Makətūbə̄ ń Pol ndang adə̄ Rom gə̄ ní 14:23 - Bibəl ta Sar̄

²³ Ba deē ń kemən a tɔ́sə̄n dɔ yá̰a̰ kəsa kə́rēý tə́ banī əsa kə̄ non tə́ ní, Nə́ɓā gān̄g sarya dɔn tə́. Tām̄ yá̰á̰ ń deē ní rāā ní i kə gō róbə́ yá̰á̰ ń ni-taā kem ní alé. Ba yá̰a̰ malang kə́ rāā kanjə̄ kadə̄ deē taā kem mámák ní, i yá̰á̰ rāā kə́ majaĺ.

Bible sar

²³ Ba deē ń kemən a tɔ́sə̄n dɔ yá̰a̰ kəsa kə́rēý tə́ banī əsa kə̄ non tə́ ní, Nə́ɓā gān̄g sarya dɔn tə́. Tām̄ yá̰á̰ ń deē ní rāā ní i kə gō róbə́ yá̰á̰ ń ni-taā kem ní alé. Ba yá̰a̰ malang kə́ rāā kanjə̄ kadə̄ deē taā kem mámák ní, i yá̰á̰ rāā kə́ majaĺ.

Makətūbə̄ ń Pol ndang adə̄ Rom gə̄ ní 14:23 Referans Kwoze

HEBƏRO 11:6

Tá kanjə̄ taā kem anī, loo kadə̄ nel̄ Nə́ɓā kə deē ní a gətóo. Tɔdɔ̄ i gáŕ kadə̄ nge ń aw̄ rɔ̄ Nə́ɓā tə́ ngɔr ní taā kem kadə̄ Nə́ɓā ndi noó ō, kadə̄ ni i nge kəndā nja ngé sāān gə̄ ō.

TITƏ 1:15

De gə̄ ń nin̄ i de gə̄ kə́ unjə̄n̄ unjə̄ njáý njáý ní, yá̰a̰ malang i yá̰á̰ kə́ unjə̄ unjə̄ njáý njáý tām̄ yādə́ tə́, banī de gə̄ ń nin̄ i de kə́ yḛr gə̄ ō, nin̄ i ngé taā kem aĺ gə̄ ō ní, yá̰á̰ kə́ unjə̄ njáý njáý tām̄ yādə́ nin̄ tə́ gətóo. Tɔdɔ̄ kur̄ dɔdə́ ō, kemdə́ ō, i kə́ yḛr.

1 KORḚNTƏ 8:7

Banī i de gə̄ malang n gerə̄n najə̄ kə́ rɔ̄kum ń toō ní alé. Ngé kə́rēý gə̄ ní ɓesə̄ ɔr̄ kemdə́ tə́ alé. Adə̄ ɓōólaā gə̄gē ní nin̄-əsan̄ dā̰ gə̄ ń de gə̄ tun̄ adə̄n̄ ɓesə̄ gə̄ ní i tītə̄ kə́ i nin̄ n tun̄ adə̄n̄ ɓesə̄ gə̄ ní beē. Yá̰á̰ ń kemdə́ ɔjədə́ ní kumən unjə̄ alé, adə̄ kemdə́ ní téĺ yá̰á̰ kə́ majaĺ tákə̄.

Makətūbə̄ ń Pol ndang adə̄ Rom gə̄ ní 14:5

Deē kógə̄ḿ gír̄ kadə̄ ndɔ̄ kə́rēý gə̄ i ndɔ̄ kə́ bo tɔȳ madə̄ gə̄. Madən̄ kə́ rang gír̄ kadə̄ ndɔ̄ gə̄ i kə́ tītə̄n̄ naā malang. Majə kadə̄ nin̄ jōó mbak ní, kemdə́ tɔ́sə̄də́ dɔ yá̰á̰ ń nin̄-gírə̄n̄ tə́ ní alé.

Makətūbə̄ ń Pol ndang adə̄ Rom gə̄ ní 13:2

Adə̄ deē ń mbātə́ najə̄ ta ngé ko̰o̰ ɓē gə̄ tə́ ní ni-mbātə́ i rāā yá̰á̰ ń Nə́ɓā ɔsə kə de gēé ta rāā ní. Adə̄ ngé gə̄ ń a rāān̄ dɔ ngan̄g ní, a ɔyn̄ sarya kə̄ dɔdə́ nin̄ kɔ́ gə̄ tə́.