Makətūbə̄ ń Pol ndang adə̄ Rom gə̄ ní 14:3 - Bibəl ta Sar̄

³ Ní, ādə̄ nge ń əsa ní lōō kidə tan gír nge ń əsa aĺ tə́ ní ō, ādə̄ nge ń əsa aĺ ní lōō gān̄g sarya dɔ nge ń əsa tə́ ní ō, tɔdɔ̄ Nə́ɓā əhɔn kə̄ rɔ̄n tə́ kɔ̄ɔ́.

Bible sar

³ Ní, ādə̄ nge ń əsa ní lōō kidə tan gír nge ń əsa aĺ tə́ ní ō, ādə̄ nge ń əsa aĺ ní lōō gān̄g sarya dɔ nge ń əsa tə́ ní ō, tɔdɔ̄ Nə́ɓā əhɔn kə̄ rɔ̄n tə́ kɔ̄ɔ́.

Makətūbə̄ ń Pol ndang adə̄ Rom gə̄ ní 14:3 Referans Kwoze

Makətūbə̄ ń Pol ndang adə̄ Rom gə̄ ní 14:10

Ba ḭ̄, yāí ń ā ī-gāngəń sarya dɔ ngōkó̰ó̰í tə́ ní na i rí? Tá ḭ̄, yāí ń ā ídəń taí gír ngōkó̰ó̰í tə́ ní na i rí? Jḭḭ̄ malang, j-a j-awī yā ra no Nə́ɓā tə́, kadə̄ ni a gān̄g sarya dɔjí tə́.

Najə̄ kə́ Majə yā Jeju ń Luk ndang ní 18:9

Jeju əda kūjə́ najə̄ ń toō tām̄ yā de kə́rēý gə̄ ń gírə̄n̄ kemdə́ tə́ kadə̄ nin̄ i de kə́ súmūú gə̄, ba a idən̄ tadə́ gír madə̄də́ gə̄ tə́ ní.

Makətūbə̄ ń Pol ndang adə̄ Rom gə̄ ní 14:13

Ní, ādī jə-gāngī sarya dɔ naā tə́ to̰ aĺ tā. Ré yá̰á̰ kə́ kadə̄ ī-gāngī najə̄ dɔ tə́ to ɓáa, i nge ń toō: Ī-lōōī rāā yá̰á̰ kógə̄ḿ kə́ kadə̄ rāā ngōkó̰ó̰sí kadə̄ teē əsō, aláa əgan bə̄dē tə́.

KƏLA RĀĀ 10:34

Piyer ɔr̄ najə̄, əda na: Ń toō ɓáa m̄-ger̄ tā, kadə̄ kə́ rɔ̄kum tə́ Nə́ɓā a rāā yá̰a̰ tām̄ ta kum deē tə́ alé.

Makətūbə̄ ń Pol ndang adə̄ Rom gə̄ ní 14:21

Yá̰á̰ kə́ majə ní, i kadə̄ ī-lōō gír kəsa dā̰ tə́ ō, ka̰ȳ kasə nduú tə́ ō, ī-lōō gíŕ yá̰á̰ malang ń a rāā kadə̄ ngōkó̰ó̰í əsō kum majaĺ tə́ ní.

Makətūbə̄ ń Pol ndang adə̄ Rom gə̄ ní 14:15

Ré yá̰á̰ ń ə́sá ní rāā adə̄ rɔ̄ ngōkó̰ó̰í nelə̄n aĺ anī, yá̰á̰ ń ī-rāā noó i kə tárá to̰ alé. I beé ní, ī-lōō kadə̄ ngōkó̰ó̰í ń Kərist oy tām̄ yān tə́ ní udə kɔ̄ɔ́ najə̄ yá̰a̰ kəsa tə́ ngóy.

MATIYE 18:10

Ngáń kə́ dūú gə̄ ń toō ní ī-lōōī kídə̄ nge kógə̄ḿ dandə́ tə́. Tɔdɔ̄ ādə̄ m-ə́dásí, dɔ rā̰ tə́ ní deē yādə́ kə́ dɔ rā̰ tə́ gə̄ a ran̄ ta kum Bɔbə́ḿ kə́ ndi dɔ rā̰ tə́ tə́ i ngándáńg.

KƏLA RĀĀ 10:44

Piyer ɔr̄ gíŕ yá̰a̰ gə̄ ń toō təgā aĺ ɓáý anī, Ndíĺ kə́ Táĺ reē dɔ de gə̄ malang ń oōn̄ najə̄ kɔrə̄n ní tə́.

MATIYE 9:14

Tā anī ngé ndóō yá̰a̰ yā Ja̰a̰ gə̄ reēn̄ rɔ̄ Jeju tə́ ba dəjenən̄ na ké i tām̄ rí tə́ á nin̄ ō, Parijiyḛ gə̄ ō, na ndin̄ ɓō tām̄ yā Nə́ɓā tə́, ba ngé ndóō yá̰a̰ yān gə̄ na ndin̄ ɓō tām̄ yā Nə́ɓā tə́ aĺ ní wa?

KƏLA RĀĀ 28:2

De kə́ tū tə́ gə̄ rāān̄ kem ndaa kə́ jóo toó deē a̰a̰ aĺ ɓáý sejí. Rāān̄ hor kə́ bo ba əhɔn̄jí kə̄ rɔ̄də́ tə́ malang kadə̄ jə-ndíbə̄, tɔdɔ̄ man̄ tetə ɓuk a edə i mbée ō, kūl̄ o̰o̰ ngá̰ý ō.

Makətūbə̄ ń Pol ndang adə̄ Rom gə̄ ní 11:15

Tɔdɔ̄ ré kɔr̄ ń ɔr̄ əndān̄də́ gidə tə́ ndágá ní rāā tá kadə̄ de kə́ dɔ nang tə́ gə̄ əsōn̄ naā tə́ kə Nə́ɓā anī, i rí n a rāā yá̰a̰ ndɔ̄ ń tél a reēn̄ sedə́ gogə́ rɔ̄ Nə́ɓā tə́ ní? Ndɔ̄ ń noō tə́ ní, de kə́ koy gə̄ a teēn̄ ɓádá yā ndi kə kumdə́.

Makətūbə̄ ń Pol ndang adə̄ Rom gə̄ ní 14:1

Deē ń i kə́ mbūsə̄ tū taā kem yān tə́ aĺ ɓáý ní, ə́hɔin̄ kə̄ rɔ̄sí tə́ kanjə̄ tə́da najə̄ dɔ gír̄ yān gə̄ tə́.

Makətūbə̄ ń Pol ndang adə̄ Rom gə̄ ní 15:7

I beé ní ə́hɔī naā kə̄ rɔ̄sí tə́ tītə̄ ń Kərist nəkɔ́ əhɔńsí kə̄ rɔ̄n tə́ ní ɔ́siīń gɔn Nə́ɓā.