Makətūbə̄ ń Pol ndang adə̄ Rom gə̄ ní 14:13 - Bibəl ta Sar̄

¹³ Ní, ādī jə-gāngī sarya dɔ naā tə́ to̰ aĺ tā. Ré yá̰á̰ kə́ kadə̄ ī-gāngī najə̄ dɔ tə́ to ɓáa, i nge ń toō: Ī-lōōī rāā yá̰á̰ kógə̄ḿ kə́ kadə̄ rāā ngōkó̰ó̰sí kadə̄ teē əsō, aláa əgan bə̄dē tə́.

Bible sar

¹³ Ní, ādī jə-gāngī sarya dɔ naā tə́ to̰ aĺ tā. Ré yá̰á̰ kə́ kadə̄ ī-gāngī najə̄ dɔ tə́ to ɓáa, i nge ń toō: Ī-lōōī rāā yá̰á̰ kógə̄ḿ kə́ kadə̄ rāā ngōkó̰ó̰sí kadə̄ teē əsō, aláa əgan bə̄dē tə́.

Makətūbə̄ ń Pol ndang adə̄ Rom gə̄ ní 14:13 Referans Kwoze

2 KORḚNTƏ 6:3

Jə-sāā kadə̄ deē əda najə̄ kə́ majaĺ dɔ kəla rāājí tə́ alé. I tām̄ najə̄ ń noō tə́ n jə-sāań rāā yá̰á̰ kə́ kadə̄ deē əngeń ta róbə kəda najə̄ kə́ majaĺ aĺ ní.

JAKƏ 4:11

Ngákó̰ó̰ḿ gə̄, ī-lōōī kəda najə̄ kə́ majaĺ dɔ naā tə́. Nge ń əda najə̄ kə́ majaĺ dɔ ngōkó̰o̰n tə́ anī, əda najə̄ kə́ majaĺ i dɔ ndū najə̄ tə́ ō, gān̄g i sarya dɔ tə́ ō. Ba ré ī-gān̄g sarya dɔ ndū najə̄ tə́ anī, ḭ̄ i nge ngɔ̄m̄ ndū najə̄ to̰ alé, banī ḭ̄ i nge gān̄g sarya.

Najə̄ kə́ Majə yā Jeju ń Luk ndang ní 12:57

Yá̰á̰ ń i yá̰á̰ kə́ gōtə́ ní sḭḭ̄ kɔ́ gə̄ kə dɔsí á̰a̰ ī-gerī kadə̄ ə́daī aĺ i tām̄ rí tə́?

MATIYE 7:1

Ī-gāngī sarya dɔ madə̄sí gə̄ tə́ alé, yā kadə̄ Nə́ɓā gāngəń sarya dɔsí tə́ aĺ ō.

IJAI 57:14

Kɔ́ɔ̄ɓē əda na: Ī-rāāī róbə ādə̄ tél majə gogə́, ī-njariī róbə́ láẃ, yá̰a̰ gə̄ kə́ dɔ róbə yā gír deē yāḿ gə̄ tə́ kə́ a ɔgə̄ deē mān̄ gə̄ ní, ī-ró̰yīdə́ kɔ̄ɔ́.

Makətūbə̄ ń Pol ndang adə̄ Rom gə̄ ní 16:17

Ngákó̰ó̰ḿ gə̄, m-ɔ̄jə̄sí kadə̄ ī-ngɔ̄mī rɔ̄sí najə̄ yā ngé gán̄g de gə̄ naā tə́ ń nin̄ i ngé rāā yá̰a̰ gə̄ kə́ əgan̄ de gə̄ bə̄dē tə́ ní ō, ngé mbātə́ kun gō yá̰á̰ ndóō ń ndóōn̄sí ní ō. Əya̰īdə́ ba āwī sa̰y kɔ̄ɔ́ rɔ̄də́ tə́.

Makətūbə̄ ń Pol ndang adə̄ Rom gə̄ ní 14:10

Ba ḭ̄, yāí ń ā ī-gāngəń sarya dɔ ngōkó̰ó̰í tə́ ní na i rí? Tá ḭ̄, yāí ń ā ídəń taí gír ngōkó̰ó̰í tə́ ní na i rí? Jḭḭ̄ malang, j-a j-awī yā ra no Nə́ɓā tə́, kadə̄ ni a gān̄g sarya dɔjí tə́.

Najə̄ kə́ Majə yā Jeju ń Luk ndang ní 17:2

I só tə́ ngá̰ý tām̄ yān tə́ kadə̄ do̰ō̰n̄ mbal̄ riī yá̰á̰ kə́ bo míndən tə́, ba bḭ́ḭ̄ ənīnən̄ kum bā bo tə́ kɔ̄ɔ́, tɔȳ kadə̄ ni-rāā adə̄ de kə́ kógə̄ḿ beē kə́ dan de kə́ dūú gə̄ ń toō tə́ əsō sɔɔ̄ ń dɔ hálən ō, najə̄ kə́ tan tə́ ō.

JEJU TEĒ KUM JA̰A̰ 2:14

Ba yá̰á̰ ń mā m̄-mbātə́ gōí tə́ sḛ́ý ní, i de kə́rēý gə̄ kə́ ɓēé looí kə́ əhɔn̄ gō yá̰á̰ ndóō yā Balam. Tɔdɔ̄ Balam ɔjə Balak kadə̄ əyā gūmbə̄ no ngán Israel gə̄ tə́ yā səlāńdə́ kadə̄ əsan̄ dā̰ kə́ tɔ̄l̄ ba tun̄ kadə̄ ɓesə̄ gə̄ ō, kadə̄ rāān̄ ájə́ba ō.

JAKƏ 2:4

Ré ī-rāāī tītə̄ ń noō anī, sḭḭ̄ i ngé kɔr̄ kam̄ de gə̄ aĺ a? Ī-téliī i de kə́ ngé gān̄g sarya gə̄ kə́ gír̄ kə́ kemdə́ tə́ i kə́ majaĺ aĺ a?

1 KORḚNTƏ 11:13

Sḭḭ̄ kɔ́ gə̄ ī-gāngī najə̄ ń toō: Kadə̄ de kə́ dəyá̰ ndɔ̄ȳ Nə́ɓā kanjə̄ seĺ kūbə̄ dɔn tə́ ní, i yá̰á̰ kə́ əhɔ naā majə a?

1 KORḚNTƏ 10:32

Ī-lōōī rāā yá̰á̰ kógə̄ḿ kə́ kadə̄ Jipə gə̄, aláa Gərek gə̄, aláa Egəlijə yā Nə́ɓā a̰a̰n̄ anī əsōn̄.

Makətūbə̄ ń Pol ndang adə̄ Rom gə̄ ní 14:4

Ḭ̄ i náā kadə̄ ī-gān̄g sarya dɔ nge kəla yā madí tə́ ní? Ká ré nge kəla ní əsō aké, əsō aĺ anī, usiī alé, tɔdɔ̄ nge ń noō sɔɔ̄ i kɔ́ɔ̄n. Banī ni a ra dɔɔ́ ngan̄g, tɔdɔ̄ Kɔ́ɔ̄ɓē asə rāān kadə̄ ra dɔɔ́ karī.

MATIYE 18:7

Rɔ̄ ndoō i kə de kə́ dɔ nang tə́ gə̄ tām̄ rāā ń nin̄-rāān̄ madə̄də́ gə̄ adə̄ tə́sōn̄ kum majaĺ tə́ ní. I gáŕ kadə̄ ngé rāā de gə̄ beé ndin̄ dan madə̄də́ gə̄ tə́ ɓá tā, ba rɔ̄ ndoō i yā deē ń a rāā yá̰a̰ adə̄ yá̰á̰ kə́ beé rāań yá̰á̰ ní.

MATIYE 16:23

Anī Jeju tūr̄ rɔ̄n ba əda Piyer na: Sətan, ī-tél kɔ̄ɔ́ gōḿ tə́! Ḭ̄ i bə̄dē kə́ əga njaḿ kadə̄ m-ə̄sō. Tɔdɔ̄ gír̄ kə́ kemií tə́ i gír̄ yā Nə́ɓā alé, ba i gír̄ yā de gə̄.

1 JA̰A̰ 2:10

Deē ń tár ngōkó̰o̰n ní ndi i kum loo kə́ unjə̄ kow tə́, adə̄ yá̰á̰ kə́ tītə̄ bə̄dē kə́ kadə̄ əga deē kadə̄ əsō gətóo kemən tə́.

1 TIMOTE 5:14

Adə̄ dəyá̰ kə́ ngaa koy kə́ na̰y mandə ɓáý gə̄ ní, m̄-gḛy kadə̄ táān̄ dəngam gə̄ ō, ojən̄ ngán gə̄ ō, əndān̄ kumdə́ gír de kə́ kem kújə yādə́ gə̄ tə́ majə ō. I beé tá nin̄ a adə̄n̄neé ngé rɔ̄ɔ̄ sejí gə̄ ta róbə kəda najə̄ kə́ majaĺ dɔjí tə́ alé.

PILIPƏ 1:10

kadə̄ ásiīneé gə̄rā yá̰á̰ kə́ majə. Loo ń noō tə́ ndɔ̄ yā Kərist tə́ anī ā ūnjī njáý njáý ō, sḭḭ̄ i de kə́ kanjə̄ najə̄ dɔsí tə́ gə̄ ō.

2 KORḚNTƏ 5:14

Tɔdɔ̄ tár yā Kərist o̰o̰ ɓē dɔjí tə́, jḭḭ ń jə-ger̄ majə ngá̰ý kadə̄ de kə́ kal kógə̄ḿ beē oy tām̄ yā de kə́ ngá̰ý gə̄ tə́ ní. Kumən na nin̄ malang oyn̄ seneé.

Makətūbə̄ ń Pol ndang adə̄ Rom gə̄ ní 11:9

Dabid əda yān ō na: Kadə̄ yá̰a̰ kəsa yādə́ tél i gūmbə̄ kə́ kadə̄ əhɔdə́ ō, réng ō, mbḛ̄ kə́ kadə̄ tə́sōn̄ kemeé ō, yá̰á̰ kə́ tōr̄ kə́ kadə̄ rāādə́ ō.

2 SAMUEL 12:14

Ba yá̰á̰ ń ī-rāā ní adə̄ madə̄ ba̰ā̰ Kɔ́ɔ̄ɓē gə̄ ta róbə́ kídə̄n. Adə̄ ngōn̄ ń ójə́ ní a oy.

EJEKIEL 14:3

Ḭ̄ ngōn̄ deē, ōō! De gə̄ ń noō aw̄n̄ kə nə́ɓā yādə́ kə́ rɔ̄kum aĺ gə̄ ngarā̰ kemdə́ tə́ noō. Kemdə́ gḛy yá̰á̰ ń na rāādə́ adə̄ a tə́sōn̄ kum majaĺ tə́ ní ngá̰ý. Ní kə m-ə́ya̰ rɔ̄ḿ kadə̄ kə dəjemə̄n̄ najə̄ a?

LEBI GƏ̄ 19:14

Ī-tájə̄ mbíkī aĺ ō, ī-bāa róbə yā nge kum tɔ̄ɔ̄ aĺ ō. Loo ɓōĺ ndíĺ Nə́ɓā yāí n noó. Mā i Kɔ́ɔ̄ɓē.

Makətūbə̄ ń Pol ndang adə̄ Rom gə̄ ní 14:3

Ní, ādə̄ nge ń əsa ní lōō kidə tan gír nge ń əsa aĺ tə́ ní ō, ādə̄ nge ń əsa aĺ ní lōō gān̄g sarya dɔ nge ń əsa tə́ ní ō, tɔdɔ̄ Nə́ɓā əhɔn kə̄ rɔ̄n tə́ kɔ̄ɔ́.