Makətūbə̄ ń Pol ndang adə̄ Rom gə̄ ní 14:8 - Bibəl ta Sar̄

⁸ Tɔdɔ̄ ré jə-ndiī kə kumjí anī, jə-ndiī kə kumjí i tām̄ yā Kɔ́ɔ̄ɓē tə́ ō, ré j-oyiī anī, j-oyiī i tām̄ yā Kɔ́ɔ̄ɓē tə́ ō. Adə̄ ká ré jə-ndiīń i kə kumjí aké, j-oyiīń i mbée gə̄gē anī, jḭḭ̄ i yā Kɔ́ɔ̄ɓē.

Bible sar

⁸ Tɔdɔ̄ ré jə-ndiī kə kumjí anī, jə-ndiī kə kumjí i tām̄ yā Kɔ́ɔ̄ɓē tə́ ō, ré j-oyiī anī, j-oyiī i tām̄ yā Kɔ́ɔ̄ɓē tə́ ō. Adə̄ ká ré jə-ndiīń i kə kumjí aké, j-oyiīń i mbée gə̄gē anī, jḭḭ̄ i yā Kɔ́ɔ̄ɓē.

Makətūbə̄ ń Pol ndang adə̄ Rom gə̄ ní 14:8 Referans Kwoze

PILIPƏ 1:20

Tɔdɔ̄ yá̰á̰ ń m̄-ngóō ō, m-ə̄ndā kemḿ dɔ tə́ kə ngangāá ngá̰ý ō ní, i kadə̄ ndɔ̄ń tə́ anī yá̰á̰ kógə̄ḿ adə̄m̄ rɔ̄sɔl̄ alé. Ba nəkɔ́ ń jóó bátə́ ngɔlaā toó ní, m̄-sōl̄ yá̰á̰ kógə̄ḿ alé. I tītə̄ ń noō n kə ta kūl̄ ndiḿ kə kumḿ, aláa kə ta kūl̄ koyḿ, m-ā m-ɔ́jəń kə̄ ndágá kadə̄ Kərist i de kə́ bo ní.

1 TESALONIK 5:10

oy tām̄ yājí tə́ ní. Yā kadə̄ ká ré jə-ndiī kə kumjí, aké jə-ɓīī i mbée gə̄gē anī, jḭḭ̄ i naā tə́ seneé.

1 KORḚNTƏ 15:23

Banī nin̄ a ndólə̄n̄ i kə gō naá: Kərist i kə́ kété yādə́ malang. Kutə gō anī i deē yān gə̄, ndɔ̄ ń ni a tél yā reēń tə́ ní.

KƏLA RĀĀ 21:13

Anī ni-tél ədají na: Ī-nōōī ō, ī-sāāī kadə̄ kemḿ gān̄g man̄ ō i tām̄ rí tə́? Mā m-ə̄ndā dɔ rɔ̄ḿ danaá kɔ̄ɔ́ i yā kadə̄ do̰ō̰mə̄n̄ kə kəlaá ngóy alé, ba i yā kadə̄ m-óy Jerusalem gə̄gē ɓáý tām̄ yā rī Kɔ́ɔ̄ɓē Jeju tə́.

JEJU TEĒ KUM JA̰A̰ 14:13

M-ōō ndū deē kógə̄ḿ teē dɔ rā̰ tə́ əda na: Ī-ndang najə̄ ń toō: Əla gír ngɔr ń toō tə́ ní, ngé gə̄ ń oyn̄ najə̄ yā Kɔ́ɔ̄ɓē tə́ ní, rɔ̄də́ nel̄də́. Ndíl əda na a̰á̰ā̰, ādə̄ ɔrə̄n̄ koō kəla yādə́, tɔdɔ̄ kəla rāādə́ a utə̄ gōdə́.

PILIPƏ 2:17

Ká ré i gáŕ kadə̄ tə́ten̄ mósə́ḿ dɔ yá̰á̰ kə́ tun̄ yāsí tə́ ō, dɔ kəla yāsí tə́ ō, tām̄ taā kə́ sḭḭ̄ ī-taāī kem tə́ anī, rɔ̄ḿ a nelə̄m̄ najə̄n tə́ ō, m̄-rāā rɔ̄nel̄ sesí malang ō.

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

PILIPƏ 2:30

Tɔdɔ̄ na̰y i sḛ́ý beē kadə̄ ni-oy tām̄ kəla yā Kərist tə́. Ni-ənī rɔ̄n kɔ̄ɔ́ yā rāań kəla ń sḭḭ̄ ásiī rāā tām̄ yāḿ tə́ aĺ ní.

KƏLA RĀĀ 13:36

Dabid rāā yá̰á̰ ń kem Nə́ɓā ndigə ní ɓāl̄ yān tə́. Gō tə́ anī oy, adə̄ dubə̄nən̄ kadə kaan gə̄ tə́ ō, nīnə́n ndum ō.

JA̰A̰ 21:19

Ni-əda najə̄ ń noō i yā kɔjəń loo koy ń Piyer a oy yā kɔsəń gɔn Nə́ɓā ní. Gō tə́ anī Jeju ədan na: Ún gōḿ.

Najə̄ kə́ Majə yā Jeju ń Luk ndang ní 20:38

Banī Nə́ɓā i Nə́ɓā yā de kə́ koy gə̄ alé, ba i Nə́ɓā yā de gə̄ kə́ ndin̄ kə kumdə́ gə̄, tɔdɔ̄ nin̄ malang ndin̄ kə kumdə́ i kə kūl̄neé.