Makətūbə̄ ń Pol ndang adə̄ Rom gə̄ ní 14:15 - Bibəl ta Sar̄

¹⁵ Ré yá̰á̰ ń ə́sá ní rāā adə̄ rɔ̄ ngōkó̰ó̰í nelə̄n aĺ anī, yá̰á̰ ń ī-rāā noó i kə tárá to̰ alé. I beé ní, ī-lōō kadə̄ ngōkó̰ó̰í ń Kərist oy tām̄ yān tə́ ní udə kɔ̄ɔ́ najə̄ yá̰a̰ kəsa tə́ ngóy.

Bible sar

¹⁵ Ré yá̰á̰ ń ə́sá ní rāā adə̄ rɔ̄ ngōkó̰ó̰í nelə̄n aĺ anī, yá̰á̰ ń ī-rāā noó i kə tárá to̰ alé. I beé ní, ī-lōō kadə̄ ngōkó̰ó̰í ń *Kərist oy tām̄ yān tə́ ní udə kɔ̄ɔ́ najə̄ yá̰a̰ kəsa tə́ ngóy.

Makətūbə̄ ń Pol ndang adə̄ Rom gə̄ ní 14:15 Referans Kwoze

GALATƏ 5:13

Sḭḭ̄ ngákó̰ó̰ḿ gə̄, Nə́ɓā ɓāŕsí i kadə̄ sḭḭ̄ i kɔ́ɔ̄ rɔ̄sí gə̄. Ɓá tā ba, ī-lōōī kun kɔ́ɔ̄ rɔ̄ɔ̄ ní kutəń gidə rɔ̄sí ba rāań yá̰á̰ ń dā̰ rɔ̄sí gḛy ní. Banī ī-rāāī kəla ādī naā kə tárá.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

1 KORḚNTƏ 8:1

Ń toō ɓáa ādə̄ j-əndāī ma̰ȳ najə̄ yā dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní. Sḭḭ̄ ə́daī na jḭḭ̄ malang na i ngé ger̄ yá̰a̰ gə̄. Nge ń noō i najə̄ kə́ rɔ̄kum. Ba ger̄ yá̰a̰ i yá̰á̰ kə́ a rāā kadə̄ deē a ɔjə rɔ̄n, banī tár i yá̰á̰ kə́ a rāā kə deé kadə̄ aw̄ kum kə̄ kété.

Makətūbə̄ ń Pol ndang adə̄ Rom gə̄ ní 15:2

Majə kadə̄ jḭḭ̄ kógə̄ḿ kógə̄ḿ ní jə-sāāī i rāā yá̰á̰ kə́ kadə̄ nel̄ madə̄jí tām̄ yā majə yān tə́ ō, tām̄ yā kadə̄ ni-taāń kem kum kə̄ kété kété ō.

Makətūbə̄ ń Pol ndang adə̄ Rom gə̄ ní 14:20

Ī-lōō nujə kəla yā Nə́ɓā najə̄ yá̰a̰ kəsa tə́. I rɔ̄kum kadə̄ deē asə kəsa yá̰á̰ malang ɓá tā, ba ré yá̰a̰ kəsa rāā adə̄ ngōkó̰ó̰í əsō kum yá̰a̰ rāā kə́ gōtə́ aĺ tə́ anī, ḭ̄ ń ə́sá ní ī-rāā i yá̰á̰ kə́ majaĺ.

1 JA̰A̰ 2:2

Ni-tun̄ yá̰a̰ i tām̄ majaĺ yājí gə̄ tə́. Ba tun̄ yá̰a̰ yān ní i tām̄ majaĺ yājí jḭḭ̄ gə̄ tə́ ngóy alé, ba i tām̄ majaĺ yā de gə̄ malang kə́ dɔ nang tə́ ō.

1 KORḚNTƏ 13:1

Ká ré m-ɔ̄rəń i ta yā de kə́ dɔ nang tə́ gə̄ ō, yā de kə́ dɔ rā̰ tə́ gə̄ ō, ba m̄-tár aĺ anī, najə̄ kɔrə̄ḿ gə̄ ton̄ i tītə̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ beé, aláa i tītə̄ kōō ɓɔ kə́ ɓār̄ beé.

Makətūbə̄ ń Pol ndang adə̄ Rom gə̄ ní 13:10

De kə́ tár madə̄n a rāā yá̰á̰ kə́ majaĺ seneé alé. Adə̄ deē ń tár madə̄n ní, rāā i yá̰a̰ ń ndū najə̄ ɔjə ní kə taá malang.

EJEKIEL 13:22

De gə̄ ń kété nin̄ i ngé rāā yá̰á̰ kə́ gōtə́ gə̄ ní, sḭḭ̄ ɔ̄rī tɔ́gə́də́ kɔ̄ɔ́ kə ta kūl̄ najə̄ kə́ sor̄ yāsí gēé, banī mā m̄-gḛy rāādə́ yá̰á̰ kə́ majaĺ alé. Sḭḭ̄ ə́laī go̰ kem de kə́ majaĺ gə̄ tə́ adə̄ nin̄ nan̄neé kə̄ loo rāā háĺ kə́ majaĺ yādə́ tə́ kadə̄ oynə̄ń.

2 PIYER 2:1

Ngé koō ta kə́ rɔ̄kum aĺ gə̄ ton̄ dan gír de gə̄ yā Nə́ɓā tə́ kété, adə̄ ngé ndóō de gə̄ yá̰á̰ kə́ rɔ̄kum aĺ gə̄ a ton̄ dɔ dáńsí tə́ ō. Nin̄ a udən̄ dansí tə́ yā ndóō de gə̄ yá̰á̰ kə́ rɔ̄kum aĺ gə̄ ō, yá̰á̰ kə́ majaĺ ngá̰ý gə̄ ō, loo mundə̄ tə́ jəke. Ngoldə́ ń gān̄g dɔdə́ ní gə̄gē nin̄-aw̄n̄ bátə́ mbātə́nən̄ kɔ̄ɔ́. Nin̄-ndɔ́rə̄n̄ kudə kɔ̄ɔ́ reēn̄neé dɔ rɔ̄də́ nin̄ kɔ́ gə̄ tə́, ba kudə kɔ̄ɔ́ yādə́ ní a ɔr bā̰ā̰ alé.