Makətūbə̄ ń Pol ndang adə̄ Rom gə̄ ní 14:18 - Bibəl ta Sar̄

¹⁸ I dan ń deē rāā kəla yā Kərist tītə̄ ń noō ní n a nel̄ Nə́ɓā seneé ō, de gə̄ a ndigiīn̄ ō ní.

Bible sar

¹⁸ I dan ń deē rāā kəla yā Kərist tītə̄ ń noō ní n a nel̄ Nə́ɓā seneé ō, de gə̄ a ndigiīn̄ ō ní.

Makətūbə̄ ń Pol ndang adə̄ Rom gə̄ ní 14:18 Referans Kwoze

2 KORḚNTƏ 8:21

Jə-sāā rāā yá̰á̰ kə́ majə i ta kum Kɔ́ɔ̄ɓē tə́ ngóy alé, banī i ta kum de gə̄ tə́ ō.

1 PIYER 2:20

Tɔdɔ̄ ré ə́ngeī ndéy i tām̄ yá̰á̰ kə́ gō tə́ aĺ kə́ ī-rāāī tə́ anī, a ɔsən̄ gɔnsí i tām̄ rí tə́? Ba ré ī-rāāī yá̰á̰ kə́ majə tá de gə̄ rāān̄sí yá̰á̰ kə́ tōr̄ najə̄n tə́ ba ī-tə́gāī tasí anī, i yá̰á̰ kə́ majə ta kum Nə́ɓā tə́, tām̄ ni-ɓāŕsí i najə̄n tə́.

1 PIYER 2:5

Ī-ndɔ́tī kə̄ ngɔr tītə̄ mbal̄ gə̄ kə́ ndin̄ kə kumdə́ beē ādə̄ ɔyn̄sí rāān̄neé kújə ndi Ndíl. Loo ń noō tə́ ā ī-téliī ɓūtə̄ ngé tun̄ yá̰a̰ gə̄ kə́ nin̄-ɔrə̄n̄ kam̄də́ tām̄ yā Nə́ɓā tə́, yā kadə̄ əndān̄ kəla ndējə̄ Nə́ɓā yá̰á̰ kə́ tun̄ gə̄ yā Ndíl dɔsí tə́. Yá̰a̰ kə́ tun̄ gə̄ yā Ndíĺ ní, a nel̄ Nə́ɓā i kə ta kūl̄ Jeju Kərist.

2 KORḚNTƏ 5:11

Jḭḭ jə-ger̄ yá̰á̰ ń i ɓōĺ ndíĺ Kɔ́ɔ̄ɓē ní, adə̄ jə-sāā i kɔjə de gə̄ kadə̄ gerə̄n̄ najə̄ kə́ rɔ̄kum. Nə́ɓā ger̄jí majə ō, m̄-taā kem kadə̄ sḭḭ̄ ī-ger̄mī kemsí gə̄ tə́ majə ō.

1 PIYER 3:16

Banī ə̄nīī rɔ̄sí lɔm ɔ́jiīneédə́ gír ō, ī-ɓōlíī ndíĺdə́ ō. Ādī najə̄ gətóo dɔsí tə́, yā kadə̄ ré tetən̄ najə̄ dɔsí tə́ anī, ngé tə́da najə̄ kə́ majaĺ dɔ háĺ kə́ majə ń sḭḭ̄ ə́ngeī kə ta kūl̄ ɓoo naā yāsí kə Kərist ní, rɔ̄də́ sɔl̄də́ tām̄ najə̄ kɔr̄də́ tə́.

1 TIMOTE 5:4

Ré dəyá̰ kə́ ngaa koy kógə̄ḿ i kə ngánən gēé, aláa i kə ngán kaan gēé anī, i nin̄ n majə kadə̄ a̰a̰n̄ gō gír kojə yādə́ ngeé ń toō ní. Yá̰á̰ ń ngéédə́ gə̄ rāān̄ tām̄ yādə́ tə́ ní, majə kadə̄ nin̄-tél rāān̄ tām̄ yādə́ tə́ ō. Tɔdɔ̄ nge ń noō i yá̰á̰ kə́ nel̄ Nə́ɓā.

1 TIMOTE 2:3

I nge ń noō n i yá̰á̰ kə́ majə ō, i yá̰á̰ kə́ nel̄ Nə́ɓā nge kajəjí ō ní.

KOLOSƏ 3:24

Tɔdɔ̄ ī-gerī majə kadə̄ Kɔ́ɔ̄ɓē a adə̄sí yá̰a̰ ndəbā yā kəndāń njasí. Tām̄ Kɔ́ɔ̄ɓē ń ī-rāāī kəla yān ní i Kərist.

PILIPƏ 4:18

Yá̰á̰ ń ə́laīneé ādə̄mī ní, m-ə́nge malang. Yá̰á̰ ní mān̄ dɔ yá̰á̰ ń ndoōn rāām̄ ní gə̄gē ɓáý. Dan ń Epapəroditə adə̄m̄ yá̰a̰ yāsí gə̄ ń ə́laniīneé ní, yá̰a̰ malang ń ndoōn rāām̄ ní m-ə́nge. Yá̰a̰ gə̄ ń ādə̄mī ní, ton̄ i tītə̄ yá̰a̰ ndējə̄ kə́ tɔ̄l̄ ba tun̄ kadə̄ Nə́ɓā, kə́ sēēn otə nel̄ ō, i tītə̄ yá̰a̰ tun̄ kə́ Nə́ɓā ndigə ō, nel̄ kemən ō beé.

2 KORḚNTƏ 6:4

Ba tū yá̰a̰ gə̄ tə́ malang ɓáa j-ɔjə kə̄ ndágá kadə̄ jḭḭ i de kə́ bo gə̄ yā Nə́ɓā. Jə-tə́gā tají ngá̰ý dan wur kɔl gə̄ tə́ ō, dan yá̰á̰ gə̄ kə́ tɔyn̄ dɔjí tə́ ō, dan sōl̄ gə̄ tə́ ō.

2 KORḚNTƏ 4:2

Jḭḭ jə-mbātə́ yá̰á̰ kə́ to rɔ̄sɔl̄ kə́ rāā loo mundə̄ tə́ gə̄ kɔ̄ɔ́ ō, jə-rāā yá̰a̰ kə ngamaá aĺ ō, jə-tūr̄ gidə najə̄ yā Nə́ɓā aĺ ō, banī i najə̄ kə́ rɔ̄kum n j-əda kə̄ ndágá adə̄ kumən unjə̄, jə-sāań kadə̄ de gə̄ malang ənīn̄ kemdə́ adə̄n̄jí kə̄ ta kum Nə́ɓā tə́ ní.

1 KORḚNTƏ 7:22

Tɔdɔ̄ ɓəlo ń Kɔ́ɔ̄ɓē ɓārə́n ní, i de kə́ Kɔ́ɔ̄ɓē gān̄g dɔn kɔ̄ɔ́. Tītə̄ ń toō ɓáý to̰ ní, deē ń i kɔ́ɔ̄ rɔ̄n tá kadə̄ Kərist ɓārə́n ní, ni-tél i ɓəlo yā Kərist.

Makətūbə̄ ń Pol ndang adə̄ Rom gə̄ ní 16:18

Tɔdɔ̄ de gə̄ ń noō nin̄-rāān̄ i kəla yā Kərist Kɔ́ɔ̄ɓē yājí alé, ba a rāān̄ i kəla tām̄ yā kemdə́ tə́. De gə̄ ń i kə́ kumdə́ gān̄g aĺ ní, nin̄-gólə̄n̄də́ kə najə̄ yādə́ kə́ majə gēé ō, kə́ nel̄ gēé ō.

Makətūbə̄ ń Pol ndang adə̄ Rom gə̄ ní 14:4

Ḭ̄ i náā kadə̄ ī-gān̄g sarya dɔ nge kəla yā madí tə́ ní? Ká ré nge kəla ní əsō aké, əsō aĺ anī, usiī alé, tɔdɔ̄ nge ń noō sɔɔ̄ i kɔ́ɔ̄n. Banī ni a ra dɔɔ́ ngan̄g, tɔdɔ̄ Kɔ́ɔ̄ɓē asə rāān kadə̄ ra dɔɔ́ karī.

Makətūbə̄ ń Pol ndang adə̄ Rom gə̄ ní 12:11

Ɔ́liī loo rāā kəla yā Kɔ́ɔ̄ɓē tə́, ī-yayiī ta tə́ alé, ādī kemsí təngāsí tām̄ kəla yān tə́.

Makətūbə̄ ń Pol ndang adə̄ Rom gə̄ ní 6:22

Ba ngɔlaā sḭḭ̄ ī-teēī kɔ̄ɔ́ ɓəlo rāā yá̰á̰ kə́ majaĺ tə́ banī sḭḭ̄ i ɓəlo gə̄ yā Nə́ɓā. Yá̰á̰ ń ə́ngeī tū tə́ ní i háĺsí ń ɔjə kadə̄ sḭḭ̄ i de kə́ táĺ gə̄ ní. Ta tɔ̄l̄ tasí anī ā ə́ngeī i ndi kə kumuú kə́ ngándáńg.

KƏLA RĀĀ 10:35

Ba dan nápar de gə̄ tə́ malang ní, deē ń ɓōĺ Ndílən ō, rāā yá̰á̰ kə́ gōtə́ ō ɓáa a nelə̄n seneé.

JA̰A̰ 12:26

Ré deē kógə̄ḿ gḛy rāā kəla yāḿ anī, ādə̄ un gōḿ, ba loo ń mā i tū tə́ ní, nge rāā kəla yāḿ i tū tə́ ō. Ré deē kógə̄ḿ rāā kəla yāḿ anī, Bɔbə́ḿ a ɔsə gɔnən.

MARK 13:34

A to tītə̄ deē kógə̄ḿ kə́ aw̄ mbā tə́. Ni əya̰ kújə yān, ba adə̄ ngé kəla yān gə̄ ndūn. Ni-gán̄g kəla adə̄də́ kə dɔdə́ gēé. Ni-əndā dɔ nge ngɔ̄m̄ ta kújə́ tə́ kadə̄ ndi dɔ rɔ̄n tə́.

KOHELET 9:7

Loo ń noō tə́ ní ə́sá yá̰a̰ yāí kə rɔ̄nelēé ō, ə̄nī kemií ā̰yń kasə nduú ō, tɔdɔ̄ Nə́ɓā ndigə yá̰a̰ rāāí gə̄ kɔ̄ɔ́ ɓá.

TA KƏLA 4:7

Ré kemií ndi kə gōó majanī, ā ún kumií dɔɔ́. Ba ré kemií ndi majə alé anī, majaĺ a to ta róbí tə́. Ngur kəhɔī rāān, ba ásə dum̄ tan.

2 KORḚNTƏ 5:9

Banī yá̰á̰ ń jə-sāā pak pak kété no yá̰a̰ gə̄ tə́ malang ní, i kadə̄ ká jə-ndi i kə rɔ̄jí ń toō, aké jə-teē i kɔ̄ɔ́ kemeé gə̄gē anī, i kadə̄ nel̄ Kɔ́ɔ̄ɓē sejí.

PILIPƏ 4:8

Tām̄ yā gotə najə̄ gə̄ malang tə́ ɓáa ngákó̰ó̰ḿ gə̄, yá̰a̰ malang ń i yá̰á̰ kə́ majə ō, i yá̰á̰ kə́ to kadə̄ deē tɔ̄ȳsí loon tə́ ō, i yá̰á̰ kə́ rɔ̄kum ō, i yá̰á̰ kə́ to kadə̄ deē ɓōĺ gidə ō, i yá̰á̰ kə́ gō tə́ ō, i yá̰á̰ kə́ unjə̄ njáý njáý ō, i yá̰á̰ kə́ nel̄ deē ō, i yá̰á̰ kə́ to rɔȳ ō ní, ādī gír̄ yāsí malang i dɔ tə́.

1 PIYER 2:12

Ādī háĺsí majə dɔ dán de kə́ ndágá gə̄ tə́. I beé tá, ká ré nin̄-tetən̄ najə̄ dɔsí tə́ na sḭḭ̄ na i ngé rāā yá̰a̰ majaĺ gə̄ gə̄gē anī, a a̰a̰n̄ yá̰á̰ kə́ majə gə̄ ń sḭḭ̄ ī-rāāī ní ō, a tɔ̄ȳn̄ Nə́ɓā ndɔ̄ ń ni-reē go̰ō̰ńdə́ tə́ ní ō.