Makətūbə̄ ń Pol ndang adə̄ Rom gə̄ ní 14:7 - Bibəl ta Sar̄

⁷ Deē kógə̄ḿ danjí tə́ kə́ ndi kə kumneé tām̄ yān nəkɔ́ tə́ ngóy, aké oy i tām̄ yān nəkɔ́ tə́ ngóy ní gətóo.

Bible sar

⁷ Deē kógə̄ḿ danjí tə́ kə́ ndi kə kumneé tām̄ yān nəkɔ́ tə́ ngóy, aké oy i tām̄ yān nəkɔ́ tə́ ngóy ní gətóo.

Makətūbə̄ ń Pol ndang adə̄ Rom gə̄ ní 14:7 Referans Kwoze

1 PIYER 4:2

Adə̄ əla gír ngɔr ń toō tə́ ní, ta ndɔ̄sí ń na̰y kə̄ kété kadə̄ ī-ndiīneé kə kumsí dɔ nang tə́ ní, majə kadə̄ ī-ndiī i kə gō kem ndigə yā Nə́ɓāá, ba i kə gō ɓō yá̰a̰ gə̄ ń a rāā de gə̄ ní to̰ alé.

2 KORḚNTƏ 5:15

Ni oy tām̄ yā de gə̄ tə́ malang, yā kadə̄ ngé gə̄ ń ndin̄ kə kumdə́ ní, ndin̄ kə kumdə́ i tām̄ yādə́ nin̄ kɔ́ gə̄ tə́ to̰ alé, ba i tām̄ yā nge ń oy tá ndól̄ tām̄ yādə́ tə́ ní.

1 TESALONIK 5:10

oy tām̄ yājí tə́ ní. Yā kadə̄ ká ré jə-ndiī kə kumjí, aké jə-ɓīī i mbée gə̄gē anī, jḭḭ̄ i naā tə́ seneé.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

Makətūbə̄ ń Pol ndang adə̄ Rom gə̄ ní 14:9

Tɔdɔ̄ i tām̄ najə̄ ń noō tə́ n Kərist oy ba tél ndiń kə kumneé ō ní, yā kadə̄ ni i Kɔ́ɔ̄ɓē yā de kə́ koy gə̄ ō, yā ngé kə́ ndin̄ kə kumdə́ ɓáý gə̄ ō.

JAKARI 14:21

Jóo ndīr̄ yá̰a̰ gə̄ malang kə́ kem ɓē kə́ Jerusalem tə́ ō, dɔ nang kə́ Juda tə́ ō ní, a ɔrə̄n̄ kam̄də́ tām̄ yā Kɔ́ɔ̄ɓē kə́ bo kə́ tɔ́gən i ngá̰ý tə́. De gə̄ ń a reēn̄ ndējə̄ yá̰á̰ kə́ tun̄ gə̄ tə́ ní, a ɔyn̄ jóo gə̄ ní yā ndīrəń dā̰. Loo ń ré ndɔ̄ ní a ugə̄ anī, ngé kigə yá̰a̰ gə̄ a gətóon̄ kem kújə yā Kɔ́ɔ̄ɓē kə́ bo kə́ tɔ́gən i ngá̰ý tə́.

Makətūbə̄ ń Pol ndang adə̄ Rom gə̄ ní 8:38

Tɔdɔ̄ m̄-ger̄ majə ngá̰ý kadə̄ yo, aké i ndi kə kumuú, aké i de kə́ dɔ rā̰ tə́ gə̄, aké i ngé ko̰o̰ ɓē kə́ rang gə̄, aké i ngé tɔgə gə̄ kə́ dɔ rā̰ tə́, aké i yá̰á̰ kə́ ngɔr ń toō tə́, aké i yá̰á̰ kə́ ndɔ̄ń tə́,