Makətūbə̄ ń Pol ndang adə̄ Rom gə̄ ní 15:1 - Bibəl ta Sar̄

¹ Jḭḭ̄ ń jə-raī ngan̄g dɔ taā kem yājí tə́ ní, majə kadə̄ jə-rāāī kə ngé gə̄ ń tɔ́gə́də́ gətóo ní, bā jə-lōōī sāā rāā yá̰á̰ kə́ kadə̄ nel̄jí jḭḭ̄ kɔ́ gə̄.

Bible sar

¹ Jḭḭ̄ ń jə-raī ngan̄g dɔ taā kem yājí tə́ ní, majə kadə̄ jə-rāāī kə ngé gə̄ ń tɔ́gə́də́ gətóo ní, bā jə-lōōī sāā rāā yá̰á̰ kə́ kadə̄ nel̄jí jḭḭ̄ kɔ́ gə̄.

Makətūbə̄ ń Pol ndang adə̄ Rom gə̄ ní 15:1 Referans Kwoze

1 TESALONIK 5:14

Ngákó̰ó̰jí gə̄, jə-rāāsí ɓɔ́ ba ī-gɔŕyɔ̄ī ngé yay gə̄ ō, ə́laī go̰ kem ngé ɓōĺ gə̄ tə́ ō, ī-rāāī kə ngé tɔ́gə gətóo gə̄ ō. Ī-tə́gāī tasí dɔ de gə̄ tə́ malang ō.

Makətūbə̄ ń Pol ndang adə̄ Rom gə̄ ní 14:1

Deē ń i kə́ mbūsə̄ tū taā kem yān tə́ aĺ ɓáý ní, ə́hɔin̄ kə̄ rɔ̄sí tə́ kanjə̄ tə́da najə̄ dɔ gír̄ yān gə̄ tə́.

1 KORḚNTƏ 9:22

Dan de kə́ tɔ́gə́də́ gətóo gə̄ tə́ anī, m̄-ndi tītə̄də́ yā kəngeńdə́. Adə̄ m̄-rāā rɔ̄ḿ yá̰a̰ malang tām̄ yādə́ tə́ malang, yā kadə̄ m-ájəń de kə́rēý gə̄ dandə́ tə́.

1 JA̰A̰ 2:14

Sḭḭ̄ ngánə́ḿ kə́ dūú gə̄, m̄-ndang makətūbə̄ ń toō m-ādə̄sí i tām̄ sḭḭ̄ ī-gerī Bɔbə̄jí. Sḭḭ̄ bɔbə̄ ngán gə̄, m̄-ndang makətūbə̄ ń toō m-ādə̄sí i tām̄ sḭḭ̄ ī-gerī nge ń ndi ta kəla gíŕ yá̰a̰ gə̄ tə́ ní. Sḭḭ̄ balsáa gə̄, m̄-ndang makətūbə̄ m-ādə̄sí i tām̄ tɔ́gə́sí to ō, najə̄ yā Nə́ɓā to kemsí tə́ ō, ī-tetiī de kə́ majaĺ rɔ̄ɔ̄ ō.

2 TIMOTE 2:1

I beé ní, ḭ̄ ngōnə̄ḿ, rajə ń Kərist Jeju a rajə ngé gə̄ ń ɓoon̄ naā seneé ní, ī-ra dɔ tə́ ādə̄ ngan̄g.

Makətūbə̄ ń Pol ndang adə̄ Rom gə̄ ní 4:20

Dan ń Nə́ɓā ənī míndən adə̄ Abəraham ní, kem Abəraham tɔ́sən dɔ míndə́ Nə́ɓā ń ənī adə̄n̄ tə́ ní alé. Taā kem yān adə̄n tɔ́gə, adə̄ ni-ɔsə gɔn Nə́ɓā.

EPEJƏ 6:10

Yā tɔ̄ləń ta najə̄ ní, ādī tɔ́gə́sí to kə ta kūl̄ ɓoo naā yāsí kə́ kə Kɔ́ɔ̄ɓēé ō, ādī tɔ́gən adə̄sí tɔ́gə ō.

2 KORḚNTƏ 12:10

I tām̄ najə̄ ń noō tə́ n nelə̄m̄ yá̰a̰ gə̄ kə́ rāāmə̄n̄ adə̄ tɔ́gə́ḿ gətóo gə̄ ō, ndū gə̄ kə́ tájə̄mə̄n̄ ō, yá̰á̰ kə́ to ɓōĺ gə̄ kə́ rāāmə̄n̄ ō, rāā kə́ rāāmə̄n̄ ndoō tə́ ō, yá̰a̰ gə̄ kə́ rāāmə̄n̄ adə̄ m̄-ndi kə sōlōó kekəre gə̄ ō tām̄ yā Kərist tə́ ní. Tɔdɔ̄, m-ə́ngé tɔ́gə i dan ń m̄-ngan̄g aĺ ní.

1 KORḚNTƏ 4:10

Jḭḭ i mbóo de gə̄ tām̄ yā Kərist tə́, ba sḭḭ̄ i ngé kum kedə̄ gə̄ kə gō ɓoo naā yāsí kə Kərist tə́. Jḭḭ i de kə́ ngan̄g aĺ gə̄, ba sḭḭ̄ i de kə́ ngan̄g gə̄. De gə̄ rɔȳn̄sí sḭḭ̄, ba kídə̄n̄jí jḭḭ!

Makətūbə̄ ń Pol ndang adə̄ Rom gə̄ ní 14:2

Deē ń i kə́ mbūsə̄ tū taā kem yān tə́ ní, ənī kemən əsań yá̰a̰ malang karī, ba nge ń ni i kə́ mbūsə̄ tū taā kem yān tə́ aĺ ní, əsa i mbī kámbə gə̄ ngóy.

PILIPƏ 2:4

Ādə̄ deē sāā i yá̰á̰ kə́ yā kadə̄ a rāā majə kə rɔ̄n nəkɔ́ ngóy alé, banī sḭḭ̄ kógə̄ḿ kógə̄ḿ ní ī-gírī dɔ yá̰á̰ kə́ a rāā majə kə madə̄sí gēé tə́ ō.