Makətūbə̄ ń Pol ndang adə̄ Rom gə̄ ní 15:13 - Bibəl ta Sar̄

¹³ Ādə̄ Nə́ɓā kə́ nge rāā kadə̄ de gə̄ əndān̄ kemdə́ dɔ yá̰á̰ tə́ adə̄sí rɔ̄nel̄ ō, kem sɔl̄ lɔm ō, kə́ majə ɔtə̄ kə taá, kə ta kūl̄ taā ń sḭḭ̄ ī-taāī kemən ní, yā kadə̄ kəndā kem dɔ yá̰á̰ tə́ yāsí i kəndā kem dɔ yá̰á̰ tə́ ngá̰ý kə ta kūl̄ tɔ́gə yā Ndíĺ kə́ Táĺ.

Bible sar

¹³ Ādə̄ Nə́ɓā kə́ nge rāā kadə̄ de gə̄ əndān̄ kemdə́ dɔ yá̰á̰ tə́ adə̄sí rɔ̄nel̄ ō, kem sɔl̄ lɔm ō, kə́ majə ɔtə̄ kə taá, kə ta kūl̄ taā ń sḭḭ̄ ī-taāī kemən ní, yā kadə̄ kəndā kem dɔ yá̰á̰ tə́ yāsí i kəndā kem dɔ yá̰á̰ tə́ ngá̰ý kə ta kūl̄ tɔ́gə yā *Ndíĺ kə́ Táĺ.

Makətūbə̄ ń Pol ndang adə̄ Rom gə̄ ní 15:13 Referans Kwoze

Makətūbə̄ ń Pol ndang adə̄ Rom gə̄ ní 12:12

Ādī rɔ̄sí nel̄sí tām̄ kəndā ń ə̄ndāī kemsí dɔ Nə́ɓā tə́ ní. Ī-tə́gāī tasí dan wur kɔl tə́. Ī-ngatə́rāī loo ndɔ̄ȳ tə́.

2 KORḚNTƏ 9:8

Nə́ɓā asə kadə̄sí yá̰á̰ kə́ majə kə́ tayā tayā gə̄ malang ngá̰ý, yā kadə̄ sḭḭ̄ i kə yá̰a̰ malang kə́ asəsí kə ndɔ̄ gə̄ ō, kadə̄ gotə ń na̰y ní i ngá̰ý kadə̄ ī-rāāīneé kəla kə́ majə gə̄ malang ō,

Makətūbə̄ ń Pol ndang adə̄ Rom gə̄ ní 14:17

Tɔdɔ̄ najə̄ Ɓē ko̰o̰ yā Nə́ɓā i najə̄ kə́ dɔ yá̰a̰ kəsa tə́ aĺ ō, yá̰a̰ ka̰ȳ tə́ aĺ ō, ba i najə̄ yá̰á̰ kə́ gōtə́ ō, kem sɔl̄ lɔm ō, rɔ̄nel̄ kə́ Ndíĺ kə́ Táĺ adə̄ ní.

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,

Makətūbə̄ ń Pol ndang adə̄ Rom gə̄ ní 15:5

Kadə̄ Nə́ɓā kə́ nge rāā kadə̄ deē tə́gā tan ō, kə́ nge sɔl̄ kem deē ō, rāā tá kadə̄ kemsí i gō naā tə́, tītə̄ ń Jeju Kərist nəkɔ́ ndigəń ní,

JA̰A̰ 14:1

Jeju əda ngé ndóō yá̰a̰ yān gə̄: Ādī kemsí sōl̄ alé: Ī-taāī kem Nə́ɓā ō, ī-taāī kemḿ mā ō.

JA̰A̰ 14:27

M-ə́ya̰ kem sɔl̄ lɔm m-ādə̄sí, m-ādə̄sí kem sɔl̄ lɔm yāḿ. M-ādə̄sí i tītə̄ ń de kə́ dɔ nang tə́ gə̄ a adə̄nəń ní alé. Ī-lōōī sōl̄ ō, ɓōĺ ō.

IJAI 55:12

Ā ī-teēī kɔ̄ɔ́ kem ɓē kə́ Babilon tə́ i kə rɔ̄nelēé ō, a télən̄ yā kaw̄ sesí gogə́ ɓēé loosí i kə kem kə́ sɔl̄ lɔmɔɔ́ ō. Dan ń ā ī-mānī anī, mbal̄ bo gə̄ ō, ngán mbal̄ gə̄ ō, a urən̄ kɔĺ rɔ̄nel̄. Kāgə̄ kə́ bembeé gə̄ malang a əndan̄ jīdə́ gíŕsí tə́.

1 PIYER 1:8

Jeju ngeé ń toō ní kumsí a̰a̰n alé, banī sḭḭ̄ ī-tárniī. Ngɔlaā ní kumsí a̰a̰n alé ɓá tā, banī sḭḭ̄ ī-taāī kemən. I tām̄ najə̄ ń toō tə́ n rɔ̄sí nel̄sí ngá̰ý ní, ba rɔ̄nel̄ ní i ngá̰ý al̄ naā, adə̄ i kə́ dum̄ kəda.

HEBƏRO 6:11

Ba jə-gḛy kadə̄ sḭḭ̄ kógə̄ḿ kógə̄ḿ ní, o̰o̰sí tɔdɔ̄ Nə́ɓā bátə́ ta tɔ̄l̄ ta tə́. Loo ń noō tə́ yá̰á̰ ń ə̄ndāī kemsí dɔ tə́ ní a reē yā kudə gírí kə taá malang.

1 TIMOTE 1:1

I mā Pol ń i ngōmbang kəla yā Kərist Jeju kə gō kem ndigə yā Nə́ɓā kə́ nge kajəjí ō, kə gō kem ndigə yā Kərist Jeju ń j-əndāī kemjí dɔn tə́ ō ní,

EPEJƏ 1:2

Ādə̄ Bɔbə̄jí Nə́ɓā, nin̄ kə Kɔ́ɔ̄ɓē Jeju Kərist, rāān̄ kem majə sesí ō, sɔlə̄n̄ kemsí ō.

1 TESALONIK 1:5

Tɔdɔ̄ kɔjə ń j-ɔjəsí Najə̄ kə́ Majə ní i kə najá ngóy alé, banī i kə tɔ́gə́ kə́ ngá̰ý ō, kə kəla rāā Ndíĺ kə́ Táĺ ō, kanjə̄ kadə̄ kemjí tɔ́sə̄jí dɔ tə́ bátə́. Ī-gerī ké jḭḭ i de kə́ ba̰ý gə̄ tām̄ yāsí tə́ dan ń jə-ndiń sesí ní.

JEREMI 14:8

Ḭ̄ ń Israel əndā kemən dɔí tə́ ní, ḭ̄ ń ájən kum mbang ń wurən ɔlənneé tə́ ní, i tām̄ rí tə́ á ī-rāā rɔ̄í tītə̄ de kə́ mbā tə́ kem ɓēé ō, ī-rāā rɔ̄í tītə̄ nge njə̄rā mbā kə́ a əja dɔɔ́ adə̄ a ɓīī i ndɔ̄ kógə̄ḿ beé ō ní.

1 KORḚNTƏ 2:4

Yá̰á̰ ń m̄-ndóō de gə̄ ō, najə̄ ń m-ɔ́jə de gə̄ ō ní, i kə gō kum kedə̄ yā deé alé, banī i kə tɔ́gə yā Ndíĺ Nə́ɓā kə́ ɔjə kə̄ ndágá kadə̄ najə̄ yāḿ i najə̄ kə́ rɔ̄kum.

1 SAMUEL 1:18

Ana tél ədan na: Ī-rāā kem majə seḿ mā nge kəla yāí kə̄ noí tə́. Ana ɔtə aw̄. Ni-əsa yá̰a̰ tā ō, dɔ kumən nelə̄n aĺ tītə̄ kə́ kété to̰ aĺ tā ō.

Makətūbə̄ ń Pol ndang adə̄ Rom gə̄ ní 15:19

i kə tɔ́gə́ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, i kə tɔ́gə yā Ndíĺ kə́ Táĺ ō. Adə̄ m-ɔ́jə Najə̄ kə́ Majə yā Kərist kə taá malang, m-ə́lá gír i Jerusalem ō, kem ɓē gə̄ ń ran̄ kə gō gidə ɓē kə́ Jerusalem ní ō, bátə́ gō nang kə́ Iliri tə́.