Makətūbə̄ ń Pol ndang adə̄ Rom gə̄ ní 14:17 - Bibəl ta Sar̄

¹⁷ Tɔdɔ̄ najə̄ Ɓē ko̰o̰ yā Nə́ɓā i najə̄ kə́ dɔ yá̰a̰ kəsa tə́ aĺ ō, yá̰a̰ ka̰ȳ tə́ aĺ ō, ba i najə̄ yá̰á̰ kə́ gōtə́ ō, kem sɔl̄ lɔm ō, rɔ̄nel̄ kə́ Ndíĺ kə́ Táĺ adə̄ ní.

Bible sar

¹⁷ Tɔdɔ̄ najə̄ *Ɓē ko̰o̰ yā Nə́ɓā i najə̄ kə́ dɔ yá̰a̰ kəsa tə́ aĺ ō, yá̰a̰ ka̰ȳ tə́ aĺ ō, ba i najə̄ yá̰á̰ kə́ gōtə́ ō, kem sɔl̄ lɔm ō, rɔ̄nel̄ kə́ *Ndíĺ kə́ Táĺ adə̄ ní.

Makətūbə̄ ń Pol ndang adə̄ Rom gə̄ ní 14:17 Referans Kwoze

Makətūbə̄ ń Pol ndang adə̄ Rom gə̄ ní 15:13

Ādə̄ Nə́ɓā kə́ nge rāā kadə̄ de gə̄ əndān̄ kemdə́ dɔ yá̰á̰ tə́ adə̄sí rɔ̄nel̄ ō, kem sɔl̄ lɔm ō, kə́ majə ɔtə̄ kə taá, kə ta kūl̄ taā ń sḭḭ̄ ī-taāī kemən ní, yā kadə̄ kəndā kem dɔ yá̰á̰ tə́ yāsí i kəndā kem dɔ yá̰á̰ tə́ ngá̰ý kə ta kūl̄ tɔ́gə yā Ndíĺ kə́ Táĺ.

MATIYE 6:33

Yá̰á̰ ń kadə̄ ə̄ndāī kumsí gō tə́ ngá̰ý ī-sāāī ta kəga dɔ bang ní, i Ɓē ko̰o̰ yā Nə́ɓā ō, i háĺ kə́ súmūú ń ni-gḛy ní ō. Gō tə́ anī Nə́ɓā a adə̄sí yá̰a̰ gə̄ ń noō malang dɔ tə́ ɓáý.

1 KORḚNTƏ 4:20

Tɔdɔ̄ Ɓē ko̰o̰ yā Nə́ɓā i kɔr̄ najə̄ alé, ba i tɔ́gə.

1 KORḚNTƏ 8:8

I yá̰a̰ kəsa n a aw̄ sejí rɔ̄ Nə́ɓā tə́ ngɔr ní alé. Ré j-əsaī yá̰a̰ aĺ anī, j-a jə-tḭ̄ḭ̄ ta yá̰á̰ kógə̄ḿ aĺ ō, ré j-əsaī yá̰a̰ anī j-a j-əngeī yá̰á̰ kógə̄ḿ aĺ ō.

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,

Makətūbə̄ ń Pol ndang adə̄ Rom gə̄ ní 8:6

Yá̰á̰ ń dā̰ rɔ̄ ndigə ní a ojə i yo, ba yá̰á̰ ń Ndíĺ kə́ Táĺ ndigə ní, a ojə i ndi kə kumuú ō, kem sɔl̄ lɔm ō.

1 TESALONIK 2:12

J-ɔjə̄sí ō, jə-sɔl̄ kemsí ō, jə-rāāsí ɓɔ́ kadə̄ háĺsí ndetə naā kə ɓāŕ ń Nə́ɓā ɓāŕsí kadə̄ údiī kem Ɓē ko̰o̰ yān tə́ ō, kɔsə gɔn yān tə́ ō ní.

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

PILIPƏ 3:9

Ɓoo naā yājí seneé i ɓoo naā kə́ líbə́ri a mān̄ mbo̰ō̰ tə́ alé. Loo ń noō tə́ m̄-tél de kə́ nge rāā yá̰á̰ kə́ gō tə́ ta kum Nə́ɓā tə́, i kə ta kūl̄ rāā kə́ m̄-rāā yá̰a̰ gə̄ ń ndū najə̄ yā Nə́ɓā əda ní to̰ alé, ba i kə ta kūl̄ taā kə́ m̄-taā kem Kərist. Yá̰á̰ kə́ gōtə́ ń noō i yā Nə́ɓā. I deē ń taā kem ní n Nə́ɓā rāān de kə́ gōtə́ tə́ ní.

1 KORḚNTƏ 6:9

De kə́ súmūú aĺ gə̄ a əngen̄ loo kem Ɓē ko̰o̰ yā Nə́ɓā tə́ aĺ ní ī-gerī aĺ a? Ī-lōōī kadə̄ síndə̄sí! Ngé sāā naā loo kaya tə́ gə̄ ō, ngé rāā ɓesə̄ gə̄ ō, ngé rāā rāȳ gə̄ ō, dəngam gə̄ kə́ ngé ɓīī kə dəngam madə̄də́ gēé ō,

JA̰A̰ 3:3

Anī Jeju tél ədan na: Ādə̄ m-ə́daī najə̄ kə́ bo ngá̰ý, ré tél ojən̄ deē gogə́ rang aĺ anī, kɔ́ɔ̄ a asə ka̰a̰ Ɓē ko̰o̰ yā Nə́ɓā alé.

KƏLA RĀĀ 13:52

Ba ngé ndóō yá̰a̰ gə̄ kə́ A̰tiyos tá rɔ̄də́ nel̄də́ ngá̰ý ō, Ndíĺ kə́ Táĺ rosə kemdə́ ō.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

PILIPƏ 4:7

Anī kem sɔl̄ lɔm yā Nə́ɓā ń tɔȳ yá̰a̰ malang ń deē asə ger̄ ní, a ngɔ̄m̄ ngarān̄g kemsí ō, gír̄ yāsí ō, loo ɓoo naā yāsí tə́ kə Jeju Kərist.

KOLOSƏ 1:11

Tɔ́gə yān kə́ to kɔsə gɔn a rāā sesí kə ngangāá ngá̰ý kadə̄ ə́hɔīń rɔ̄sí tɔgə ō, ī-tə́gāiń tasí ō, tū yá̰a̰ gə̄ tə́ malang.

PILIPƏ 4:4

Ī-rāāī rɔ̄nel̄ kə ndɔ̄ gə̄ najə̄ ɓoo kə́ ī-ɓooī naā kə Kɔ́ɔ̄ɓēé tə́. m̄-tél m-ə́dásí to̰: Ī-rāāī rɔ̄nel̄!

JA̰A̰ 3:5

Anī Jeju tél ədan na: Ādə̄ m-ə́daī najə̄ kə́ bo ngá̰ý, ré ojən̄ deē kə maná aĺ ō, kə Ndílí aĺ ō anī, kɔ́ɔ̄ asə kudə kem Ɓē ko̰o̰ yā Nə́ɓā tə́ alé.

MATIYE 3:2

tɔdɔ̄ Ɓē ko̰o̰ kə́ dɔ rā̰ tə́ reē ngɔr rɔ̄sí tə́.

1 PIYER 1:8

Jeju ngeé ń toō ní kumsí a̰a̰n alé, banī sḭḭ̄ ī-tárniī. Ngɔlaā ní kumsí a̰a̰n alé ɓá tā, banī sḭḭ̄ ī-taāī kemən. I tām̄ najə̄ ń toō tə́ n rɔ̄sí nel̄sí ngá̰ý ní, ba rɔ̄nel̄ ní i ngá̰ý al̄ naā, adə̄ i kə́ dum̄ kəda.

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

PILIPƏ 2:1

Taā ń ī-taāī kem Kərist ní rāā adə̄ tɔ́gə́sí tɔȳ kə́ kété ō, táŕ ń ni-táŕsí ní rāā adə̄ tɔ́gə́sí to ō, kemsí i kógə̄ḿ kə Ndíĺ kə́ Táĺ ō, ī-rāāī tɔdɔ̄ naā ō, ī-rāāī kem majə kə naá ō.

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

HEBƏRO 13:9

Ī-lōōī kadə̄ yá̰á̰ ndóō kə́ mbā kə́ gíŕdə́ i dáńg dáńg gə̄, rāān̄sí ādī ndúmī ta róbə. Kadə̄ kem majə kə́ Nə́ɓā rāā sejí n adə̄jí tɔ́gə ní, i yá̰á̰ kə́ majə, tɔȳ kadə̄ i ndū najə̄ gə̄ dɔ yá̰a̰ kəsa tə́. Ngé gə̄ ń unən̄ gō ndū najə̄ kə́ dɔ yá̰a̰ kəsa gə̄ tə́ ní əngen̄ yá̰á̰ kógə̄ḿ gírí alé.

1 TESALONIK 1:6

Ba sḭḭ̄ ī-téliī ngé ndájə̄jí gə̄ ō, ngé ndájə̄ Kɔ́ɔ̄ɓē gə̄ ō, tām̄ ī-ndigiī najə̄ yā Nə́ɓā dan wur kɔl kə́ ngá̰ý tə́, kə ta kūl̄ rɔ̄nel̄ yā Ndíĺ kə́ Táĺ.

1 KORḚNTƏ 1:30

Banī Nə́ɓā ɓoosí naā tə́ kə Jeju Kərist ō, ni-rāā Kərist ní i kum kedə̄ yājí kə́ ḭḭ rɔ̄ Nə́ɓā tə́ ō, yá̰á̰ kə́ gōtə́ yājí tə́ ō, kə́ kɔr̄ kam̄ tām̄ yā Nə́ɓā yājí tə́ ō, gān̄g dɔ yājí tə́ ō.

KƏLA RĀĀ 9:31

Adə̄ Egəlijə ndi lɔm gō nang malang kə́ Jude tə́ ō, Galile tə́ ō, Samari tə́ ō. Nin̄-əngen̄ tɔ́gə ō, ɓōlə́n̄ Ndíĺ Kɔ́ɔ̄ɓē ō, kutədə́ reē kə̄ dɔ madə̄ tə́ kə ta kūl̄ Ndíĺ kə́ Táĺ ń i nge rāā sedə́ ní ō.

JA̰A̰ 16:33

M-ə́dásí yá̰a̰ gə̄ ń toō i yā kadə̄ loo ɓoosí naā seḿ tə́ ní, sḭḭ̄ i kə kem sɔl̄ lɔmɔɔ́. Wur kɔl əsō dɔsí tə́ dɔ nang tə́ laā ba əhɔī rɔ̄sí tɔgə, tɔdɔ̄ m̄-tetə de kə́ dɔ nang tə́ gə̄ rɔ̄ɔ̄ kɔ̄ɔ́.

IJAI 55:12

Ā ī-teēī kɔ̄ɔ́ kem ɓē kə́ Babilon tə́ i kə rɔ̄nelēé ō, a télən̄ yā kaw̄ sesí gogə́ ɓēé loosí i kə kem kə́ sɔl̄ lɔmɔɔ́ ō. Dan ń ā ī-mānī anī, mbal̄ bo gə̄ ō, ngán mbal̄ gə̄ ō, a urən̄ kɔĺ rɔ̄nel̄. Kāgə̄ kə́ bembeé gə̄ malang a əndan̄ jīdə́ gíŕsí tə́.

Najə̄ kə́ Majə yā Jeju ń Luk ndang ní 14:15

Dan ń deē kógə̄ḿ kə́ dan ngé gə̄ ń mērə̄n̄də́ loo kaw̄ kəsa yá̰á̰ tə́ ní oō tītə̄ ń noō anī, əda Jeju na: Rɔ̄nel̄ i kə deē ń a əsa yá̰a̰ kem Ɓē ko̰o̰ yā Nə́ɓā tə́ ní.

IJAI 45:24

Deē a ənge yá̰a̰ rāā kə́ gōtə́ ō, tɔ́gə ō, i rɔ̄ Kɔ́ɔ̄ɓē tə́ ngóy. De gə̄ malang ń rɔ̄ɔ̄mə̄n̄ ní, a reēn̄ rɔ̄ḿ tə́ kə rɔ̄sɔl̄ kə́ ngá̰ý.

2 PIYER 1:1

I mā Simo̰ Piyer ń i nge kəla yā Jeju Kərist ō, ngōmbang kəla yān ō ní n m̄-ndang makətūbə̄ ń toō m-ə́lań m-ādə̄ ngé gə̄ ń əngen̄ taā kem kə́ gātə̄n i ngá̰ý tītə̄ yājí, kə ta kūl̄ kəla kə́ gōtə́ yā Nə́ɓā yājí ō, Jeju Kərist nge kajəjí ō ní.

DANIEL 9:24

Gāngə̄n̄ ɓāl̄ sīrí dɔ gír deē yāí gə̄ tə́ ō, dɔ ɓē yāí kə́ táĺ tə́ ō, yā rāań kadə̄ gír mbātə́ najə̄ gān̄g, kadə̄ gír rāā yá̰á̰ kə́ majaĺ gān̄g ō, kadə̄ Nə́ɓā mā̰yń rɔ̄n dɔ majaĺ gə̄ tə́ ō, kadə̄ yá̰á̰ kə́ gōtə́ kə́ ngándáńg ɔjəń rɔ̄n kə̄ ndágá ō, kadə̄ yá̰á̰ kə́ ka̰ā̰ ō najə̄ ń nge koō ta əda ní ō reē udən̄neé gíŕ kə́ rɔ̄ tə́ ō, kadə̄ urən̄neé yibə̄ dɔ loo kə́ táĺ ngá̰ý tə́ ō.

IJAI 32:17

Yá̰á̰ kə́ gōtə́ a ojə kem sɔl̄ lɔm, ni a reē kə ndi lápə́yaá ō, kə ndi kanjə̄ sōl̄ yá̰á̰ kógə̄ḿ ō, kə́ njɔ́ḿ gə̄ tə́ ō.