄ kógə̄ḿ kógə̄ḿ ní jə-sāāī i rāā yá̰á̰ kə́ kadə̄ nel̄ madə̄jí tām̄ yā majə yān tə́ ō, tām̄ yā kadə̄ ni-taāń kem kum kə̄ kété kété ō.

Bible sar

² Majə kadə̄ jḭḭ̄ kógə̄ḿ kógə̄ḿ ní jə-sāāī i rāā yá̰á̰ kə́ kadə̄ nel̄ madə̄jí tām̄ yā majə yān tə́ ō, tām̄ yā kadə̄ ni-taāń kem kum kə̄ kété kété ō.

Makətūbə̄ ń Pol ndang adə̄ Rom gə̄ ní 15:2 Referans Kwoze

1 KORḚNTƏ 10:24

Ādə̄ deē sāā yá̰á̰ kə́ tām̄ yā majə yān nəkɔ́ tə́ alé, banī i yá̰á̰ kə́ tām̄ yā majə yā madə̄n gə̄ tə́ tá.

Makətūbə̄ ń Pol ndang adə̄ Rom gə̄ ní 14:19

Ní, adə̄ jə-sāāī yá̰á̰ kə́ tām̄ yā kem sɔl̄ lɔm tə́ ō, yá̰á̰ kə́ kadə̄ jə-mbūsīiń naā ō.

1 KORḚNTƏ 10:33

I beé n mə̄kɔ́ m-ə́hɔ rɔ̄ḿ tɔgə m̄-rāań yá̰a̰ malang kadə̄ nel̄ de gə̄ malang ní. Tɔdɔ̄ m̄-sāā yá̰á̰ kə́ tām̄ yā majə yā de kə́ ngá̰ý gə̄ tə́, kadə̄ nin̄-ajən̄neé.

1 KORḚNTƏ 13:5

Tár a rāā yá̰á̰ kə́ to rɔ̄sɔl̄ alé, ni-sāā yá̰a̰ tām̄ yān nəkɔ́ tə́ aĺ ō, rāā wōn̄g láẃ aĺ ō, əhɔ deē kemən tə́ aĺ ō.

1 KORḚNTƏ 10:23

Ngé kə́rēý gə̄ ədan̄ na Nə́ɓā na adə̄jí ta róbə rāā yá̰a̰ malang. Rɔ̄kum, Nə́ɓā adə̄jí ta róbə rāā yá̰a̰ malang ɓá tā, ba i yá̰a̰ malang n i yá̰á̰ kə́ majə ní alé. Nə́ɓā adə̄jí ta róbə rāā yá̰a̰ malang ɓá tā, ba i yá̰a̰ malang n a rāā kə deé kadə̄ tɔgəń kum kə̄ kété ní alé.

1 KORḚNTƏ 14:3

Banī nge kəda najə̄ kə́ Nə́ɓā əndā tan tə́ ní, ɔr̄ najə̄ i kə de gēé kadə̄ nin̄-taān̄ kem kum kə̄ kété kété ō, i yā kəlań go̰ kemdə́ tə́ ō, i yā sɔlə̄ń kemdə́ ō.

1 KORḚNTƏ 14:26

Loo ń noō tə́ ní ngákó̰ó̰ḿ gə̄, ā ī-rāāī i ba̰ý? Dan ń a ī-kanī naā anī, ré deē kógə̄ḿ aw̄ kə pā kógə̄ḿ ō, de kə́rēý aw̄ kə yá̰á̰ kógə̄ḿ kə́ yā kadə̄ ni-ndóō de gə̄ ō, de kə́ rang aw̄ kə yá̰á̰ kə́ Nə́ɓā teē kumən dɔ tə́ ō, de kə́ rang ɓáý to̰ aw̄ kə najə̄ kógə̄ḿ kə́ yā kɔr̄ kə ta kə́ tayāá ō, de kə́ rang ger̄ kum najə̄ ní yā kəda ō anī, ādə̄ i kə́ yā rāā yá̰a̰ gə̄ ń noō malang yā kadə̄ ngé kán̄ naā gə̄ taān̄neé kem Kɔ́ɔ̄ɓē kum kə̄ kété kété.

2 KORḚNTƏ 12:19

Jóo toó ní, sḭḭ̄ ī-gírī kadə̄ jḭḭ j-a jə-nējə̄ i najə̄ dɔ rɔ̄jí tə́ ta kumsí tə́ a? I beé alé! Najə̄ ń j-ɔr̄ ní, j-ɔr̄ i tītə̄ ń Kərist ndigəń ní, ta kum Nə́ɓā tə́. Ba kó tár gə̄, j-ədasí yá̰a̰ gə̄ ń noō malang i yā kadə̄ ī-tɔgīneé kum kə̄ kété kété.

2 KORḚNTƏ 13:9

Dan ń jə-ngan̄g aĺ ɓáa jə-rāā rɔ̄nel̄, banī sḭḭ̄ i de kə́ ngan̄g gə̄. I tām̄ najə̄ ń noō tə́ n jə-dəje kem ndɔ̄ȳ yājí tə́, kadə̄ ī-téliī de kə́ majə ɔtə̄ kə taá gə̄ ní.

EPEJƏ 4:12

I tītə̄ ń noō n ni-rāań adə̄ de gə̄ yā Nə́ɓā asənə̄ń rāā kəla yān ní, yā kadə̄ ngé kán̄ naā gə̄ ń i rɔ̄ Kərist ní tɔgənə̄ń,

EPEJƏ 4:29

Ādī najə̄ kə́ majaĺ teē tasí tə́ alé, banī i najə̄ kə́ majə tá, yā kadə̄ ngé gə̄ ń oōn̄ ní rāā majə sedə́ ō, aw̄n̄neé kum kə̄ kété ō.