Makətūbə̄ ń Pol ndang adə̄ Rom gə̄ ní 15:14 - Bibəl ta Sar̄

¹⁴ Ngákó̰ó̰ḿ gə̄, mə̄kɔ́ m̄-ger̄ majə kadə̄ kem majə yāsí i ngá̰ý ō, kadə̄ ī-gerī yá̰a̰ malang majə ō, ásiī kɔjə̄ naā ō.

Bible sar

¹⁴ Ngákó̰ó̰ḿ gə̄, mə̄kɔ́ m̄-ger̄ majə kadə̄ kem majə yāsí i ngá̰ý ō, kadə̄ ī-gerī yá̰a̰ malang majə ō, ásiī kɔjə̄ naā ō.

Makətūbə̄ ń Pol ndang adə̄ Rom gə̄ ní 15:14 Referans Kwoze

2 PIYER 1:12

I tām̄ najə̄ ń toō tə́ n m-ā m̄-ter̄ kemsí kə ndɔ̄ gə̄ dɔ yá̰a̰ gə̄ ń toō tə́, ká ī-gerīdə́ kɔ̄ɔ́ ō, ī-raī ngan̄g dɔ najə̄ kə́ rɔ̄kum kə́ ī-taāī tə́ ō gə̄gē ní.

1 JA̰A̰ 2:21

Ré m̄-ndang makətūbə̄ m-ādə̄sí anī, i tām̄ ger̄ kə́ sḭḭ̄ ī-gerī najə̄ kə́ rɔ̄kum aĺ alé, banī i yā kədańsí na ī-gerī najə̄ kə́ rɔ̄kum ō, najə̄ kə́ sor̄ kógə̄ḿ kə́ teē dan najə̄ kə́ rɔ̄kum tə́ gətóo ō.

1 KORḚNTƏ 8:1

Ń toō ɓáa ādə̄ j-əndāī ma̰ȳ najə̄ yā dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní. Sḭḭ̄ ə́daī na jḭḭ̄ malang na i ngé ger̄ yá̰a̰ gə̄. Nge ń noō i najə̄ kə́ rɔ̄kum. Ba ger̄ yá̰a̰ i yá̰á̰ kə́ a rāā kadə̄ deē a ɔjə rɔ̄n, banī tár i yá̰á̰ kə́ a rāā kə deé kadə̄ aw̄ kum kə̄ kété.

1 TESALONIK 5:11

I beé ní, ə́laī go̰ kem naā tə́ ō, ī-mbūsī naā ō, tītə̄ ń ī-rāāīneé ɓá ní.

KOLOSƏ 3:16

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄.

1 KORḚNTƏ 8:10

Tɔdɔ̄ ré de kə́ tɔ́gən gətóo a̰a̰ī ḭ̄ de kə́ ger̄ yá̰a̰ loo kəsa yá̰á̰ tə́ kem kújə ɓesə̄ tə́ anī, ni a ənge tɔ́gə kə ta kūlīí yā kəsań dā̰ kə́ tun̄ kadə̄ ɓesə̄ gə̄ aĺ a?

1 KORḚNTƏ 8:7

Banī i de gə̄ malang n gerə̄n najə̄ kə́ rɔ̄kum ń toō ní alé. Ngé kə́rēý gə̄ ní ɓesə̄ ɔr̄ kemdə́ tə́ alé. Adə̄ ɓōólaā gə̄gē ní nin̄-əsan̄ dā̰ gə̄ ń de gə̄ tun̄ adə̄n̄ ɓesə̄ gə̄ ní i tītə̄ kə́ i nin̄ n tun̄ adə̄n̄ ɓesə̄ gə̄ ní beē. Yá̰á̰ ń kemdə́ ɔjədə́ ní kumən unjə̄ alé, adə̄ kemdə́ ní téĺ yá̰á̰ kə́ majaĺ tákə̄.

1 KORḚNTƏ 1:5

Tɔdɔ̄ dan ń ī-ɓooī naā kə Kərist Jeju ní, ə́ngeī yá̰a̰ gə̄ malang kum asə naā, ə́ngeī tɔ́gə yā kɔrə̄ń najə̄ dɔ yá̰a̰ gə̄ tə́ malang ō, yā gerə̄ń yá̰a̰ malang ō.

PILEMO̰ 1:21

I tām̄ ger̄ kə́ m̄-ger̄ majə kadə̄ ā ōō najə̄ taḿ tə́ n m̄-ndangəń najə̄ ń toō ní. m̄-ger̄ kadə̄ yá̰á̰ ń m̄-dəjeī ní, ā ī-rāā kadə̄ mān̄ dɔ.

1 TESALONIK 5:14

Ngákó̰ó̰jí gə̄, jə-rāāsí ɓɔ́ ba ī-gɔŕyɔ̄ī ngé yay gə̄ ō, ə́laī go̰ kem ngé ɓōĺ gə̄ tə́ ō, ī-rāāī kə ngé tɔ́gə gətóo gə̄ ō. Ī-tə́gāī tasí dɔ de gə̄ tə́ malang ō.

EPEJƏ 5:9

Tām̄ loo kə́ unjə̄ kow a ojə i gíŕ yá̰a̰ gə̄ malang kə́ rāā kə kem majaá ō, yá̰á̰ kə́ gōtə́ ō, yá̰á̰ kə́ rɔ̄kum ō.

HEBƏRO 6:9

Ká ré j-ɔrə̄ń najə̄ beé gə̄gē anī, kó tár gə̄, jə-ger̄ mámák kadə̄ sḭḭ̄ i dɔ róbə́ kə́ majə tə́, adə̄ i nge ń a aw̄ kə deē tū kajə tə́ ní.

HEBƏRO 5:12

Dan i ngá̰ý kɔ̄ɔ́ adə̄ majə kadə̄ sḭḭ̄ i ngé ndóō de gə̄ yá̰a̰ tā, banī ī-sāāī kadə̄ téĺ ndóōn̄sí yá̰á̰ ndóō kə́ ta kəga dɔ gə̄ kə́ tū najə̄ yā Nə́ɓā ɓáý to̰. Āwī bátə́ ī-sāāī mba yā ka̰ȳ, ba i yá̰á̰ kəsa kə́ ngan̄g yā kəsa alé.

2 TIMOTE 1:5

Əga kemḿ dɔ taā ń ī-taā kem Nə́ɓā kə́ rɔ̄kum tə́ ní. Kaaí Lois ō, kó̰ó̰í Enis ō, taān̄ kem kə́ rɔ̄kum tə́ kété noí tə́, ba m̄-ger̄ majə kadə̄ ḭ̄ ī-taā kem i tītə̄ yādə́ ō.

PILIPƏ 1:11

Sḭḭ̄ ā ī-rāāī yá̰á̰ kə́ gō tə́ gə̄ ngá̰ý kə ta kūl̄ Jeju Kərist yā kɔsəń gɔn Nə́ɓā ō, yā ɓōkə́nəń tɔ̄ȳ ō.

PILIPƏ 1:7

I gō tə́ kadə̄ gír̄ kə́ kemḿ tə́ i tītə̄ ń noō tām̄ yāsí tə́ malang. Tām̄ sḭḭ̄ i kemḿ tə́, tɔdɔ̄ kem majə ń Nə́ɓā rāā seḿ ní, sḭḭ̄ malang ə́gaī naā dɔ tə́ seḿ, ká i dan ń mā i dəngáyá tə́ toō, aké i dan ń mā i kɔ́ɔ̄ rɔ̄ḿ á m-ā m̄-rɔ̄ɔń dɔ Najə̄ kə́ Majə tə́ ō, m-ā m̄-rāań kadə̄ Najə̄ kə́ Majə əlań ngəran ngan̄g ō ní.

1 KORḚNTƏ 13:2

Ká ré m-ə́dań i najə̄ kə́ Nə́ɓā əndā taḿ tə́ aláa m̄-gerə̄ń i yá̰á̰ kə́ to loo mundə̄ tə́ gə̄ malang, aláa m̄-gerə̄ń yá̰a̰ malang, aláa taā kem yāḿ i kə́ mámák, adə̄ i nge ń a ndɔ́tə̄ kə mbal̄ bo gēé loo ndadə́ tə́ ní gə̄gē, ba m̄-tár aĺ anī, mā i yá̰á̰ kógə̄ḿ alé.

1 KORḚNTƏ 12:8

Ni-adə̄ deē kógə̄ḿ tɔ́gə kɔr̄ najə̄ kə́ kə kum kedēé ō, Ndíĺ kə́ Táĺ nəkɔ́ kə́ kal kógə̄ḿ beē ń toō adə̄ de kə́ rang tɔ́gə kɔr̄ najə̄ kə gō yá̰á̰ ń ní ger̄ kə ta kūl̄ Ndíĺ kə́ Táĺ ní ō.

2 KORḚNTƏ 8:7

Sḭḭ̄ ə́ngeī yá̰a̰ malang ngá̰ý kɔ̄ɔ́ ɓá: Adə̄ i taā kem ō, ger̄ kɔr̄ najə̄ ō, yá̰a̰ ger̄ ō, kəndā rɔ̄ ta yá̰á̰ tə́ kanjə̄ dəba ō, táŕ kə́ tayā tayā gə̄ malang ń sḭḭ̄ ə́ngeī rɔ̄jí tə́ ní ō. Adə̄ kəla kem majə ngeé ń toō ní jḭḭ jə-gḛy kadə̄ ī-rāāī ngá̰ý ō.

2 TESALONIK 1:11

I tām̄ ń toō tə́ n jə-ndɔ̄ȳ Nə́ɓā ngándáńg tām̄ yāsí tə́ ní, yā kadə̄ de gə̄ rāān̄sí de gə̄ kə́ ásiī tām̄ yā ɓāŕ ń Nə́ɓā ɓāŕsí tə́ ní. Yā kadə̄ Nə́ɓā adə̄sí tɔ́gə kadə̄ ī-rāāīneé yá̰a̰ malang kə́ majə ń kemsí gḛy ní ō, rāā adə̄ taā kem yāsí rāā kəla ō.