Makətūbə̄ ń Pol ndang adə̄ Rom gə̄ ní 14:1 - Bibəl ta Sar̄

¹ Deē ń i kə́ mbūsə̄ tū taā kem yān tə́ aĺ ɓáý ní, ə́hɔin̄ kə̄ rɔ̄sí tə́ kanjə̄ tə́da najə̄ dɔ gír̄ yān gə̄ tə́.

Bible sar

¹ Deē ń i kə́ mbūsə̄ tū taā kem yān tə́ aĺ ɓáý ní, ə́hɔin̄ kə̄ rɔ̄sí tə́ kanjə̄ tə́da najə̄ dɔ gír̄ yān gə̄ tə́.

Makətūbə̄ ń Pol ndang adə̄ Rom gə̄ ní 14:1 Referans Kwoze

Makətūbə̄ ń Pol ndang adə̄ Rom gə̄ ní 15:1

Jḭḭ̄ ń jə-raī ngan̄g dɔ taā kem yājí tə́ ní, majə kadə̄ jə-rāāī kə ngé gə̄ ń tɔ́gə́də́ gətóo ní, bā jə-lōōī sāā rāā yá̰á̰ kə́ kadə̄ nel̄jí jḭḭ̄ kɔ́ gə̄.

1 KORḚNTƏ 9:22

Dan de kə́ tɔ́gə́də́ gətóo gə̄ tə́ anī, m̄-ndi tītə̄də́ yā kəngeńdə́. Adə̄ m̄-rāā rɔ̄ḿ yá̰a̰ malang tām̄ yādə́ tə́ malang, yā kadə̄ m-ájəń de kə́rēý gə̄ dandə́ tə́.

Makətūbə̄ ń Pol ndang adə̄ Rom gə̄ ní 15:7

I beé ní ə́hɔī naā kə̄ rɔ̄sí tə́ tītə̄ ń Kərist nəkɔ́ əhɔńsí kə̄ rɔ̄n tə́ ní ɔ́siīń gɔn Nə́ɓā.

Makətūbə̄ ń Pol ndang adə̄ Rom gə̄ ní 14:21

Yá̰á̰ kə́ majə ní, i kadə̄ ī-lōō gír kəsa dā̰ tə́ ō, ka̰ȳ kasə nduú tə́ ō, ī-lōō gíŕ yá̰á̰ malang ń a rāā kadə̄ ngōkó̰ó̰í əsō kum majaĺ tə́ ní.

2 JA̰A̰ 1:10

Ré de kə́rēý reē rɔ̄sí tə́ ba i kə yá̰á̰ ndóō ń toō aĺ anī, ə́hɔniī kə̄ rɔ̄sí tə́ kem kújə yāsí tə́ aĺ ō, ī-rāāniī lápə́ya aĺ ō.

Makətūbə̄ ń Pol ndang adə̄ Rom gə̄ ní 4:19

Abəraham i de kə́ ɓālə̄n asə yá̰á̰ kə́ ɓú ń noō. Ni tɔgə kə́ to kojə ngōn̄ to̰ aĺ ō, nə̄yá̰n Sara to kojə ngōn̄ to̰ aĺ ō. Rɔ̄də́ ndəlē kɔ̄ɔ́.

Najə̄ kə́ Majə yā Jeju ń Luk ndang ní 17:2

I só tə́ ngá̰ý tām̄ yān tə́ kadə̄ do̰ō̰n̄ mbal̄ riī yá̰á̰ kə́ bo míndən tə́, ba bḭ́ḭ̄ ənīnən̄ kum bā bo tə́ kɔ̄ɔ́, tɔȳ kadə̄ ni-rāā adə̄ de kə́ kógə̄ḿ beē kə́ dan de kə́ dūú gə̄ ń toō tə́ əsō sɔɔ̄ ń dɔ hálən ō, najə̄ kə́ tan tə́ ō.

MATIYE 14:31

Jeju əla jīn əhɔnneé kə̄ ta jī tə́ beé, ba ədan na ni na i nge taā kem kə́ mámák alé, ké kemən tɔ́sə̄n i tām̄ rí tə́ wa.

MATIYE 12:20

A tetə tə̄ɓā kə́ rugə aĺ ō, a tɔ̄l̄ hor ń a o̰o̰ njḛḛ tū lámbá tə́ ní aĺ ō, bátə́ kadə̄ ni-rāań kadə̄ yá̰á̰ kə́ gōtə́ tetə rɔ̄ɔ̄.

IJAI 42:3

Ni-tetə mu tə̄ɓā kə́ rugə alé. Ta ndo̰ hor kə́ tɔ́gən gətóó ń a o̰o̰ ɓáý ní, ni tɔ̄l̄ alé. Banī ni-rāā adə̄ de gə̄ gerə̄n̄ yá̰á̰ kə́ súmūú rɔ̄kum.

IJAI 40:11

Ni ngɔ̄m̄ ɓūtə̄ yá̰a̰ kul̄ yān gə̄ tītə̄ nge ngɔ̄m̄ yá̰a̰ kul̄ gə̄ beé. Ni wél̄ jīn anī ɓūtə̄ yá̰a̰ kul̄ yān gə̄ kánə̄n̄ naā. Ni ətō ngán batə̄ gə̄ kem jīn tə́. Kó̰o̰ batə̄ gə̄ ń ngáńdə́ a ilən̄ mba ní, ni-njə̄rā sedə́ jəke jəke ɔrəńdə́ ta róbə.

Makətūbə̄ yā Job 4:3

Ḭ̄ i nge kɔjə kósə de gə̄ yá̰a̰, de gə̄ ń jīdə́ sār̄yā kɔ̄ɔ́ ní, ḭ̄ ī-rāā adə̄ jīdə́ tél ngan̄g gogə́ rang.

EJEKIEL 34:16

Batə̄ ń tan tḭ̄ḭ̄ ní, m-ā m-āw̄ yā ndəlen ō, nge ń əya̰ madə̄n gə̄ ba aw̄ sa̰y ní, m-ā m̄-tél yā reē seneé gogə́ ō. Nge ń njan kógə̄ḿ tetə ní, m-ā m-ɔ́rən nam̄ ō, nge ń i mo̰y ní, m-ā m̄-rāā kadə̄ ni-tél a ənge tɔ́gə gogə́ ō. Ba nge kə́ bo ō, ngan̄g ō ní, m-ā m̄-rāān kadə̄ ni a gətóo kɔ̄ɔ́. Mā i nge ngɔ̄m̄ yá̰a̰ kul̄ gə̄ ndɔ̄ń tə́ kə́ nge rāā yá̰á̰ kə́ gōtə́.

EJEKIEL 34:4

Batə̄ kə́ tɔ́gə gətóo gə̄ ní sḭḭ̄ ī-rāāīdə́ adə̄ tɔ́gə́də́ to aĺ ō, ngé kə́ mo̰y gə̄ ní, sḭḭ̄ ī-rāāīdə́ ādə̄ rɔ̄də́ ngáā aĺ ō, ngé kə́ nja tétə̄ gə̄ ní, sḭḭ̄ ɔ́riīdə́ nam̄ aĺ ō, ngé gə̄ əya̰n̄ madə̄də́ gə̄ ba aw̄n̄ sa̰y ní, sḭḭ̄ ī-tél ī-reēī sedə́ gogə́ aĺ ō, ngé gə̄ ń tadə́ tḭ̄ḭ̄ ní, sḭḭ̄ ī-ndəleīdə́ aĺ ō. Banī sḭḭ̄ ó̰o̰ḭ̄ ɓē dɔ batə̄ gə̄ tə́ kə dɔ́nɔ́ ō kə kem ngangá ō.

PILIPƏ 2:29

I beé ní ə́hɔniī kə̄ rɔ̄sí tə́ kə rɔ̄nelēé tītə̄ ngōkó̰ó̰sí, kə́ nge taā kem Kɔ́ɔ̄ɓē. Ba ī-rɔyī de kə́ tītə̄ ń noō gə̄.

JA̰A̰ 13:20

Ādə̄ m-ə́dásí najə̄ kə́ bo ngá̰ý, deē ń əhɔ deē ń m-ə́lan ní kə̄ rɔ̄n tə́ ní, əhɔm̄ i mā nəkɔ́ kə̄ rɔ̄n anī. Ba deē ń əhɔm̄ kə̄ rɔ̄n tə́ ní, əhɔ i nge ń əlam̄ ní kə̄ rɔ̄n tə́.

MATIYE 18:10

Ngáń kə́ dūú gə̄ ń toō ní ī-lōōī kídə̄ nge kógə̄ḿ dandə́ tə́. Tɔdɔ̄ ādə̄ m-ə́dásí, dɔ rā̰ tə́ ní deē yādə́ kə́ dɔ rā̰ tə́ gə̄ a ran̄ ta kum Bɔbə́ḿ kə́ ndi dɔ rā̰ tə́ tə́ i ngándáńg.

JAKARI 11:16

Tɔdɔ̄ m-ā m-ə́la kə nge kul̄ yá̰á̰ kə́ kijə kadə̄ reē kem ɓēé: Batə̄ gə̄ ń gətóon̄ kɔ̄ɔ́ ní, ni a əndā kumən gōdə́ tə́ aĺ ō, ngé gə̄ ń tadə́ tḭ̄ḭ̄ kɔ̄ɔ́ ní, ni a aw̄ ndəledə́ tə́ aĺ ō, ngé gə̄ ń əngen̄ do ní, ni a ndem̄ ta dodə́ aĺ ō, ngé gə̄ ń rɔ̄də́ ngan̄g ní, ni a adə̄də́ yá̰a̰ kəsa aĺ ō. Banī ni a əsa dā̰ ngé kə́ bo gə̄ ō, a ró̰ȳ hēl̄ njadə́ kɔ̄ɔ́ ō.

MARK 7:19

Tɔdɔ̄ ni ń toō udə i ngarān̄g kemən tə́ alé, ba aw̄ i jɔdəbon tə́, tá kadə̄ teē kɔ̄ɔ́ ta wa tə́. Dan ń Jeju əda beé ní, ɔjə kadə̄ yá̰a̰ kəsa malang i yá̰á̰ kə́ unjə̄ njáý njáý.

KƏLA RĀĀ 28:2

De kə́ tū tə́ gə̄ rāān̄ kem ndaa kə́ jóo toó deē a̰a̰ aĺ ɓáý sejí. Rāān̄ hor kə́ bo ba əhɔn̄jí kə̄ rɔ̄də́ tə́ malang kadə̄ jə-ndíbə̄, tɔdɔ̄ man̄ tetə ɓuk a edə i mbée ō, kūl̄ o̰o̰ ngá̰ý ō.

Makətūbə̄ ń Pol ndang adə̄ Rom gə̄ ní 11:15

Tɔdɔ̄ ré kɔr̄ ń ɔr̄ əndān̄də́ gidə tə́ ndágá ní rāā tá kadə̄ de kə́ dɔ nang tə́ gə̄ əsōn̄ naā tə́ kə Nə́ɓā anī, i rí n a rāā yá̰a̰ ndɔ̄ ń tél a reēn̄ sedə́ gogə́ rɔ̄ Nə́ɓā tə́ ní? Ndɔ̄ ń noō tə́ ní, de kə́ koy gə̄ a teēn̄ ɓádá yā ndi kə kumdə́.

Makətūbə̄ ń Pol ndang adə̄ Rom gə̄ ní 14:2

Deē ń i kə́ mbūsə̄ tū taā kem yān tə́ ní, ənī kemən əsań yá̰a̰ malang karī, ba nge ń ni i kə́ mbūsə̄ tū taā kem yān tə́ aĺ ní, əsa i mbī kámbə gə̄ ngóy.

Makətūbə̄ ń Pol ndang adə̄ Rom gə̄ ní 14:3

Ní, ādə̄ nge ń əsa ní lōō kidə tan gír nge ń əsa aĺ tə́ ní ō, ādə̄ nge ń əsa aĺ ní lōō gān̄g sarya dɔ nge ń əsa tə́ ní ō, tɔdɔ̄ Nə́ɓā əhɔn kə̄ rɔ̄n tə́ kɔ̄ɔ́.

1 TESALONIK 5:14

Ngákó̰ó̰jí gə̄, jə-rāāsí ɓɔ́ ba ī-gɔŕyɔ̄ī ngé yay gə̄ ō, ə́laī go̰ kem ngé ɓōĺ gə̄ tə́ ō, ī-rāāī kə ngé tɔ́gə gətóo gə̄ ō. Ī-tə́gāī tasí dɔ de gə̄ tə́ malang ō.

HEBƏRO 5:14

Ba yá̰a̰ kəsa kə́ ngan̄g i tām̄ yā de kə́ tɔ́gə gə̄ tə́. Kemdə́ nin̄-ger̄ kɔr̄ kam̄ yá̰á̰ kə́ majə naā tə́ kə yá̰á̰ kə́ majaĺ, tɔdɔ̄ nin̄-rāān̄ yá̰á̰ ń noō adə̄ gerə̄n̄.