Makətūbə̄ ń Pol ndang adə̄ Rom gə̄ ní 14:6 - Bibəl ta Sar̄

⁶ Nge ń gír̄ kadə̄ ndɔ̄ kə́rēý gə̄ i kə́ bo tɔȳ madə̄ gə̄ ní, rāā i tām̄ yā Kɔ́ɔ̄ɓē tə́ ō, nge ń ənī kemən əsań yá̰a̰ malang ní rāā i tām̄ yā Kɔ́ɔ̄ɓē tə́ ō, tɔdɔ̄ ni-ndadə̄ Nə́ɓā. Ba nge ń mbātə́ kəsa yá̰a̰ malang ní, rāā i tām̄ yā Kɔ́ɔ̄ɓē tə́ ō, tɔdɔ̄ ni-ndadə̄ Nə́ɓā ō.

Bible sar

⁶ Nge ń gír̄ kadə̄ ndɔ̄ kə́rēý gə̄ i kə́ bo tɔȳ madə̄ gə̄ ní, rāā i tām̄ yā Kɔ́ɔ̄ɓē tə́ ō, nge ń ənī kemən əsań yá̰a̰ malang ní rāā i tām̄ yā Kɔ́ɔ̄ɓē tə́ ō, tɔdɔ̄ ni-ndadə̄ Nə́ɓā. Ba nge ń mbātə́ kəsa yá̰a̰ malang ní, rāā i tām̄ yā Kɔ́ɔ̄ɓē tə́ ō, tɔdɔ̄ ni-ndadə̄ Nə́ɓā ō.

Makətūbə̄ ń Pol ndang adə̄ Rom gə̄ ní 14:6 Referans Kwoze

MATIYE 15:36

Ni-taā mápa kə sīrí gə̄ ní ō, kānjə̄ gə̄ ní ō, ndadə̄ Nə́ɓā dɔ tə́ tá tétə̄ naā tə́ adə̄ ngé ndóō yá̰a̰ yān gə̄ adə̄ nə̄ɓōn̄ kósə de gə̄.

MATIYE 14:19

Ni-əda kadə̄ kósə de gə̄ ndin̄ nang tə́ dɔ mu kə́ mbōl̄ tə́, ba taā mápá kə́ mí gə̄ ní ō, kānjə̄ kə́ jōó gə̄ ní ō. Gō tə́ anī ənī kumən kə̄ dɔɔ́ dɔ rā̰ tə́, ndadə̄ Nə́ɓā dɔ tə́ pá tá tétə̄ mápa ní naā tə́ adə̄ ngé ndóō yá̰a̰ yān gə̄ adə̄ taā nə̄ɓōn̄ kósə de gə̄ ɓáý.

GALATƏ 4:10

Sḭḭ̄ ə̄ndāī kumsí majə gír ndɔ̄ gə̄ tə́ ō, nāā gə̄ tə́ ō, ɓar gə̄ kə ɓāl̄ gə̄ tə́ ō, ī-rɔyīneédə́.

JA̰A̰ 6:28

Nin̄-ədan̄ na: I rí n kə jə-rāā tá kə jə-rāań kəla yā Nə́ɓā ní?

IJAI 58:5

Ndi ɓō kə́ nelə̄m̄ to i tītə̄ ń noō a? Tél kə rɔ̄sí kə̄ nang tə́ kadə̄ sḭḭ̄ i de kə́ dūú gə̄ ní, Kəla dɔ kə̄ nang tə́ tītə̄ tītə̄ mu tə̄ɓā beé, kəla kūbə̄ kəhɔ ndoō rɔ̄ tə́, kəto kum bumbə́rú tə́, i yá̰á̰ ń noō n ā ī-ɓāríin̄ na i ndi ɓō ní a? I yá̰á̰ ń noō n ā ī-ɓāríin̄ na i ndɔ̄ kə́ nelə̄m̄ mā ní a?

Teē Ngán Israel gə̄ 16:25

Anī Moijə ədadə́ na kə əsan̄ yá̰á̰ ní ɓōólaā, tɔdɔ̄ ndɔ̄ kə́ ɓōólaā i ndɔ̄ sabat yā Kɔ́ɔ̄ɓē. Ré na aw̄n̄ sāá gidə ɓē tə́ anī na a əngen̄ alé.

Teē Ngán Israel gə̄ 12:42

Ndɔ̄ teēdə́ tə́ ní, Kɔ́ɔ̄ɓē ənī ɓīī kumən tə́ ndɔ̄ɔ́ alé, teēń sedə́ kem ɓē kə́ Ejiptə tə́ kɔ̄ɔ́. Loo kə́ ndɔ̄ɔ́ kə́ ndɔ̄ ń noō tə́ i dan ndɔ̄ yā Kɔ́ɔ̄ɓē. Ngán Israel gə̄ malang a ənīn̄ ɓīī kumdə́ tə́ ndɔ̄ɔ́ ndɔ̄ ń noō tə́ aĺ i kə dɔ ɓāl̄ gə̄.

Teē Ngán Israel gə̄ 12:14

Ā ī-rāā i nāā kə́ bo ń toō i kə dɔ ɓāl̄ gə̄ kadə̄ əgań kemsí dɔ yá̰á̰ ń a rāā yā rāā yá̰á̰ tə́ toō, yā rɔȳməń mā Kɔ́ɔ̄ɓē. I ndū najə̄ kə́ a to ngándáńg tām̄ yāsí tə́.

JAKARI 14:21

Jóo ndīr̄ yá̰a̰ gə̄ malang kə́ kem ɓē kə́ Jerusalem tə́ ō, dɔ nang kə́ Juda tə́ ō ní, a ɔrə̄n̄ kam̄də́ tām̄ yā Kɔ́ɔ̄ɓē kə́ bo kə́ tɔ́gən i ngá̰ý tə́. De gə̄ ń a reēn̄ ndējə̄ yá̰á̰ kə́ tun̄ gə̄ tə́ ní, a ɔyn̄ jóo gə̄ ní yā ndīrəń dā̰. Loo ń ré ndɔ̄ ní a ugə̄ anī, ngé kigə yá̰a̰ gə̄ a gətóon̄ kem kújə yā Kɔ́ɔ̄ɓē kə́ bo kə́ tɔ́gən i ngá̰ý tə́.