Makətūbə̄ ń Pol ndang adə̄ Rom gə̄ ní 15:19 - Bibəl ta Sar̄

¹⁹ i kə tɔ́gə́ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, i kə tɔ́gə yā Ndíĺ kə́ Táĺ ō. Adə̄ m-ɔ́jə Najə̄ kə́ Majə yā Kərist kə taá malang, m-ə́lá gír i Jerusalem ō, kem ɓē gə̄ ń ran̄ kə gō gidə ɓē kə́ Jerusalem ní ō, bátə́ gō nang kə́ Iliri tə́.

Bible sar

¹⁹ i kə tɔ́gə́ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, i kə tɔ́gə yā *Ndíĺ kə́ Táĺ ō. Adə̄ m-ɔ́jə Najə̄ kə́ Majə yā Kərist kə taá malang, m-ə́lá gír i *Jerusalem ō, kem ɓē gə̄ ń ran̄ kə gō gidə ɓē kə́ Jerusalem ní ō, bátə́ gō nang kə́ Iliri tə́.

Makətūbə̄ ń Pol ndang adə̄ Rom gə̄ ní 15:19 Referans Kwoze

2 KORḚNTƏ 12:12

Yá̰a̰ gə̄ ń ɔjən̄ kə̄ ndágá kadə̄ mā i ngōmbang kəla ní, rāān̄ yá̰a̰ dɔ dáńsí tə́. Nin̄ n toō: I tə́gā kə́ m̄-tə́gā taḿ ngá̰ý dan yá̰a̰ gə̄ tə́ malang ō, i yá̰á̰ kə́ majə ngá̰ý kə́ to kɔr kum gə̄ ō, i yá̰á̰ kə́ yáā kə́ tayā tayā gə̄ ō, i yá̰a̰ gə̄ kə́ rāā kə tɔ́gɔ́ ō.

HEBƏRO 2:4

Nə́ɓā ɔjə kadə̄ i rɔ̄kum i kə ta kūl̄ yá̰á̰ kə́ yáā gə̄ ō kə́ to ɓōĺ gə̄ ō, kə́ to kɔr kum gə̄ kə́ gíŕdə́ i ngá̰ý ō, kə ta kūl̄ kadə̄ de gə̄ kadə̄ karī gə̄ yā Ndíĺ kə́ Táĺ ń ni-nə̄bō kə gō kem ndigə yānneé ní ō.

GALATƏ 3:5

Nge ń adə̄sí Ndíl ō, rāā yá̰a̰ kə́ yáā gə̄ dɔ dáńsí tə́ ō ní, rāā i tām̄ rāā kə́ sḭḭ̄ ī-rāāī yá̰á̰ gə̄ kə́ ndū najə̄ əda kadə̄ yā rāā gə̄ tə́, aké i tām̄ koō kə́ ōōī Najə̄ kə́ Majə ō ī-taāī kem ō ḿ?

2 TIMOTE 4:17

Banī Kɔ́ɔ̄ɓē ra rɔ̄ḿ tə́, ni-adə̄m̄ tɔ́gə adə̄ m-ɔ́jəń de gə̄ ń nin̄ i Jipə aĺ gə̄ ní najə̄ yān malang kə taá ō, ni ɔrə̄m̄ kɔ̄ɔ́ ta ɓɔl tə́ ō.

KƏLA RĀĀ 20:6

Jḭḭ kɔ́ gə̄ tá teē gidə gō ndɔ̄ yā mápá kə́ kanjə̄ kaa mápá tə́ anī, jḭḭ ɓē kə́ Pilipə tə́ j-utə̄ gōdə́ kə to boó, j-aw̄ j-əngedə́ Təroas kə ndɔ̄ kə́ nge ko̰ mí, ba jə-dəba noó jə-rāā ndɔ̄ sīrí.

KƏLA RĀĀ 17:10

Ndɔ̄ɔ́ anī, ngákó̰ó̰jí gə̄ adə̄n̄ Pol nin̄ kə Silas aw̄n̄ kem ɓē kə́ Bere tə́. Dan ń ugə̄n̄ anī aw̄n̄ kújə́ kán̄ naā yā Jipə gə̄ tə́.

KƏLA RĀĀ 20:20

Sḭḭ̄ ī-gerī kadə̄ mā m̄-ɓɔ̄ɔ̄sí dɔ yá̰á̰ kógə̄ḿ kə́ kadə̄ rāā majə sesí alé: M-ə́dásí yá̰a̰ malang ō, m-ɔ́jə́sí yá̰a̰ malang ō, i ndágə loo gə̄ tə́ ō, i kem kújə gə̄ tə́ ō.

KƏLA RĀĀ 19:1

Dan ń Apolos ndi Korḛntə ní, Pol ənda gō nang kə́ ḭḭ kə̄ dɔɔ́ gə̄ kə́ Aji tə́ gān̄g ba reē ugə̄ kem ɓē kə́ Epejə tə́. Ni-ənge ngé ndóō yá̰á̰ kə́rēý gə̄ noó.

KƏLA RĀĀ 18:19

Nin̄-ugə̄n̄ Epejə anī Pol əya̰ madə̄ mbān gə̄. Nəkɔ́ udə kújə́ kán̄ naā yā Jipə gə̄ tə́ ba ɔr̄ najə̄ sedə́.

KƏLA RĀĀ 18:1

Gō tə́ anī Pol ḭḭ Aten aw̄ Korḛntə.

KƏLA RĀĀ 17:15

Ngé gə̄ ń dānə̄n̄ Pol ní aw̄n̄ seneé bátə́ ugə̄n̄ kem ɓē kə́ Aten tə́ tá kadə̄ télən̄ ɓáý. Ba Pol tāādə́ kadə̄ ədan̄ Silas ō Timote ō na kə aw̄n̄ gōn tə́ láẃ.

KƏLA RĀĀ 16:18

Ni-rāā yá̰á̰ ní ndɔ̄ ngá̰ý. Ta tɔ̄l̄ ta anī wōn̄g rāā Pol ngá̰ý, adə̄ ni-tūr̄ rɔ̄n ba əda ndíĺ ní kə tɔ́gɔ́ na: Ī-teē kem dəyá̰ ń toō tə́ kɔ̄ɔ́ kə rī Jeju Kərist! Anī ndíĺ ní teē kɔ̄ɔ́ kem dəyá̰ ní tə́ kə̄ ta jī tə́ noō.

KƏLA RĀĀ 15:12

Loo ń noō tə́ ngé kán̄ naā gə̄ malang tél ndin̄ kə tadə́ kə́ mbóó kóńg ō, de gə̄ oōn̄ najə̄ kə́ ta Barnabas tə́ ō, Pol tə́ ō. Nin̄-ənīn̄ gōtə́ yá̰á̰ kə́ to kɔr kum gə̄ malang ō, yá̰á̰ kə́ yáā gə̄ ō ń Nə́ɓā rāā kə ta kūl̄də́ dan de gə̄ ń i Jipə aĺ gə̄ tə́ ní.

KƏLA RĀĀ 14:25

Nin̄-ɔjən̄ de kə́ Perjə gə̄ najə̄ yā Nə́ɓā, ba gō tə́ anī aw̄n̄ Atali.

KƏLA RĀĀ 14:20

Ba dan ń ngé taā kem gə̄ kánə̄n̄ naā dɔn tə́ anī, ḭḭ dɔɔ́ ba tél udə gogə́ kem ɓēé. Teē kə ndɔ̄ kə́ noō anī, aw̄ Derbə kə Barnabas.

KƏLA RĀĀ 14:10

Loo ń noō tə́ Pol ədan kə tɔ́gɔ́ na kə ḭḭ dɔɔ́ kə ra dɔ njan tə́ súmūú! Anī deē ní ḭḭ bal ba njə̄rā.

KƏLA RĀĀ 14:6

Dan ń nin̄-gerə̄n̄ gō anī, a̰ȳ aw̄ ɓɔ̄ɔ̄n̄ rɔ̄də́ kem ɓē gə̄ kə́ Likaoni tə́, adə̄ i kem ɓē kə́ Listər tə́ ō, Derbə tə́ ō, kem ngán ɓē gə̄ kə́ kə gō gidə ɓē gə̄ ní tə́ ō.

KƏLA RĀĀ 13:51

Pol nin̄ kə Barnabas gógə̄n̄ bumbə́rú kə́ njadə́ tə́ ba aw̄n̄ Ikoniyɔm.

KƏLA RĀĀ 13:14

Banī nin̄-unən̄ ta njə̄rā mbā yādə́ kum kə̄ kété, nin̄-ḭḭn̄ Perjə aw̄ ugə̄n̄ A̰tiyos kə́ Pisidi tə́. Ndɔ̄ sabat tə́ anī, nin̄-udən̄ kújə́ kán̄ naā tə́ ba aw̄ ndin̄ nang tə́.

KƏLA RĀĀ 1:8

Banī ā ə́ngeī tɔ́gə́ kógə̄ḿ, dan ń Ndíĺ kə́ Táĺ reē dɔsí tə́ ní. Loo ń noō tə́ ā ī-téliī de kə́ kum tə́ yāḿ gə̄, kem ɓē kə́ Jerusalem tə́ ō, gō nang malang kə́ Jude tə́ ō, gō nang kə́ Samari tə́ ō, bátə́ ta ngóy dɔ nang tə́ ō.

JA̰A̰ 4:48

Jeju əda na: Ré sḭḭ̄ á̰a̰ī yá̰á̰ kə́ to kɔr kum gə̄ ō, yá̰á̰ kə́ yáā gə̄ ō aĺ anī, ā ī-taāī kem aĺ bátə́ tā!

MATIYE 12:28

Ba ré m̄-tə̄ɓā ndíĺ kə́ majaĺ gə̄ i kə ta kūl̄ Ndíĺ yā Nə́ɓā anī, i Ɓē ko̰o̰ yā Nə́ɓā n-reē ugə̄ rɔ̄sí tə́ ɓá kɔ̄ɔ́ noō.

1 PIYER 1:12

Najə̄ ń Nə́ɓā əndā ta ngé koō ta gə̄ tə́ adə̄ ədan̄ ní, ni teē kumdə́ dɔ tə́ adə̄ gerə̄n̄ kadə̄ najə̄ ní i tām̄ yādə́ nin̄ tə́ alé, banī i tām̄ yāsí sḭḭ̄ tə́. Ngé kɔjə Najə̄ kə́ Majə gə̄ ədan̄sí najə̄ ní ngɔlaā i kə tɔ́gə yā Ndíĺ kə́ Táĺ. Ndíĺ kə́ Táĺ ngeé ń toō ní, i Nə́ɓā ń ndi dɔ rā̰ tə́ ní n əla seneé ní. De kə́ dɔ rā̰ tə́ gə̄ gə̄gē nin̄ kɔ́ gə̄ kə dɔdə́ sāān̄ ger̄ najə̄ ní ō.

KOLOSƏ 1:25

Mā m̄-tél nge kəla yā ngé kán̄ naā gə̄, i kadə̄ m̄-rāā kəla ń Nə́ɓā mērə̄m̄ rāā ní. I kadə̄ m-ɔ́jə́sí najə̄ yā Nə́ɓā malang kə taá.

Makətūbə̄ ń Pol ndang adə̄ Rom gə̄ ní 15:24

Ba i ta kaw̄ḿ Esəpa̰y tə́ tá m-ā m̄-teē dɔsí tə́ ɓáý. Tɔdɔ̄ m-ə̄ndā kemḿ dɔ ka̰a̰sí tə́ yā kadə̄ m-ə́ngé yá̰a̰ jīsí tə́ tá m-āwń nú, ba m-ā m̄-ndi sesí sḛ́ý pá tá m-ā m̄-mān̄ ɓáý.

Makətūbə̄ ń Pol ndang adə̄ Rom gə̄ ní 15:13

Ādə̄ Nə́ɓā kə́ nge rāā kadə̄ de gə̄ əndān̄ kemdə́ dɔ yá̰á̰ tə́ adə̄sí rɔ̄nel̄ ō, kem sɔl̄ lɔm ō, kə́ majə ɔtə̄ kə taá, kə ta kūl̄ taā ń sḭḭ̄ ī-taāī kemən ní, yā kadə̄ kəndā kem dɔ yá̰á̰ tə́ yāsí i kəndā kem dɔ yá̰á̰ tə́ ngá̰ý kə ta kūl̄ tɔ́gə yā Ndíĺ kə́ Táĺ.

Makətūbə̄ ń Pol ndang adə̄ Rom gə̄ ní 15:16

adə̄ mā i nge kəla yā Jeju Kərist, kə́ tām̄ yā gír de gə̄ kə́ nin̄ i Jipə aĺ gə̄ tə́ ní. Nə́ɓā ɔr̄ əndām̄ tayā tām̄ yān tə́ kadə̄ m-ə̄nā mbēr̄ Najə̄ kə́ Majə yān yā kadə̄ gír de gə̄ ń nin̄ i Jipə aĺ gə̄ ní télən̄ yá̰a̰ ndējə̄ kə́ táĺ kə ta kūl̄ Ndíĺ kə́ Tálá kadə̄ nēl̄ kem Nə́ɓā.

1 KORḚNTƏ 2:4

Yá̰á̰ ń m̄-ndóō de gə̄ ō, najə̄ ń m-ɔ́jə de gə̄ ō ní, i kə gō kum kedə̄ yā deé alé, banī i kə tɔ́gə yā Ndíĺ Nə́ɓā kə́ ɔjə kə̄ ndágá kadə̄ najə̄ yāḿ i najə̄ kə́ rɔ̄kum.

1 TESALONIK 1:5

Tɔdɔ̄ kɔjə ń j-ɔjəsí Najə̄ kə́ Majə ní i kə najá ngóy alé, banī i kə tɔ́gə́ kə́ ngá̰ý ō, kə kəla rāā Ndíĺ kə́ Táĺ ō, kanjə̄ kadə̄ kemjí tɔ́sə̄jí dɔ tə́ bátə́. Ī-gerī ké jḭḭ i de kə́ ba̰ý gə̄ tām̄ yāsí tə́ dan ń jə-ndiń sesí ní.