Makətūbə̄ ń Pol ndang adə̄ Rom gə̄ ní 14:9 - Bibəl ta Sar̄

⁹ Tɔdɔ̄ i tām̄ najə̄ ń noō tə́ n Kərist oy ba tél ndiń kə kumneé ō ní, yā kadə̄ ni i Kɔ́ɔ̄ɓē yā de kə́ koy gə̄ ō, yā ngé kə́ ndin̄ kə kumdə́ ɓáý gə̄ ō.

Bible sar

⁹ Tɔdɔ̄ i tām̄ najə̄ ń noō tə́ n *Kərist oy ba tél ndiń kə kumneé ō ní, yā kadə̄ ni i Kɔ́ɔ̄ɓē yā de kə́ koy gə̄ ō, yā ngé kə́ ndin̄ kə kumdə́ ɓáý gə̄ ō.

Makətūbə̄ ń Pol ndang adə̄ Rom gə̄ ní 14:9 Referans Kwoze

JEJU TEĒ KUM JA̰A̰ 1:18

deē ń ndi kə kumneé ní ō. Kété ní m-óy, banī ngɔlaā m̄-ndi kə kumḿ kə dɔ ɓāl̄ gə̄ ɓāl̄ gə̄. Tá kélé gə̄ yā yo ō, yā loo kə́ ɓádá ō, i jīḿ tə́.

Najə̄ kə́ Majə yā Jeju ń Luk ndang ní 24:26

I gáŕ kadə̄ Kərist a a̰a̰ tápə̄ ń toō yā kudəń kem kɔsə gɔn yān tə́ ní ī-gerī aĺ a?

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

2 TIMOTE 4:1

m̄-dəjeī kə ngangāá ngá̰ý ta kum Nə́ɓā tə́ ō, ta kum Kərist Jeju nge gān̄g sarya yā ngé gə̄ ń ndin̄ kə kumdə́ ō, ngé gə̄ ń oyn̄ kɔ̄ɔ́ ō ní, Kərist ń a tél yā reē ō, a o̰o̰ ɓē ō ní,

KƏLA RĀĀ 10:42

Ni ədají na kə j-əda ngán Israel gə̄ najə̄ ń toō, kə j-ənī mbēr̄ kə j-əda na i ni n Nə́ɓā əndān nge gān̄g sarya dɔ de kə́ ndin̄ kə kumdə́ gə̄ tə́ ō, dɔ de kə́ koy gə̄ tə́ ō ní.

MATIYE 28:18

Jeju reē rɔ̄də́ tə́ ngɔr ba ɔr̄ najə̄ ń toō sedə́, ədadə́ na: Adə̄mə̄n̄ tɔ́gə malang dɔ yá̰á̰ kə́ dɔ rā̰ tə́ gə̄ tə́ ō, dɔ yá̰á̰ kə́ dɔ nang tə́ gə̄ tə́ ō.

1 PIYER 4:5

Banī yá̰a̰ gə̄ ń nin̄-rāān̄ ní, Nə́ɓā ń əndā dɔ rɔ̄n danaá kɔ̄ɔ́ yā rāā sarya kə de gə̄ kə́ ndin̄ kə kumdə́ ō, kə de kə́ koy kɔ̄ɔ́ gə̄ ō ní, nin̄ a ədanən̄ gíŕ ɓáý.

1 PIYER 1:21

I kə ta kūlən n sḭḭ̄ ī-taāīneé kem Nə́ɓā ń ndólə̄n dan de kə́ koy gə̄ tə́ ō, ɔsə gɔnən ō ní. Adə̄ deē ń sḭḭ̄ ī-taāī kemən ō, əndāī tɔ́gə́sí dɔn tə́ ō ní i Nə́ɓā.

2 KORḚNTƏ 5:14

Tɔdɔ̄ tár yā Kərist o̰o̰ ɓē dɔjí tə́, jḭḭ ń jə-ger̄ majə ngá̰ý kadə̄ de kə́ kal kógə̄ḿ beē oy tām̄ yā de kə́ ngá̰ý gə̄ tə́ ní. Kumən na nin̄ malang oyn̄ seneé.

KƏLA RĀĀ 10:36

Najə̄ ń Nə́ɓā ɔr̄ kə ngán Israel gēé ní sḭḭ̄ ī-gerī, ədadə́ i Najə̄ kə́ Majə kə́ dɔ kem sɔl̄ lɔm tə́ kə ta kūl̄ Jeju Kərist ń i Kɔ́ɔ̄ɓē yā de gə̄ malang ní.

JEJU TEĒ KUM JA̰A̰ 2:8

Ī-ndang najə̄ń toō ādə̄ de kə́ dɔ rā̰ tə́ yā Egəlijə kə́ Səmirnə: Najə̄ ń deē ń ni i ta kəla gíŕ yá̰a̰ ō, ta tɔ̄l̄ ta yá̰a̰ ō, oy tá ndól̄ ō ní, əda ní n toó:

JA̰A̰ 12:24

Ādə̄ m-ə́dásí najə̄ kə́ bo ngá̰ý, ré kum kōō gémē əsō nang tə́ aĺ ō, oy aĺ ō anī, ni a to i kógə̄ḿ beē ngóy. Banī ré oy anī, a ojə madə̄ ngá̰ý.

Makətūbə̄ ń Pol ndang adə̄ Rom gə̄ ní 10:9

Ré ə́da taí tə́ na Jeju i Kɔ́ɔ̄ɓē ō, ré ī-taā kem mámák kadə̄ Nə́ɓā ndólə̄n̄ dan de kə́ koy gə̄ tə́ ō anī, ā ájə.

1 TESALONIK 4:14

Tɔdɔ̄ ré jə-taāī kem kadə̄ Jeju oy ba ndól̄ anī, ngé gə̄ ń oyn̄ ní, Nə́ɓā a ndól̄də́ kə ta kūl̄neé ō.

1 TESALONIK 5:10

oy tām̄ yājí tə́ ní. Yā kadə̄ ká ré jə-ndiī kə kumjí, aké jə-ɓīī i mbée gə̄gē anī, jḭḭ̄ i naā tə́ seneé.