Makətūbə̄ ń Pol ndang adə̄ Rom gə̄ ní 14:19 - Bibəl ta Sar̄

¹⁹ Ní, adə̄ jə-sāāī yá̰á̰ kə́ tām̄ yā kem sɔl̄ lɔm tə́ ō, yá̰á̰ kə́ kadə̄ jə-mbūsīiń naā ō.

Bible sar

¹⁹ Ní, adə̄ jə-sāāī yá̰á̰ kə́ tām̄ yā kem sɔl̄ lɔm tə́ ō, yá̰á̰ kə́ kadə̄ jə-mbūsīiń naā ō.

Makətūbə̄ ń Pol ndang adə̄ Rom gə̄ ní 14:19 Referans Kwoze

EPEJƏ 4:29

Ādī najə̄ kə́ majaĺ teē tasí tə́ alé, banī i najə̄ kə́ majə tá, yā kadə̄ ngé gə̄ ń oōn̄ ní rāā majə sedə́ ō, aw̄n̄neé kum kə̄ kété ō.

Makətūbə̄ ń Pol ndang adə̄ Rom gə̄ ní 12:18

Ré asiī anī, ī-rāāī yá̰a̰ malang ń ngəran i gír jīsí tə́ ní kadə̄ ī-ndiīń kə kem sɔl̄ lɔm kə de gə̄ malang.

PĀ GƏ̄ 34:14

ādə̄ kɔ́ɔ̄ mbātə́ kɔr̄ najə̄ kə́ majaĺ ō, tétə̄ najə̄ aĺ ō.

Makətūbə̄ ń Pol ndang adə̄ Rom gə̄ ní 15:2

Majə kadə̄ jḭḭ̄ kógə̄ḿ kógə̄ḿ ní jə-sāāī i rāā yá̰á̰ kə́ kadə̄ nel̄ madə̄jí tām̄ yā majə yān tə́ ō, tām̄ yā kadə̄ ni-taāń kem kum kə̄ kété kété ō.

HEBƏRO 12:14

Ī-sāāī loo ndi lɔm kə de gēé malang ō, ī-sāāī loo tél de kə́ táĺ gə̄ ādə̄ i de kə́ kɔr̄ kam̄ tayā gə̄. Kanjə̄ nge ń noō anī, de kə́ yā ka̰a̰ Kɔ́ɔ̄ɓē a gətóo.

2 KORḚNTƏ 13:11

Kə́ tām̄ yā gotə yá̰á̰ kə́ rang gə̄ tə́ ɓáa, ngákó̰ó̰ḿ gə̄, ī-ndiī kə rɔ̄nelēé ō, ī-rāāī tá kadə̄ ī-téliī de gə̄ kə́ majə ɔtə̄n̄ kə taá gə̄ ō, ə́laī go̰ kem naā tə́ ō, ādī míndə́sí asə naā ō, ī-ndiī lɔm kə naá ō. Loo ń noō tə́ Nə́ɓā kə́ nge tár ō, kə́ nge rāā kadə̄ lɔm to ō, a ndi sesí.

MARK 9:50

Katə̄ i yá̰á̰ kə́ majə, banī ré nel̄ katə̄ teē kɔ̄ɔ́ anī, i yá̰á̰ rí n a ɓōkə́n̄ gotoó kadə̄ tél nelə̄ń ní? Ī-ndiī kə katāá kemsí tə́ ō, ba ī-ndiī kə kem sɔl̄ lɔmɔɔ́ kə naá ō.

MATIYE 5:9

Rɔ̄nel̄ i kə ngé gə̄ ń əndān̄ madə̄də́ gə̄ naā tə́ ní, tɔdɔ̄ Nə́ɓā a ɓāŕdə́ na i ngánən gə̄.

1 PIYER 3:11

Majə kadə̄ ni-tūr̄ gidən kɔ̄ɔ́ ta yá̰á̰ kə́ majaĺ tə́ ba rāā yá̰á̰ kə́ majə ō, əhɔ rɔ̄n tɔgə loo sāā lɔm tə́ ō.

1 KORḚNTƏ 14:26

Loo ń noō tə́ ní ngákó̰ó̰ḿ gə̄, ā ī-rāāī i ba̰ý? Dan ń a ī-kanī naā anī, ré deē kógə̄ḿ aw̄ kə pā kógə̄ḿ ō, de kə́rēý aw̄ kə yá̰á̰ kógə̄ḿ kə́ yā kadə̄ ni-ndóō de gə̄ ō, de kə́ rang aw̄ kə yá̰á̰ kə́ Nə́ɓā teē kumən dɔ tə́ ō, de kə́ rang ɓáý to̰ aw̄ kə najə̄ kógə̄ḿ kə́ yā kɔr̄ kə ta kə́ tayāá ō, de kə́ rang ger̄ kum najə̄ ní yā kəda ō anī, ādə̄ i kə́ yā rāā yá̰a̰ gə̄ ń noō malang yā kadə̄ ngé kán̄ naā gə̄ taān̄neé kem Kɔ́ɔ̄ɓē kum kə̄ kété kété.

1 KORḚNTƏ 10:33

I beé n mə̄kɔ́ m-ə́hɔ rɔ̄ḿ tɔgə m̄-rāań yá̰a̰ malang kadə̄ nel̄ de gə̄ malang ní. Tɔdɔ̄ m̄-sāā yá̰á̰ kə́ tām̄ yā majə yā de kə́ ngá̰ý gə̄ tə́, kadə̄ nin̄-ajən̄neé.

PĀ GƏ̄ 133:1

Pā kə́ yā kaw̄ń kə̄ loo kə́ táĺ tə́. I pā yā Dabid. Á̰a̰ī, ndi naā tə́ loo kógə̄ḿ yā ngákó̰o̰ naā gə̄ i yá̰á̰ kə́ majə ō, to rɔ̄nel̄ ō.

2 TIMOTE 2:22

Ī-lōō gíŕ yá̰a̰ gə̄ ń ngurən a rāā balsáa gə̄ tə́ ní, ba ī-sāā yá̰a̰ rāā kə́ gōtə́ ō, yá̰á̰ ń i taā kem ō, tár ō, ndi lɔm ō ní, naā tə́ kə ngé gə̄ ń ɓārə́n̄ rī Kɔ́ɔ̄ɓē kə kem kə́ unjə̄ njáý njáý ní.

1 TIMOTE 1:4

kadə̄ ə́da de gə̄ kadə̄ əhɔn̄ gō súū kə́ kɔr̄ gə̄ aĺ ō, gō kɔr̄ gír kaa gə̄ kə́ ta ngóýdə́ gətóo gə̄ aĺ ō. Tɔdɔ̄ nge ń noō a teē ta róbə a adə̄ i nējə̄ naā najə̄ gə̄, ba a rāā kəla tām̄ yā yá̰á̰ ń Nə́ɓā núm̄ á ra i dɔ taā kem tə́ ní alé.

2 KORḚNTƏ 12:19

Jóo toó ní, sḭḭ̄ ī-gírī kadə̄ jḭḭ j-a jə-nējə̄ i najə̄ dɔ rɔ̄jí tə́ ta kumsí tə́ a? I beé alé! Najə̄ ń j-ɔr̄ ní, j-ɔr̄ i tītə̄ ń Kərist ndigəń ní, ta kum Nə́ɓā tə́. Ba kó tár gə̄, j-ədasí yá̰a̰ gə̄ ń noō malang i yā kadə̄ ī-tɔgīneé kum kə̄ kété kété.

1 KORḚNTƏ 7:15

Ba ré nge ń taā kem aĺ ní gḛy mbātə́ madə̄n anī, ādī mbātə́n! Nge ń noō najə̄ gətóo dɔ ngōkó̰ó̰sí kə́ dəngam aké kə́ dəyá̰ ní tə́: Tɔdɔ̄ Nə́ɓā ɓāŕsí i yā kadə̄ ī-ndiī lɔm kə naá.

1 KORḚNTƏ 8:1

Ń toō ɓáa ādə̄ j-əndāī ma̰ȳ najə̄ yā dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní. Sḭḭ̄ ə́daī na jḭḭ̄ malang na i ngé ger̄ yá̰a̰ gə̄. Nge ń noō i najə̄ kə́ rɔ̄kum. Ba ger̄ yá̰a̰ i yá̰á̰ kə́ a rāā kadə̄ deē a ɔjə rɔ̄n, banī tár i yá̰á̰ kə́ a rāā kə deé kadə̄ aw̄ kum kə̄ kété.

1 KORḚNTƏ 10:23

Ngé kə́rēý gə̄ ədan̄ na Nə́ɓā na adə̄jí ta róbə rāā yá̰a̰ malang. Rɔ̄kum, Nə́ɓā adə̄jí ta róbə rāā yá̰a̰ malang ɓá tā, ba i yá̰a̰ malang n i yá̰á̰ kə́ majə ní alé. Nə́ɓā adə̄jí ta róbə rāā yá̰a̰ malang ɓá tā, ba i yá̰a̰ malang n a rāā kə deé kadə̄ tɔgəń kum kə̄ kété ní alé.

1 KORḚNTƏ 14:3

Banī nge kəda najə̄ kə́ Nə́ɓā əndā tan tə́ ní, ɔr̄ najə̄ i kə de gēé kadə̄ nin̄-taān̄ kem kum kə̄ kété kété ō, i yā kəlań go̰ kemdə́ tə́ ō, i yā sɔlə̄ń kemdə́ ō.

1 KORḚNTƏ 14:4

Nge ń ɔr̄ najə̄ kə ta kə́ tayā ní, mbūsə̄ i gír taā kem yān nəkɔ́ kadə̄ ngan̄g. Ba nge ń əda najə̄ kə́ Nə́ɓā əndā tan tə́ ní, mbūsə̄ i gír taā kem yā ngé kán̄ naā gə̄ malang kadə̄ ra ngan̄g.

1 KORḚNTƏ 14:5

m̄-ndigə ngá̰ý kadə̄ sḭḭ̄ malang ɔ̄rī najə̄ kə ta kə́ tayā gə̄. Banī ré ə́daī najə̄ kə́ Nə́ɓā əndā tasí tə́ anī, a nelə̄m̄ ngá̰ý tɔȳ ɓáý to̰. Nge kəda najə̄ kə́ Nə́ɓā əndā tan tə́ tɔȳ nge kɔr̄ najə̄ kə ta kə́ tayā gə̄. Ba ré nge kɔr̄ najə̄ kə ta kə́ tayā gə̄ əda kum najə̄ ní adə̄ ngé kán̄ naā gə̄ malang əngen̄neé tɔ́gə anī, nge kəda najə̄ kə́ Nə́ɓā əndā tan tə́ tɔȳn alé.

EPEJƏ 4:12

I tītə̄ ń noō n ni-rāań adə̄ de gə̄ yā Nə́ɓā asənə̄ń rāā kəla yān ní, yā kadə̄ ngé kán̄ naā gə̄ ń i rɔ̄ Kərist ní tɔgənə̄ń,